Posted inଖେଳ

ସର୍ବକାଳୀନ ଶ୍ରେଷ୍ଠ ଖେଳାଳି

ଭୁବନେଶ୍ୱର, ୨୬।୫(କ୍ରୀଡ଼ା ପ୍ରତିନିଧି)-
ହକି କିମ୍ବଦନ୍ତୀ ବଲବୀର ସିଂ ସିନିୟରଙ୍କ ବିୟୋଗରେ ଓଡ଼ିଶା କ୍ରୀଡ଼ା ମହଲରେ ଶୋକର ଛାୟା ଖେଳି ଯାଇଛି। ୩ ଥର ଅଲିମ୍ପିକ୍‌ ସ୍ବର୍ଣ୍ଣ ପଦକ ବିଜେତା ବଲବୀରଙ୍କ ବିୟୋଗରେ ରାଜ୍ୟର ସୁନାମଧନ୍ୟ ହକି ଖେଳାଳି ପଦ୍ମଶ୍ରୀ ଦିଲୀପ ତିର୍କୀ, ଲାଜରୁସ ବାର୍ଲା, ପୂର୍ବତନ କ୍ରୀଡ଼ା ପ୍ରଶାସକ ଅଶୋକ ମହାନ୍ତି, ଭାରତୀୟ ସ୍ପ୍ରିଣ୍ଟ କୁଇନ୍‌ ଦୂତୀ ଚାନ୍ଦ ଏବଂ ଆହୁରି ଅନେକ କ୍ରୀଡ଼ାବିତ୍‌ ଗଭୀର ଶୋକବ୍ୟକ୍ତ କରିଛନ୍ତି।

ସାକ୍ଷାତ ସୁଯୋଗ ମିଳିଥିଲା
ବଲବୀର ସିଂ ସିନିୟର ହକି ଜଗତର ଅନ୍ୟତମ ଶ୍ରେଷ୍ଠ ଖେଳାଳି ଥିଲେ। ହକିକୁ କ୍ୟାରିୟର କରୁଥିବା ଖେଳାଳିଙ୍କର ସେ ଥିଲେ ଆଦର୍ଶ, ଜଣେ କିମ୍ବଦନ୍ତୀ ଖେଳାଳି। ଅଲିମ୍ପିକ୍ସରେ ୩ ସ୍ବର୍ଣ୍ଣ ପଦକ ହାସଲ କରି ସେ ନିଜ ଦକ୍ଷତା ପ୍ରଦର୍ଶନ କରିଥିଲେ। ୧୯୪୮(ଲଣ୍ଡନ)ରେ ତାଙ୍କର ଏହି ଅଭିଯାନ ଆରମ୍ଭ ହୋଇଥିଲା। ୧୯୫୨ (ହେଲସିଙ୍କି) ଅଲିମ୍ପିକ୍ସରେ ସ୍ବର୍ଣ୍ଣ ପଦକ ବିଜେତା ଭାରତୀୟ ଦଳର ସେ ଉପଅଧିନାୟକ ଏବଂ ୧୯୫୬ (ମେଲବୋର୍ନ) ଅଲିମ୍ପିକ୍ସରେ ଅଧିନାୟକ ଥିଲେ। ବିଶ୍ୱର ସେ ଅନ୍ୟତମ ସର୍ବକାଳୀନ ଶ୍ରେଷ୍ଠ ହକି ଖେଳାଳି ଥିଲେ। ୧୯୫୨ ଅଲିମ୍ପିକ୍ସରେ ହଲାଣ୍ଡ ବିପକ୍ଷରେ ଭାରତ ୬-୦ ଗୋଲରେ ବିଜୟୀ ହୋଇଥିଲା। ବଲବୀର ନିଜେ ୬ଟି ଯାକ ଗୋଲ ସ୍କୋର କରିଥିଲେ। ସେତେବେଳେ ଏହା ଏକ ରେକର୍ଡ ଥିଲା। ଧ୍ୟାନଚାନ୍ଦଙ୍କ ପରେ ଭାରତର ସଫଳ ଖେଳାଳି କହିଲେ ବଲବୀରଙ୍କ ନାଁ ହିଁ ଆସେ। ୨୦୦୨-୦୩ରେ ଚଣ୍ଡିଗଡ଼ରେ କ୍ୟାମ୍ପ ଚାଲିଥିବାବେଳେ ବଲବୀରଙ୍କ ସହିତ ସାକ୍ଷତ ହେବାର ମୋତେ ସୁଯୋଗ ମିଳିଥିଲା। କ୍ୟାମ୍ପ କେମିତି ଚାଲିଛି ବୋଲି ସେ ପଚାରି ବୁଝିଥିଲେ। ଏପରି ଜଣେ ମହାନ ଖେଳାଳିଙ୍କୁ ହରାଇ ଆମେ ଅତ୍ୟନ୍ତ ମର୍ମାହତ। ହକି ଜଗତ ପାଇଁ ଏହା ଏକ ଅପୂରଣୀୟ କ୍ଷତି। ତାଙ୍କ ଅମର ଆତ୍ମାର ସଦ୍‌ଗତି କାମନା କରୁଛି।
ପଦ୍ମଶ୍ରୀ ଦିଲୀପ ତିର୍କୀ
ପୂର୍ବତନ ଭାରତୀୟ ହକି ଅଧିନାୟକ

