୬୩ ଭାରତୀୟଙ୍କ ସମ୍ପତ୍ତି ମୂଲ୍ୟ ଦେଶ ବଜେଟରୁ ଅଧିକ

ଭୁବନେଶ୍ୱର,୨୧।୧(ବ୍ୟୁରୋ): ମାତ୍ର ୬୩ଜଣ ଭାରତୀୟଙ୍କ ସମ୍ପତ୍ତିର ମୂଲ୍ୟ ଦେଶର ୨୦୧୮-୧୯ ଆର୍ଥିକ ବର୍ଷର ବଜେଟ(୨୪ ଲକ୍ଷ ୪୨ ହଜାର ୨୦୦ କୋଟି ଟଙ୍କା) ଠାରୁ ଅଧିକ। ସେହିଭଳି ବିଶ୍ୱର ୨,୧୫୩ ଲୋକଙ୍କ ପାଖରେ ଯେତିକି ସମ୍ପତ୍ତି ଗଚ୍ଛିତ ରହିଛି, ତାହା ୬୦% ଲୋକସଂଖ୍ୟା ଅର୍ଥାତ୍‌ ୪୬୦ କୋଟି ଲୋକଙ୍କ ସମ୍ପତ୍ତିର ମୂଲ୍ୟ ସହ ସମାନ। ଓ୍ବାଲର୍‌ଡ ଇକୋନୋମିକ୍‌ ଫୋରମ୍‌ (ଡବ୍ଲ୍ୟୁଇଏଫ୍‌)ର ୫୦ତମ ବାର୍ଷିକ ସମ୍ମିଳନୀର ଅବ୍ୟବହିତ ପୂର୍ବରୁ ଏଭଳି ରିପୋର୍ଟ ପ୍ରକାଶ କରିଛି ଅକ୍ସଫାମ୍‌ ଇଣ୍ଡିଆ। ସୋମବାର ପ୍ରେସ୍‌ କ୍ଲବ୍‌ ଅଫ୍‌ ଓଡ଼ିଶା ପରିସରରେ ପୂର୍ବତନ ମୁଖ୍ୟ ଶାସନ ସଚିବ ଯୁଗଳ କିଶୋର ମହାପାତ୍ର ଏହି ରିପୋର୍ଟ ଉନ୍ମୋଚନ କରିଥିଲେ।
ରିପୋର୍ଟ ମୁତାବକ, ସାଧାରଣ ପୁରୁଷ ଓ ମହିଳାଙ୍କ ପକେଟକୁ କାଟି ଆମ ଅର୍ଥନୈତିକ ବ୍ୟବସ୍ଥା ବିତ୍ତଶାଳୀଙ୍କ ପକେଟ ଭର୍ତ୍ତି କରିବାକୁ ଲାଗିଛି। ସମାଜରେ ଅସମାନତା ଏତେ ପରିମାଣରେ ବୃଦ୍ଧି ପାଇଛି, ଯାହା ଧନୀ ଲୋକଙ୍କୁ ଆହୁରି ଧନ ଠୁଳ କରିବାର ସୌଭାଗ୍ୟ ପ୍ରଦାନ କରୁଛି। ଦେଶର ୭୦% ଜନସଂଖ୍ୟା ଅର୍ଥାତ୍‌ ପ୍ରାୟ ୯୩.୩ କୋଟି ଲୋକ ଯେତିକି ସମ୍ପତ୍ତିର ମାଲିକାନା ଉପଭୋଗ କରୁଛନ୍ତି, ତା’ର ୪ ଗୁଣା ଅଧିକ ସମ୍ପତ୍ତି କେବଳ ୧% ବିତ୍ତଶାଳୀ କୋଟିପତିଙ୍କ ପାଖରେ ଠୁଳ ହୋଇଛି। ବିଭିନ୍ନ ଦେଶର ସରକାର ଅତିଧନୀ ଓ କର୍ପୋରେଟ୍‌ଗୁଡ଼ିକର ସମ୍ପତ୍ତି ଉପରେ ଅଧିକ ଟିକସ ଲଗାଇବାରେ ବିଫଳ ହେଉଛନ୍ତି। ଏ ଦିଗରେ ଯଦି ବଳିଷ୍ଠ ନୀତି ପ୍ରଣୟନ କରା ନ ଯାଏ, ତେବେ ଧନୀ ଓ ଦରିଦ୍ରଙ୍କ ଭିତରେ ପ୍ରଭେଦ କମାଇବା ସମ୍ଭବପର ହେବ ନାହିଁ ବୋଲି କୁହାଯାଇଛି। ଏକ ଟେକ୍ନୋଲୋଜି କମ୍ପାନୀର ସିଇଓ ବାର୍ଷିକ ଯେତିକି ରୋଜଗାର କରନ୍ତି, ସେତିକି ଅର୍ଥ ଅର୍ଜନ କରିବା ଲାଗି ଜଣେ ଘରୋଇ ସହାୟିକା ଭାବେ କାମ କରୁଥିବା ମହିଳାଙ୍କୁ ୨୨,୨୭୭ ବର୍ଷ ସମୟ ଲାଗିବ। ଅକ୍ସଫାମ ଇଣ୍ଡିଆର ସିିଇଓ ଅମିତାଭ ବେହାର କହିଛନ୍ତି, ସୁଚିନ୍ତିତ ନୀତି ଲାଗୁ ନ ହେଲେ ବିଶ୍ୱ ସ୍ତରରେ ବଢୁଥିବା ଅସମାନତାକୁ ଦୂର କରିବା ଅସମ୍ଭବ। ମାତ୍ର କିଛି ଦେଶ ଏ ଦିଗରେ ଯୋଜନା ହାତକୁ ନେଉଥିବା