ପ୍ରଥମେ ଲିଷ୍ଟ କରନ୍ତୁ: ସବୁବେଳେ ମନେରଖନ୍ତୁ ଯେତେବେଳେ ଆପଣ ଶପିଂ କରିବାକୁ ଯାଉଛନ୍ତି ପ୍ରଥମେ ଲିଷ୍ଟ କରନ୍ତୁ କ’ଣ କିଣିବେ। କାହିଁକି ନା ଆପଣ ମାର୍କେଟ ଯାଇ କିଛି ଭୁଲିଯାଇପାରନ୍ତି। ଶପିଂ ଲିଷ୍ଟ ଆପଣଙ୍କ ସମୟକୁ ବଞ୍ଚାଇପାରେ। ଆପଣଙ୍କୁ ପ୍ରଥମରୁ ଜଣାଥିବ ଯେ କ’ଣ କିଣିବାର ଅଛି, ସେଥିଲାଗି ଆପଣ ଯାଇ ସିଧା ପହଞ୍ଚତ୍ବେ ଆପଣଙ୍କ ଦରକାର ଜିନିଷ ପାଖରେ। କପଡ଼ା ସେଇ ରଙ୍ଗର କିଣନ୍ତୁ, ଯାହାକୁ ଆପଣ ପିନ୍ଧିଲେ ଆହୁରି ସୁନ୍ଦର ଦେଖାଯିବେ। ଏହି କଥା ଧ୍ୟାନ ରଖନ୍ତୁ ଯେ, ଗୋଟିଏ ରଙ୍ଗ ସବୁବେଳେ ସମସ୍ତଙ୍କୁ ସୁଟ୍ କରି ନ ଥାଏ। ଏଥିଲାଗି ନିଜ ସ୍କିନ୍ କଲର ହିସାବରେ କପଡ଼ା ଚୟନ କରନ୍ତୁ।
ହଡ଼ବଡ଼ରେ କେବେ ବି କରନ୍ତୁନି ଶପିଂ: କିଛି ବି କିଣିବା ପୂର୍ବରୁ ତାକୁ ଥରେ ଚେକ୍ କରିନିଅନ୍ତୁ। ଯେଉଁ ଜିନିଷ ଆପଣ କିଣୁଛନ୍ତି ତାହା ଠିକ୍ ତ? ଏହା ଆପଣଙ୍କ ସବୁଠୁ ଭୁଲ୍ ହୋଇପାରେ। ଶପିଂ କେବେ ବି ଜଲ୍ଦି କରିବା କଥା ନୁହେଁ। କପଡ଼ା କିଣିବା ସମୟରେ ଓଲଟାଇ ଦେଖନ୍ତୁ ଯେ ଉପରେ ଯେଉଁ ପ୍ରିଣ୍ଟ ଅଛି ତାହା ଭିତରେ ଦେଖାଯାଉଛି ତ? ଯଦି ହଁ, ତେବେ ଏଥିରେ କଲର ଛାଡିବ ନାହିଁ। ଏହା ବ୍ୟତୀତ କଟନ୍ କଲରଫୁଲ୍ କପଡ଼ାକୁ ତା’ର ପ୍ରଥମ ଧୂଆ ପୂର୍ବରୁ ଲୁଣପାଣିରେ ବୁଡ଼ାଇ ରଖିଦିଅନ୍ତୁ, ଯାହାଫଳରେ କପଡ଼ାରୁ ବାରମ୍ବାର କଲର ଛାଡ଼ିବନି।
