ଲୁଟ୍‌ ସମ୍ପତ୍ତିର ମିଳୁନାହିଁ ପତ୍ତା :ଅନିଶ୍ଚିତତା ମଧ୍ୟରେ ତାଳଚେର-ଡୁବୁରୀ-ଚଣ୍ଡିଖୋଲ ୪ ଲେନ ନିର୍ମାଣ କାର୍ଯ୍ୟ

ଯାଜପୁର ଅଫିସ,୨୨ା୭ : ଜାତୀୟ ରାଜପଥ କର୍ତ୍ତୃପକ୍ଷ (ଏନ୍‌ଏଚ୍‌ଏଆଇ)ଙ୍କ ଅଧୀନରେ ତାଳଚେର-ଡୁବୁରୀ-ଚଣ୍ଡିଖୋଲ ୨୦୦ନମ୍ବର ଜାତୀୟ ରାଜପଥର ୪ଲେନ ନିର୍ମାଣ କାର୍ଯ୍ୟରେ ଠିକା ସଂସ୍ଥାର ଅବହେଳା ଯୋଗୁ ସରକାରଙ୍କ କୋଟି କୋଟି ଟଙ୍କା ପାଣିରେ ପଡ଼ିଛି। ଅବହେଳାରୁ ନିର୍ମାଣ କାର୍ଯ୍ୟ ତ ବନ୍ଦ ହୋଇଛି, ଏହାସହ ପ୍ରାୟ ୪୦କୋଟି ଟଙ୍କାର ମୂଲ୍ୟବାନ ସମ୍ପତ୍ତି ଲୁଟ୍‌ ହୋଇଛି। ଏହି ଲୁଟ୍‌ ସମ୍ପର୍କରେ ପୋଲିସ ନିକଟରେ ଅଭିଯୋଗ ହେବାର ୨ବର୍ଷ ପରେ ବି ଏହା ଉଦ୍ଧାର ହୋଇପାରି ନାହିଁ। ଲୁଟ ଯନ୍ତ୍ରାଂଶ ଉଦ୍ଧାର ନ ହୋଇପାରିବା ଯେତିକି ବିସ୍ମୟ ସୃଷ୍ଟି କରୁ ନାହିଁ ତାଠାରୁ ଅଧିକ ଆଶ୍ଚର୍ଯ୍ୟ କରୁଛି ପୋଲିସର ଶିଥିଳ କାର୍ଯ୍ୟାନୁଷ୍ଠାନ। ଏହି ସମ୍ପତ୍ତିର ସୁରକ୍ଷା ଦାୟିତ୍ୱରେ ଥିବା ଜେଡ୍‌ ପ୍ଲସ ସୁରକ୍ଷା ସେବା ପକ୍ଷରୁ ଯାଜପୁର ଜିଲାର ସୁକିନ୍ଦା, ଧର୍ମଶାଳା ଓ ଜେନାପୁର ଏବଂ ଢେଙ୍କାନାଳ ଜିଲାର ଭୁବନ ଓ କାମାକ୍ଷାନଗର ଥାନା ଅଧିକାରୀଙ୍କ ନିକଟରେ ବଳପୂର୍ବକ ଯନ୍ତ୍ରାଂଶ, ରାସ୍ତା ତିଆରି ଦ୍ରବ୍ୟ ଏବଂ ଆସବାବପତ୍ର ଇତ୍ୟାଦି ଲୁଟି ନେବା ସମ୍ପର୍କରେ ଲିଖିତ ସୂଚନା ଦିଆଯାଇଥିଲା। ଏଥିସହ ଏନ୍‌ଏଚ୍‌ଏଆଇ ଢେଙ୍କାନାଳ ପ୍ରକଳ୍ପ ନିର୍ଦ୍ଦେଶକ ମଧ୍ୟ ତାଙ୍କ ଅଭିଯୋଗ ପତ୍ର ସଂଖ୍ୟା ୮୮୯/୨୨ା୬ା୨୦୧୭ରେ ଯାଜପୁର ଓ ଢେଙ୍କାନାଳ ଏସ୍‌ପିଙ୍କ ଦୃଷ୍ଟି ଆକର୍ଷଣ କରିଥିଲେ। ଏହାସତ୍ତ୍ୱେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ। ପୋଲିସର କୋହଳ କାର୍ଯ୍ୟାନୁଷ୍ଠାନ ଯୋଗୁ ଲୁଟ ହୋଇଥିବା ମୂଲ୍ୟବାନ ସମ୍ପତ୍ତି ବାହାର ରାଜ୍ୟରେ ବିକ୍ରି କରାଯାଇଥିବା ସନ୍ଦେହ କରାଯାଉଛି।
ତାଳଚେର-ଡୁବୁରୀ-ଚଣ୍ଡିଖୋଲ ୨୦୦ନମ୍ବର ଜାତୀୟ ରାଜପଥର ଚାରିଲେନ ନିର୍ମାଣ କାର୍ଯ୍ୟ କୋର୍ସାନ କୋଭିୟମ୍‌ କନ୍‌ଷ୍ଟ୍ରକ୍ସନ ଠିକାସଂସ୍ଥାକୁ ଦାୟିତ୍ୱ ଦିଆଯାଇଥିଲା ା ଏହି କାର୍ଯ୍ୟ ଏନ୍‌ଏଚ୍‌ ୨୦୦ ନମ୍ବରର ୩୦୧.୮୯୦କି.ମି.ରୁ ୪୨୮.୦୩ କି.ମି. ପର୍ଯ୍ୟନ୍ତ ଏବଂ ୨୩ନମ୍ବର ଜାତୀୟ ରାଜପଥର ୮.୫୦ କି.ମି.ରୁ ୧୫.୭୫ କି.ମି. ପର୍ଯ୍ୟନ୍ତ ରାସ୍ତାର ଚାରିଲେନ ପାଇଁ ଏନ୍‌ଏଚ୍‌ଏଆଇ ପକ୍ଷରୁ ପ୍ରାୟ ୧୬୦୦ କୋଟି ଟଙ୍କା ବ୍ୟୟ ଅଟକଳ ହୋଇଥିଲା। ଉକ୍ତ ଠିକାସଂସ୍ଥା ପର୍ଯ୍ୟାୟକ୍ରମେ କେତେକ ପେଟି କଣ୍ଟ୍ରାକ୍ଟର/ସବ୍‌ କଣ୍ଟ୍ରାକ୍ଟରଙ୍କୁ ନିର୍ମାଣ ଦାୟିତ୍ୱ ଦେଇଥିଲା। ହେଲେ ଏନ୍‌ଏଚ୍‌ଏଆଇ ସହ ଚୁକ୍ତି ଅନୁସାରେ ସମ୍ପୃକ୍ତ ଠିକାସଂସ୍ଥା ଉପଯୁକ୍ତ ଭାବେ କାର୍ଯ୍ୟ ସମ୍ପାଦନ କରିପାରି ନ ଥିଲା। ଫଳରେ କୋର୍ସାନ କୋଭିୟମ୍‌ କନ୍‌ଷ୍ଟ୍ରକ୍ସନ ଠିକାସଂସ୍ଥା ସହ ଚୁକ୍ତିକୁ ୧୫ା୩ା୨୦୧୭ରେ ବାତିଲ କରି ଦିଆଯାଇଥିଲା। ଚୁକ୍ତି ବାତିଲ ପରେ ଉକ୍ତ ଠିକା ସଂସ୍ଥା ଭୁବନେଶ୍ୱରର ଜେଡ୍‌ ପ୍ଲସ ସୁରକ୍ଷା ସେବା ସଂସ୍ଥାକୁ ଭୁବନ, ଚଣ୍ଡିଖୋଲ, କାମାକ୍ଷାନଗରଠାରେ ଥିବା ବିଭିନ୍ନ କ୍ୟାମ୍ପଗୁଡ଼ିକରେ ସୁରକ୍ଷା ଦାୟିତ୍ୱ ଦେଇଥିଲା। ତେବେ ସମୟକ୍ରମେ ଉକ୍ତ ଠିକାସଂସ୍ଥା ବକୈୟା ପାଉଣା ସମାଧାନ ନ କରି ସ୍ଥାନ ଛାଡ଼ି ଚାଲିଯାଇଥିଲା। ଫଳରେ କ୍ୟାମ୍ପଗୁଡ଼ିକରେ କୋଟିକୋଟି ଟଙ୍କାର ଗ୍ରେଡର, ବେଚିଂ ପ୍ଲାଣ୍ଟ, କ୍ରଶର ଇତ୍ୟାଦି ଯନ୍ତ୍ରାଂଶ ଓ ଆସବାବପତ୍ର ରହିଯାଇଥିଲା। ଏନ୍‌ଏଚ୍‌ଏଆଇର ଗାଇଡ୍‌ଲାଇନ ଅନୁସାରେ ଠିକାସଂସ୍ଥାର ଚୁକ୍ତି ବାତିଲ ହେବା ପରେ ନିର୍ମାଣ ସାମଗ୍ରୀ ଓ ଯନ୍ତ୍ରପାତି ଭାରତ ସରକାରଙ୍କ ଏନ୍‌ଏଚ୍‌ଏଆଇ ଅଧୀନରେ ରହିଥାଏ। କିନ୍ତୁ ସେଠାରେ ନିୟୋଜିତ ଥିବା ପେଟି କଣ୍ଟ୍ରାକ୍ଟର ଓ ସବ୍‌କଣ୍ଟ୍ରାକ୍ଟର କାହାରିକୁ ନ ଜଣାଇ ଦାୟିତ୍ୱରେ ଥିବା ସୁରକ୍ଷା କର୍ମୀଙ୍କଠାରୁ ଜବରଦସ୍ତ ନିର୍ମାଣ ସାମଗ୍ରୀ ଲୁଟ କରିନେଇଥିଲେ। ଏନେଇ ଜେଡ୍‌ ପ୍ଲସ ସୁରକ୍ଷା ସଂସ୍ଥା ଧର୍ମଶାଳା, ଚଣ୍ଡିଖୋଲ, ଜେନାପୁର, ଭୁବନ ଓ କାମାକ୍ଷାନଗର ଥାନାରେ ୧୯ା୬ା୨୦୧୭ରେ ସୁରକ୍ଷା ସଂସ୍ଥାର ମ୍ୟାନେଜିଂ ପାର୍ଟନର କୃଷ୍ଣଚନ୍ଦ୍ର ସ୍ବାଇଁ ଅଭିଯୋଗ ଦାଏର କରିଥିଲେ। ଉକ୍ତ ଅଭିଯୋଗରେ ଦର୍ଶାଯାଇଥିଲା ଯେ, ଠିକାସଂସ୍ଥାର ଆର୍ଥିକ ଅବନତି ଯୋଗୁ ଏନ୍‌ଏଚ୍‌ଏଆଇ କର୍ତ୍ତୃପକ୍ଷ କାର୍ଯ୍ୟରୁ ନିଲମ୍ବିତ କରାଯାଇଛି। ଏହି ସମୟ ମଧ୍ୟରେ କୋର୍ସାନ କୋଭିୟମ୍‌ କନ୍‌ଷ୍ଟ୍ରକ୍ସନ ଠିକାସଂସ୍ଥା ନିୟୋଜିତ କରିଥିବା ସବ୍‌କଣ୍ଟ୍ରାକ୍ଟର ଓ ତାଙ୍କ ସହଯୋଗୀ ଠିକାଦାରମାନେ ଚଣ୍ଡିଖୋଲ ଅଫିସ ଓ ଚଢେଇଧରା କ୍ୟାମ୍ପରୁ ସମସ୍ତ ଜିନିଷପତ୍ର ସୁରକ୍ଷା କର୍ମୀଙ୍କୁ ଧମକାଇ ଚମକାଇ ନେଇ ଚାଲିଛନ୍ତି। ଏହାପରେ ଭୁବନ(ମଙ୍ଗଳପୁର) କ୍ୟାମ୍ପ, କାମାକ୍ଷାନଗର ଆଦି କ୍ୟାମ୍ପରୁ ଲୁଟି ନେବା ପାଇଁ ବନ୍ଦୋବସ୍ତ କରୁଛନ୍ତି। ଆଗାମୀ ଦିନରେ ଏକ ବଡ଼ଧରଣର ସର୍ବସାଧାରଣ ସମ୍ପତ୍ତିର କ୍ଷତି ଘଟିବାକୁ ଯାଉଛି। ଏଣୁ ଆଇନ ଅନୁଯାୟୀ ତୁରନ୍ତ ପଦକ୍ଷେପ ନିଆଗଲେ ଏନ୍‌ଏଚ୍‌ଏଆଇ ବା ସର୍ବସାଧାରଣ ସମ୍ପତ୍ତିର ରକ୍ଷା କରାଯାଇ ପାରିବ ବୋଲି ସେ ପୋଲିସକୁ ଅନୁରୋଧ କରିଥିଲେ। ଉକ୍ତ ଅଭିଯୋଗର ୩ଦିନ ପରେ ଏନ୍‌ଏଚ୍‌ଏଆଇ ଢେଙ୍କାନାଳ ପ୍ରକଳ୍ପ ନିର୍ଦ୍ଦେଶକ ମଧ୍ୟ ଢେଙ୍କାନାଳ ଓ ଯାଜପୁର ଏସ୍‌ପିଙ୍କ ଦୃଷ୍ଟି ଆକର୍ଷଣ କରିଥିଲେ। ହେଲେ ପୋଲିସ ଏଯାବତ୍‌ କେଉଁ ସ୍ବାର୍ଥରେ ନୀରବ ରହିଛି ତାହା ପ୍ରଶ୍ନବାଚୀ ସୃଷ୍ଟି କରିଛି। ଏସଂକ୍ରାନ୍ତରେ ଏନ୍‌ଏଚ୍‌ଆଇ ଢେଙ୍କାନାଳ ପ୍ରକଳ୍ପ ନିର୍ଦ୍ଦେଶକଙ୍କ ସହ ଯୋଗାଯୋଗ ସମ୍ଭବ ହୋଇପାରି ନ ଥିବାବେଳେ ଜେଡ୍‌ ପ୍ଲସ ସୁରକ୍ଷା ସେବାର ମ୍ୟାନେଜିଂ ପାର୍ଟନର ସ୍ବାଇଁଙ୍କୁ ପଚାରିବାରୁ, ଏନ୍‌ଏଚ୍‌ଏଆଇର ଲୁଟ୍‌ ସଂକ୍ରାନ୍ତରେ ସମ୍ପୃକ୍ତ ଥାନାଗୁଡ଼ିକରେ ଅଭିଯୋଗ ହୋଇଥିଲା। ହେଲେ ଲୁଟ୍‌ ସାମଗ୍ରୀ ଏପର୍ଯ୍ୟନ୍ତ ଉଦ୍ଧାର ହୋଇପାରି ନାହିଁ ବୋଲି କହିଛନ୍ତି। ଅପରପକ୍ଷରେ ୨ଜିଲାର ପୋଲିସ ମଧ୍ୟ ଏନେଇ କୌଣସି ମୁହଁ ଖୋଲି ନାହାନ୍ତି।


Enter your email to get our daily news in your inbox.

All Right Reserved By Dharitri.Com

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?