ମୁମ୍ବାଇ: ଦକ୍ଷିଣ ଭାରତୀୟ ଫିଲ୍ମ ଇଣ୍ଡଷ୍ଟ୍ରିର ପପୁଲାର ଅଭିନେତ୍ରୀ ତଥା ସିଂଘମ ଫ୍ରେମ୍ କାଜଲ ଅଗ୍ରଓ୍ବାଲ ନିଜ ଅଭିନୟ ଯାଦୁରେ ସମସ୍ତଙ୍କୁ ମନ୍ତ୍ରମୁଗ୍ଧ କରିଛନ୍ତି। ପ୍ରଂଶସକ ତାଙ୍କୁ ବେଶ୍ ପସନ୍ଦ କରିଥିବା ବେଳେ କେତେକ ସୁପରହିଟ୍ ଫିଲ୍ମ ଦେଇ ସେ ଦେଶରେ ବେଶ୍ ନାଁ ମଧ୍ୟ କମାଇଛନ୍ତି। ହେଲେ କାଜଲ କେବଳ ଦେଶ ନୁହେଁ ବରଂ ଅନ୍ତରାଷ୍ଟ୍ରୀୟ ସ୍ତରରେ ମଧ୍ୟ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ସିଙ୍ଗାପୁରରେ ଥିବା ମାଡାମ ତୁଷାଦ ମ୍ୟୁଜିୟମ୍ରେ କାଜଲ ଅଗ୍ରଓ୍ବାଲଙ୍କ ଏକ ମହମ ପ୍ରତିମୂର୍ତ୍ତି ତିଆରି କରାଯାଇଛି, ଯାହାର ଉଦ୍ଘାଟନ ସେ ନିଜେ କରିଛନ୍ତି। ତାଙ୍କ ପ୍ରତିମୂର୍ତ୍ତିର ଉଦ୍ଘାଟନ ପାଇଁ କାଜଲ ପରିବାରଙ୍କ ସହ ସିଙ୍ଗାପୁରରେ ପହଞ୍ଚିଥିଲେ। ତେବେ କାଜଲଙ୍କ ପ୍ରତିମୂର୍ତ୍ତି ସହ ଜଡିତ କେତେକ ଫଟୋ ଓ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଫଟୋରେ କାଜଲ ନିଜ ପ୍ରତିମୂର୍ତ୍ତି ସହ ଠିଆ ହୋଇଥିବା ଦେଖିବାକୁ ମିଳିଛି। ଗୋଟିଏ ପଟେ କାଜଲ ପର୍ପଲ କଲରର ଡ୍ରେସ୍ ପିନ୍ଧିଥିବା ବେଳେ ଅନ୍ୟପଟେ ତାଙ୍କ ପ୍ରତ୍ତିମୂର୍ତ୍ତି ସିଲଭର କଲରର ଆଉଟ୍ପିଟ୍ରେ ନଜର ଆସିଛି। ଏହା ଦେଖିବାକୁ ବେଶ୍ ସୁନ୍ଦର ହୋଇଥିବା ବେଳେ ସମସ୍ତଙ୍କୁ ଆକର୍ଷିତ କରୁଛି। ସୂଚନା ମୁତାବକ କାଜଲ ପ୍ରଥମ ସାଉଥ୍ ଅଭିନେତ୍ରୀ ଯାହାଙ୍କର ପ୍ରତିମୂର୍ତ୍ତି ମାଡାମ ତୁଷାଦରେ ସ୍ଥାନ ପାଇଛି। ସେହିପରି ବାହୁବଳି ପ୍ରଭାସ ମଧ୍ୟ ପ୍ରଥମ ସାଉଥ୍ ସୁପରଷ୍ଟାର ଯାହାଙ୍କର ପ୍ରତିମୂର୍ତ୍ତି ସେଠାରେ ସ୍ଥାନିତ ହୋଇଛି।