ବେହାର କହିଛନ୍ତି। ଡବ୍ଲ୍ୟୁଇଏଫ୍‌ ସମିଟରେ ଚଳିତ ବର୍ଷ ଲିଙ୍ଗଗତ ଅସମାନତା ଏବଂ ମହିଳାଙ୍କ ଆୟ ଭଳି ବିଷୟ ସ୍ଥାନ ପାଇବ। ସମ୍ବିଧାନ ପ୍ରଦତ୍ତ ଆଇନ ଉଲ୍ଲଂଘନ, ଦୁର୍ନୀତି, ସାଧାରଣ ସାମଗ୍ରୀ ଏବଂ ସେବା ଦର ବୃଦ୍ଧି ଭଳି ବିଭିନ୍ନ ସମସ୍ୟା ସମ୍ପର୍କରେ ଡବ୍ଲ୍ୟୁଇଏଫ୍‌ ଏହାର ରିପୋର୍ଟରେ ଉଲ୍ଲେଖ କରିଛି।
ଗୁରୁତ୍ୱପୂର୍ଣ୍ଣ କଥା ହେଲା, ଭାରତର ମହିଳାମାନେ ଦୈନିକ ୩୨୬ କୋଟି ଘଣ୍ଟା ସମୟ ବିନା କୌଣସି ଦରମାରେ କାମ କରନ୍ତି। ଯଦି ଏମାନଙ୍କ ଶ୍ରମମୂଲ୍ୟକୁ ହିସାବ କରାଯାଏ, ତେବେ ବର୍ଷକୁ ଭାରତୀୟ ଅର୍ଥନୀତି ପ୍ରତି ତା’ର ଅବଦାନ ହେଉଛି ୧୯ ଲକ୍ଷ କୋଟି ଟଙ୍କା, ଯାହା ଦେଶର ଶିକ୍ଷା ବଜେଟ୍‌(୨୦୧୯)ର ୨୦ ଗୁଣା ଅଧିକ। ଗ୍ଲୋବାଲ ସର୍ଭେ ମୁତାବକ ବିଶ୍ୱର ୨୨ ଅତିଧନୀଙ୍କ ନିକଟରେ ରହିଥିବା ସମ୍ପତ୍ତି ଆଫ୍ରିକାର ସବୁ ମହିଳାଙ୍କ ସମ୍ପତ୍ତିଠାରୁ ଅଧିକ।
ଅନ୍ୟପକ୍ଷରେ ବର୍ତ୍ତମାନର ଅର୍ଥନୈତିକ ବ୍ୟବସ୍ଥାରେ ମହିଳା ଓ ଯୁବତୀମାନଙ୍କୁ ସବୁଠାରୁ କମ୍‌ ଫାଇଦା ମିଳୁଛି। ଘରେ କାମ କରୁଥିଲେ ବି ଅର୍ଥନୈତିକ ଓ ସାମାଜିକ ବ୍ୟବସ୍ଥା ପ୍ରତି ସେମାନଙ୍କ ପ୍ରମୁଖ ଅବଦାନ ରହିଥାଏ। ଏଭଳି ଯତ୍ନ କାର୍ଯ୍ୟ ପାଇଁ ସେମାନଙ୍କୁ କୌଣସି ଆୟ ମିଳୁ ନ ଥିବାବେଳେ ଅନେକ ସମୟରେ ରୋଜଗାର କାର୍ଯ୍ୟ ତଥା ଚାକିରି ଛାଡ଼ିବାକୁ ପଡ଼ିଥାଏ। ପରିବାର ଦାୟିତ୍ୱ ହେତୁ ୪୨% ମହିଳା ଇଚ୍ଛା ଥିଲେ ମଧ୍ୟ ରୋଜଗାର କାର୍ଯ୍ୟ କରିପାରନ୍ତି ନାହିଁ। ଅନ୍ୟପକ୍ଷରେ ୨୦୨୫ ବେଳକୁ ବିଶ୍ୱର ୨୪ କୋଟି ଲୋକ ଜଳ ସଙ୍କଟରେ ପଡ଼ିବା ନେଇ ଆଶଙ୍କା କରାଯାଇଛି। ଆଉ ସେଭଳିସ୍ଥଳେ ପାଣି ଯୋଗାଡ଼ କରିବା ଲାଗି ମହିଳାଙ୍କୁ ଅଧିକ ଦୂର ଯିବାକୁ ପଡ଼ିବ ବୋଲି ଅକ୍ସଫାମ୍‌ ଇଣ୍ଡିଆର ଏହି ‘ଟାଇମ୍‌ ଟୁ କେୟାର’ ରିପୋର୍ଟରେ କୁହାଯାଇଛି। ତେବେ ଓଡ଼ିଶା ପରିପ୍ରେକ୍ଷୀରେ ଆଞ୍ଚଳିକ ବୈଷମ୍ୟତାକୁ ନେଇ ଏକ ଗବେଷଣାଭିତ୍ତିକ ଚର୍ଚ୍ଚାର ଆବଶ୍ୟକତା ରହିଛି ବୋଲି ପୂର୍ବତନ ଅର୍ଥମନ୍ତ୍ରୀ ପଞ୍ଚାନନ କାନୁନ୍‌ଗୋ କହିଛନ୍ତି। ଏହି ଅବସରରେ ଉତ୍କଳ ବିଶ୍ବବିଦ୍ୟାଳୟର ବରିଷ୍ଠ ପ୍ରଫେସର ମିତାଲୀ ଚିନ୍ନାରା, ପ୍ରଫେସର ସ୍ବର୍ଣ୍ଣମୟୀ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ।


