ରେକର୍ଡ ପଛରେ ଭାଙ୍ଗୁଛି ପରମ୍ପରା

ପୁରୀ ଅଫିସ, ୧୬।୭: ଶ୍ରୀମନ୍ଦିର ପ୍ରଶାସନ ଚଳିତବର୍ଷ ଘୋଷଯାତ୍ରାରେ ଏକାଧିକ ରେକର୍ଡ କରିଛି। ରଥଯାତ୍ରା ଏବଂ ବାହୁଡ଼ାର ପହଣ୍ଡି ହେଉ କି ରଥଟଣା ବେଶ୍‌ ସଅଳ ହୋଇଥିଲା। ବିଗତ କିଛିବର୍ଷକୁ ଦେଖିଲେ ଏତେ ଶୀଘ୍ର ନୀତିକାନ୍ତି କରାଯାଇ ନ ଥିଲା। ସେହିପରି ନୀଳାଦ୍ରିବିଜେ ପହଣ୍ଡିରେ ବି ଏଥର ରେକର୍ଡ କରିଛି। ତେବେ ଏହି ରେକର୍ଡ ପଛରେ ପରମ୍ପରା ଭଙ୍ଗ ହେଉଥିଲେ ବି ସେଥିପ୍ରତି ଧ୍ୟାନ ଦିଆଯାଉନାହିଁ। ସୋମବାର ପୂର୍ବାହ୍ନରେ ରଥ ଉପରେ ଠାକୁରଙ୍କ ସନ୍ଧ୍ୟା ଆଳତି ହୋଇଥିବାବେଳେ ମଧ୍ୟାହ୍ନରେ ମହାପ୍ରଭୁ କରିଛନ୍ତି ରାତ୍ରଭୋଜନ। ପ୍ରଶାସନର ରେକର୍ଡ କରିବା ନିଶାକୁ ନେଇ ନାପସନ୍ଦ କରିଛନ୍ତି ଅନେକ ଭକ୍ତ। କିନ୍ତୁ ମଙ୍ଗଳବାର ଚନ୍ଦ୍ରଗ୍ରହଣ ଯୋଗୁ ନୀତିକୁ ସଅଳ କରାଯାଇଥିବା ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହାଯାଇଛି।
ଚଳିତବର୍ଷ ରଥଯାତ୍ରା ପହଣ୍ଡି ପ୍ରାୟ ୧ ଘଣ୍ଟା ଆଗକୁ ଆରମ୍ଭ ହୋଇଥିବାବେଳେ ରଥଟଣା ରେକର୍ଡ କରିଥିଲା। ଅର୍ଥାତ୍‌ ୪ଟାରେ ରଥଟଣା ଯିବାକୁ ଥିବାବେଳେ ୨ଟା ୧୦ରେ ରଥଟଣା ଆରମ୍ଭ ହୋଇଥିଲା। ସେହିପରି ବାହୁଡାରେ ମଧ୍ୟ ନିର୍ଦ୍ଧାରିତ ସମୟର ୨ଘଣ୍ଟା ୪୫ ପୂର୍ବରୁ ଆରମ୍ଭ ହେଲା ରଥଟଣା। ଏଥିପାଇଁ ଦିନ ଥାଉଁ ଥାଉଁ ତିନିରଥ ସିଂହଦ୍ୱାରରେ ଲାଗିଥିଲା। ତେବେ ରଥଯାତ୍ରା ଏବଂ ବାହୁଡାଠାରୁ ନୀଳାଦ୍ରିବିଜେରେ ବି ରେକର୍ଡ ହୋଇଛି। ଅବଶ୍ୟ ଶ୍ରୀମନ୍ଦିର ପ୍ରଶାସନ ପୂର୍ବରୁ ଧାର୍ଯ୍ୟ କରିଥିବା ସମୟରେ ଠାକୁରମାନଙ୍କର ପହଣ୍ଡି ଆରମ୍ଭ କରାଯାଇଥିଲା। କିନ୍ତୁ ରାତି ୧୦ଟା ମଧ୍ୟରେ ପହଣ୍ଡି ଶେଷ ହେବାକୁ ଥିବାବେଳେ ଏହାର ଦେଢଘଣ୍ଟା ପୂର୍ବରୁ ଅର୍ଥାତ୍‌ ୮ଟା ୩୫ ସୁଦ୍ଧା ପହଣ୍ଡି ସରିଥିଲା। ଏହି ରେକର୍ଡ ପଛରେ କିନ୍ତୁ ଭାଙ୍ଗିଛି ପରମ୍ପରା। ପୂର୍ବାହ୍ନରେ ରଥ ଉପରେ ଠାକୁରଙ୍କ ସନ୍ଧ୍ୟା ଆଳତି ହୋଇଥିବାବେଳେ ମଧ୍ୟାହ୍ନରେ ମହାପ୍ରଭୁଙ୍କୁ ରାତ୍ରଭୋଜନ ଅର୍ପଣ କରାଯାଇଥିଲା। ଭୋର ୫ଟା ୧୫ରେ ମଙ୍ଗଳ ଆଳତି ହୋଇଥିବାବେଳେ ସକାଳ ୯ଟାରେ ସକାଳ ଧୂପ ସରିଥିଲା। ୯ଟା ୪୦ରେ ଯାତ୍ରାଙ୍ଗୀ ମହାସ୍ନାନ ବଢି ୧୦ଟା ୧୫ରେ ବେଶ ସରିଥିଲା। ପୂର୍ବାହ୍ନ ୧୧ଟା ମଧ୍ୟାହ୍ନ ସରିଥିବାବେଳେ ୧୧ଟା ୩୫ରେ ରଥ ଉପରେ ହୋଇଥିଲା ସନ୍ଧ୍ୟା ଆଳତି। ଏହାପରେ ମଧ୍ୟାହ୍ନ ୧୨ଟା ୪୦ରେ ସନ୍ଧ୍ୟା ଧୂପ ଅର୍ଥାତ୍‌ ଠାକୁରଙ୍କ ରାତ୍ରଭୋଜନ ସରିଥିଲା। ରେକର୍ଡ ନିଶାରେ ପୂର୍ବାହ୍ନରେ ସନ୍ଧ୍ୟା ଆଳତି ହେବା ଏବଂ ମଧ୍ୟାହ୍ନରେ ରାତ୍ରଭୋଜନ ସରିବା ପରମ୍ପରା ବିରୋଧୀ ବୋଲି ପୁରୀର ପ୍ରତାପେଶ୍ୱର ଶତପଥୀ କହିଛନ୍ତି। ଏଭଳି ହେବା କଥା ନୁହେଁ ବୋଲି ସେ ମତ ବାଢିଛନ୍ତି। ଅନ୍ୟ କେତେଜଣ ମଧ୍ୟ ଅନୁରୂପ ମତ ଦେଇଛନ୍ତି।
ଏ ସମ୍ପର୍କରେ ଶ୍ରୀମନ୍ଦିର ଲୋକ ସମ୍ପର୍କ ଅଧିକାରୀ ଲକ୍ଷ୍ମୀଧର ପୂଜାପଣ୍ଡା କହିଛନ୍ତି, ବର୍ଷସାରା ବିଶେଷ ନୀତିକାନ୍ତି ଦିନମାନଙ୍କରେ ପ୍ରୟୋଜନ ଥିଲେ ଠାକୁରଙ୍କର ଦିନରେ ସନ୍ଧ୍ୟା ଆଳତି ହୋଇଥାଏ। ରଥଯାତ୍ରା ସମୟରେ ପ୍ରାୟତଃ ଏଭଳି ଘଟିଥାଏ। ମଙ୍ଗଳବାର ଚନ୍ଦ୍ରଗ୍ରହଣ ଯୋଗୁ ସାଢେ ୪ଟା ପୂର୍ବରୁ ଦ୍ୱିତୀୟ ଭୋଗମଣ୍ଡପ ସାରିବାକୁ ସ୍ଥିର କରାଯାଇଥିବାରୁ ସଅଳ ପହଣ୍ଡି ହୋଇଛି। ଫଳରେ ଠାକୁରଙ୍କର ଦିନରେ ସନ୍ଧ୍ୟା ଆଳତି କରାଯାଇଛି। ଚଳିତବର୍ଷକୁ ମିଶାଇ ଲଗାତର ୩ବର୍ଷ ଧରି ନୀଳାଦ୍ରିବିଜେ ସମୟରେ ଏଭଳି ସଅଳ ପହଣ୍ଡି ଏବଂ ସନ୍ଧ୍ୟା ଆଳତି ହୋଇଥିବା ପୂଜାପଣ୍ଡା ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

