ଇସଲାମାବାଦ୍,୧୮।୨: ପାକିସ୍ତାନ ପ୍ରଧାନମନ୍ତ୍ରୀ ଇମରାନ ଖାନ୍ଙ୍କ ଅତୀତ ତାଙ୍କ ପିଛା ଛାଡୁନି। ଏଥର ସେ ନିଜ ପ୍ରଥମ ସ୍ତ୍ରୀ ଜେମିମା ଗୋଲ୍ଡସ୍ମିଥ୍ଙ୍କ ରୋଷର ଶିକାର ହୋଇଛନ୍ତି। ଜେମିମା ଏକ ପୋଷ୍ଟର ଟୁଇଟ୍ କରି ଇମ୍ରାନଙ୍କ ଉପରେ ବର୍ଷିଛନ୍ତି। ଏହି ପୋଷ୍ଟରରେ ଇମ୍ରାନ ଏକ ଚେୟାର ଉପରେ ବସିଥିବାବେଳେ ଜେମିମା ଏବଂ ଅନ୍ୟ ଜଣେ ମହିଳାଙ୍କୁ ବୁର୍ଖା ପିନ୍ଧିଥିବାର ଦେଖାଯାଇଛି। ଏହାର କ୍ୟାପସନରେ ସେ ଉର୍ଦ୍ଦୁରେ ଲେଖିଛନ୍ତି, କିଏ ଲଲିଉଡ୍(ପାକିସ୍ତାନ ଫିଲ୍ମ ଇଣ୍ଡଷ୍ଟ୍ରୀ) ପସନ୍ଦ କରେ ନାହିଁ? ଆଜି ଜଣେ ବନ୍ଧୁ ଲାହୋରରେ ଏହି ପୋଷ୍ଟର ଲାଗିଥିବାର ଦେଖିଥିଲେ। ଯାହାର କ୍ୟାପସନ୍ ରହିଛି ତୁମେ କେମିତି କଳା ଯାଦୁ କରୁଛ? ଏହାପୂର୍ବରୁ ଇମ୍ରାନଙ୍କ ଦ୍ୱିତୀୟ ସ୍ତ୍ରୀ ରେହମ ଖାନ୍ ମଧ୍ୟ ନିଜ ପୁସ୍ତକରେ ଇମ୍ରାନଙ୍କ ଉପରେ ବର୍ଷିଥିଲେ ଏବଂ କଳା ଯାଦୁ ବିଷୟରେ ଉଲ୍ଲେଖ କରିଥିଲେ। ୨୦୧୫ରେ ଜାନୁୟାରୀରେ ଉଭୟ ବିବାହ କରିଥିଲେ ମଧ୍ୟ ଏହା ମାତ୍ର ୧୦ ମାସ ପର୍ଯ୍ୟନ୍ତ ତିଷ୍ଠି ଥିଲା। ସୂଚନାଯୋଗ୍ୟ, ଜେମିମା ଗୋଲ୍ଡସ୍ମିଥ୍ ଜଣେ ବିଦେଶୀ ମହିଳା। ୨୦୦୪ରେ ଇମ୍ରାନ ତାଙ୍କ ବିବାହ କରିଥିଲେ। ଏହାପରେ ରେହମ ଖାନଙ୍କୁ ସେ ବିବାହ କରିଥିଲେ। ତାଙ୍କୁ ଛାଡପତ୍ର ଦେବା ପରେ ସେ ବୁଶ୍ରା ବିବିଙ୍କ ହାତ ଧରିଥିଲେ।
