ଆମ ଗାଁ ଆମ ବିକାଶ ଯୋଜନା : ସରକାରଙ୍କ ତଥ୍ୟର ତାଳମେଳ ନାହିଁ

ଭୁବନେଶ୍ୱର,୨୬ା୮(ବ୍ୟୁରୋ): ୨୦୧୮ ମାର୍ଚ୍ଚ ୫ ତାରିଖରେ ବିଜୁ ପଟ୍ଟନାୟକଙ୍କ ଜୟନ୍ତୀ ଉପଲକ୍ଷେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତ୍ୟେକ ଗ୍ରାମାଞ୍ଚଳର ବିକାଶ ଲାଗି ଆମ ଗାଁ ଆମ ବିକାଶ ଯୋଜନାର ଘୋଷଣା କରିଥିଲେ। ଏହାଦ୍ୱାରା ପ୍ରତି ପଞ୍ଚାୟତରେ ବିକାଶକାର୍ଯ୍ୟ ତ୍ୱରାନ୍ବିତ ହେବ ବୋଲି ମଧ୍ୟ ମୁଖ୍ୟମନ୍ତ୍ରୀ ନିଜେ ଘୋଷଣା କରିଥିଲେ। ଏହାସହିତ ପ୍ରତି ପଞ୍ଚାୟତ ଲୋକମାନେ ନିଜ ପଞ୍ଚାୟତର ଆବଶ୍ୟକତା ସମ୍ପର୍କରେ ସିଧାସଳଖ ମୁଖ୍ୟମନ୍ତ୍ରୀଙ୍କ ସମ୍ମୁଖରେ ଆଲୋଚନା କରିବାର ମାଧ୍ୟମ ପାଇପାରିବେ ବୋଲି କୁହାଗଲା। ସେହିଦିନଠାରୁ ହିଁ ଏହି ଯୋଜନା କାର୍ଯ୍ୟ କରିବା ଆରମ୍ଭ ହେଲା। ଏହା ପରଠାରୁ ଭିଡିଓ କନ୍‌ଫରେନ୍ସିଂ ଜରିଆରେ ପ୍ରତିଦିନ ଭିନ୍ନଭିନ୍ନ ପଞ୍ଚାୟତ ପାଇଁ ହଜାର ହଜାର କୋଟି ଟଙ୍କାର ପ୍ରକଳ୍ପ ଘୋଷଣା କରିବା ପର୍ବ ଚାଲିଲା। ମାତ୍ର ୨୦୧୮-୧୯ ଆର୍ଥିକ ବର୍ଷ ପାଇଁ ଏହି ଯୋଜନାରେ ଯେତିକି ଟଙ୍କା ଘୋଷଣା କରିଥିଲେ ସେହି କାର୍ଯ୍ୟ ସମ୍ପୂର୍ଣ୍ଣ କରିପାରିଲେ ନାହିଁ। ନିର୍ବାଚନ ମୁଣ୍ଡ ଉପରେ ଥିବାରୁ ଶାସକ ଦଳ ପଞ୍ଚାୟତ ଅନୁଯାୟୀ ପ୍ରକଳ୍ପ ଓ ଏଥିପାଇଁ ଟଙ୍କା ମଞ୍ଜୁର କରିଚାଲିଲେ। ଯେଉଁ ପରି ଭାବେ ଟଙ୍କା ଘୋଷଣା କରିଚାଲିଲେ ତା’ର ଅଧା ଟଙ୍କା ମଧ୍ୟ ଖର୍ଚ୍ଚ କରାଯାଇପାରିଲା ନାହିଁ।
ଶାସକ ଦଳ ସଦସ୍ୟ ପ୍ରୀତିରଞ୍ଜନ ଘଡାଇଙ୍କ ଏକ ବିଧାନସଭା ପ୍ରଶ୍ନର ଉତ୍ତର ରଖି ପଞ୍ଚାୟତିରାଜ ମନ୍ତ୍ରୀ ପ୍ରତାପ ଜେନା କହିଛନ୍ତି, ଆମ ଗାଁ ଆମ ବିକାଶ ଯୋଜନାରେ ରାଜ୍ୟ ସରକାର ୧୫୫୪.୪୩ କୋଟି ଟଙ୍କା ଅଟକଳରେ ୬୨୮୫୭ ଗୋଟି ପ୍ରକଳ୍ପକୁ ଅନୁମୋଦନ କରିଥିଲେ। ହେଲେ ଯେତିକି ଟଙ୍କା ଅନୁମୋଦନ କରାଗଲା ତାଠାରୁ କମ୍‌ ଅର୍ଥ ଏହିସବୁ ପ୍ରକଳ୍ପ ପାଇଁ ମଞ୍ଜୁର ହେଲା। ଅନୁମୋଦନ କରାଯାଇଥିବା ଅର୍ଥରୁ ୨୨୯.୪୩ କୋଟି ଟଙ୍କା କମାଯାଇ ୧୩୨୫ କୋଟି ଟଙ୍କା ସରକାର ମଞ୍ଜୁର କଲେ। ୨୦୧୮-୧୯ ଆର୍ଥିକ ବର୍ଷ ଲାଗି ସରକାର ଏହି ଘୋଷଣା କରିଥିଲେ। ସେହି ଅନୁଯାୟୀ ଦୈନିକ ସରକାରଙ୍କ ପକ୍ଷରୁ ନୂଆ ନୂଆ ପ୍ରକଳ୍ପ ପାଇଁ ମୁଖ୍ୟମନ୍ତ୍ରୀ ଅର୍ଥ ଘୋଷଣା କରିଚାଲିଲେ। ଠିକ୍‌ ନିର୍ବାଚନର ବର୍ଷକ ପୂର୍ବରୁ ରାଜ୍ୟ ସରକାର ଏହିଭଳି ଘୋଷଣା କରିବା ଯୋଗୁ ବିରୋଧୀ ମଧ୍ୟ କଡା ସମାଲୋଚନା କରିବାକୁ ଲାଗିଲେ। ହେଲେ ଅନୁମୋଦନ ଅନୁଯାୟୀ ସରକାର ପ୍ରକଳ୍ପ ପାଇଁ ଟଙ୍କା ଘୋଷଣା କରି ଚୂପ ରହିଗଲେ। ମଞ୍ଜୁର ହୋଇଥିବା ଟଙ୍କାରୁ ମାତ୍ର ୪୮୩.୦୯ କୋଟି ଟଙ୍କା ସରକାର ଖର୍ଚ୍ଚ କରିଛନ୍ତି। ଅବଶିଷ୍ଟ ୮୪୧.୯୦ କୋଟି ଟଙ୍କା ଖର୍ଚ୍ଚ ହୋଇ ନ ଥିବା ଜଣାପଡିଛି। ସରକାରଙ୍କ ତଥ୍ୟ ଅନୁଯାୟୀ ସରକାର ମଞ୍ଜୁର କରିଥିବା ଅର୍ଥର ୪୦ ପ୍ରତିଶତରୁ କମ୍‌ ଅର୍ଥ ଖର୍ଚ୍ଚ କରିଛନ୍ତି। ଅର୍ଥ ବିଭାଗର ଜଣେ ବରିଷ୍ଠ ଅଧିକାରୀଙ୍କ କହିବା ଅନୁଯାୟୀ, ସରକାର ଯଦି ଗୋଟିଏ ଯୋଜନା ଲାଗି ମଞ୍ଜୁର କରାଯାଇଥିବା ଅର୍ଥ ସମ୍ପୂର୍ଣ୍ଣ ଖର୍ଚ୍ଚ ନ କରିପାରନ୍ତି ଏହାର ଆସନ୍ତା ଆର୍ଥିକ ବର୍ଷରେ ଉକ୍ତ ବଳକା ଧନ ସରକାରଙ୍କ ପାଣ୍ଠିକୁ ଫେରିଆସିବ ବୋଲି ସେ କହିଛନ୍ତି। ଅନ୍ୟପଟେ ଆର୍ଥିକ ବର୍ଷ ୨୦୧୯-୨୦ ବଜେଟ୍‌ରେ ସରକାର ଏହି ଯୋଜନା ପାଇଁ ମାତ୍ର ୪୦୦ କୋଟି ଟଙ୍କାକୁ ମଞ୍ଜୁର କରିଛନ୍ତି। ଏହାର ଅର୍ଥ ସରକାର ଯେଉଁସବୁ ପ୍ରକଳ୍ପ ଗତବର୍ଷ ଘୋଷଣା କରିଥିଲେ ସେସବୁର କାର୍ଯ୍ୟ ମଧ୍ୟ ସରକାର କରିବା କଥା ଭୁଲିଗଲେ।
ତେବେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଘୋଷଣା ହୋଇ ଚାଲିଥିବା ଏହି ଯୋଜନା ଦ୍ୱାରା ଗତ ଜାନୁୟାରୀ ୨୨ରେ ରାଜ୍ୟର ୩୦ ଜିଲାର ୩୧୪ ବ୍ଲକ ଅନ୍ତର୍ଗତ ୬,୭୮୯ ଗ୍ରାମପଞ୍ଚାୟତ ପାଇଁ ୬୨,୮୫୭ ପ୍ରକଳ୍ପ ଘୋଷଣା କରାଯାଇଥିଲା। ଏହାସହ ଏହିସବୁ ପ୍ରକଳ୍ପ ଗୁଡିକ ପାଇଁ ୧୫୫୪.୪୩ କୋଟି ଟଙ୍କା ମଞ୍ଜୁର କରାଯାଇଥିବା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ଦର୍ଶାଗଲା। ଅର୍ଥାତ୍‌ ଅନୁମୋଦନ ଅର୍ଥ ଯେତିକି ସେତିକି ଟଙ୍କାର ପ୍ରକଳ୍ପକୁ ରାଜ୍ୟ ସରକାର ମଞ୍ଜୁର କରିଥିବା ଦର୍ଶାଇଥିବା ବେଳେ ବିଧାନସଭା ଉତ୍ତରରେ ଅଲଗା ଲେଖିଛନ୍ତି। ବିଧାନସଭାରେ ମନ୍ତ୍ରୀ ଜୁଲାଇ ୧୬ ତାରିଖରେ କିନ୍ତୁ ଅନୁମୋଦନ ଅର୍ଥ ଯେତିକି ଥିଲା ସେଥିରୁ କମ୍‌ ଅର୍ଥାତ୍‌ ୧୩୨୫ କୋଟି ଟଙ୍କା ମଞ୍ଜୁର ହୋଇଥିବା ଦର୍ଶାଯାଇଛନ୍ତି। ଏଥିରୁ ସରକାରଙ୍କ ଆମ ଗାଁ ଆମ ବିକାଶ ଯୋଜନା ସମ୍ପର୍କିତ ତଥ୍ୟ କେତେ ଠିକ୍‌ ତାହା ସ୍ପଷ୍ଟ ବୁଝାପଡୁଛି। ଅନ୍ୟପଟେ ଯେତିକି ପ୍ରକଳ୍ପ ପାଇଁ ସରକାର ୪୮୩ କୋଟି ଟଙ୍କା ଖର୍ଚ୍ଚ କରିଥିବା କଥା କହୁଛନ୍ତି ସେଥିରେ ମଧ୍ୟ କାର୍ଯ୍ୟ ଠିକ୍‌ ହୋଇ ନ ଥିବା ଅଭିଯୋଗ ଆସୁଛି।


