୩ ପୋଲିସ କର୍ମଚାରୀଙ୍କ ସମେତ ଭ୍ୟାନକୁ ଅଟକ ରଖିଲେ ଗ୍ରାମବାସୀ

ପାଟଣା, ୧୬।୮(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ଥାନାର ଭ୍ୟାନ ସମେତ ୩ ଜଣ ପୋଲିସ କର୍ମଚାରୀଙ୍କୁ ଟଭାସରୁଆ ଗ୍ରାମବାସୀ ଗୁରୁବାର ରାତିରେ ଅଟକ ରଖି ପୋଲିସ ବ୍ୟବସ୍ଥା ଉପରୁ ସେମାନଙ୍କ ଆସ୍ଥା ତୁଟିଥିବା ଅଭିଯୋଗ କରିଥିଲେ। ଦାଦନ ଖଟିବାକୁ ଯାଇ ନିର୍ଯାତନାର ଶିକାର ହେଉଥିବା ଗାଁର ୪ ଯୁବକଙ୍କୁ ପୋଲିସ ଉଦ୍ଧାର କରିବାରେ ବିଫଳତା ହେବା ନେଇ ସେମାନେ ଏଭଳି ପ୍ରତିକ୍ରିୟା ବ୍ୟକ୍ତ କରିଥିଲେ। ଏ ନେଇ ଗ୍ରାମରେ ଚାପା ଉତ୍ତେଜନା ପ୍ରକାଶ ପାଇଥିଲା। ଶେଷରେ ପୋଲିସ ଉତ୍ତ୍ୟକ୍ତ ଗ୍ରାମବାସୀଙ୍କୁ ବୁଝାଶୁଝା କରି ଫେରିଥିଲା।
ଗ୍ରାମବାସୀ ଦର୍ଶାଇଥିଲେ ଯେ, ବଡ଼ବିଲ ପଞ୍ଚାୟତ ଟଭାସରୁଆ ଗ୍ରାମର ୪ ଜଣ ଯୁବକଙ୍କୁ ୩ଜଣ ସ୍ଥାନୀୟ ଦଲାଲ ଗତ ମେ ୨୦ ତାରିଖରେ ଦିଲ୍ଲୀର ଏକ ମେଡିସିନ ଫ୍ୟାକ୍ଟ୍ରିରେ ମାସକୁ ୧୦ ହଜାର ଟଙ୍କାର ଦରମାରେ କାମ ଦେବାର ପ୍ରତିଶ୍ରୁତି ଦେଇ ନେଇଯାଇଥିଲେ। ପରେ ଦିଲ୍ଲୀରୁ ଅନ୍ୟଜଣେ ଠିକାଦାରଙ୍କ ଜରିଆରେ ରାଜସ୍ଥାନର କୌଣସି ଏକ ଆଇସ୍କ୍ରିମ ଫ୍ୟାକ୍ଟ୍ରି କୁ ନିଆଯାଇ ସେଠାରେ ଦାଦନ ଖଟିବାକୁ ବାଧ୍ୟ କରାଯାଇଥିଲା। ବିନା ଦରମାରେ ଦେଢ଼ ମାସରୁ ଊର୍ଦ୍ଧ୍ୱ ସମୟ ଧରି ନିର୍ଯାତନା ସହି କାମ କରିବା ପରେ କୌଣସି ମତେ ଘରକୁ ଫୋନ୍‌ କରି ସେମାନଙ୍କୁ ଉଦ୍ଧାର କରିବାକୁ ଜଣାଇଥିଲେ। ଏହାପରେ ଏହିି ୪ ଯୁବକଙ୍କ ମା’ ଗ୍ରାମବାସୀଙ୍କ ସହ ଗତ ଜୁଲାଇ ୨୦ ତାରିଖରେ ପାଟଣାଥାନାକୁ ଯାଇ ଅଭିଯୋଗ କରିଥିଲେ। ୪ ଯୁବକ ଦାଦନ ଖଟିବାକୁ ଯାଇ ନିର୍ଯାତନାର ଶିକାର ହୋଇଥିବା ନେଇ ଗତ ୯ ତାରିଖରେ ଧରିତ୍ରୀରେ ଖବର ପ୍ରକାଶ ପାଇଥିଲା। ପାଟଣା ବିଧାୟକ ଜଗନ୍ନାଥ ନାଏକ ଗୁରୁବାର ପୂର୍ବାହ୍ନରେ ଏହି ଗ୍ରାମକୁ ଯାଇ ଘଟଣା ଅନୁଧ୍ୟାନ କରି ଜିଲା ପ୍ରଶାସନର ଦୃଷ୍ଟି ଆକର୍ଷଣ କରିଥିଲେ। ଏହାପରେ ପାଟଣା ପୋଲିସ ଗୁରୁବାର ରାତ୍ରିରେ ଟଭାସରୁଆ ଗାଁକୁ ଯାଇ ଲେବର କୋର୍ଟର ଆଶ୍ରୟ ନେବା ଲାଗି ସମ୍ପୃକ୍ତ ଅଭିଭାବକଙ୍କୁ ବୁଝାଇଥିଲା । ଏଭଳି ସ୍ଥିତିରେ ସେଠାରେ ପୋଲିସକୁ ଲୋକଙ୍କ ଆକ୍ରୋଶର ଶିକାର ହେବାକୁ ପଡିଥିଲା। ସେମାନେ ୩ ପୋଲିସ କର୍ମଚାରୀଙ୍କ ସମେତ ପୋଲିସ ଗାଡିକୁ ଗ୍ରାମରେ ଅଟକ ରଖି ଦାଦନ ଖଟିବାକୁ ଯାଇଥିବା ଏହି ୪ଯୁବକଙ୍କୁ ଶୀଘ୍ର ଉଦ୍ଧାର କରିବାକୁ ଦାବି କରିଥିଲେ।
(ଫଟୋ-


