ଲଣ୍ଡନ, ୩୦।୫ (ପି.ଟି.):କୋଭିଡ୍-୧୯ ସଂକ୍ରମଣ ପାଇଁ ରୁଦ୍ଧଦ୍ୱାରରେ କ୍ରିକେଟ ଆରମ୍ଭ କରିବାକୁ ପ୍ରସ୍ତୁତ ହେଉଛି ଇଂଲଣ୍ଡ ଆଣ୍ଡ ଓ୍ବେଲ୍ସ କ୍ରିକେଟ ବୋର୍ଡ(ଇସିବି)। ଏଥିପାଇଁ ବୋର୍ଡ ବିଶ୍ୱକପ୍ ବିଜୟୀ ଅଧିନାୟକ ଇଅନ ମୋର୍ଗାନ, ଦୁଇ ମୁଖ୍ୟ ପେସ୍ ବୋଲର ଜେମ୍ସ ଆଣ୍ଡରସନ ଓ ଜୋଫ୍ରା ଆର୍ଚରଙ୍କ ସମେତ ୫୫ ଖେଳାଳିଙ୍କୁ ଆଉଟଡୋର ଟ୍ରେନିଂ ଆରମ୍ଭ କରିବାକୁ ନିର୍ଦ୍ଦେଶ ଦେଇଛି। ଟେଷ୍ଟ କ୍ରିକେଟକୁ ଫୋକସ କରି ଗତ ସପ୍ତାହରେ ୧୮ ବୋଲର ବ୍ୟକ୍ତିଗତ ଟ୍ରେନିଂ ଆରମ୍ଭ କରିଥିଲେ। ଇସିବି ପକ୍ଷରୁ ଏଥିରେ ଆଉ ୩୭ ଜଣଙ୍କୁ ମିଶାଇ ଦିଆଯାଇଛି। ତେବେ ଆହେଲକ୍ସ ହେଲ୍ସ, ଲିଆମ ପ୍ଲଙ୍କେଟ ଏବଂ ଜୋ କ୍ଲାର୍କଙ୍କ ପରି ବଡ଼ ଖେଳାଳି ଏହି ତାଲିକାରେ ସ୍ଥାନ ପାଇ ନାହାନ୍ତି। ୟୁକେ ସରକାର ଅନୁମତି ଦେଲେ ଇସିବି ବିନା ଦର୍ଶକରେ କ୍ରିକେଟ ଆରମ୍ଭ କରିବ। ତେଣୁ ଏଥିପାଇଁ ଖେଳାଳିଙ୍କୁ ଟ୍ରେନିଂ ପାଇଁ ପଡ଼ିଆକୁ ଓହ୍ଲାଇବାକୁ କୁହାଯାଇଛି। କାଉଣ୍ଟି ପାର୍ଟନରଙ୍କ ସହିତ ମିଶି ସ୍ବାସ୍ଥ୍ୟ ଓ ନିରାପତ୍ତାକୁ ଦୃଷ୍ଟିରେ ରଖାଯାଇ ଖେଳାଳିଙ୍କ ଟ୍ରେନିଂ ଆରମ୍ଭ କରାଯିବ ବୋଲି ଇସିବି ପକ୍ଷରୁ ପ୍ରକାଶ କରାଯାଇଛି। ଟ୍ରେନିଂ ଆରମ୍ଭ ପାଇଁ ଅନୁମତି ପାଇଥିବା ଅନ୍ୟ ନାମୀ ଖେଳାଳିଙ୍କ ମଧ୍ୟରେ ରହିଛନ୍ତି ମୋଇନ ଅଲୀ, ଜନି ବେୟାରଷ୍ଟୋ, ଷ୍ଟୁଆଟ ବ୍ରଡ୍, ଜୋସ୍ ବଟଲର, ଆଡିଲ ରଶିଦ, ଟମ୍ କୁରାନ, ଡାଭିଡ ଓ୍ବିଲି, ସାମ୍ ବିଲିଙ୍ଗ୍ସ। ନିର୍ର୍ଦ୍ଦିିଷ୍ଟ ଫର୍ମାଟ ପାଇଁ ଇଂଲଣ୍ଡ ଦଳ ଉଚିତ ସମୟରେ ଘୋଷଣା କରାଯିବ ବୋଲି ଇସିବି ପକ୍ଷରୁ ସ୍ପଷ୍ଟ କରାଯାଇଛି।
