Posted inଖେଳ

ହେଭିଓ୍ବେଟ୍‌ ଚାମ୍ପିୟନ

୬ ଫୁଟ ୯ ଇଞ୍ଚ୍‌ ଉଚ୍ଚତା ବିଶିଷ୍ଟ ବ୍ରିଟିଶ ବକ୍ସର ଟାଇସନ ଫ୍ୟୁରି ବିଶ୍ୱ ହେଭିଓ୍ବେଟ ଟାଇଟଲ ଜିତିଛନ୍ତି। ଆମେରିକାର ଡେଓଣ୍ଟେ ଓ୍ବାଇଲ୍ଡରଙ୍କୁ ହରାଇ ସେ ବାଜି ମାରିଛନ୍ତି। ଏଥି ସହିତ ଫ୍ୟୁରି ଡବ୍ଲ୍ୟୁବିଏ, ଆଇବିଏଫ୍‌, ଡବ୍ଲ୍ୟୁବିଓ, ଆଇବିଓ, ଡବ୍ଲ୍ୟୁବିସି ଓ ଦି ରିଙ୍ଗ୍‌ ମାଗାଜିନ୍‌ ଟାଇଟଲ ଜିତିଥିବା ବକ୍ସର ବନିଯାଇଛନ୍ତି…

ପୁଣି ଥରେ ବ୍ରିଟେନର ପେସାଦାର ବକ୍ସର ଟାଇସନ ଫ୍ୟୁରି ବିଶ୍ୱ ହେଭିଓ୍ବେଟ୍‌ ଚାମ୍ପିୟନଶିପ୍‌ ହାସଲ କରିଛନ୍ତି। ଆମେରିକାର ଡେଓଣ୍ଟେ ଓ୍ବାଇଲ୍ଡରଙ୍କୁ ହରାଇ ସେ ବାଜି ମାରିଛନ୍ତି। ଏଥି ସହିତ ବକ୍ସିଂ ଇତିହାସରେ ଫ୍ୟୁରି ଜଣେ ବ୍ରିଟିଶ ବକ୍ସର ଭାବେ ବିଦେଶରେ ଏକ ବଡ଼ଧରଣର ସଫଳତା ହାସଲ କରିଛନ୍ତି। ବକ୍ସିଂ ଇତିହାସରେ ଯେକୌଣସି ବ୍ରିଟେନ ବକ୍ସରଙ୍କ ପାଇଁ ଏହା ଏକ ବଡ଼ ସଫଳତା। ଆମେରିକାର ଲାସ୍‌ ଭେଗାସରେ ଅନୁଷ୍ଠିତ ଏହି ମୁକାବିଲାରେ ଫ୍ୟୁରି ଦମ୍‌ଦାର ପ୍ରଦର୍ଶନ କରି ଓ୍ବାଇଲ୍ଡରଙ୍କୁ ହରାଇଥିଲେ। ଦୁଇ ତାରକା ବକ୍ସରଙ୍କ ମଧ୍ୟରେ ଅନୁଷ୍ଠିତ ଏହି ବହୁ ପ୍ରତୀକ୍ଷିତ ମୁକାବିଲା ବେଶ୍‌ ଉପଭୋଗ୍ୟ ହୋଇଥିଲା। ଏଥି ସହିତ ଦୀର୍ଘଦିନ ପରେ ଫ୍ୟୁରୀ ସଫଳ ପ୍ରତ୍ୟାବର୍ତ୍ତନ କରିଛନ୍ତି। ୬ ଫୁଟ ୯ ଇଞ୍ଚ୍‌ ଉଚ୍ଚତା ବିଶିଷ୍ଟ ଫ୍ୟୁରିଙ୍କ ସମ୍ମୁଖରେ ୬ ଫୁଟ ୭ ଇଞ୍ଚ୍‌ ଉଚ୍ଚତା ବିଶିଷ୍ଟ ଓ୍ବାଇଲ୍ଡର ବେଶ୍‌ ଛୋଟ ଜଣାପଡୁଥିଲେ। ହେଭିଓ୍ବେଟ୍‌ ଚାମ୍ପିୟନଶିପ ରିମ୍ୟାଚ୍‌ର ମଜା ନେଇଥିଲେ ୧୫, ୮୧୬ଜଣ ଦର୍ଶକ। ଏଥି ସହିତ ଫ୍ୟୁରି ଡବ୍ଲ୍ୟୁବିଏ, ଆଇବିଏଫ୍‌, ଡବ୍ଲ୍ୟୁବିଓ, ଆଇବିଓ, ଡବ୍ଲ୍ୟୁବିସି ଓ ଦି ରିଙ୍ଗ୍‌ ମାଗାଜିନ୍‌ ଟାଇଟଲ ଜିତିଥିବା ବକ୍ସର ବନିଯାଇଛନ୍ତି। ଜିତିବା ଅପେକ୍ଷା ରିଙ୍ଗ୍‌ରେ ଫ୍ୟୁରି ତାଙ୍କ ଆଚରଣ ନେଇ ବେଶ୍‌ ଚର୍ଚ୍ଚିତ ଥିଲେ। ବାରମ୍ବାର ପଞ୍ଚ୍‌ ମାରି ସେ ଓ୍ବ୍‌ାଇଲ୍ଡରଙ୍କୁ ଅଧାମରା କରିଦେଇଥିଲେ। ଓ୍ବାଇଲ୍ଡର ବେଜିଂ ଅଲିମ୍ପିକ୍ସରେ ବ୍ରୋଞ୍ଜ୍‌ ପଦକ ଜିତିଥିଲେ।
ମାଞ୍ଚେଷ୍ଟରରେ ଜନ୍ମିତ ୩୧ ବର୍ଷୟ ପ୍ୟୁରି କ୍ୟାରିୟରରେ ଏପର୍ଯ୍ୟନ୍ତ ୩୧ଟି ମୁକାବିଲରେ ଅବତୀର୍ଣ୍ଣ ହୋଇଛିନ୍ତି। ସେଥି ମଧ୍ୟରୁ ସେ ୩୦ଟିରେ ବିଜୟୀ ହୋଇଛନ୍ତି। ଏଥିମଧ୍ୟରୁ ୨୧ଟି ନକ୍‌ଆଉଟ ବିଜୟ ସାବ୍ୟସ୍ତ ହୋଇଥିବା ବେଳେ ୯ଟି ଡିସିସନ ମାଧ୍ୟମରେ ସେ ବିଜୟୀ ଘୋଷିତ ହୋଇଥିଲେ। ଏହି ବିଜୟ ସହ ଫ୍ୟୁରି ୨୮ ମିଲିୟନ ଆମେରିକୀୟ ଡଲାର ପୁରସ୍କାର ରାଶି ହାସଲ କରିଛନ୍ତି। ଫ୍ୟୁରିଙ୍କ ପ୍ରଦର୍ଶନରେ ତାଙ୍କ ପିତା ଜନ୍‌ ଫ୍ୟୁରି ବେଶ୍‌ ଖୁସି ଜାହିର କରିଛନ୍ତି। ଆଗକୁ ଫ୍ୟୁରି ଆହୁରି ବଡ଼ ଧରଣର ସଫଳତା ହାସଲ କରିବେ ବୋଲି ଜନ ଆଶା ପ୍ରକାଶ କରିଛନ୍ତି।
ଦୁଇଥର ହେଭିଓ୍ବେଟ ଚାମ୍ପିୟନଶିପ୍‌ ହାସଲ କରିଥିବା ଫ୍ୟୁରି କ୍ୟାରିୟରରେ ସବୁ ପ୍ରକାର ସଫଳତା ଅର୍ଜନ କରିଛନ୍ତି। ଓ୍ବାଇଲ୍ଡରଙ୍କୁ ହରାଇବା ପରେ ସେ ଫ୍ଲଏଡ ପାଟରସନ ଓ ମହମ୍ମଦ ଅଲିଙ୍କ ପରେ ତୃତୀୟ ହେଭିଓ୍ବେଟ ବିବେଚିତ ହେଉଛନ୍ତି।
ବିଶ୍ୱ ଜୁନିୟର ଚାମ୍ପିୟନଶିପ୍‌ରେ ୨୦୦୬ରେ ସେ ସୁପର ହେଭିଓ୍ବେଟ୍‌ରେ ରୌପ୍ୟ ପଦକ ହାସଲ କରିଥିଲେ। ସେହିପରି ୟୁରୋପିଆନ ଜୁନିୟର ଚାମ୍ପିୟନଶିପ୍‌ରେ ସେ ୨୦୦୭ରେ ରୌପ୍ୟପଦକ ଜିତିଥିଲେ। ୟୁରୋପିଆନ ୟୁନିୟନର ଜୁନିୟର ଚାମ୍ପିୟନଶିପ୍‌ରେ ସେ ୨୦୦୭ରେ ସ୍ବର୍ଣ୍ଣ ପଦକ ହାସଲ କରିଥିଲେ। ଏହାପରେ ଇଂଲିଶ ନ୍ୟାଶନାଲ ଚାମ୍ପିୟନଶିପ୍‌ରେ ଫ୍ୟୁରି ୨୦୦୮ରେ ସ୍ବର୍ଣ୍ଣ ପଦକ ହାସଲ କରିଥିଲେ। ପେସାଦାର ବକ୍ସିଂ ଭଳି ଆମେଚର ବକ୍ସିଂରେ ମଧ୍ୟ ସେ ବେଶ୍‌ ସଫଳ ରହିଆସିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବର୍ଣ୍ଣବୈଷମ୍ୟ ବିରୋଧୀ ଲଢ଼େଇ: ସାମାଜିକ ନ୍ୟାୟ ପାଇଁ ଜୋର୍ଡାନ ଦେବେ ୭୫୫ କୋଟି ଟଙ୍କା

