ଆସିଲା ମୌସୁମୀ, ଘାରିଲା ଜଳବନ୍ଦୀ ଚିନ୍ତା: କଣ୍ଟ ପୂରିଲା, କାମ ସରିଲାନି

ଭୁବନେଶ୍ୱର, ୨୨ା୬(ବ୍ୟୁରୋ): ବର୍ଷରେ ଥରେ ଡ୍ରେନ ସଫା କରିବାକୁ ମନେପଡ଼େ। ପ୍ରତ୍ୟେକ ବର୍ଷ ମୌସୁମୀ ଆସିବା ପୂର୍ବରୁ ଭୁବନେଶ୍ୱର ମହାନଗର ନିଗମ (ବିଏମ୍‌ସି)ର ଡ୍ରେନେଜ୍‌ ବିଭାଗୀୟ ଅଧିକାରୀମାନେ ମୁଖ୍ୟ ଡ୍ରେନ ଓ ସବ୍‌ଡ୍ରେନକୁ ସଫା କରିବାକୁ ମନ ବଳାନ୍ତି। ତାହା ବି ଅନ୍ୟ ବର୍ଷଗୁଡ଼ିକ ପରି ନିର୍ଦ୍ଧାରିତ ସମୟ ମଧ୍ୟରେ ସରେନାହିଁ। ଫଳରେ ପ୍ରତ୍ୟେକ ବର୍ଷ ଭୁବନେଶ୍ୱରରେ ଜଳବନ୍ଦୀ ସମସ୍ୟା ଦେଖିବାକୁ ମିଳେ। ଚଳିତବର୍ଷ ମଧ୍ୟ ସମାନ ଅବସ୍ଥା ଦେଖିବାକୁ ମିଳିବ ବୋଲି ଏବେଠୁ ଜଣାପଡ଼ିଲାଣି। କାରଣ ଚଳିତ ମୌସୁମୀର ପ୍ରଥମ ବର୍ଷା ହୋଇସାରିଥିବାବେଳେ ଭୁବନେଶ୍ୱରର ୫୬୦ କି.ମିର ଆଭ୍ୟନ୍ତରୀଣ ଡ୍ରେନ ଓ ୬୦ କି.ମିର ମୁଖ୍ୟ ୧୦ଟି ଡ୍ରେନ୍‌ର ସଫେଇ ଏଯାବତ୍‌ ସରିନାହିଁ। ଗତ ୨୦ ତାରିଖ ସୁଦ୍ଧା ସଫେଇ କାମ ସାରିବାକୁ ଠିକା ସଂସ୍ଥାକୁ ଡ୍ରେନେଜ ବିଭାଗୀୟ କର୍ତ୍ତୃପକ୍ଷ ନିର୍ଦ୍ଦେଶ ଦେଇଥିଲେ। ମାତ୍ର ସେମାନେ ମନମୁଖି ଭାବେ ସଫେଇ କାର୍ଯ୍ୟ କରୁଛନ୍ତି। ଭୁବନେଶ୍ୱରର ମୋଟ ୬୭ଟି ଓ୍ବାର୍ଡ ମଧ୍ୟରୁ ମାତ୍ର ୩୦ରୁ ୩୫ଟି ଓ୍ବାର୍ଡରେ ଡ୍ରେନେଜ୍‌ ସଫେଇ ଓ ପଙ୍କ ପୁନରୁଦ୍ଧାର କାର୍ଯ୍ୟ ସରିଛି। ଅନ୍ୟ ୩୦ରୁ ୩୨ଟି ଓ୍ବାର୍ଡରେ କାର୍ଯ୍ୟ ଅଧା ବି ହୋଇନାହିଁ। ୨୨ତାରିଖ ସରିବାକୁ ବସିଲାଣି, କିନ୍ତୁ ପାଣି ନିଷ୍କାସନ ପାଇଁ ଡ୍ରେନେଜଗୁଡ଼ିକୁ ସଫା କରାଯାଇପାରିନାହିଁ।
ଏ ନେଇ ଡ୍ରେନେଜ୍‌ ବିଭାଗୀୟ ଇଞ୍ଜିନିୟର ପ୍ରଦୀପ ଦୂରିଆ କହିଛନ୍ତି, ମୌସୁମୀ ପୂର୍ବରୁ କାମ ସାରିବାକୁ ବିଏମ୍‌ସି ପକ୍ଷରୁ ସବୁ ଚେଷ୍ଟା କରାଯାଇଛି। ଏବେ ମଧ୍ୟ କାର୍ଯ୍ୟ ଜାରି ରହିଛି। ଗଙ୍ଗନଗର, ଭୌମନଗର, ଭୀମଟାଙ୍ଗୀ ପରି ସ୍ଥାନରେ ପିଏମ୍‌ଆର ଏବଂ ରାମକୀ ପକ୍ଷରୁ ଡ୍ରେନେଜ୍‌ ସଫେଇ ଚାଲିଛି ବୋଲି ସେ ପ୍ରକାଶ କରିଛନ୍ତି। ଅନ୍ୟପକ୍ଷରେ ମୌସୁମୀ ବର୍ଷା ଆରମ୍ଭ ହୋଇଯାଇଥିବାରୁ ଆଗକୁ ବର୍ଷା ଲାଗି ରହିବ। ଏବେ ବିଏମ୍‌ସି ଏନେଇ କେତେ ତତ୍ପରତା ଦେଖାଉଛି ତାହା ଦେଖିବାକୁ ବାକି ରହିଲା।

