ଇମ୍ଫାଲ, ୧୧ା୧୨ (ପି.ଟି.)-ଚଳିତ ଆଇ-ଲିଗ୍ ସିଜନରେ ଇଷ୍ଟ ବେଙ୍ଗଲ ଏାହର ପ୍ରଥମ ବିଜୟ ହାସଲ କରିଛି। ସ୍ଥାନୀୟ ଖୁମାନ ଲାମ୍ପାକ ଷ୍ଟାଡିୟମରେ ମଙ୍ଗଳବାର ଖେଳାଯାଇଥିବା ନେରୋକା ବିପକ୍ଷ ମ୍ୟାଚରେ ଦଳ ୪-୧ ଗୋଲରେ ବିଜୟ ହାସଲ କରି ଘରୋଇ ଦର୍ଶକଙ୍କୁ ହତାଶ କରିଛି। ଇଷ୍ଟବେଙ୍ଗଲ ତରଫରୁ ଜେମି କୋଲାଡୋ (୨୧ ଓ ୫୨ତମ ମିନିଟ୍) ପେନାଲ୍ଟି ସ୍ପଟ୍ରୁ ଦୁଟି ଗୋଲ ସ୍କୋର କରିଥିଲେ। ଦଳ ପକ୍ଷରୁ ଅନ୍ୟ ଦୁଇଟି ଗୋଲ୍ ଜୁଆନ୍ ମେରା (୩୩ତମ) ଏବଂ ମାର୍କସ ଏସ୍ପାଡା (୬୫ତମ) ଗୋଲ ସ୍କୋର କରିଥିଲେ। ନେରୋକା ତରଫରୁ ବୋଉ ବାକାରା ଡିଆରା ୩୧ତମ ମିନିଟ୍ରେ ଏକମାତ୍ର ସନ୍ତ୍ୱନାମୂଳକ ଗୋଲ ସ୍କୋର କରିଥିଲେ। ମଙ୍ଗଳବାର ଏହି ବିଜୟ ଦ୍ୱାରା ଇଷ୍ଟବେଙ୍ଗଲ ୩ଟି ମ୍ୟାଚରୁ ୫ ପଏଣ୍ଟ ସହ ପଏଣ୍ଟ ଟେବୁଲର ତୃତୀୟ ସ୍ଥାନକୁ ଉନ୍ନୀତ ହୋଇଛି। ଅନ୍ୟପକ୍ଷରେ ନେରୋକା ୩ ପଏଣ୍ଟ ସହ ପୂର୍ବଭଳି ୭ମ ସ୍ଥାନରେ ରହିଛି।