ଚାର୍ଲୋଟ,୬।୬(ଏପି): ବର୍ଣ୍ଣବୈଷମ୍ୟ ବିରୋଧୀ ଲଢ଼େଇରେ ସାମିଲ ହୋଇଛନ୍ତି କିମ୍ବଦନ୍ତୀ ବାସ୍କେଟବଲ ଖେଳାଳି ତଥା ଏନ୍‌ବିଏ ତାରକା ମାଇକେଲ ଜୋର୍ଡାନ। ସମାଜରେ ଥିବା ରଙ୍ଗ ଭେଦକୁ ଦୂରେଇବା...

ଶ୍ରୀଲଙ୍କା ଉପରେ ବିଜୟ ପରେ ପାକିସ୍ତାନକୁ ଫାଇଦା: ୩ନଂ ସ୍ଥାନକୁ ଉଠିଲା, ୪ର୍ଥରେ ଭାରତ

ଦୁବାଇ,୨୦।୭: ଗାଲେ ଟେଷ୍ଟରେ ବୁଧବାର ଶ୍ରୀଲଙ୍କାକୁ ପରାଜିତ କରିବା ପରେ ଆଇସିସି ବିଶ୍ୱ ଟେଷ୍ଟ ଚାମ୍ପିୟନଶିପର ୩ନଂ ସ୍ଥାନରେ ପହଞ୍ଚି ଯାଇଛି ପାକିସ୍ତାନ। ଶ୍ରୀଲଙ୍କା ଦ୍ୱିତୀୟ...

ବିବାହ ପରେ ମାତ୍ର ୨୧ ଦିନ ଏକତ୍ର ରହିଥିଲେ ବିରାଟ-ଅନୁଷ୍କା

ବଲିଉଡ୍‌ ଅଭିନେତ୍ରୀ ଅନୁଷ୍କା ଶର୍ମା ଏବଂ ଭାରତୀୟ କ୍ରିକେଟ ଅଧିନାୟକ ବିରାଟ କୋହଲି କୌଣସି ନା କୌଣସି ଖବରକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ବିବାହ...

