ରାଜୀବଙ୍କୁ ନୂଆ ପରିଚୟ ଦେଇଛି ଛତୁଚାଷ

ଜଗତ୍‌ସିଂହପୁର ଅଫିସ୍‌, ୨୮।୨: ବିଫଳତା ହିଁ ସଫଳତାର ମାପକାଠି। ଏହା ୩୫ ବର୍ଷର ରାଜୀବ ରଥଙ୍କ କ୍ଷେତ୍ରରେ ପ୍ରମାଣିତ ହୋଇଛି। ତିର୍ତ୍ତୋଲ ଥାନା ଗୋପାଳପୁର ପଞ୍ଚାୟତ ଅଧୀନ ପୁଟିଙ୍ଗର ରାଜୀବ ଯୁକ୍ତ ୨ ପାଠ ପଢ଼ା ପରେ ପରିବାରର ଆର୍ଥିକ ସ୍ଥିତି ଅତି ଦୁର୍ବଳ ଯୋଗୁ ଜୀବିକା ନିର୍ବାହ କରିବା ପାଇଁ ଉଦ୍ୟମ ଆରମ୍ଭ କରିଥିଲେ। ରାଜଧାନୀରେ ଭଡ଼ା ଘରେ ରହି ଛତୁ ଚାଷ ଆରମ୍ଭ କରି ବିଫଳ ହେଲେ। ଦିନ ଥିଲା, ବେଳାଏ ଖାଇଲେ ବେଳାଏ ଉପବାସ ରହି ଦିନ କାଟିବାକୁ ପଡୁଥିଲା ରାଜୀବଙ୍କୁ। ଏହାସତ୍ତ୍ବେ ବି ତାଙ୍କ ମନୋବଳ ଭାଙ୍ଗି ନ ଥିଲା। ଓଡ଼ିଶା କୃଷି ଓ ବୈଷୟିକ ବିଶ୍ୱ ବିଦ୍ୟାଳୟ (ଓୟୁଏଟି)ରେ ଛତୁଚାଷ ଉପରେ ତାଲିମ ନେବା ପରେ ଭୁବନେଶ୍ୱର ୟୁନିଟ୍‌-୮ସ୍ଥିତ ଅନ୍ୟ ଏକ ଭଡ଼ା ଜାଗାରେ ଛତୁଚାଷ ଆରମ୍ଭ କରିଥିଲେ। ତଥାପି ବିଫଳ ହେବାରୁ ବାଧ୍ୟ ହୋଇ ଗାଁକୁ ଚାଲି ଆସିଥିଲେ। କିନ୍ତୁ ତା’ପରେ ଆଉ ପଛକୁ ଫେରି ଚାହିଁନାହାନ୍ତି। ଯଦିଓ ବହୁ କଷ୍ଟ ସହିବାକୁ ପଡିଛି ତଥାପି ଛତୁଚାଷରୁ ମୁହଁ ନ ଏଡ଼ାଇ ଅବିଶ୍ରାନ୍ତ ପରିଶ୍ରମ କରି ଆଜି ଜିଲାର ଜଣେ ସଫଳ ଚାଷୀ ଭାବେ ସମ୍ମାନିତ ହୋଇଛନ୍ତି। ଜିଲାର ସଫଳ ଉଦ୍ୟାନ ଚାଷୀ ଭାବେ ଗତ ସାଧାରଣତନ୍ତ୍ର ଦିବସରେ ସେ ବିଭାଗୀୟ ମନ୍ତ୍ରୀଙ୍କଠାରୁ ପୁରସ୍କୃତ ହୋଇଥିଲେ। ଏବେ ଜଗତ୍‌ସିଂହପୁର, କଟକ ଓ କେନ୍ଦ୍ରାପଡ଼ା ଜିଲାର ୨୦୦ରୁ ଅଧିକ ଛତୁଚାଷୀ ତାଙ୍କଠାରୁ ବିହନ କ୍ରୟ କରୁଥିବା ବେଳେ ସେ ପ୍ରତ୍ୟହ ୨-୩ କୁଇଣ୍ଟାଲ ଛତୁ ଉତ୍ପାଦନ କରି ବ୍ୟବସାୟ କରିବାକୁ ସମର୍ଥ ହୋଇଛନ୍ତି। ପାଖାପାଖି ୧ ଏକର ଜମିରେ ସେ ଛତୁଚାଷ କରିଥିବା ବେଳେ ଏହାଦ୍ୱାରା ୬ଟି ପରିବାର ଆତ୍ମନିର୍ଭରଶୀଳ ହୋଇପାରିଛନ୍ତି।
ଏ ସମ୍ପର୍କରେ ରାଜୀବ କୁହନ୍ତି, ୨୦୦୨ରେ ତାଙ୍କର ଯୁକ୍ତ ୨ ପରୀକ୍ଷା ସରିଥାଏ। ସେହି ସମୟରେ ତାଙ୍କ କକେଇଙ୍କର ଜଣେ ବନ୍ଧୁ ଛତୁଚାଷ କରି କୌଣସି କାରଣରୁ ବନ୍ଦ କରିଦେବାରୁ ସେହି ସ୍ଥାନରେ ତାଙ୍କୁ ଚାଷ କରିବାକୁ ସୁଯୋଗ ମିଳିଥିଲା। କିନ୍ତୁ ସେଠାରେ ସେ ବିଫଳ ହୋଇଥିଲେ। ପରିବାରର ଆର୍ଥିକ ସ୍ଥିତି ବହୁତ ଖରାପ ଥିବାରୁ ଅନେକ ସମୟରେ ତାଙ୍କୁ ଉପବାସ ରହିବାକୁ ପଡୁଥିଲା। ତା’ପରେ ଓୟୁଏଟିରେ ଛତୁଚାଷ ଓ ମଞ୍ଜି ଉତ୍ପାଦନ ଉପରେ ତାଲିମ ନେଇ ୟୁନିଟ୍‌-୮ରେ ଅନ୍ୟ ଏକ ଭଡା ଜମିରେ ଛାତୁଚାଷ କରିଥିଲେ। ସେଠାରେ ବିଫଳ ହେବାରୁ ଗାଁକୁ ଚାଲିଯାଇଥିଲେ। ଗାଁରେ ୨୦୦୪ରେ ଛତୁଚାଷ ଆରମ୍ଭ କରିଥିଲେ। ଦିନକୁ ୧୦ଟି ବେଡ୍‌ ଚାଷ କରୁଥିଲେ। ଏହି ବିହନ ନିଜେ ପ୍ରସ୍ତୁତ କରୁଥିବାରୁ ତାଙ୍କୁ ବିଶେଷ ସମସ୍ୟା ହେଉ ନ ଥିଲା। ତେବେ ଯାହା ଉତ୍ପାଦନ ହେଉଥିଲା ତାହା ସାଇକେଲରେ ଧରି ଜଗତ୍‌ସିଂହପୁର ସହର ଯାଉଥିଲେ। ଯେହେତୁ ସେତେବେଳେ ଜଗତ୍‌ସିଂହପୁରରେ ଛତୁ ବ୍ୟବସାୟର ଚାହିଦା ନ ଥିଲା ତେଣୁ ଯାହା ବଳୁଥିଲା ଗାଁଗାଁରେ ବୁଲି ବିକ୍ରି କରୁଥିଲେ। ସେଥିରୁ ୪୦ରୁ ୫୦ ଟଙ୍କା ଲାଭ ବାହାରୁଥିଲା। ପରିବାର ଲୋକେ ପୂର୍ଣ୍ଣ ସହଯୋଗ କରୁଥିବାରୁ ୨୦୦୬ରେ ଚାଷ ବଢାଇବା ପାଇଁ ଉଦ୍ୟମ କରିଥିଲେ। ଏବେ ପାଖାପାଖି ୧ ଏକର ଜମିରେ ଛତୁଚାଷ ଓ ବିହନ ଉତ୍ପାଦନ ହେଉଛି। ୨ଟି ଛାୟାଗୃହ କରିଛନ୍ତି। ଜିଲା ଉଦ୍ୟାନ ବିଭାଗ ସହାୟତାରେ ଛତୁ ବିହନ କରିବା ପାଇଁ ୟୁନିଟ୍‌ ଯୋଗାଯାଇଛି। ବର୍ତ୍ତମାନ ରାଜୀବ ପ୍ରତ୍ୟହ ୭୦୦ରୁ ୧,୦୦୦ ବୋତଲ ଛତୁ ବିହନ ଉତ୍ପାଦନ କରୁଛନ୍ତି। ସେହିପରି ପ୍ରତ୍ୟହ ୩୦ରୁ ୩୫ ବେଡ୍‌ ଛତୁ ଉତ୍ପାଦନ କରୁଛନ୍ତି ବୋଲି ରାଜୀବ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବର୍ଷାରେ ଧୋଇଗଲା ପୋଲ ଉପର ରାସ୍ତା