ଗଭୀର ମର୍ମାହତ
ସମ୍ପୂର୍ଣ୍ଣ କ୍ରୀଡ଼ା ଜଗତ ପାଇଁ ବହୁତ ଦୁଃଖର ଖବର। ବିଶେଷ କରି ହକିକୁ କ୍ୟାରିୟର କରିଥିବା ଆମେମାନେ ଏଥିରେ ଗଭୀର ମର୍ମାହତ। ୯୬ ବର୍ଷରେ ସେ ମୃତ୍ୟୁବରଣ କରିଥିଲେ ହେଁ ଶେଷ ପର୍ଯ୍ୟନ୍ତ ସୁସ୍ଥ ସବଳ ଥିଲେ ଏବଂ ସବୁବେଳେ ହକି କଥା ହି ଁ ଚିନ୍ତା କରୁଥିଲେ। ତାଙ୍କ ଅବର୍ତ୍ତମାନରେ ହକିଜଗତରେ ଏକ ଶୂନ୍ୟସ୍ଥାନ ସୃଷ୍ଟି ହେଲା। ଗଭୀର ଶ୍ରଦ୍ଧାଞ୍ଜଳି ଜଣାଇବା ସହ ତାଙ୍କ ଅମର ଆତ୍ମାର ସଦ୍‌ଗତି ପାଇଁ ମୁଁ ପ୍ରାର୍ଥନା କରୁଛି।
ଲାଜରୁସ ବାର୍ଲା, ପୂର୍ବତନ ଭାରତୀୟ ହକି ଖେଳାଳି

ପ୍ରଥମ ପଦ୍ମଶ୍ରୀ ଭାରତୀୟ କ୍ରୀଡ଼ାବିତ୍‌
ଭାରତ ସ୍ବାଧୀନ ହେବାପରେ ବିଶ୍ୱର ଅନ୍ୟତମ ଶ୍ରେଷ୍ଠ ହକି ଖେଳାଳି ଭାବେ ବଲବୀର ସିଂ ସିନିୟର ପ୍ରତିଷ୍ଠା ଅର୍ଜନ କରିଥିଲେ। ସେ ୧୯୪୮, ୧୯୫୨ ଓ ୧୯୫୬ରେ ତିନିଥର ଅଲିମ୍ପିକ୍‌ ସ୍ବର୍ଣ୍ଣ ପଦକ ଅର୍ଜନ କରିଥିଲେ। ଏହାପରେ ସେ ୧୯୭୫ରେ ଭାରତୀୟ ଦଳର ମ୍ୟାନେଜର ଓ କୋଚ୍‌ଭାବେ ହକି ବିଶ୍ୱକପ ଟାଇଟଲ ମଧ୍ୟ ଜିତିଥିଲେ। ଅଜିତପାଲ ସିଂଙ୍କ ନେତୃତ୍ୱାଧୀନ ଦଳ ଚାମ୍ପିୟନ ହେବା ପଛରେ ବଲବୀରଙ୍କ ପ୍ରେରଣା ଓ ରଣନୀତି ଗୁରୁତ୍ୱପୂର୍ଣ୍ଣ ଥିଲା। ୨୦୧୨ ଲଣ୍ଡନ ଅଲିମ୍ପିକ୍ସ ଅବସରରେ ରୟାଲ ଅପେରା ହାଉସରେ ସମ୍ବର୍ଦ୍ଧିତ ହୋଇଥିବା ୧୬ ଆଇକନିକ୍‌ ଅଲିମ୍ପିକ ଲିଜେଣ୍ଡଙ୍କ ମଧ୍ୟରେ ବଲବୀର ଏକମାତ୍ର ଭାରତୀୟ ଥିଲେ। ବଲବୀର ପରଲୋକ ଗମନ କରିଥିଲେ ହେଁ ତାଙ୍କ କୃତି ଏବଂ କର୍ତ୍ତବ୍ୟନିଷ୍ଠା ସବୁବେଳେ ଅନ୍ୟମାନଙ୍କୁ ଅନୁପ୍ରାଣିତ କରିବ।
ଅଶୋକ ମହାନ୍ତି
ପୂର୍ବତନ କ୍ରୀଡ଼ା ପ୍ରଶାସକ

