ନୂଆଦିଲ୍ଲୀ,୯।୮(ପିଟି): ପୂର୍ବତନ ନ୍ୟୁଜିଲାଣ୍ଡ ଅଧିନାୟକ ବ୍ରେଣ୍ଡନ ମ୍ୟାକ୍କୁଲମ ଆଇପିଏଲ ଫ୍ରାଞ୍ଚାଇଜ କୋଲକାତା ନାଇଟ୍ ରାଇଡର୍ସ (କେକେଆର) ଦଳକୁ ଫେରିବାକୁ ଯାଉଛନ୍ତି। କିନ୍ତୁ ଜଣେ ଖେଳାଳି ଭାବେ ନୁହେଁ। ସହାୟକ କୋଚ୍ ପଦ ପାଇଁ ସେ ଦଳ ସହ ଚୁକ୍ତି କରିଥିବା ରିପୋର୍ଟ ମିଳିଛି। ନିକଟରେ କ୍ରିକେଟର ସମସ୍ତ ଫର୍ମାଟରୁ ଅବସର ନେଇଥିବା ମ୍ୟାକ୍କୁଲମ କାରିବିଅନ ପ୍ରିମିୟର ଲିଗ୍ (ସିପିଏଲ)ରେ ଟ୍ରିନିଦାଦ ନାଇଟ୍ସ ରାଇଡର୍ସର ମୁଖ୍ୟ କୋଚ୍ ହେବେ ବୋଲି ଇଏସ୍ପିଏନ୍କ୍ରିକଇନ୍ଫୋ ରିପୋର୍ଟରେ ପ୍ରକାଶ ପାଇଛି। କୌତୁହଳର କଥା ହେଲେ, ସେ ଉଭୟ ସ୍ଥାନରେ ସାଇମନ କ୍ୟାଟିଚଙ୍କ ଯାଗା ନେବେ। ମ୍ୟାକ୍କୁଲମ ୨୦୧୬ରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ। ହେଲେ ବିଭିନ୍ନ ଦେଶର ଟି୨୦ ଲିଗ୍ରେ ଖେଳୁଥିଲେ। ସେ ୧୦୧ ଟେଷ୍ଟ ଖେଳି ୬୪୫୩ ରନ୍ କରିଥିଲେ। କ୍ରିକେଟର ଲମ୍ବା ଫର୍ମାଟରେ ୩୦୨ ତାଙ୍କର ଶ୍ରେଷ୍ଠ ସ୍କୋର। ୨୬୦ ଦିନିକିଆ ଖେଳି ୯୬.୩୭ ଆଭରେଜରେ ୬୦୮୩ ରନ୍ କରିଥିଲେ।