ଦାରିଙ୍ଗବାଡ଼ି,୨୮ା୭(ଡି.ଏନ.ଏ.)-ଦାରିଙ୍ଗବାଡ଼ି ବ୍ଲକ ସିମନବାଡ଼ି ରାଇକିଆ ପୂର୍ତ୍ତବିଭାଗର ଗଦଡ଼ି ପୋଲ ରାସ୍ତା ପାର୍ଶ୍ୱ ଧୋଇଯିବା ଫଳରେ ବିରାଟ ଗର୍ତ୍ତ ସୃଷ୍ଟି ହୋଇଛି। ଫଳରେ ଉକ୍ତ ରାସ୍ତା ଦେଇ...

କରୋନା ପାଇଁ ପ୍ରଶାସନିକ କଟକଣା: ନିରାଡ଼ମ୍ବରରେ ପାଳିତ ହେଲା ମା’ ସୁନାମୁହିଁ ଯାତ୍ରା

ଭଣ୍ଡାରିପୋଖରୀ, ୧୩।୪(ଡି.ଏନ.ଏ.)-ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ ନେରଡା ପଞ୍ଚାୟତ ପୁଣ୍ୟତୋୟା ବୈତରଣୀ ନଦୀ କୂଳରେ ଅବସ୍ଥିତ ପ୍ରତ୍ୟେକ୍ଷ ଦେବୀ ମା’ ସୁନାମୁହିଁ (ସୁବର୍ଣ୍ଣମୁଖୀ) ପୀଠ। ଏଠାରେ...

