ସମ୍ପତ୍ତି ଲିଜ୍‌ ଦେବ ବିଏସ୍‌ଏନ୍‌ଏଲ୍‌

ନୂଆଦିଲ୍ଲୀ,୧୨।୭ : ଟେଲିକମ୍‌ କ୍ଷେତ୍ରରେ ଘରୋଇ ଖେଳାଳିଙ୍କ ସହ ପ୍ରତିଯୋଗିତାର ସମ୍ମୁଖୀନ ହୋଇପାରୁ ନ ଥିବାରୁ ରାଷ୍ଟ୍ରାୟତ୍ତ ଭାରତ ସଞ୍ଚାର ନିଗମ ଲିମିଟେଡ (ବିଏସ୍‌ଏନ୍‌ଏଲ୍‌)ର ଆୟ ଦିନକୁ ଦିନ କମିବାରେ ଲାଗିଛି। ଫଳସ୍ବରୂପ ଏହା ପ୍ରତିବର୍ଷ କ୍ଷତି ସହିଚାଲିଛି। ଏଭଳି ସ୍ଥିତିରେ ଏହି ସରକାରୀ ଟେଲିକମ କମ୍ପାନୀର କ୍ଷତିର ପରିମାଣ ଏବେ ପ୍ରାୟ ୧୪ ହଜାର କୋଟି ଟଙ୍କା ହେବ। କର୍ମଚାରୀଙ୍କୁ ଦରମା ଦେବାକୁ ଅର୍ଥ ନାହିଁ। ଏଥିରୁ ମୁକ୍ତି ପାଇବା ଲାଗି ବିଏସ୍‌ଏନ୍‌ଏଲ୍‌ ପକ୍ଷରୁ ଏବେ ଏହାର ସମ୍ପତ୍ତିକୁ ଲିଜ୍‌ ଦିଆଯିବ। ଜମି, ମୋବାଇଲ ଟାଓ୍ବାର, ଫାଇବର ନେଟ୍‌ଓ୍ବର୍କକୁ ଲିଜ୍‌ ଦେଇ କମ୍ପାନୀ ପ୍ରାୟ ୨୦ ହଜାର କୋଟି ଟଙ୍କା ଆୟ କରିବ ବୋଲି ଆଭ୍ୟନ୍ତରୀଣ ଆକଳନରେ ଦର୍ଶାଯାଇଛି।
ପ୍ରାପ୍ତ ସୂଚନାନୁଯାୟୀ, କମ୍ପାନୀର କର୍ପୋରେଟ ଅଫିସ୍‌ରୁ ଏକ ସର୍କୁଲାର ଏହାର ସମସ୍ତ ଆଞ୍ଚଳିକ, ଜୋନ୍‌ ଅଫିସକୁ ପଠାଯାଇଛି। କମ୍ପାନୀ ନିକଟରେ ରହିଥିବା ଜମିର ପରିମାଣ, ମୋବାଇଲ ଟାଓ୍ବାର ସଂଖ୍ୟା ଓ ଫାଇବର ନେଟ୍‌ଓ୍ବର୍କର ବିସ୍ତାର ସମ୍ପର୍କରେ ଜଣାଇବାକୁ କୁହାଯାଇଛି। କମ୍ପାନୀର ଖାଲି ପଡିଥିବା ଜମି, କୋଠା ନିର୍ମାଣ ହୋଇଥିଲେ ଏହାର ଇନ୍‌ବିଲ୍ଟ ଏରିଆ ଇତ୍ୟାଦି ସମ୍ପର୍କରେ ରିପୋର୍ଟ ଦେବାକୁ ନିର୍ଦ୍ଦେଶ ଦିଆଯାଇଛି। ପ୍ରାପ୍ତ ସୂଚନାନୁଯାୟୀ, ବିଏସ୍‌ଏନ୍‌ଏଲ୍‌ ନିକଟରେ ଏବେ ପ୍ରାୟ ୩୨.୭୭ ଲକ୍ଷ ବର୍ଗମିଟର କୋଠା, କାରଖାନା ସହ ଜମି ରହିଛି। ତନ୍ମଧ୍ୟରୁ କେବଳ ଜମିର ପରିମାଣ ୩୧.୯୭ଲକ୍ଷ ବର୍ଗ ମିଟର ହେବ ବୋଲି ସର୍କୁଲାରରେ ଦର୍ଶାଯାଇଛି। ୨୦୧୪-୧୫ର ମୂଲ୍ୟ ଆଧାରିତ ମୁଦ୍ରାସ୍ଫୀତି ସୂଚକାଙ୍କ ହିସାବରେ ସମସ୍ତ ଜମିର ମୂଲ୍ୟ ପ୍ରାୟ ୧୭,୩୯୭ କୋଟି ଟଙ୍କା ହେବ। ତେବେ ବର୍ତ୍ତମାନ ପରିପ୍ରେକ୍ଷୀରେ ୨୦୧୮-୧୯ ହିସାବରେ ଏହାର ବାସ୍ତବ ମୂଲ୍ୟ ପ୍ରାୟ ୨୦,୨୯୬ କୋଟି ଟଙ୍କା ବୋଲି ଆକଳନ କରାଯାଇଛି। ତେବେ ସରକାରଙ୍କଠାରୁ ବିକ୍ରି ଅଥବା ଦୀର୍ଘମିଆଦୀ ଲିଜ୍‌ ପାଇଁ ଅନୁମତି ପାଇବା