ଖଡିଆଳ, ୧୬।୭ (ଡି.ଏନ୍.ଏ): ନୂଆପଡ଼ା ଜିଲା ଖଡ଼ିଆଳ ବ୍ଲକ କୁସମାଲ ଗଁ। ରେ ପ୍ରଧାନମନ୍ତ୍ରୀ ଆବାସ ଯୋଜନାର ପରକୁତ ହିତାଧିକାରୀ ଯୋଜନାରୁ ବଁଚିତ୍ ହେଉଥିବାର ଅଭିଯୋଗ ହେଉଛେ।
ସୂଚନା ହିସାବେ ଗଁ। ର ଜଗଦିଶ ସାଗରିଆ। ପରିବାର କହେଲେ ମାଏକିନା ଆର ଦୁଇ ଛୋଟ ଛୁଆକୁ ନେଇ ତାକର ସଁସାର। ସେ ଗୁଟେ ଚାଲ ଛପର ଘରେ ରହୁଥିଲେ। ହେଲେ ଗଲା ୩ ମାସତଲେ ହେଇଥିବାର କାଲବଇଶାଖିରେ ତାକର ଘରଟା ଭଂଗି ଯାଇଥିଲା। ଏହେଦେ ଇ ବରଷା ଦିନେ କୁଟୁମଟା କେନ୍ନେ ରହିବେ ତାହାକୁ ଭାଲନି ପଡ଼ିଛେ। ଇଆଡ଼େ ଜଗଦିଶ ପ୍ରଧାନମନ୍ତ୍ରୀ ଆବାସ ଯୋଜନାର ଲାଗି ୬ ମାସ ହେଲା ସରପଁଚ୍ ଆର ବିଡିଓକୁଁ ଲେଖିକରି ଦେଇଛନ୍। ହେଲେ ଆଏଜ୍ତକ ତାହାକୁ କମ୍ କରବାର ଲାଗି ଆଦେଶପତର ନୁହେମିଲେ। ଥାନୀୟ ପରଶାସନ ଇ ଦିଗେ ଧିଆନ୍ ଦେବାକେ ଜଗଦିଶ ଦାବି କରିଛନ୍।