Enter your email to get our daily news in your inbox.

All Right Reserved By Dharitri.Com

ଗଞ୍ଜାମର ୩ ପଞ୍ଚାୟତକୁ ଜାତୀୟ ଆୱାର୍ଡ: ଟୁଇଟକରି ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଛତ୍ରପୁର, ୨୫।୪( ଡି.ଏନ୍‌.ଏ.): ଜାତୀୟ ପଞ୍ଚାୟତିରାଜ ଦିବସରେ ଶୁକ୍ରବାର ୩ଟି ବିଭାଗରେ ଗଞ୍ଜାମ ଜ଼ିଲାର ୩ ପଞ୍ଚାୟତକୁ ଜାତୀୟ ପଞ୍ଚାୟତ ଆୱାର୍ଡ ମିଳିଛି। ଏ ନେଇ...

ପୂର୍ବ ଶତ୍ରୁତାକୁ କେନ୍ଦ୍ରକରି ଯୁବକଙ୍କୁ ମରଣାନ୍ତକ ଆକ୍ରମଣ

ବ୍ରହ୍ମପୁର ଅଫିସ,୭।୬- ପୂର୍ବ ଶତ୍ରୁତାକୁ କେନ୍ଦ୍ରକରି ଜଣେ ଯୁବକଙ୍କୁ ମରଣାନ୍ତକ ଆକ୍ରମଣ ହୋଇଛି। ସେ ହେଲେ ପୋଲସରା ଥାନା ସୋଡ଼କ ଗ୍ରାମପଞ୍ଚାୟତ ମଦରଙ୍ଗାପଲ୍ଲୀ ଗ୍ରାମର ଗନ୍ଧର୍ବ...