ପରେ କମ୍ପାନୀ କୋଠା ସହ ଜମିର ମୂଲ୍ୟ ନିର୍ଦ୍ଧାରଣ କରିବ। ଜମିର ବାସ୍ତବ ମୂଲ୍ୟ ନିର୍ଦ୍ଧାରଣରେ କୋଠାର ମୂଲ୍ୟକୁ ସାମିଲ କରାଯାଇନାହିଁ। ସୂଚନାଥାଉ କି, ବିଏସ୍‌ଏନ୍‌ଏଲ୍‌ର ମୁମ୍ବାଇ, କୋଲକାତା, ପଶ୍ଚିମବଙ୍ଗର ବିଭିନ୍ନ ସ୍ଥାନ, ଗାଜିଆବାଦ୍‌,ଜବଲପୁରରେ କାରଖାନା ଓ ଓ୍ବାର୍‌ଲେସ ଷ୍ଟେଶନ ରହିଛି। ଏହାଛଡ଼ା ବିଏସ୍‌ଏନ୍‌ଏଲ୍‌ ପକ୍ଷରୁ ପ୍ରସ୍ତୁତ ହୋଇଥିବା ତାଲିକାରେ ଅଫିସ ଓ ଷ୍ଟାଫ୍‌ କଲୋନୀଗୁଡ଼ିକୁ ମଧ୍ୟ ସାମିଲ କରାଯାଇଛି। ସମସ୍ତ ଜମିରୁ କିଛିର ମ୍ୟୁଟେସନ ହୋଇଥିବା ବେଳେ, କେତେକର ଫ୍ରିହୋଲ୍ଡ ହୋଇଛି। ଏହାଛଡ଼ା କିଛି ଜମିକୁ ଲିଜ୍‌ହୋଲ୍ଡ ଭାବେ ହସ୍ତାନ୍ତର କରାଯାଇଛି। ବିଏସ୍‌ଏନ୍‌ଏଲ୍‌ ନିକଟରେ ଏବେ ୧.୭୬ ଲକ୍ଷ କର୍ମଚାରୀ ରହିଥିବା ବେଳେ ଆୟ କମିବା କାରଣରୁ କମ୍ପାନୀ ଦରମା ଦେଇପାରୁନାହିଁ। ଏଣୁ ନନ୍‌ କୋର୍‌ ସମ୍ପତ୍ତିରୁ ଆୟ ବଢ଼ାଇବାକୁ କମ୍ପାନୀ ଆଗେଇଚାଲିଛି। ବର୍ତ୍ତମାନ କେନ୍ଦ୍ର ସରକାର ସମସ୍ତ ରାଷ୍ଟ୍ରାୟତ୍ତ ସଂସ୍ଥାର ଜମି, କୋଠା ଆଦିକୁ ଲିଜ୍‌ ଅଥବା ବିକ୍ରି କରି ରାଜସ୍ବ ଆଦାୟ ବୃଦ୍ଧି କରିବାକୁ ଚାହୁଁଛନ୍ତି। ଏଥିପାଇଁ ଡିପାର୍ଟମେଣ୍ଟ ଅଫ୍‌ ଇନ୍‌ଭେଷ୍ଟମେଣ୍ଟ ଆଣ୍ଡ ପବ୍ଲିକ୍‌ ଆସେଟ୍‌ ମ୍ୟାନେଜମେଣ୍ଟ(ଦୀପମ) ଗଠନ କରାଯାଇଛି। ଏହାରି ମାଧ୍ୟମରେ ବିଏସ୍‌ଏନ୍‌ଏଲ୍‌ ନିଜର ସମ୍ପତ୍ତି ବିକ୍ରି ଅଥବା ଲିଜ୍‌ ସମ୍ପର୍କରେ ନିଷ୍ପତ୍ତି ନେବ। ୨୦୧୮-୧୯ରେ କମ୍ପାନୀର ମୋଟ କ୍ଷତିର ପରିମାଣ ୧୪,୨୦୨ କୋଟି ଟଙ୍କା ରହିଛି ବୋଲି ଆକଳନ କରାଯାଇଛି। ୪ଜି ସ୍ପେକ୍ଟ୍ରମର ଅନୁପସ୍ଥିତି, କର୍ମଚାରୀଙ୍କ ଦରମା ପିଛା ଅଧିକ ବ୍ୟୟ ତଥା ଟାରିଫ୍‌କୁ ନେଇ ଘରୋଇ କମ୍ପାନୀଙ୍କ ସହ ପ୍ରତିଯୋଗିତା ଯୋଗୁ ବିଏସ୍‌ଏନ୍‌ଏଲ୍‌ର କ୍ଷତିର ପରିମାଣ ଦିନକୁ ଦିନ ବଢ଼ିବାରେ ଲାଗିଛି। ୨୦୧୮-୧୯ ସୁଦ୍ଧା କମ୍ପାନୀର ରାଜସ୍ବ ଆୟ ୧୯,୩୦୮ କୋଟି ହେବ ବୋଲି ଅନୁମାନ କରାଯାଉଛି। ୨୦୧୭-୧୮ରେ ଏହା ୨୫,୦୭୧ କୋଟି ଟଙ୍କା ଥିଲା। ସରକାର ବିଏସ୍‌ଏନ୍‌ଏଲ୍‌ ଓ ଏମ୍‌ଟିଏନ୍‌ଏଲ୍‌କୁ ସହାୟତା ପ୍ୟାକେଜ ଦେବାକୁ ବିଚାର କରୁଛନ୍ତି।