Enter your email to get our daily news in your inbox.

All Right Reserved By Dharitri.Com

ଟିଟୋ ସହଯୋଗୀ ମୁନା ଲାଡେନ୍‌ ଗିରଫ

କଟକ ଅଫିସ,୧୪ ।୧୧: ଦାଦାବଟି ମାମଲାରେ ଦରଘାବଜାର ପୋଲିସ ଗ୍ୟାଙ୍ଗଷ୍ଟର ଟିଟୋଙ୍କ ସହଯୋଗୀ ବାଙ୍କା ବଜାରର ମୁନା ଲାଡେନ୍‌ ଓରଫ ସୟଦ ମୁତାକ୍ୱିଦଙ୍କୁ ଗିରଫ କରିଛି।...

ଦୋକାନରେ ଔଷଧ କିଣାରୁ ମିଳିଲା ତଥ୍ୟ: ୨୦ ଜଣଙ୍କ ଠାରେ ଶ୍ୱାସକ୍ରିୟା ସମସ୍ୟା, ଫ୍ଲୁ

ଛତ୍ରପୁର, ୨୫।୪(ଡି.ଏନ୍‌.ଏ.): ଗଞ୍ଜାମ ଜିଲାରେ ଥିବା ଘରୋଇ ଔଷଧ ଦୋକାନୀଗୁଡ଼ିକ ସେମାନଙ୍କ ଦୋକାନରୁ ଔଷଧ କିଣୁଥିବା ଲୋକଙ୍କ ତଥ୍ୟ ଦୈନିକ ଡ୍ରଗ ଇନ୍ସପେକ୍ଟରଙ୍କୁ ଦେବା ପାଇଁ...

ନକଲି ଜର୍ଦ୍ଦା କାରଖାନା ଉପରେ ଚଢ଼ାଉ: ୪ ଅଟକ

ଛତିଆ,୧୩।୧(ଡି.ଏନ୍‌.ଏ.): ଯାଜପୁର ଜିଲା ଛତିଆ ନିକଟ ବୈରୀ ଥାନା ଅନ୍ତର୍ଗତ ବିଦ୍ୟାଧରପୁର ଗ୍ରାମରେ ନକଲି ଜର୍ଦ୍ଦା କାରଖାନା ଉପରେ ସୋମବାର ଚଢ଼ାଉ କରାଯାଇଛି। ଥାନା ଅଧିକାରୀଙ୍କ...

