ସୁଅ ମୁହଁରେ ଅଥୟ କଙ୍କଡ଼ାପାଳ

ବାଲିଆପାଳ, ୨୭ା୮(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ବ୍ଲକ ଚଉମୁଖ ପଞ୍ଚାୟତ କଙ୍କଡାପାଳ ଅଞ୍ଚଳରେ ସୁବର୍ଣ୍ଣରେଖା କୂଳ ଖାଇ ଗତିପଥ ବଦଳାଇବା ପରିସ୍ଥିତି ସୃଷ୍ଟି ହୋଇଛି। ଏ ନେଇ ଅଞ୍ଚଳବାସୀ ଭୟରେ ଦିନ ବିତାଉଛନ୍ତି। ସୁବର୍ଣ୍ଣରେଖା କୂଳକ୍ଷୟରୁୁ କଙ୍କଡାପାଳ ଗାଁକୁ ସୁରକ୍ଷା ଦେବା ସକାଶେ ଜଳସେଚନ ବିଭାଗ ତରଫରୁ ପ୍ରସ୍ତୁତ ମାଷ୍ଟରପ୍ଲାନ ଏଯାଏ ସମ୍ପୂର୍ଣ୍ଣ କାର୍ଯ୍ୟକାରୀ ହୋଇପାରି ନାହିଁ । ଫଳରେ କଙ୍କଡାପାଳ ନଦୀଗର୍ଭକୁ ଚାଲିଯିବା ଆଶଙ୍କା ସୃଷ୍ଟି ହୋଇଛି।
ଉଲ୍ଲେଖନୀୟ ଯେ, କଙ୍କଡାପାଳ ନିକଟରେ ନଦୀକୂଳ କ୍ଷୟ ହେଉଥିବାରୁ ଏହାକୁ ରୋକିବା ଲାଗି ମାଷ୍ଟରପ୍ଲାନ ପ୍ରସ୍ତୁତ କରାଯାଇଥିଲା। ପ୍ରଥମ ପର୍ଯ୍ୟାୟରେ ୧୫ଶହ ମିଟର ନଦୀକୂଳକୁ ପଥର ପ୍ୟାକିଂ କରାଯିବା ଲାଗି ୧୫କୋଟି ଟଙ୍କାର ବ୍ୟୟ ଅଟକଳ ହୋଇଥିଲା। ପରେ ଆସିଥିଲା ମାତ୍ର ୩କୋଟି ଟଙ୍କା ା ସେଥିରେ ୪ ଶହ ମିଟର ଯାଏ କାର୍ଯ୍ୟ ସମ୍ପୂର୍ଣ୍ଣ ହୋଇଛି ା ଅବଶିଷ୍ଟ କାମ ହୋଇପାରିନାହିଁ ା ଅର୍ଥାଭାବରୁ କାମ ବନ୍ଦ ଥିବା ସମ୍ପର୍କରେ ଜଳସେଚନ ବିଭାଗ ପକ୍ଷରୁ ସରକାରଙ୍କୁ ଜଣାଇ ଦିଆଯାଇଛି। କଙ୍କଡାପାଳ ଗାଁରେ ବସବାସ କରୁଥିବା ୩୨୭ ପରିବାର ମଧ୍ୟରୁ ୧୨୭ ପରିବାରଙ୍କ ଘରଡିହ ନଦୀଗର୍ଭରେ ମିଶ ସାରିଲାଣି । ବାକି ୨ଶହ ପରିବାର ଏବେ ଆଶଙ୍କାରେ ଦିନ ବିତାଉଛନ୍ତି। ଏଠାରେ ପ୍ରସ୍ତାବିତ ବନ୍ଦର ହୋଇଥିଲେ ଗ୍ରାମବାସୀ ବାସଚ୍ୟୁତ ହୋଇ ଘର କରିବାକୁ ସୁରକ୍ଷିତ ସରକାରୀ ଜାଗା ଓ ଆର୍ଥତ୍କ ସହାୟତା ପାଇଥାନ୍ତେ ା ମାତ୍ର ବନ୍ଦର ନିର୍ମାଣ ଯୋଜନାର ଦିନ ଗଡି ଚାଲିଥିବା ବେଳେ ନଦୀକୂଳ ବାସିନ୍ଦା ଏବେ ଅଥୟ ସ୍ଥିତିରେ ରହିଛନ୍ତି।