Enter your email to get our daily news in your inbox.

All Right Reserved By Dharitri.Com

ସୁନାର ରାସ୍ତାରେ ଚାଲିବେ ଲୋକେ, ଖୁବ୍‌ଶୀଘ୍ର ୨୪ କ୍ୟାରେଟ୍‌ ସୁନାରେ ହେବ ତିଆରି, ଜାଣନ୍ତୁ ପୂରା ପ୍ଲାନିଂ…

ଦୁବାଇ,୧୮ା୧୧: ଏଣିକି ଲୋକେ ଆଉ ପିଚୁ ରାସ୍ତାରେ ଚାଲିବେନି। ଏଥର ନିର୍ମାଣ ହେବ ସୁନାର ରାସ୍ତା। ଏପରି ରାସ୍ତା ଦେଖିବାକୁ ମିଳିବ କେବଳ ଦୁବାଇରେ। ଦୁବାଇ କେବେବି…

ମିଳିଲା ମ୍ୟୁନିସିପାଲିଟି ମାନ୍ୟତା, ମିଳୁନି ମୌଳିକ ସୁବିଧା: ଅନଶନ ପରେ ଉଠିଲା ଅଳିଆ ଆବର୍ଜନା

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ଏନଏସିକୁ ମ୍ୟୁନିସିପାଲିଟି ମାନ୍ୟତା ମିଳିବାର ପ୍ରାୟ ୧୧ ମାସ ବିତିବାକୁ ବସିଥିଲେ ମଧ୍ୟ ନୂତନ ଭାବେ ସାମିଲ…

ସକାଳୁ ସକାଳୁ ସୁନା-ରୁପା ଦରରେ ବଡ଼ ହ୍ରାସ, କିଲୋ ପିଛା ୯,୫୦୦ ଟଙ୍କା ଖସିଲା, ଜାଣନ୍ତୁ ଆଜିର ରେଟ୍‌

