ଭୁବନେଶ୍ୱର, ୬ା୨ (ବ୍ୟୁରୋ): ପେଟ୍ରୋଲ, ଡିଜେଲ ଚାଳିତ ଗାଡ଼ିମୋଟରର ବ୍ୟାପକ ବ୍ୟବହାର ଯୋଗୁ ପରିବେଶ ପ୍ରଦୂଷଣ ବଢ଼ି ଚାଲିଛି। ବିଶେଷକରି ନୂଆଦିଲ୍ଲୀର ବାୟୁମଣ୍ଡଳରେ ଅମ୍ଳଜାନର ମାତ୍ରା ହ୍ରାସ ପାଇବା ସହ ଓଜୋନସ୍ତର ବଢ଼ିବାରେ ଲାଗିଛି। ପ୍ରଦୂଷଣ ବଳୟର ଅନ୍ଧକାରରେ ଅଣନିଃଶ୍ୱାସୀ ହୋଇପଡୁଛନ୍ତି ଦିଲ୍ଲୀବାସୀ। ଏହାର ପ୍ରଭାବ ମଧ୍ୟ ଦେଶ ତଥା ବିଶ୍ୱ ପରିବେଶ ଉପରେ ପଡୁଛି। ଏହି ପରିସ୍ଥିତି ଓଡ଼ିଆ ପୁଅ କପିଳ ପ୍ରଧାନଙ୍କୁ ବ୍ୟଥିତ କରିଛି। ଗାଡ଼ି ଛାଡ଼ି ସାଇକେଲ ଚଲାନ୍ତୁ, ଗଛ ଲଗାଇ ପ୍ରଦୂଷଣରୁ ମୁକ୍ତି ପାଆନ୍ତୁ ଓ ସୁସ୍ଥ ପରିବେଶ ସୁସ୍ଥ ଜୀବନ ବିତାଇବା ପାଇଁ ଓଡ଼ିଶାରୁ ଦିଲ୍ଲୀ ପର୍ଯ୍ୟନ୍ତ ସଚେତନତା ବାର୍ତ୍ତା ଦେଇଛନ୍ତି କପିଳ। ସେ ସାଇକେଲରେ ୨୫ ଦିନ ଧରି ୬ ରାଜ୍ୟର ୨୫ଶହ କିମି ଅତିକ୍ରମ କରି ଦିଲ୍ଲୀରେ ପହଞ୍ଚତ୍ବା ପରେ ୫ଦିନ ଧରି ଇଣ୍ଡିଆ ଗେଟ୍ରେ ଲୋକଙ୍କୁ ସଚେତନ କରି ଫେରିଛନ୍ତି। ଗାଡ଼ି ଛାଡ଼ି ସାଇକେଲ ଚଲାନ୍ତୁ, ଗଛ ଲଗାଇ ପ୍ରଦୂଷଣରୁ ମୁକ୍ତି ପାଆନ୍ତୁ, ସୁସ୍ଥ ପରିବେଶ ସୁସ୍ଥ ଜୀବନ ବିତାଇବାକୁ ଲୋକଙ୍କୁ ବୁଝାଉଛନ୍ତି କପିଳ।
ସାଇକେଲ ଟ୍ରାକ୍ କରିବାକୁ ଦାବି କଲେ
କପିଳ ଦିଲ୍ଲୀରେ ସାଇକେଲ ଟ୍ରାକ୍ କରିବାକୁ ଦାବି ଉଠାଇଛନ୍ତି। ସେ କହିଛନ୍ତି, ଦିଲ୍ଲୀ ରାସ୍ତାରେ ସାଇକେଲ ଟ୍ରାକ୍ ଦେଖିବାକୁ ମିଳୁନି। ଦିଲ୍ଲୀ ସରକାର ବହୁ ଲୋକାଭିମୁଖି ଯୋଜନା ହାତକୁ ନେଉଥିଲେ ମଧ୍ୟ ସବୁ ରାସ୍ତାକୁ ଲାଗି ସାଇକେଲ ଟ୍ରାକ୍ ଓ ଫୁଟ୍ପାଥ (ପାଦଚଲା ରାସ୍ତା) କରିବା ପାଇଁ ସେ ଗୁରୁତ୍ୱ ଦେଇଛନ୍ତି। ଏନେଇ କପିଳ କେନ୍ଦ୍ରାପଡ଼ା ଏମ୍ପି ଅନୁଭବ ମହାନ୍ତି ଓ ଢ଼େଙ୍କାନାଳ ଏମ୍ପି ମହେଶ ସାହୁଙ୍କୁ ଭେଟି ଆଲୋଚନା କରିଛନ୍ତି। ଉଭୟ ଏମ୍ପି ଆଗାମୀ ଦିନରେ କପିଳଙ୍କ ଦାବିକୁ ସଂସଦରେ ଉପସ୍ଥାପନ କରିବା ପାଇଁ ପ୍ରତିଶ୍ରୁତି ଦେଇଥିବା ସେ କହିଛନ୍ତି।
ଭିନ୍ନ ଚିନ୍ତାଧାରା, ନିଆରା ପ୍ରୟାସ
କପିଳଙ୍କ ଘର ପୁରୀ ଜିଲା ନିମାପଡ଼ାର ନିନିଗଁାରେ। ସେ ଜାନୁଆରୀ ୨ରୁ ଯାତ୍ରା ଆରମ୍ଭ କରି ଜାନୁୟାରୀ ୨୭ରେ ଇଣ୍ଡିଆ ଗେଟ୍ ନିକଟରେ ଶେଷ କରିଥିଲେ। ସେ କୁହନ୍ତି, ଦିନକୁ ପ୍ରାୟ ୧୧ ଘଣ୍ଟା ସାଇକେଲ ଚଲାଇ ୧୦୦ କି.ମି. ରାସ୍ତା ଅତିକ୍ରମ କରୁଥିଲେ। ଯିବା ବାଟରେ ଲୋକଙ୍କୁ ସଚେତନ କରିଥିଲେ। ପାଖାପାଖି ୧୦୮ ଥାନାରେ ପହଞ୍ଚତ୍ ଅଭିଯାନ ସମ୍ପର୍କରେ ଅବଗତ କରିଥିଲେ। ସମସ୍ତ ଥାନା ଅଧିକାରୀଙ୍କ ସାହାଯ୍ୟ ଓ ନିଜର ଦୃଢ଼ ମନୋବଳ ପାଇଁ ନିଜ ଲକ୍ଷ୍ୟସ୍ଥଳରେ ପହଞ୍ଚତ୍ପାରିଛନ୍ତି ବୋଲି ସେ କହିଛନ୍ତି। ତେବେ ତାଙ୍କର ଏଭଳି ଭିନ୍ନ ଚିନ୍ତାଧାରା ଓ ନିଆରା ପ୍ରୟାସକୁ ନିଜ ଗାଁଠାରୁ ଆରମ୍ଭ କରି ଦିଲ୍ଲୀ ପର୍ଯ୍ୟନ୍ତ ଲୋକେ ପ୍ରଶଂସା କରିଛନ୍ତି। ଏହା ପୂର୍ବରୁ କପିଳ ୨୦୧୮ରେ ମଧ୍ୟ ସାଇକେଲରେ ଦିଲ୍ଲୀ ଗସ୍ତ କରିଥିଲେ। ଗତଥର ସେ ଓଡ଼ିଶାରୁ ଝାଡଖଣ୍ଡ ପରେ ବିହାର ଓ ଉତ୍ତର ପ୍ରଦେଶ ହୋଇ ୧୪ଦିନରେ ଦିଲ୍ଲୀରେ ପହଞ୍ଚତ୍ଥିଲେ। ଚଳିତଥର ସେ ଓଡ଼ିଶାରୁ ଛତିଶଗଡ଼, ମହାରାଷ୍ଟ୍ର, ମଧ୍ୟପ୍ରଦେଶ, ଭୋପାଳ, ଉତ୍ତର ପ୍ରଦେଶ ଓ ହରିଆଣା ଦେଇ ୨୫ଦିନରେ ଦିଲ୍ଲୀରେ ପହଞ୍ଚତ୍ଥିଲେ ବୋଲି ସେ ପ୍ରକାଶ କରିଛନ୍ତି।