ସମୁଦ୍ର ଓ ସୁବର୍ଣ୍ଣରେଖା ନଦୀର ମୁହାଣର ଅଳ୍ପ ଦୂରରେ କଙ୍କଡାପାଳ ଗ୍ରାମ ଥିବାରୁ ପ୍ରବଳ ଜୁଆର ମାଡ ହୋଇଥାଏ। ବିଗତ କିଛି ବର୍ଷ ମଧ୍ୟରେ ଗାଁର ଅନେକ ଘରବାଡି ସହିତ ଚାଷ ଜମି ନଦୀରେ ବିଲୀନ ହୋଇଗଲାଣି। ଗାଁର ସୁବଳ ମହାନ୍ତି କହିଛନ୍ତି, ପୂର୍ବରୁ ଗାଁ ଠାରୁ ୨ କି.ମି. ଦୂରରେ ନଈ ଥିଲା। ଏବେ ଗାଁକୁ ନଦୀ ଗିଳିଦେବାକୁ ବସଲାଣି। ତାଙ୍କ ଘର ୩ ଥର ନଈରେ ଭାସିଯିବାରୁ ସେ ଏବେ ଜଣେ ପଡୋଶୀଙ୍କ ଜାଗାରେ ଘର କରି ପିଲାଛୁଆଙ୍କୁ ଧରି ରହୁଛନ୍ତି ା ଗତ ୫ବର୍ଷ ମଧ୍ୟରେ ଲକ୍ଷ୍ମୀକାନ୍ତ ଦାସ, ଶାମ ଗିରି, ବାବୁଲା ମହାନ୍ତି, ପୂର୍ଣ୍ଣ ମହାନ୍ତି ଓ କାହ୍ନୁ ମହାନ୍ତିଙ୍କ ପରି ୧୩୦ ଜଣଙ୍କ ଘର ନଦୀ ଗର୍ଭକୁ ଚାଲି ଯାଇଥିବା ଗ୍ରାମବାସୀ କହିଛନ୍ତି। ଏହି ଗ୍ରାମର ମହେନ୍ଦ୍ର ପାତ୍ରଙ୍କ ଘରବାଡିକୁ ଲାଗି ପୂର୍ବରୁ ୨ ଏକର ଜମି ଥିଲା। ନଈ ଖାଇଯିବାରୁ ଏହି ଜମି ବର୍ତ୍ତମାନ ୧୦ ଡିସିମିଲକୁ ଖସିଆସିଛି ା ଗାଁରେ ୯୦ ପ୍ରତିଶତ ଲୋକ ମତ୍ସ୍ୟଜୀବୀ ା ମାଛ ମାରି ଜୀବିକା ନିର୍ବାହ କରନ୍ତି ା ସେମାନେ କହିଛନ୍ତି, ନଦୀରେ ଆସୁଥିବା ଜୁଆର ପାଣି ଉତ୍ତର ଦିଗ ଭୋଗରାଇ ପଟେ ମାଡ ନ କରି ଦକ୍ଷିଣ ପାଖ କଙ୍କଡାପାଳ ଗାଁ ପାର୍ଶ୍ୱକୁ ଖାଇ ଚାଲିଛି ା ଜନସାଧାରଣ ବାରମ୍ବାର ଦାବି କରିବା ସତ୍ତ୍ୱେ ପ୍ରଶାସନ ଉଦାସୀନ ହୋଇ ରହୁଛି। ୧୫ ଶହ ମିଟର ପଥର ପ୍ୟାକିଂ ଯୋଜନା ହୋଇଥିବା ବେଳେ ମାତ୍ର ୪ଶହ ମିଟର କାମ କରାଯାଇଛି। ଅନ୍ୟପକ୍ଷେ ନିମ୍ନମାନର କାମ ହୋଇଥିବାରୁ ଏହାର ସ୍ଥାୟିତ୍ୱ ନେଇ ସନ୍ଦେହ ପ୍ରକାଶ ପାଉଛି। ଯଦି ସୁବର୍ଣ୍ଣରେଖାରେ ପ୍ରବଳ ବନ୍ୟା ଆସେ ତେବେ ସବୁକିଛି ଭାସି ଯିବ। ବର୍ତ୍ତମାନ ବର୍ଷାଦିନେ ଅଶାନ୍ତ ରୂପ ନେଉଥିବା ନଦୀ ଲୋକଙ୍କ ଆଖିରୁ ନିଦ ହଜାଇଛି। ା ଅତୀତରେ ନିକଟସ୍ଥ ପିପିଲି ମୁହାଣ ପୋତି ହୋଇଯିବା ଯୋଗୁ ଏହି ଅଞ୍ଚଳ ପ୍ରତି ଅଧିକ ବିପଦ ମାଡି ଆସିଛି ବୋଲି ଗ୍ରାମବାସୀ କହିଛନ୍ତି ା ଏ ସମ୍ପର୍କରେ ଜଳସେଚନ ବିଭାଗ ଅଧିକାରୀଙ୍କୁ ପଚାରିବାରୁ ଉପରସ୍ତରକୁ ପ୍ରସ୍ତାବ ପଠ