ନୂଆଦିଲ୍ଲୀ, ୧୮।୧୧: ଗତ କିଛି ଦିନ ହେବ ସୁନା ଓ ରୁପା ଦରରେ କ୍ରମାଗତ ଭାବେ ଉତ୍ଥାନ-ପତନ ଦେଖିବାକୁ ମିଳୁଛି। ବୁଧବାର ସୁନା ଲଗାତାର ଷଷ୍ଠ ବାଣିଜ୍ୟିକ…

ମଇଦାନରେ ଏମିତି ହେବା ପଡ଼ିଲା ଭାରି, ଗୁରନୂରଙ୍କ ଉପରେ ICCର କାର୍ଯ୍ୟାନୁଷ୍ଠାନ, ମିଳିଲା ଏହି ଦଣ୍ଡ

ନୂଆଦିଲ୍ଲୀ, ୧୮।୧୧: ନ୍ୟୁଜିଲାଣ୍ଡ ବିପକ୍ଷରେ ମାଉଣ୍ଟ ମାଉଙ୍ଗାନୁଇରେ ଖେଳାଯାଇଥିବା ଚତୁର୍ଥ ଦିନିକିଆ ମ୍ୟାଚ ସମୟରେ ଭାରତୀୟ ଦ୍ରୁତ ବୋଲର ଗୁରନୂର ବରାଡ ଅନ୍ତର୍ଜାତୀୟ କ୍ରିକେଟ ପରିଷଦ (ICC)ର…

ଭୀଷଣ ବାତ୍ୟାର ରୂପ ନେଲା ‘ଅକ୍ୱାନ’: ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୧୮।୧୧: ଭୀଷଣ ବାତ୍ୟାର ରୂପ ନେଲା ସାମୁଦ୍ରିକ ଝଡ଼ ‘ଅକ୍ୱାନ’। ବୁଧବାର ସକାଳ ୫ଟା ୩୦ ମିନିଟ୍‌ର ପର୍ଯ୍ୟବେକ୍ଷଣ ଅନୁଯାୟୀ, ଏହା ଭୀଷଣ ବାତ୍ୟାରେ ପରିଣତ ହୋଇଛି।…

ସୋନିଆଙ୍କ ବହି ଲଞ୍ଚିଂ ପରେ ଯାଆ ମେନକାଙ୍କ ଭିଡିଓ ଭାଇରାଲ, କହିଲେ ସେ ମୋର ବନ୍ଧୁ ନୁହନ୍ତି…

ନୂଆଦିଲ୍ଲୀ,୧୮।୧୧: କଂଗ୍ରେସ ନେତା ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଗ: ଏ ଜର୍ନି ଅଫ ଲଭ’ ଲଞ୍ଚ ହୋଇସାରିଛି। ଏହି ପୁସ୍ତକରେ ସୋନିଆ ଗାନ୍ଧୀ ନିଜର ଗାନ୍ଧୀ ପରିବାରଠାରୁ…

ଗୁଜରାଟ ଛାଡ଼ିଲେ ବିଲ୍‌କିସ ବାନୋ

ଭଦୋଦରା,୧୮ା୧୧: ୨୦୦୨ ଗୁଜରାଟ ଦଙ୍ଗା ସମୟରେ ବିଲ୍‌କିସ ବାନୋଙ୍କୁ ବଳାତ୍କାର ଓ ତାଙ୍କ ପରିବାର ସଦସ୍ୟଙ୍କୁ ହତ୍ୟା ମାମଲାରେ ୨ ଦୋଷୀଙ୍କୁ ଜାମିନ ମିଳିବା ପରେ ଏଥିରେ…

ମାହିଙ୍କ ଅବସରରେ ଭାବପ୍ରବଣ ହେଲେ ରୋହିତ, ସୋସିଆଲ ମିଡିଆରେ ପୋଷ୍ଟ କରି ଲେଖିଲେ ଏମିତି, ଚାରିଆଡେ ଚର୍ଚ୍ଚା

ନୂଆଦିଲ୍ଲୀ, ୧୮।୧୧: ମହେନ୍ଦ୍ର ସିଂ ଧୋନିଙ୍କ ୧୮ ବର୍ଷର IPL କ୍ୟାରିୟରରେ ଲାଗିଛି ବିରାମ। IPL ୨୦୨୭ ରିଟେନ୍ସନ ପୂର୍ବରୁ ଧୋନୀ ନିଜ ଅବସର ଘୋଷଣା କରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?