ମେ ୨୪ରୁ ଆରମ୍ଭ ହୋଇଥିଲା ସଫେଇ:
ଭୁବନେଶ୍ୱରର ୬୭ଟି ଓ୍ବାର୍ଡରେ ଗତ ୨୨ତାରିଖରୁ ଡ୍ରେନେଜ୍‌ ସଫେଇ କାର୍ଯ୍ୟ ଆରମ୍ଭ ହୋଇଥିଲା। ୨୫ଜଣ କଣ୍ଟ୍ରାକ୍ଟରଙ୍କ ସହ ୩ଟି ଘରୋଇ ସଂସ୍ଥାକୁ ସଫେଇ ଦାୟିତ୍ୱ ଦିଆଯାଇଥିଲା। ବିଏମ୍‌ସିର ବରିଷ୍ଠ ଅଧିକାରୀମାନଙ୍କ ତଦାରଖରେ ଡ୍ରେନେଜ୍‌ ସଫେଇ ଓ ପୁନରୁଦ୍ଧାର କାର୍ଯ୍ୟ ହେଉଥିଲା। ଏ ନେଇ ସିଟି ଇଞ୍ଜିନିୟର ଦେବସୁନ୍ଦର ମହାପାତ୍ର କହିଥିଲେ, ଜୁନ୍‌ ୨୦ ସୁଦ୍ଧା ଡ୍ରେନ କାମ ସରିଯିବ। ହେଲେ ବିଭାଗୀୟ ଅଧିକାରୀଙ୍କ ଅବହେଳା ଓ ଘରୋଇ ସଂସ୍ଥାର ମନମାନୀ ଲାଗି ଏବେ ଏହି ସଫେଇ କାର୍ଯ୍ୟରେ ଅହେତୁକ ଅବହେଳା ଓ ବିଳମ୍ବ ଦେଖାଦେଇଛି।
କାର୍ଯ୍ୟରେ ନିୟୋଜିତ ୨୩୦ କର୍ମଚାରୀ, ୧୨ ପୋକ୍‌ଲିନ୍‌ ମେଶିନ
ଭୁବନେଶ୍ୱରର ୬୭ଟି ଓ୍ବାର୍ଡକୁ ୧୦ଟି ମୁଖ୍ୟ ଡ୍ରେନ ସଂଯୋଗ କରୁଛି। ଉକ୍ତ ଡ୍ରେନଗୁଡ଼ିକୁ ଛୋଟ ଛୋଟ ଆଭ୍ୟନ୍ତରୀଣ ଡ୍ରେନ ସଂଯୋଗ କରୁଛି। ମୁଖ୍ୟ ଡ୍ରେନଗୁଡ଼ିକ ଶେଷରେ ଯାଇ ଗଙ୍ଗୁଆ ନାଳ ଏବଂ ସେଠାରୁ ଦୟା ନଦୀରେ ମିଶୁଛି। ମୁଖ୍ୟ ଡ୍ରେନର ଲମ୍ବ ୬୦ କିମି ହୋଇଥିବାବେଳେ ଆଭ୍ୟନ୍ତରୀଣ ଡ୍ରେନର ଲମ୍ବ ୫୬୦ କିମି। ଗତ ମାସେ ହେବ ଚାଲିଥିବା ଏହି କାର୍ଯ୍ୟରେ ମାତ୍ର ୨୩୦ଜଣ ସଫେଇ କର୍ମଚାରୀ ଏବଂ ୧୨ଟି ପୋକଲିନ୍‌ ମେଶିିନ୍‌ ନିୟୋଜିତ ହୋଇଛନ୍ତି। ଆବଶ୍ୟକଠାରୁ କମ୍‌ ସମୟ ମିଳୁଥିବାରୁ ସଫେଇ କାର୍ଯ୍ୟ ବିଳମ୍ବ ଘଟୁଥିବା ଘରୋଇ ସଂସ୍ଥା କର୍ମଚାରୀ ପ୍ରକାଶ କରିଛନ୍ତି।

