ଲୁଧିଆନା,୨୨।୬: ପଞ୍ଜାବର କଂଗ୍ରେସ ନେତା ତଥା ପୂର୍ବତନ ଭାରତୀୟ କ୍ରିକେଟର ନବଜୋତ ସିଂ ସିଦ୍ଧୁ ଏବେ ଅଡୁଆରେ ପଡିଯାଇଛନ୍ତି। ଲୋକ ସଭା ନିର୍ବାଚନ ସମୟରେ ସେ କହିଥିବା କଥା ଏବେ ତାଙ୍କୁ ବିବାଦକୁ ଟାଣି ନେଇଛି। ସୂଚନାଯୋଗ୍ୟ, ଲୋକ ସଭା ନିର୍ବାଚନରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଯଦି ଆମେଥି ଆସନରୁ ନିର୍ବାଚନ ହାରନ୍ତି ତେବେ ସିଦ୍ଧୁ ରାଜନୀତି ଛାଡି ଦେବେ ବୋଲି କହିଥିଲେ। ରାହୁଲ ଭାଜପା ପ୍ରାର୍ଥୀ ସ୍ମୃତି ଇରାନୀଙ୍କଠାରୁ ଆମେଥି ଲୋକ ସଭା ଆସନରୁ ପ୍ରାୟ ୫୫,୧୨୦ ଭୋଟରେ ହାରି ଥିବା ବେଳେ ଏପର୍ଯ୍ୟନ୍ତ କିନ୍ତୁ ସିଦ୍ଧୁ ତାଙ୍କ କଥା ରଖି ନାହାଁନ୍ତି। ଅର୍ଥାତ୍ ଏବେବି ସେ ରାଜନୀତିରେ ସକ୍ରିୟ ରହିଛନ୍ତି। ଏବେ ତାଙ୍କର ପୂର୍ବ କଥାକୁ ମନେପକାଇ ଲୁଧିଆନାର ପାଖଓ୍ବାଲ ରୋଡରେ ଯେଉଁ ପୋଷ୍ଟର ଲଗାଯାଇଛି ସେଥିରେ ସିଦ୍ଧୁ କେବେ ରାଜନୀତି ଛାଡୁଛନ୍ତି ବୋଲି ଉଲ୍ଲେଖ ରହିଛି।
