ନୂଆଦିଲ୍ଲୀ/ଓ୍ବାଶିଂଟନ,୨୧।୩: ଜଜଳବାୟୁ ପରିବର୍ତ୍ତନ, ବିଶ୍ୱତାପନ ଏବଂ ପ୍ରଦୂଷଣ ଯୋଗୁ ପୃଥିବୀ ଏବେ ଜଳ ସଙ୍କଟ ଦେଖାଦେଇଛି। ଲୋକଙ୍କୁ ପିଇବା ପାଣି ମିଳୁନି। ପୃଥିବୀର ୪ ଶହରୁ ଅଧିକ କୋଟି ଲୋକଙ୍କୁ ପିଇବା ପାଇଁ ପାଣି ମିଳୁ ନ ଥିବା ଜାତିସଂଘ ପକ୍ଷରୁ ପ୍ରକାଶିତ ଏକ ରିପୋର୍ଟରେ ଦର୍ଶାଯାଇଛି। ସେଥିମଧ୍ୟରୁ ଭାରତରେ ଏକ ଚତୁର୍ଥାଂଶ ଲୋକ ଅର୍ଥାତ୍ ପ୍ରାୟ ୩୦ କୋଟିରୁ ଅଧିକ ଲୋକଙ୍କ ପାଇଁ ପିଇବା ପାଣି ଏକ ସମସ୍ୟା ଭାବେ ଉଭା ହୋଇଛି। ଭାରତର ୫୦ ପ୍ରତିଶତ ଅଞ୍ଚଳରେ ପିଇବା ପାଣିର ଘୋର ଅଭାବ ରହିଛି। ପୃଥିବୀରେ ମହଜୁଦ୍ ଥିବା ଭୂତଳ ଜଳ ମଧ୍ୟରୁ ୨୪ ପ୍ରତିଶତ କେବଳ ଭାରତରେ ବ୍ୟବହୃତ ହେଉଛି। ଭାରତରେ ବର୍ଷାର ଅଭାବ ଯୋଗୁ ଜଳ ସଙ୍କଟ ବଢୁଥିବା କୁହାଯାଉଛି। ରିପୋର୍ଟରେ ଦର୍ଶାଯାଇଛି ୨୦୫୦ ବେଳକୁ ଦୁନିଆର ୨ ଶହ ପ୍ରମୁଖ ସହରରେ ଜଳସଙ୍କଟ ସୃଷ୍ଟି ହେବାର ଆଶଙ୍କା ରହିଛି। ପୃଥିବୀର ୩୩ ଦେଶରେ ଆସନ୍ତା ୨୦ ବର୍ଷ ମଧ୍ୟରେ ୨୦୪୦ ବେଳକୁ ଜଳ ସଙ୍କଟ ଉଗ୍ର ହେବ ବୋଲି ରିପୋର୍ଟରେ ପ୍ରକାଶ ପାଇଛି। ଜଳବାୟୁ ପରିବର୍ତ୍ତନ ପ୍ରଭାବ ଏବେ ଚିଲିର ସାଣ୍ଟିାଆଗୋ ସହରରେ ପଡ଼ିଛି। ଦିନେ ହ୍ରଦର ସହରଥିବା ସାଣ୍ଟିଆଗୋ ଆଜି ମରୁଭୂମିରେ ପରିଣତ ହୋଇଛି। ଏହାକୁ ଦୃଷ୍ଟିରେ ରଖି ୧୯୯୩ଠାରୁ ପ୍ରତିବର୍ଷ ମାର୍ଚ୍ଚ ୨୨କୁ ବିଶ୍ୱ ଜଳ ଦିବସ ଭାବେ ପାଳନ କରାଯାଉଛି।