Enter your email to get our daily news in your inbox.

All Right Reserved By Dharitri.Com

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

ପିନାକୀ-ମହେଶଙ୍କୁ ମିଳିଲାନି ଟିକେଟ

ଭୁବନେଶ୍ୱର,୨୮।୩: ଆଗାମୀ ଲୋକ ସଭା ନିର୍ବାଚନକୁ ନେଇ ବିଜେଡି ଏହାର ପ୍ରାର୍ଥୀ ଘୋଷଣା କରିଛି। ବୁଧବାର ୧୫ ଆସନ ଲାଗି ପ୍ରାର୍ଥୀ ଘୋଷଣା ହୋଇଛି। ସେଥିମଧ୍ୟରୁ...

ପଦ୍ମ ଧରିଲେ ପଦ୍ମଶ୍ରୀ ଦମୟନ୍ତୀ ବେସ୍ରା

ଭୁବନେଶ୍ୱର/ନୂଆଦିଲ୍ଲୀ,୨୮।୩: ଭାଜପାରେ ସାମିଲ ହେଲେ ପଦ୍ମଶ୍ରୀ ଦମୟନ୍ତୀ ବେସ୍ରା। ଗୁରୁବାର ଅପରାହ୍ନ ସାଢେ ୨ଟାରେ ନୂଆଦିଲ୍ଲୀର ଭାଜପା ମୁଖ୍ୟାଳୟରେ ସେ ଯୋଗ ଦେଇଛନ୍ତି। ଏହା ସହିତ...

ଭାଜପାରେ ମିଶିଲେ ସିଦ୍ଧାନ୍ତ ମହାପାତ୍ର

ନୂଆଦିଲ୍ଲୀ/ଭୁବନେଶ୍ୱର,୨୮ା୩: ଭାଜପାରେ ଗୁରୁବାର ଯୋଗ ଦେଇଛନ୍ତି ଅଭିନେତା ତଥା ବିଜେଡିର ପୂର୍ବତନ ଏମ୍‌ପି ସିଦ୍ଧାନ୍ତ ମହାପାତ୍ର। ଦିଲ୍ଲୀ ମୁଖ୍ୟ କାର୍ଯ୍ୟାଳୟରେ ଯୋଗଦେଇ ସେ ଭାଜପାରେ ସାମିଲ...

ଏପ୍ରିଲ ପ୍ରଥମ ସପ୍ତାହରେ ଘୋଷଣା ହେବ କଂଗ୍ରେସ ଟିକେଟ୍‌

ଭୁବନେଶ୍ୱର,୨୮।୩: ମୁଣ୍ଡ ଉପରେ ନିର୍ବାଚନ। ଭାଜପା ଓ ବିଜେଡି ପର୍ଯ୍ୟାୟ କ୍ରମେ ନିଜର ପ୍ରାର୍ଥୀ ତାଲିକା ଘୋଷଣା କରିଛନ୍ତି। କିନ୍ତୁ ଏଥିରେ ପଛରେ ପଡିଛି କଂଗ୍ରେସ...

ଭାଜପାରେ ମିଶିପାରନ୍ତି ଅନୁଭବ, ଆଜି ହେବ ସ୍ପଷ୍ଟ

ଭୁବନେଶ୍ୱର,୨୮ା୩: ବିଜେଡି ଟିକେଟ୍‌ରେ କେନ୍ଦ୍ରାପଡ଼ା ଲୋକ ସଭାକୁ ନିର୍ବାଚିତ ହୋଇଥିବା ଅଭିନେତା ଅନୁଭବ ମହାନ୍ତି ଗୁରୁବାର ଭାଜପାରେ ଯୋଗ ଦେଇ ପାରନ୍ତି ବୋଲି ରାଜନୈତିକ ମହଲରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri