![](https://www.dharitri.com/wp-content/uploads/2020/03/natural.jpg)
ଚେନ୍ନାଇ,୩୦।୩: କରୋନା ସଂକ୍ରମଣରୁ ରକ୍ଷା ପାଇବାକୁ ହେଲେ ହାତ ଧୋଇବାକୁ ପରାମର୍ଶ ଦିଆଯାଉଥିବା ବେଳେ ସାନିଟାଇଜର ବ୍ୟବହାର କରିବାକୁ ମଧ୍ୟ କୁହାଯାଉଛି। ହେଲେ ଲୋକଙ୍କ ଆବଶ୍ୟକତାକୁ ଦେଖି ବଜାରରେ ସେହି ପରିମାଣର ସାନିଟାଇଜର ମିଳୁ ନ ଥିବାରୁ ଲୋକେ ଏବେ ପ୍ରାକୃତିକ ଉପାୟ ଆପଣାଇଛନ୍ତି। ତାମିଲନାଡୁର ରାମନାଥପୁରମ ଜିଲାରେ ଲୋକେ ପାଣିରେ ନିମ୍ବ, ହଳଦୀର ମିଶ୍ରଣ କରି ଗାଁ ରାସ୍ତାକୁ ସାନିଟାଇଜ୍ କରିବା ସହ ବ୍ଲିଚିଂ ପାଉଡର ପକାଉଥିବା ଦେଖାଯାଇଛି। ସୂଚନାଯୋଗ୍ୟ, କରୋନା ସଂକ୍ରମଣକୁ ଦେଖି ଦେଶବାସୀ ଏକ ପ୍ରକାର ସଚେତନ ହୋଇ ସାରିଛନ୍ତି। କାରଣ ପ୍ରତିଦିନ ଏଠାରେ ସଂକ୍ରମିତ ଓ ମୃତକଙ୍କ ସଂଖ୍ୟା ବଢି ଚାଲିଥିବା ବେଳେ ଏହା କେତେବେଳେ କେଉଁରୂପ ନେବ ତାହା ଆକଳନ କରିବା କଷ୍ଟକର ବ୍ୟାପାର ବୋଲି କୁହାଯାଉଛି। ତେଣୁ ବେଳଥାଉଁ ଲୋକେ ସତର୍କ ହେବା ଆରମ୍ଭ କରିଛନ୍ତି।