ଚେନ୍ନାଇ,୨୨-୧୧:୨୦୨୧ ତାମିଲନାଡ଼ୁ ବିଧାନସଭା ନିର୍ବାଚନ ବେଳେ ରାଜ୍ୟ ରାଜନୀତିରେ ଚମତ୍କାର ହେବ ବୋଲି ଗୁରୁବାର ସୁପରଷ୍ଟାର ରଜନୀକାନ୍ତ ଦୋହରାଇଛନ୍ତି। ଜାତି, ସମ୍ପ୍ରଦାୟ ଓ ଆଧ୍ୟାମତ୍ିକ ରାଜନୀତି କେବେ କାମ କରିବନାହିଁ ବୋଲି ମନ୍ତ୍ରୀ ଡି. ଜୟକୁମାର ମନ୍ତବ୍ୟ ଦେଇଥିବାବେଳେ ଏହାକୁ ନେଇ ପ୍ରତିକ୍ରିୟା ପ୍ରକାଶ କରି ରଜନୀକାନ୍ତ ଏପରି କହିଛନ୍ତି। ଆସନ୍ତାବର୍ଷ ନିଜ ରାଜନୈତିକ ଦଳ ଆରମ୍ଭ କରିବାକୁ ଯାଉଥିବା ରଜନୀକାନ୍ତ ପୂର୍ବରୁ କହିସାରିଛନ୍ତି ଯେ, ତାଙ୍କ ଦଳ ଆଧ୍ୟାମତ୍ିକ ରାଜନୀତି ଉପରେ ଗୁରୁତ୍ୱ ଦେବ। ତାମିଲନାଡ଼ୁର ଜନସାଧାରଣ ଚମତ୍କାର ଓ ବିସ୍ମୟକୁ ୧୦୦% ସୁନିଶ୍ଚିତ କରିବେ ବୋଲି ଚେନ୍ନାଇ ବିମାନବନ୍ଦରରେ କହିଛନ୍ତି। ଆବଶ୍ୟକ ହେଲେ ରଜନୀକାନ୍ତ ଓ ଅଭିନେତାରୁ ରାଜନେତା ସାଜିଥିବା କମଲ ହାସନ ରାଜନୀତିରେ ହାତ ମିଳାଇବେ ବୋଲି ସଙ୍କେତ ଦେଇସାରିଛନ୍ତି। ଅନ୍ୟପକ୍ଷରେ ଶାସକ ଏଆଇଏଡିଏମ୍କେ ପୁନର୍ବାର କ୍ଷମତାକୁ ଫେରିବ ବୋଲି ରଜନୀକାନ୍ତ କହିଛନ୍ତି ବୋଲି ମୁଖ୍ୟମନ୍ତ୍ରୀ ଇ.କେ. ପାଲାନିସ୍ବାମୀ କଟାକ୍ଷ କରିଛନ୍ତି।