କମୁଛି ବୈତରଣୀ, ବଢୁଛି ଦୁର୍ଦ୍ଦଶା

ଭଦ୍ରକ ଅଫିସ,୨୮ା୮: ଭଦ୍ରକର ତଳିଆ ଅଞ୍ଚଳ ଏବେ ସମ୍ପୂର୍ଣ୍ଣ ଜଳମଗ୍ନ। ପ୍ରାଥମିକ ଆକଳନ ଅନୁଯାୟୀ, ଧାମନଗର ଓ ଭଣ୍ଡାରିପୋଖରୀ ବ୍ଲକର ୧୩୦ ଗାଁ ବନ୍ୟାରେ ପ୍ରଭାବିତ...

ପରିବା ମାର୍କେଟ ଭଙ୍ଗା ପ୍ରତିବାଦରେ ଆନ୍ଦୋଳନ : ଜିଲାପାଳଙ୍କୁ ଫେରାଦ ହେଲେ ବ୍ୟବସାୟୀ

ପୁରୁଷୋତ୍ତମପୁର,୨୨ା୬(ଡି.ଏନ୍‌.ଏ.)-ଗଞ୍ଜାମ ଜିଲା ପୁରୁଷୋତ୍ତମପୁର ସହରରେ ଥିବା ପରିବା ମାର୍କେଟକୁ ଏନ୍‌ଏସି ପ୍ରଶାସନ ଦୋକାନ ଗୃହ ର୍ନିମାଣ କରିବା ଲାଗି ତରବରିଆ ଭାବେ ବୁଧବାର ଭାଙ୍ଗି ଦେଇଛି।...

ରେଳ ଧାରଣାରୁ ମିଳିଲା ଯୁବକଙ୍କ ମୁଣ୍ଡବିହୀନ ମୃତଦେହ:ଏଟିଏମ୍‌ ଓ ଆଧାର କାର୍ଡରୁ ମିଳିଲା ପରିଚୟ

ଚଣ୍ଡିଖୋଲ(ଡି.ଏନ୍‌.ଏ)/ବାଲିଚନ୍ଦ୍ରପୁର(ସ୍ବ.ପ୍ର.),୨୭।୮-ଗଞ୍ଜାମ ଜିଲା ବ୍ରହ୍ମପୁର ନିକଟସ୍ଥ ଗୋଳନ୍ଥରା ରେଳଧାରଣା ପାର୍ଶ୍ୱରୁ ମଙ୍ଗଳବାର ଜଣେ ଯୁବକଙ୍କ ମୁଣ୍ଡବିହୀନ ମୃତଦେହ ଉଦ୍ଧାର କରାଯାଇଛି। ମୃତକଙ୍କ ପକେଟରୁ ମିଳିଥିବା ଏଟିଏମ୍‌ ଓ...

ଜଙ୍ଗଲରୁ କାଜୁ ସଂଗ୍ରହ ବେଳେ ଯୁବକଙ୍କୁ ଶୁଣ୍ଢରେ ଟେକି କଚାଡ଼ି ଦେଲା ହାତୀ

ଖୋର୍ଦ୍ଧା ଅଫିସ,୨୯ା୫: ହାତୀ ଆକ୍ରମଣରେ ଶୁକ୍ରବାର ପୁଣି ଜଣେ ଗୁରୁତର ହୋଇଛନ୍ତି। ଗୁରୁତର ଅବସ୍ଥାରେ ତାଙ୍କୁ ଖୋର୍ଦ୍ଧା ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ମିଳିଥିବା...

ବସ୍ତାରେ ଚାଉଳ କମ୍‌ ରହୁଥିବା ନେଇ ଉଦ୍‌ବେଗ

ଖଇରା, ୨୪।୪(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକରେ ଖାଦ୍ୟ ସୁରକ୍ଷା ଯୋଜନାରେ ଖାଉଟି ସାମଗ୍ରୀ ବଣ୍ଟନ ଦାୟିତ୍ୱରେ ଥିବା ସମସ୍ତ ଡିଲରଙ୍କ ଏକ ବୈଠକ ସୋମବାର ଖଇରା...

ମୟୂରଭଞ୍ଜ ସାହିତ୍ୟ ପରିଷଦର କବିତା ପାଠୋତ୍ସବ

ବାରିପଦା ଅଫିସ,୧୩ା୮- ମୟୂରଭଞ୍ଜ ସାହିତ୍ୟ ପରିଷଦ ତରଫରୁ ସମ୍ବିଧାନର ୩୭୦ ଧାରା ଉଚ୍ଛେଦ ବିଷୟ ସମ୍ପର୍କିତ ଏକ ମନୋଜ୍ଞ କବିତା ପାଠୋତ୍ସବ ମହର୍ଷି ପବ୍ଲ୍‌ିକ ସ୍କୁଲ...

Coronavirus Update


Archives

Model This Week

Why Dharitri