Enter your email to get our daily news in your inbox.

All Right Reserved By Dharitri.Com

ନିଶ୍ଚିନ୍ତକୋଇଲି ବ୍ଲକରେ ପ୍ରଶାସନିକ ଅବହେଳା: ୨୧ ପଞ୍ଚାୟତରେ ସଙ୍ଗରୋଧ କେନ୍ଦ୍ର କାର୍ଯ୍ୟ ଅଧାପନ୍ତରିଆ, ଫେରିଲେ ୫୨ ପ୍ରବାସୀ

ନିଶ୍ଚିନ୍ତକୋଇଲି,୮।୫(ସ୍ବ.ପ୍ର.)- କଟକ ଜିଲା ନିଶ୍ଚିନ୍ତକୋଇଲି ବ୍ଳକ ୪୧ଟି ପଞ୍ଚାୟତ ମଧ୍ୟରୁ ମାତ୍ର ୨୦ଟି ପଞ୍ଚାୟତରେ ପ୍ରବାସୀ ଓଡିଆଙ୍କ ପାଇଁ ସଙ୍ଗରୋଧ କେନ୍ଦ୍ର ନିର୍ମାଣ କାର୍ଯ୍ୟ ଶେଷ...

ଗୀତ ଗାଇ ସଚେତନ କରାଇଲେ ବିଡିଓ

ଖଇରା, ୧୫।୪(ଡି.ଏନ.ଏ.)-ଲକ୍‌ଡାଉନ ସମୟରେ ବାଲେଶ୍ୱର ଜିଲା ଖଇରା ବ୍ଲକରେ କାର୍ଯ୍ୟରତ ବିଡିଓ ଦେବେନ୍ଦ୍ର ପ୍ରସାଦ ବଳ ବିଭିନ୍ନ ସଚେତନତାମୂଳକ ପଦକ୍ଷେପ ଗ୍ରହଣ କରି ଚର୍ଚ୍ଚାକୁ ଆସିଛନ୍ତି।...

ଚିନ୍ତାରେ ପକାଉଛି ଭୋଟ ବିଭାଜନ

ଭୁବନେଶ୍ୱର,୨୯।୫(ବ୍ୟୁରୋ): ୨୦୧୯ ସାଧାରଣ ନିର୍ବାଚନରେ ରାଜ୍ୟର ୨୧ ଲୋକ ସଭା ଏବଂ ୧୪୬ ବିଧାନସଭା ଆସନର ଫଳାଫଳ ଆସିସାରିଛି। ଭାଜପା ଚଳିତ ନିର୍ବାଚନରେ ପୂର୍ବାପେକ୍ଷା ଭଲ...