୭ରେ ତପୋବନ ମହିମା ମେଳା: ସମସ୍ତଙ୍କ ସହଯୋଗ ଲୋଡ଼ିଲେ ଜିଲାପାଳ

ଢେଙ୍କାନାଳ ଅଫିସ, ୩୦।୧୦: ମହିମାଧର୍ମର ଆଦିପୀଠ ତଥା ପ୍ରାକୃତିକ ସୌନ୍ଦର୍ଯ୍ୟର ଗନ୍ତାଘର ତପୋବନ ମହିମା ବିହାରରେ ଆସନ୍ତା ୭ ତାରିଖରେ ତପୋବନ ମେଳା ଅନୁଷ୍ଠିତ ହେବ।...

ଭୁବନେଶ୍ୱର-ବାରାଣସୀ ବିମାନ ସେବା ଫେବୃୟାରୀ ୨୯ରୁ

ଭୁବନେଶ୍ୱର,୩ା୧(ବ୍ୟୁରୋ): ଓଡ଼ିଶାବାସୀଙ୍କ ଲାଗି ଖୁସି ଖବର। ଫେବୃୟାରୀ ୨୯ରୁ ଆରମ୍ଭ ହେଉଛି ଭୁବନେଶ୍ୱର-ବାରାଣସୀ ବିମାନ ସେବା। ଘରୋଇ ବିମାନ ଚଳାଚଳ ସଂସ୍ଥା ଇଣ୍ଡିଗୋ ଏହି ସେବା...

ଖେଳ ପିଲାଙ୍କୁ ବିକଶିତ କରିଥାଏ

ଭୁବନେଶ୍ୱର, ୨୪ା୧୨(ବ୍ୟୁରୋ): ସାଇ ଇଣ୍ଟରନ୍ୟାଶନାଲ୍‌ ସ୍କୁଲର ୭ମ ବାର୍ଷିକ କ୍ରୀଡ଼ା ଉତ୍ସବ ‘ସାଇ ଅଲିମ୍ପିକ୍ସ’ ସୋମବାର ସ୍କୁଲ ପରିସରରେ ଉଦ୍‌ଯାପିତ ହୋଇଯାଇଛି। ଏହି ଅବସରରେ ଅଲିମ୍ପିଆନ୍‌...

ଓଟିଡିସିର ‘ଚନ୍ଦ୍ରଭାଗା ବିଚ୍‌ କାଫେ’

ଭୁବନେଶ୍ୱର,୨ା୧୨(ବ୍ୟୁରୋ): ରାଜ୍ୟର ପ୍ରମୁଖ ପର୍ଯ୍ୟଟନସ୍ଥଳୀ ଭାବେ ପରିଚିତ ପୁରୀର ଚନ୍ଦ୍ରଭାଗା ବେଳାଭୂମିରେ ଖୋଲିଛି ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ(ଓଟିଡିସି) କାଫେଟେରିଆ। ପୁରୀ ପରେ ଓଟିଡିସି ପକ୍ଷରୁ...

ଆଜି ୨,୨୫୭ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ

ପୁରୀ ଅଫିସ,୧୮।୨: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଶୁକ୍ରବାର ୨ୟ ପର୍ଯ୍ୟାୟ ମତଦାନ ହେବ। ନିମାପଡ଼ା ବ୍ଲକର ୩୨ଟି ପଞ୍ଚାୟତର ସରପଞ୍ଚ ଓ ସମିତି ସଭ୍ୟ,...

ପିଭିଟିଜିରେ ଅନ୍ତର୍ଭୁକ୍ତ ହେଲା ରାଜ୍ୟର ୮୮୮ ଗାଁ

ଭୁବନେଶ୍ୱର,୧୦ା୬(ବ୍ୟୁରୋ): ଚିହ୍ନଟ ହୋଇଥିବା ମାଇକ୍ରୋ ପ୍ରୋଜେକ୍ଟ ଅଞ୍ଚଳର ୮୮୮ଟି ଗ୍ରାମକୁ ନୂତନ ପିଭିଟିଜି (ଦୁର୍ବଳ ତଥା ଅନୁନ୍ନତ ଶ୍ରେଣୀର ଜନଜାତି ଗୋଷ୍ଠୀ) ଗ୍ରାମଭାବେ ରାଜ୍ୟ ସରକାର...

ଅବହେଳିତ ଅବସ୍ଥାରେ ଦଧିବାମନ

ଖୋର୍ଦ୍ଧା ଅଫିସ,୫।୧୨: ଖୋର୍ଦ୍ଧା ସନ୍ନିକଟ ମୁସଲମାନ ଅଧ୍ୟୁଷିତ କେରଙ୍ଗ ପଞ୍ଚାୟତର ଦିବ୍ୟସିଂହଦେବପୁର ଗ୍ରାମରେ ରହିଛି ଦଧିବାମନ ମନ୍ଦିର। ତତ୍କାଳୀନ ଖୋର୍ଦ୍ଧା ରାଜା ଦିବ୍ୟସିଂହ ଦେବଙ୍କ ନାମରେ...

ସଂକ୍ରମଣ ବଢିଲେ ଲାଗୁ ହେବ କଟକଣା

ଭୁବନେଶ୍ୱର, ୭।୩(ବ୍ୟୁରୋ): ଆସନ୍ତା ୨୪ରେ ପୌର ନିର୍ବାଚନ। ଏଥିପାଇଁ ରାଜନୀତି ସରଗରମ ରହିଛି। ତେବେ ନିର୍ବାଚନ ସମ୍ପର୍କରେ ପ୍ରତିକ୍ରିୟା ରଖିଛନ୍ତି ନିର୍ବାଚନ କମିଶନ ଆଦିତ୍ୟ ପାଢୀ।...

Advertisement
Archives

Model This Week