ପାଣିରେ ବୁଡ଼ି ନାବାଳିକା ମୃତ

କେନ୍ଦୁଝର, ୩ା୬(ଡି.ଏନ୍‌.ଏ.)-କେନ୍ଦୁଝର ସଦର ଥାନା ପଦ୍ମପୁର ମେଗା ନର୍ସରୀ ନିକଟରେ ଥିବା ପୋଖରୀରେ ରବିବାର ଅପରାହ୍ନରେ ବୁଡିଯାଇ ଜଣେ ୭ବର୍ଷ ଶିଶୁକନ୍ୟାଙ୍କର ମୃତ୍ୟୁ ଘଟିଛି। ରବିବାର...

ବରଗଡ଼ ଜିଲାପାଳ, ଏସ୍‌ପି ନେଲେ କୋଭିଡ ଟିକା

ବରଗଡ଼ ଅଫିସ,୬।୨: ବରଗଡ଼ ଜିଲାରେ ଶନିବାର କୋଭିଡ ଟିକାକରଣ ଚାଲିଛି। ଜିଲାପାଳଙ୍କ ଅଫିସ ପରିସରରେ ଅନୁଷ୍ଠିତ ଏହି ଟିକାକରଣ କାର୍ଯ୍ୟକ୍ରମରେ ଜିଲାପାଳ ଜ୍ୟୋତିରଞ୍ଜନ ପ୍ରଧାନ ପ୍ରଥମେ...

ବିବାହ ଭୋଜିଖାଇ ୨୦୦ ଝାଡ଼ାବାନ୍ତିରେ ଆକ୍ରାନ୍ତ

ରାଜଗାଙ୍ଗପୁର, ୨୦।୪ (ଡି.ଏନ.ଏ.)- ସୁନ୍ଦରଗଡ଼ ଜିଲା ରାଜଗାଙ୍ଗପୁର ବ୍ଲକ ଅନ୍ତର୍ଗତ କୁଟୁଣିଆ ଗ୍ରାମପଞ୍ଚାୟତ ଲାଠୁପଡା ଗ୍ରାମରେ ଶୁକ୍ରବାର ବିବାହ ଭୋଜିଖାଇ ୨୦୦ରୁ ଅଧିକ ଲୋକ ଝାଡ଼ାବାନ୍ତିରେ...

ସଫେଇ କର୍ମଚାରୀ ସମ୍ମାନିତ

ବାଲିଗୁଡ଼ା,୧୮ା୪(ଡି.ଏନ୍‌.ଏ.)- ବାଲିଗୁଡ଼ା ଏନ୍‌ଏସିରେ କାର୍ଯ୍ୟରତ ୫୦ରୁ ଉର୍ଦ୍ଧ୍ୱ ମହିଳା ଓ ପୁରୁଷ ସଫେଇ କର୍ମଚାରୀଙ୍କୁ ଉପଢ଼ୌକନ ଦେଇ ସମ୍ମାନିତ କରିଛନ୍ତି ଫୁଲବାଣୀର ଯୁବ ସାମାଜିକ କର୍ମୀ...

ଗୁଟ୍‌ଖା ନିଷେଧ ଆଇନ ଧର୍ମକୁ ଆଖିଠାର: ଗଜପତି ଖାଦ୍ୟ ନିରାପତ୍ତା ଅଧିକାରୀ ଗଞ୍ଜାମ ଦାୟିତ୍ୱରେ

ବ୍ରହ୍ମପୁର ଅଫିସ,୧୫ା୧୧- ଗୁଟ୍‌ଖା ଓ ନିକୋଟିନଯୁକ୍ତ ତମାଖୁ ବ୍ୟବହାର, ବିପଣନ ଆଦି ଉପରେ ରାଜ୍ୟ ସରକାର ନିଷେଧାଦେଶ ଜାରି କରିବାର ପ୍ରାୟ ୭ ବର୍ଷ ହୋଇଗଲାଣି।...

Advertisement


Archives

Model This Week