ବନ୍ୟାରେ ୯ ଜିଲାର ୧ଲକ୍ଷ ୩୦ ହଜାର ପ୍ରଭାବିତ

ଭୁବନେଶ୍ୱର,୯।୮(ବ୍ୟୁରୋ) : ବନ୍ୟା ପରିସ୍ଥିତିକୁ ନେଇ ରାଜ୍ୟ ସରକାରଙ୍କ ତଥ୍ୟ ମୁତାବକ ୯ଟି ଜିଲା ସର୍ବାଧିକ କ୍ଷତିଗସ୍ତ ହୋଇଛି। ରାୟଗଡ଼ା, କୋରାପୁଟ, ନବରଙ୍ଗପୁର, କନ୍ଧମାଳ, ଗଜପତି,...

ନିର୍ମାଣ ଶ୍ରମିକଙ୍କ ବିକ୍ଷୋଭ ପ୍ରଦର୍ଶନ: ନ୍ୟାୟ ନ ମିଳିଲେ ଶ୍ରମ ଅଫିସ୍‌ରେ ପଡ଼ିବ ତାଲା

ବାଲେଶ୍ୱର ଅଫିସ, ୨୯।୧୧-ବିଭିନ୍ନ ଶ୍ରମିକ ସଙ୍ଗଠନର ଆହ୍ବାନକ୍ରମେ ଶୁକ୍ରବାର ପୂର୍ବାହ୍ନରେ ଶତାଧିକ ନିର୍ମାଣ ଶ୍ରମିକ ବାଲେଶ୍ୱର ଜିଲାପାଳଙ୍କ ଅଫିସ୍‌ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଶ୍ରମିକମାନେ...

ବାପାଙ୍କୁ ନୂଆ ଜୀବନ ଦେଲା ପୁଅ

ଭୁବନେଶ୍ୱର, ୭ା୩ (ବ୍ୟୁରୋ): ସମ୍‌ ହସ୍ପିଟାଲରେ ରାଜ୍ୟର ପ୍ରଥମ ଲିଭର ପ୍ରତିରୋପଣ ହୋଇଛି। ବାଲେଶ୍ୱର ଜିଲା ନୀଳଗିରି ଅଞ୍ଚଳର ୫୫ବର୍ଷ ବୟସ୍କ ଜୟନ୍ତ ବିଶ୍ୱାଳଙ୍କ ଶରୀରରେ...

ହବିଷିଆଳି ଯୋଜନା: ରହିବେ ୩ ହଜାର ବ୍ରତଧାରୀ, ୧୩ରେ ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ

ପୁରୀ ଅଫିସ,୧୧।୧୦ : ଶ୍ରୀମନ୍ଦିରରେ ଆରମ୍ଭ ହୋଇଯାଇଛି କାର୍ତ୍ତିକ ମାସ ବାଳଧୂପ ନୀତି। ଆସନ୍ତା ୧୪ ତାରିଖରୁ ଆରମ୍ଭ ହେବ ଧର୍ମ ମାସ କାର୍ତ୍ତିକ। ଶ୍ରୀକ୍ଷେତ୍ରରେ...

୨୦୧୭ରେ ନୂଆସାହି ବଜାରରୁ ବୋଲୋରୋ ଚୋରି ଘଟଣା: ଦୁଇ ବର୍ଷ ପରେ ଅଭିଯୁକ୍ତ ଗିରଫ

କପ୍ତିପଦା,୧୭।୫(ଡି.ଏନ୍‌.ଏ.): ୨୦୧୭ ମସିହାର ଏକ ବୋଲେରୋ ଚୋରି ଘଟଣାରେ କପ୍ତିପଦା ପୋଲିସକୁ ସଫଳତା ମିଳିଛି। ଦୀର୍ଘ ଦୁଇ ବର୍ଷ ପରେ ପୋଲିସ ଅଭିଯୁକ୍ତ ଠାକୁରମୁଣ୍ଡା ଥାନା...

Coronavirus Update


Archives

Model This Week

Why Dharitri