ନିଷ୍କାସନ ହୋଇପାରୁନି ବର୍ଷାଜଳ:

ତାତିରୁ ତ୍ରାହି ମିଳିଛି। ଅସହ୍ୟ ଗୁଳୁଗୁଳି ପରେ ଏବେ ଓଡ଼ିଶା ଛୁଇଁଛି ମୌସୁମୀ। ସମସ୍ତଙ୍କ ମନକୁ ମୌସୁମୀ ବର୍ଷା ଆଶ୍ୱସ୍ଥି କରିଥିବା ବେଳେ ରାଜଧାନୀବାସୀଙ୍କ ପାଇଁ ଦୁର୍ଦ୍ଦଶା ବଢାଇଛି। ରାଜଧାନୀର ଜନପଥ, କଟକ ରୋଡ଼, ବାଣୀବିହାର, ଆଚାର୍ଯ୍ୟବିହାର, ଜୟଦେବ ବିହାର ରୋଡରେ ପାଣି ଲହଡ଼ି ମାରିଛି। ଡ୍ରେନରେ ବର୍ଷାଜଳ ନିଷ୍କାସନ ହୋଇ ନ ପାରି ରାସ୍ତାକୁ ଉଦ୍‌ବୃତ୍ତ ହୋଇଆସିଛି। ଫଳରେ ଯାତାୟାତରେ ସମସ୍ୟା ଉପୁଜିଥିବା ଦେଖିବାକୁ ମିଳିଛି।


Enter your email to get our daily news in your inbox.

All Right Reserved By Dharitri.Com

୩ ମହିଳା ଡାକ୍ତରଙ୍କୁ ମାନସିକ ନିର୍ଯାତନା

ସମ୍ବଲପୁର,୧୮।୧୧(ପ୍ରମୋଦ ବହିଦାର): ସମ୍ବଲପୁର ଜିଲା ମୁଖ୍ୟ ଚିକିତ୍ସାଳୟ (ଡିଏଚ୍‌ଏଚ୍‌)ର ସ୍ତ୍ରୀ ଓ ପ୍ରସୂତି ବିଭାଗରେ କାର୍ଯ୍ୟରତ ୩ ମହିଳା ଡାକ୍ତର ବିଭାଗୀୟ ଇନଚାର୍ଜଙ୍କ ବିରୋଧରେ ମାନସିକ ନିର୍ଯାତନା…

ବାତ୍ୟା ଆଶଙ୍କା: ସଜାଗ ପୁରୁଷୋତ୍ତମପୁର ଜଳସମ୍ପଦ ବିଭାଗ, ନଦୀ-ନାଳକୁ ନ ଯିବା ପାଇଁ…

ପୁରୁଷୋତ୍ତମପୁର,୧୮ା୧୧(ସବିତା ମିଶ୍ର): ସାମୁଦ୍ରିକ ଝଡ଼ ‘ଅକ୍ୱାନ’କୁ ନେଇ ଆଶଙ୍କା ଦେଖାଦେଇଛି। ପୂର୍ବ ବନ୍ୟାର ଭୟ ମନରୁ ଲିଭି ନ ଥିବାବେଳେ ଆଉ ଏକ ସମ୍ଭାବ୍ୟ ବିପଦକୁ ନେଇ…