ଏକ ଯୁଗର ଅବସାନ
ବଲବୀର ସିଂ ଜୁନିୟରଙ୍କ ବିୟୋଗରେ ଏକ ଯୁଗର ଅବସାନ ଘଟିଲା। ସେ ଜଣେ କିମ୍ବଦନ୍ତୀ ଖେଳାଳି ଥିଲେ। ତାଙ୍କ ମୃତ୍ୟୁରେ କ୍ରୀଡ଼ା ଜଗତରେ ଏକ ଶୂନ୍ୟସ୍ଥାନ ସୃଷ୍ଟି ହେଲା। ତାଙ୍କ ପ୍ରତି ଶ୍ରଦ୍ଧାଞ୍ଜଳି ଜଣାଇବା ସହ ପରିବାର ପ୍ରତି ସମବେଦନା ଜଣାଉଛି।
ଦୂତୀ ଚାନ୍ଦ, ଭାରତୀୟ ସ୍ପ୍ରିଣ୍ଟ କୁଇନ୍‌


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସମର୍‌ସେଟ୍‌ରେ ଯୋଗ ଦେବେନି ଆହତ ଓ୍ବାଡେ

ସିଡ୍‌ନୀ, ୧୯।୩ (ଏଏଫ୍‌ପି)- ବିସ୍ଫୋରକ ଅଷ୍ଟ୍ରେଲିଆ ବ୍ୟାଟ୍ସମ୍ୟାନ୍‌ ମାଥ୍ୟୁ ଓ୍ବାଡେ ଆଘାତଜନିତ ସମସ୍ୟା ଲାଗି କାଉଣ୍ଟି କ୍ରିକେଟ୍‌ କ୍ଲବ ସମର୍‌ସେଟ୍‌ ଦଳରେ ଯୋଗଦେବେ ନାହିଁ। ୩୨...

ଡେବ୍ୟୁ ମ୍ୟାଚ୍‌ ଦିନ ହୋଟେଲ ରୁମ୍‌କୁ ଯାଇ ପ୍ରବଳ କାନ୍ଦିଥିଲେ ଏହି କ୍ରିକେଟର୍‌, ଜାଣନ୍ତୁ କାହିଁକି

ଭାରତୀୟ କ୍ରିକେଟର ମନୋଜ ତିୱାରୀ ଆଜିକାଲି କ୍ରିକେଟଠାରୁ ଦୂରରେ ଅଛନ୍ତି। ସେ ପୂର୍ବ ଆଇପିଏଲ ସିଜନରେ ଅଂଶଗ୍ରହଣ କରି ନ ଥିବା ବେଳେ ୨୦୧୫ ମସିହାରୁ...

ଟି୨୦: ପାକିସ୍ତାନ ସିରିଜ ବିଜୟୀ

ଲାହୋର, ୧୫ା୨- ସ୍ଥାନୀୟ ଗଦାଫି ଷ୍ଟାଡିୟମରେ ରବିବାର ଖେଳାଯାଇଥିବା ତୃତୀୟ ତଥା ନିର୍ଣ୍ଣାୟକ ଅନ୍ତର୍ଜାତୀୟ ଟି୨୦ ମ୍ୟାଚରେ ପାକିସ୍ତାନ ୮ଟି ବଲ୍‌ ଥାଇ ୪ ଉଇକେଟରେ...

