ପୁଣେର ସିଷ୍ଟେମା ବାୟୋ ଷ୍ଟାର୍ଟଅପ୍ ବାୟୋଡାଇଜେଷ୍ଟର ମାଧ୍ୟମରେ କୃଷକମାନଙ୍କୁ ଜାଳେଣି ଗ୍ୟାସ ଯୋଗାଇ ଦେବା ସହ ପରିବେଶ ସୁରକ୍ଷାରେ ପ୍ରମୁଖ ଭୂମିକା ନେଉଛି। ଏହି ଅଭିଯାନରେ ୫,୦୦୦ କୃଷକ ଉପକୃତ ହୋଇସାରିଲେଣି। ସେମାନେ ଏଲ୍ପିଜି ବାବଦରେ ମାସକୁ ଯାହା ଖର୍ଚ୍ଚ କରୁଥିଲେ ତାହା ବହୁତ କମାଇ ପାରିଛନ୍ତି। ଏହି ବାୟୋଗ୍ୟାସ ପ୍ଲାଣ୍ଟ ଲାଗି ମାତ୍ର ୪୦,୦୦୦ ବ୍ୟୟ କରିବାକୁ ପଡୁଛି, ଯାହା ସେମାନେ ଦେଢ଼ ବର୍ଷ ମଧ୍ୟରେ ପାଇଯାଉଛନ୍ତି। ତା’ପରେ ସେମାନେ ମାଗଣାରେ ଗ୍ୟାସ ପାଉଛନ୍ତି। ମହାରାଷ୍ଟ୍ର, କର୍ନାଟକ ଓ ଗୁଜରାଟର ୫ ହଜାର କୃଷକ ଏହାକୁ ଉପଯୋଗ କରିବା ଦ୍ୱାରା ଜାଳେଣି କାଠ ବ୍ୟବହାର କମିଯାଇଛି। ଏହାଦ୍ୱାରା ପ୍ରାୟ ୬ ଲକ୍ଷ ବୃକ୍ଷର ସୁରକ୍ଷା ହୋଇପାରିଛି। ଜାଳେଣି କାଠ ନ ଜାଳିବା ଦ୍ୱାରା ଏହି ପ୍ଲାଣ୍ଟ୍ ୬୦,୦୦୦ ଟନ୍ କାର୍ବନ ଡାଇଅକ୍ସାଇଡ ବାୟୁମଣ୍ଡଳରେ ମିଶିବାକୁ ଦେଇନି ବୋଲି କହନ୍ତି ସିଷ୍ଟେମାବାୟୋର ପରିଚାଳକ ପୀୟୂଷ ସୋହାନି। ଅନ୍ୟପକ୍ଷରେ କୃଷକମାନେ ୨୩,୪୫୦ ହେକ୍ଟର ଜମି ପାଇଁ ଜୈବିକ ଖତ ମଧ୍ୟ ପାଇଛନ୍ତି। ଛୋଟ ବାୟୋଡାଇଜେଷ୍ଟର ଲାଗି ଦିନକୁ ୪୫ କେ.ଜି. ଓ ବଡ଼ ପାଇଁ ସର୍ବାଧିକ ୨ଟନ୍ ଗୋବର ଆବଶ୍ୟକ। ବ୍ୟବହୃତ ଗୋବର ବାହାର କରିବା ପାଇଁ ସ୍ବୟଂଚାଳିତ ବ୍ୟବସ୍ଥା ମଧ୍ୟ ରଖାଯାଇଛି। ଏହା ଧୂମହୀନ ଓ ସ୍ବାସ୍ଥ୍ୟ ଉପରେ ଏହାର କୌଣସି ନକାରାମତ୍କ ପ୍ରଭାବ ନାହିଁ। ମଜଭୁତ ପ୍ଲାଷ୍ଟିକ୍ ବ୍ୟାଗ୍ରେ ଗ୍ୟାସ୍ ଷ୍ଟୋର୍ କରାଯିବା ବ୍ୟବସ୍ଥା ଥିବାରୁ ବାୟୋଡାଇଜେଷ୍ଟରକୁ ଯେ କୌଣସି ସମୟରେ ସ୍ଥାନାନ୍ତର କରିହେଉଛି।
