ବମ୍ବେ: ରିଲିଜର ଗୋଟିଏ ସପ୍ତାହ ନ ପୂରୁଣୁ ଶହେ କୋଟି କ୍ଲବରେ ସାମିଲ ହୋଇଛି ଫିଲ୍ମ ‘ତାନାଜି-ଦ ଅନ୍ସଙ୍ଗ ଓ୍ବାରିୟର’। ଟ୍ରେଡ୍ ଆନାଲିଷ୍ଟ ତରଣ ଆଦର୍ଶ ଟୁଇଟ କରି ଏହି ସୂଚନା ଦେଇଛନ୍ତି। ଫିଲ୍ମରେ ପ୍ରମୁଖ ଭୂମିକାରେ ଅଜୟ ଦେବଗନ, କାଜୋଲ ଏବଂ ସୈଫ ଅଲ୍ଲୀ ଖାଁଙ୍କୁ ଦେଖିବାକୁ ମିଳୁଛି। ରିଲିଜର ଷଷ୍ଠ ଦିନରେ ଚଳଚ୍ଚିତ୍ରଟି ଶହେ କୋଟି ବ୍ୟବସାୟ କରିସାରିଛି। ଆଗାମୀ ଦିନରେ ମଧ୍ୟ ଏହା ଅନେକ ରେକର୍ଡ କରିପାରେ ବୋଲି ଆଶା ରଖିଛନ୍ତି ନିର୍ମାତା।
ନୂଆ ବର୍ଷର ପ୍ରଥମ ଭେଟି ଭାବେ ଅଜୟଙ୍କ ଏହି ଫିଲ୍ମ ପରଦାକୁ ଆସିଥିଲା। ଏହାକୁ ଟକ୍କର ଦେଉଛି ଦୀପିକା ପାଦୁକୋନ ଅଭିନୀତ ଫିଲ୍ମ ‘ଛପାକ’। ସତ୍ୟ ଘଟଣା ଉପରେ ଉଭୟ କାହାଣୀ ପର୍ଯ୍ୟବେଶିତ। ଏହାସତ୍ତ୍ୱେ ତାନାଜି ବ୍ୟବସାୟରେ ରେକର୍ଡ କରିଛି। ଫିଲ୍ମର ବଜେଟ ୧୫୦ କୋଟି ରହିଥିବା ବେଳେ କମ୍ ସମୟରେ ଏହା ୧୦୦ କୋଟି ବ୍ୟବସାୟ କରିସାରିଲାଣି। ଏଣୁ ବ୍ୟବସାୟ ଆହୁରି ବଢ଼ିପାରେ ବୋଲି କୁହାଯାଉଛି। ଫିଲ୍ମଟି ଅଜୟଙ୍କ କ୍ୟାରିୟର ପାଇଁ ମଧ୍ୟ ସଫଳତା ଆଣିଦେଇଛି। ଏହା ଶହେ କୋଟି କ୍ଲବରେ ସାମିଲ ହୋଇଥିବା ତାଙ୍କ ଜୀବନର ୧୦୦ତମ ଫିଲ୍ମ ହୋଇଛି।