ଚେନ୍ନାଇ ସୁପର୍‌ କିଙ୍ଗ୍ସକୁ ୧୭୪ ରନ୍‌ର ଟାର୍ଗେଟ୍‌

ପୁଣେ,୪।୫: ପୁଣେର ଏମସିଏ ଷ୍ଟାଡିୟମରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ୪୯ତମ ଆଇପିଏଲ୍‌ ମ୍ୟାଚ୍‌ ଖେଳାଯାଉଛି। ଟସ୍‌ ହାରି ପ୍ରଥମେ...

ମହିଳାଙ୍କ ମେକ୍‌ଅପ୍‌ କରନ୍ତି ଏହି କ୍ରିକେଟରଙ୍କ ସ୍ତ୍ରୀ

ବିଶ୍ୱର ସବୁଠାରୁ ବିପଜ୍ଜନକ ବୋଲରଙ୍କ ମଧ୍ୟରୁ ଅନ୍ୟତମ ନ୍ୟୁଜିଲାଣ୍ଡର ତାରକା ବୋଲର ଟିମ୍‌ ସାଉଥିଙ୍କ ସ୍ତ୍ରୀ ବ୍ରାଇ ଫାହି ମଧ୍ୟ ତାଙ୍କ ଭଳି ପ୍ରତିଭାର ଅଧିକାରୀ।...

କୋହଲି କହିଲେ ‘ଶୁଭେଚ୍ଛା ଅଧିନାୟକ’; ପାଣ୍ଡ୍ୟା କହିଲେ ‘ମୋର ସବୁଦିନର ପ୍ରେମ’; ଧୋନୀଙ୍କ ଜନ୍ମଦିନରେ ସୋସିଆଲ ମିଡିଆରେ ଛୁଟିଛି…

ନୂଆଦିଲ୍ଲୀ,୭।୭: ବୁଧବାର ନିଜର ୪୦ତମ ଜନ୍ମଦିନ ପାଳନ କରୁଛନ୍ତି କ୍ୟାପ୍‌ଟେନ୍‌ କୁଲ୍‌। ୧୯୮୧ ଜୁଲାଇ ୭ରେ ରାଞ୍ଚିରେ ଜନ୍ମଗ୍ରହଣ କରିଥିଲେ ସେ। ଜନ୍ମଦିନରେ ପ୍ରଶଂସକଙ୍କ ସହ...

ଇଣ୍ଡିଆ ନେଟ୍‌ ସେସନ: ପିଙ୍କ୍‌ ବଲ୍‌ରେ ଭାରତୀୟ ଖେଳାଳିଙ୍କ ଅଭ୍ୟାସ

ଅହମଦାବାଦ,୨୨।୨(ପି.ଟି.): ସୁସଜ୍ଜିତ ମୋଟେରା ଷ୍ଟାଡିୟମରେ ବୁଧବାରଠାରୁ ଭାରତ ଓ ଭ୍ରମଣକାରୀ ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ ମ୍ୟାଚ୍‌ ଆରମ୍ଭ ହେବ। ପିଙ୍କ୍‌ ବଲ୍‌ରେ ଖେଳା ଯିବାକୁ...

୧ରୁ ଟ୍ରେନିଂ ଆରମ୍ଭ କରିବାକୁ ବିଏଆଇର ଯୋଜନା

ନୂଆଦିଲ୍ଲୀ,୨୬।୬(ପି.ଟି.): ଜୁଲାଇ ୧ ତାରିଖରୁ ହାଇଦ୍ରାବାଦ୍‌ରେ ଟ୍ରେନିଂ ଆରମ୍ଭ କରିବାକୁ ବ୍ୟାଡ୍‌ମିଣ୍ଟନ ଆସୋସିଏଶନ ଅଫ୍‌ ଇଣ୍ଡିଆ (ବିଏଆଇ) ଯୋଜନା କରିଛି। ତେବେ ଏଥିପାଇଁ ରାଜ୍ୟ ସରକାରକଙ୍କ...

Advertisement
Archives

Model This Week