କୋଣ୍ଟାଙ୍କ ପ୍ରଭାବୀ ପ୍ରଦର୍ଶନ ଜାରି

ପ୍ୟାରିସ, ୨ା୬-ବ୍ରିଟେନ୍‌ର ଜୋହାନା କୋଣ୍ଟା ଫ୍ରେଞ୍ଚ ଓପନ୍‌ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତା ମହିଳା ସିଙ୍ଗଲ୍ସ କ୍ୱାର୍ଟରଫାଇନାଲରେ ପ୍ରବେଶ କରିଛନ୍ତି। ରବିବାର ଅନୁଷ୍ଠିତ ଏକ ଚତୁର୍ଥ ରାଉଣ୍ଡ...

ଏଥର ଦୋହାରେ ବିଶ୍ୱ ଆଥଲେଟିକ୍ସ ଚାମ୍ପିୟନଶିପ୍‌

ଅଲିମ୍ପିକ୍ସ ପରେ ବିଶ୍ୱ ଆଥଲେଟିକ ଚାମ୍ପିୟନଶିପ୍‌ ଦ୍ୱିତୀୟ ଶ୍ରେଷ୍ଠ କ୍ରୀଡ଼ା ମହାକୁମ୍ଭର ମାନ୍ୟତା ପାଇଛି। ଏହି ମେଗା ଇଭେଣ୍ଟର ୧୭ତମ ସଂସ୍କରଣ ଏଥର କାତାର ରାଜଧାନୀ...

ଭାରତ ଛିଡ଼ା କଲା ୨୭୮ ରନ୍‌ର ଟାର୍ଗେଟ

ଅକ୍‌ଲାଣ୍ଡ,୧୯।୩: ଅଷ୍ଟ୍ରେଲିଆ ଆଗରେ ଭାରତ ଛିଡ଼ା କରିଛି ୨୭୮ ରନ୍‌ର ଚ୍ୟାଲେଞ୍ଜିଂ ଟାର୍ଗେଟ। ସ୍ଥାନୀୟ ଇଡେନ ପାର୍କରେ ଶନିବାର ଖେଳାଯାଉଥିବା ମ୍ୟାଚ୍‌ରେ ଆମନ୍ତ୍ରଣ ପାଇ ପ୍ରଥମେ...

କଟକରେ ରେକର୍ଡ ରଚିଲା ଭାରତୀୟ ଟିଟି:ରାଜ୍ୟଗୋଷ୍ଠୀ କ୍ରୀଡ଼ା ସ୍ବର୍ଣ୍ଣ ପଦକରେ କ୍ଲିନ୍‌ ସୁଇପ୍‌

କଟକ ଅଫିସ,୨୩ା୭- ଜବାହରଲାଲ ନେହେରୁ ଇନଡୋର ଷ୍ଟାଡିୟମରେ ଅନୁଷ୍ଠିତ ୨୧ତମ ରାଜ୍ୟଗୋଷ୍ଠୀ ଟେବୁଲ ଟେନିସ ପ୍ରତିଯୋଗିତା ସୋମବାର ଉଦ୍‌ଯାପିତ ହୋଇଛି। ଟୁର୍ନାମେଣ୍ଟର ସମସ୍ତ ୭ଟି ଯାକ...

ଦ୍ୱନ୍ଦ୍ୱରେ ବିଗ୍‌ ବାସରେ ବାଉଣ୍ଡ୍ରି ବାହାରେ କ୍ୟାଚ୍‌

ସିଡ୍‌ନୀ,୧୦।୧(ଏଏଫ୍‌ପି)- ଚଳିତ ବିଗ ବାସ ଲିଗ୍‌ (ବିବିଏଲ)ରେ ଗୁରୁବାର ଖେଳାଯାଇଥିବା ଏକ ମ୍ୟାଚ୍‌ରେ ଦୁଇ ଜଣିଆ କ୍ୟାଚ୍‌ ଦ୍ୱାରା ହାବର୍ଟ ଅଧିନାୟକ ମାଥ୍ୟୁ ଓ୍ବେଡ ଆଉଟ୍‌...

Advertisement
Archives

Model This Week