ଭୁବନେଶ୍ୱର,୨୮ା୭(ସ୍ପୋଟର୍ସ ବ୍ୟୁରୋ) – ଓଡ଼ିଶାର ଷ୍ଟାର ଶଟ୍ଲର ରୁତୁପର୍ଣ୍ଣା ପଣ୍ଡା ନାଇଜେରିଆରେ ଅନୁଷ୍ଠିତ ଲାଗୋସ ଅନ୍ତର୍ଜାତୀୟ ବ୍ୟାଡ୍ମିଣ୍ଟନ କ୍ଲାସିକ୍ ଟୁର୍ନାମେଣ୍ଟରେ ଯୁଗଳ ସଫଳତା ହାସଲ କରିଛନ୍ତି। ୨୫,୦୦୦ ୟୁଏସ୍ ଡଲାର ପୁରସ୍କାର ବିଶିଷ୍ଟ ପ୍ରତିଯୋଗିତାର ଋତୁପର୍ଣ୍ଣା ମିକ୍ସଡ୍ ଡବଲ୍ସରେ ରୌପ୍ୟ ଓ ମହିଳା ଡବଲ୍ସ ପ୍ରତିଯୋଗିତାରେ ବ୍ରୋଞ୍ଜ ପଦକ ହାସଲ କରିଛନ୍ତି। ରାମଚନ୍ଦ୍ର ଶ୍ଳୋକଙ୍କୁ ସାଥୀ କରି ଖେଳୁଥିବା ଋତୁପର୍ଣ୍ଣା ମିକ୍ସଡ୍ ଡବଲ୍ସ ଫାଇନାଲରେ ନିଜ ଦେଶର ମନୀଷା କେ. ଓ ଏମ୍.ଆର୍. ଅର୍ଜୁନଙ୍କ ଯୋଡ଼ିଠାରୁ ୨-୦(୨୧-୧୬, ୨୧-୧୭) ଗେମ୍ରେ ପରାସ୍ତ ହୋଇ ରନର୍ସଅପ୍ ହୋଇଥିଲେ। ସେହିପରି ଶୁକ୍ରବାର ଅନୁଷ୍ଠିତ ମହିଳା ଡବଲ୍ସ ସେମିଫାଇନାଲ୍ରେ ମନୀଷା କେ.ଙ୍କୁ ସାଥୀକରି ଖେଳୁଥିବା ଋତୁପର୍ଣ୍ଣା ସେମିଫାଇନାଲ ମ୍ୟାଚରେ ତୁର୍କୀ ଯୋଡ଼ିଙ୍କ ନିକଟରୁ ୨-୧(୨୧-୧୩, ୧୩-୨୧, ୨୧-୧୪) ଗେମ୍ରେ ପରାସ୍ତ ହୋଇ ବ୍ରୋଞ୍ଜ ପଦକରେ ସନ୍ତୁଷ୍ଟ ହୋଇଥିଲେ।
