ମୁମ୍ବାଇ: ବଲିଉଡ୍ ନାୟିକା ହେମାମାଳିନୀ, ରେଖା ଓ ଶ୍ରୀଦେବୀଙ୍କୁ ବଡ ପରଦାରେ ଯେଉଁ ସଫଳତା ମିଳିଥିଲା ତାହା ବୋଧହୁଏ ଏପର୍ଯ୍ୟନ୍ତ ଅନ୍ୟ କୌଣସି ଅଭିନେତ୍ରୀଙ୍କୁ ମିଳିନାହିଁ ବୋଲି କୁହାଯାଏ। ହେଲେ ଏହି ସଫଳତା ଏବେ ନାୟିକା ଭୂମୀ ପେଡନେକରଙ୍କୁ ମିଳିଛି ବୋଲି କୁହାଯାଉଛି। କାରଣ ପରଦାରେ ଏବେ ହ୍ୟାଟ୍ରିକ୍ ମାରିଛନ୍ତି ଭୂମୀ। ଏକାଥରେ ତାଙ୍କର ୩ଟି ଫିଲ୍ମ ଦର୍ଶକଙ୍କୁ ବେଶ୍ ପସନ୍ଦ ଆସିଛି। ଭୂମୀଙ୍କ ଅଭିନୀତ ‘ବାଲା’, ‘ସାଣ୍ଡ କି ଆଖେଁ’ ଓ ‘ପତି ପତ୍ନୀ ଓର ଓ୍ବ’ ତାଙ୍କ ପାଇଁ ଏହି ସଫଳତା ଆଣି ଦେଇଛି। ଏହାକୁ ନେଇ ନିକଟରେ ଭୂମୀ କହିଛନ୍ତି ଏହା କେବଳ ଦର୍ଶକଙ୍କ ଭଲପାଇବା ଯୋଗୁ ସମ୍ଭବ ହୋଇଛି। ନବାଗତା ହିସାବରେ ଭୂମୀଙ୍କୁ ପ୍ରଥମଥର ଲାଗି ଏହି ସଫଳତା ମିଳିଛି ବୋଲି କୁହାଯାଉଛି।