ଘାରିଛି ଅଜବ ନିଶା: ପାଲା ପ୍ରେମରେ ୯୦ ବର୍ଷୀୟ ବିଷ୍ଣୁଚରଣ

ରସୁଲପୁର,୪ା୧(ଡି.ଏନ.ଏ): ଏକଦା ହିନ୍ଦୁ ସଂସ୍କୃତି ଓ ପରମ୍ପରାର ପ୍ରଚାର, ପ୍ରସାର ଦିଗରେ ପାଲା ଏକ ବଳିଷ୍ଠ ମାଧ୍ୟମ ଥିଲା। ସାଂସ୍କୃତିକ କାର୍ଯ୍ୟକ୍ରମରେ ପାଲା ପରିବେଷଣକୁ ଅଧିକ...

ସଙ୍ଗୀତଜ୍ଞ ଶାନ୍ତନୁ ମହାପାତ୍ର ଅସୁସ୍ଥ

ଭୁବନେଶ୍ୱର,୨୯।୧୨(ବ୍ୟୁରୋ): ବରିଷ୍ଠ ଖ୍ୟାତନାମା ଓଡ଼ିଆ ସଙ୍ଗୀତଜ୍ଞ ଶାନ୍ତନୁ ମହାପାତ୍ର (୮୪) ଗୁରୁତର ଅସୁସ୍ଥ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ସେ ନିମୋନିଆ ସହ ଅନ୍ୟ କେତେକ...

ମୁଣ୍ଡୁଳି ଜଳସ୍ରୋତରେ ଫସିଲା ହାତୀ

କଟକ ଅଫିସ,୨୪ା୯: ମୁଣ୍ଡୁଳି ଜଳରେ ଏକ ଦନ୍ତାହାତୀ ଫସିଛି। ଜଳ ସ୍ରୋତ ଅଧିକ ଥିବାରୁ ହାତୀଟି କୂଳକୁ ଯାଇ ପାରୁ ନ ଥିବା ଜଣାପଡ଼ିଛି। ଏଥିସହ...

୭୭ ଲକ୍ଷ ମେଟ୍ରିକ ଟନ ଧାନ ସଂଗ୍ରହ ଲକ୍ଷ୍ୟ

ଭୁବନେଶ୍ୱର,୧୨।୧୦(ବ୍ୟୁରୋ): ଆସନ୍ତା ଖରିଫ ଓ ରବି ଋତୁରେ ରାଜ୍ୟ ସରକାର ୭୭ ଲକ୍ଷ ମେଟ୍ରିକ ଟନ ଧାନ (୫୨ ଲକ୍ଷ ମେଟ୍ରିକ ଟନ ଚାଉଳ) ସଂଗ୍ରହ...

୧୪ ଜିଲାରୁ ୧୭୩ କରୋନା ପଜିଟିଭ ଚିହ୍ନଟ: ଗଞ୍ଜାମରୁ ସର୍ବାଧିକ ୬୪ ଜଣ

ଭୁବନେଶ୍ୱର,୬।୬(ବ୍ୟୁରୋ): ରାଜ୍ୟରୁ ଶନିବାର ଚିହ୍ନଟ ୧୭୩ କରୋନା ଆକ୍ରାନ୍ତ ୧୪ଟି ଜିଲାର। ଏମାନଙ୍କ ମଧ୍ୟରୁ ସର୍ବଧିକ ଗଞ୍ଜାମ ଜିଲାରୁ ୬୪ ଜଣ ରହିଛନ୍ତି। ସେହିପରି ଯାଜପୁରରୁ...

୧୭ ଜିଲାରେ ଆରମ୍ଭ ହେବ ଡିଏଲ୍‌ ଟେଷ୍ଟ୍‌

ଭୁବନେଶ୍ୱର,୧୮ା୬(ବ୍ୟୁରୋ): କରୋନା ସଂକ୍ରମଣ ହାର କମିଥିବାରୁ ରାଜ୍ୟ ସରକାର ୧୭ ଜିଲାରେ ଲକ୍‌ଡାଉନ୍‌ କଟକଣା କୋହଳ କରିଛନ୍ତି। ତେଣୁ ଏହିସବୁ ଜିଲାରେ ଥିବା ଆର୍‌ଟିଓ ପକ୍ଷରୁ...

Advertisement


Archives

Model This Week