ବାରିପଦା ଅଫିସ,୨୩ା୧୦- ବାରିପଦା ସହରରେ କିଛି ଦିନ ହେବ ଚୋରି ଓ ଲୁଟ ଘଟଣା ବୃଦ୍ଧି ପାଇଛି। ସହର ଏକ ପ୍ରକାର ଅପରାଧୀଙ୍କ ଚରାଭୁଇଁ ପାଲଟିଥିବା ଅଭିଯୋଗ ହେଉଛି। ମଙ୍ଗଳବାର ରାତି ପ୍ରାୟ ୧୦.୩୦ ବେଳେ ରକ୍ସିରୋଡ଼ସ୍ଥିତ ଜଣେ ସୁନା ଦୋକାନୀ ଦୋକାନ ବନ୍ଦ କରି ମଧୁବନସ୍ଥିତ ନିଜ ଘରକୁ ଯାଉଥିଲେ। ଏହି ସମୟରେ ୨ ଜଣ ଦୁବୃର୍ତ୍ତ ଏକ ନମ୍ବର ବିହୀନ ମୋଟର ସାଇକେଲରେ ତାଙ୍କର ପିଛା କରି ବିଜୁପଟ୍ଟନାୟକ ଗୋଲେଇ ନିକଟସ୍ଥ ପ୍ରାଣୀ ଚିକିତ୍ସାଳୟ ରାସ୍ତାରେ ସୁନା ଗହଣା ବ୍ୟାଗକୁ ନେଇ ଖସି ଯାଉଥିଲେ। ସୁନା ଦୋକାନୀ ଜଣକ ତାଙ୍କ ପଛରେ ଗୋଡ଼ାଇ ଥିଲେ। ପରେ ଚିକିତ୍ସାଳୟ ନିକଟସ୍ଥ ଏକ ଚାହା ଦୋକାନ ନିକଟରେ ଥିବା ଛାତ୍ର ବିଜେଡି ରାଜ୍ୟ ସମ୍ପାଦକ ଶେଖ ଅବଦୁଲ ହବିବ ଓ ତାଙ୍କ ସମର୍ଥକମାନେ ଦୁର୍ବୃତ୍ତ ଦ୍ୱୟଙ୍କୁ ଗୋଡାଇ ଥିଲେ। ଜଣେ ଦୁର୍ବୃତ୍ତ ଖସି ଯାଇଥିବା ବେଳେ ଅନ୍ୟ ଜଣଙ୍କୁ କାବୁ କରି ପୋଲିସ ଜିମା ଦେଇଥିଲେ।