ଆଇପିଏଲରୁ ସନ୍ୟାସ ନେବା ପରେ ଧୋନୀଙ୍କୁ ପେନଶନ ଦେବ CSK? ଜାଣନ୍ତୁ କେତେ ଟଙ୍କା ମିଳିବ…

ନୂଆଦିଲ୍‌ଲୀ,୧୮।୧୧: କୁହାଯାଏ ଯେ ଜୀବନର ଆକାଶରେ କିଛି ଏପରି ନାମ ଲେଖାଯାଇଥାଏ, ଯାହା କେବଳ କିଛି ଅକ୍ଷର ହୋଇ ରହି ନଥାଏ, ବରଂ ଏକ ସମ୍ପୂର୍ଣ୍ଣ ଯୁଗର…

ମାଂସ କାଟୁଥିବା ବେଳେ ୩ ଅଭିଯୁକ୍ତ ଗିରଫ

ନୀଳଗିରି, ୧୮।୧୧(ପ୍ରଶାନ୍ତ ବିଶ୍ୱାଳ): କୁଲଡିହା ବନ୍ୟପ୍ରାଣୀ ଅଭୟାରଣ୍ୟ ଅନ୍ତର୍ଗତ ତେଣ୍ଡା (ହୁଡ଼ିସାହି) ଅଞ୍ଚଳରେ ବନ୍ୟପ୍ରାଣୀ ମାଂସ କାଟୁଥିବା ବେଳେ ୩ଜଣଙ୍କୁ ଗିରଫ କରିଛି ବନବିଭାଗ। ୱାଇଲ୍ଡଲାଇଫ୍‌ ବିଟ୍‌ର…

ସାକ୍ଷୀଗୋପାଳରେ ଅଁଳା ନବମୀ: ରାଧା ପାଦ ଦର୍ଶନ କରୁଛନ୍ତି ଶ୍ରଦ୍ଧାଳୁ

ସାକ୍ଷୀଗୋପାଳ,୧୮ା୧୧(କିଶୋର ମହାପାତ୍ର/ପ୍ରଶାନ୍ତ କୁମାର ବାରିକ): ପୁରୀ ଜିଲା ସାକ୍ଷୀଗୋପାଳ ମନ୍ଦିରରେ ପବିତ୍ର ଅଁଳା ନବମୀ ଅବସରରେ ଶ୍ରୀରାଧାଙ୍କ ଓଡ଼ିଆଣୀ ବେଶ ଓ ରାଧା ପାଦ ଦର୍ଶନ ପାଇଁ…

ଗତିପଥ ବଦଳାଇଲା ବାତ୍ୟା: ଓଡ଼ିଶାର ଏହି ସ୍ଥାନରେ କରିବ ଲ୍ୟାଣ୍ଡଫଲ! ଆସିଲା ବଡ଼ ସୂଚନା

ଭୁବନେଶ୍ୱର, ୧୮।୧୧: ଭୀଷଣ ବାତ୍ୟାର ରୂପ ନେଇଛି ସାମୁଦ୍ରିକ ଝଡ଼ ‘ଅକ୍ୱାନ’। ବୁଧବାର ସକାଳ ୫ଟା ୩୦ ମିନିଟରେ ପର୍ଯ୍ୟବେକ୍ଷଣ ଅନୁଯାୟୀ, ଏହା ଭୀଷଣ ବାତ୍ୟାରେ ପରିଣତ…

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଟିମ ଇଣ୍ଡିଆରେ ଫେରିବେ ଦୁଇ ଷ୍ଟାର୍‌ ଖେଳାଳି, ଆସନ୍ତାକାଲି ନ୍ୟୁଜିଲାଣ୍ଡ ସହ ଲଢ଼େଇ; ୯ ନୂଆ ମୁହଁଙ୍କୁ ସୁଯୋଗ!

ନୂଆଦିଲ୍ଲୀ, ୧୮।୧୧: ଟି-୨୦ ଓ ଦିନିକିଆ ସିରିଜ ଜିତିବା ପରେ ଏବେ ଟେଷ୍ଟ ସିରିଜରେ ନ୍ୟୁଜିଲାଣ୍ଡକୁ ଭେଟିବ ଟିମ ଇଣ୍ଡିଆ। ଆସନ୍ତାକାଲି ଅର୍ଥାତ୍‌ ଗୁରୁବାର, ୧୯ ନଭେମ୍ବରରୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?