ମନ୍ଦିର ପାଲଟିଛି ଗୋଦାମ, ଅଫିସ

ପୁରୁଣା ଭୁବନେଶ୍ୱର, ୨୪ା୨ (ଡି.ଏନ.ଏ.):ଏକାମ୍ର କ୍ଷେତ୍ରରେ ଚତୁଃପାର୍ଶ୍ୱ ସୌନ୍ଦର୍ଯ୍ୟକରଣରେ ବ୍ୟସ୍ତ ମିଳିତ ଉଚ୍ଛେଦ ଟିମ୍‌ ଓ ସଚିବ ସ୍ତରୀୟ ଅଫିସରଙ୍କ ନଜର ଆଢ଼ୁଆଳରେ ବହୁ ମନ୍ଦିର ଜବରଦଖଲରେ ରହିଛି। ମନ୍ଦିରକୁ କେତେଜଣ ସେବାୟତ ବ୍ୟକ୍ତିଗତ ଭାବେ ବ୍ୟବହାର କରିଛନ୍ତି। ଯେଉଁ କେତେଜଣ ଅଧିକାରୀ ଏସବୁ ବିଷୟରେ ଅବଗତ ଅଛନ୍ତି ରାଜନୈତିକ ଚାପ ଓ ଅନ୍ୟମାନଙ୍କ ଆକ୍ରୋଶର ଶିକାର ହେବା ବଦଳରେ ନୀରବ ରହିବାକୁ ଉଚିତ ମଣୁଛନ୍ତି। ଯେହେତୁ ଶ୍ରୀଲିଙ୍ଗରାଜ ମହାପ୍ରଭୁଙ୍କ ନାମରେ ଜମି ରହିଥିଲେ ହେଁ କେତେଜଣ ସେବାୟତ ପ୍ରତିନିଧିଙ୍କ ଦଖଲରେ ଏହା ରହିଛି। ଏଣୁ କେହି କାହାରିକୁ ଅଙ୍ଗୁଳି ନିର୍ଦ୍ଦେଶ କରୁନାହାନ୍ତି। ଜବରଦଖଲରେ ରହିଥିବା ମନ୍ଦିରଗୁଡିକ ସେବାୟତ ନିଜର ଗୋଦାମ ଘର ଓ ଅନ୍ନ ମହାପ୍ରସାଦ ବିକ୍ରି ବରାଦ ଅଫିସ ଭଳି ବ୍ୟବହାର କରୁଛନ୍ତି। ଏଥିରେ ରହିଥିବା ପ୍ରାଚୀନ କାରୁକାର୍ଯ୍ୟ ନଷ୍ଟ ହେଲେ ମଧ୍ୟ କାର୍ଯ୍ୟାନୁଷ୍ଠାନ ନେବାକୁ କେହି ନାହାନ୍ତି। ଏସବୁ ମନ୍ଦିରକୁ ସାଧାରଣ ଶ୍ରଦ୍ଧାଳୁ ଦର୍ଶନ କରିପାରୁ ନାହାନ୍ତି।

ପ୍ରଶାସନିକ ଅବହେଳା, ଚଞ୍ଚକତା କରି ଜମି ଦଖଲ
ପୂର୍ବରୁ ଲୋକସଂଖ୍ୟା କମ ସାଙ୍ଗକୁ ଜମିର ତଥ୍ୟ କମ୍ପ୍ୟୁଟରୀକରଣ ବ୍ୟବସ୍ଥା ନ ଥିଲା, ଏଣୁ ଯିଏ ଯେତେ ପ୍ରକାର ଚଞ୍ଚକତା କରି ଜମି ଜବରଦଖଲ କରୁଥିଲେ ହେଁ ଜାଣି ହେଉ ନ ଥିଲା। ମାତ୍ର ଯେଉଁଠାରେ ପୂର୍ବରୁ ସରକାରୀ ବିଭାଗ କାର୍ଯ୍ୟାଳୟ ଚାଲିଥିଲା ଏବେ ତାହା ସେବାୟତଙ୍କ ଜବରଦଖଲରେ ରହିଛି। ଏପରି ଦାୟିତ୍ୱହୀନ କାର୍ଯ୍ୟ ସାଧାରଣ ଲୋକେ ସହଜେ ଗ୍ରହଣ କରି ପାରୁନାହାନ୍ତି।

ମନ୍ଦିର ମାଲିକାନା ବିଏମ୍‌ସି ନାମରେ
ସେହିପରି ବହୁ ମନ୍ଦିର ଓ ବେଢା ଆଦି ନିର୍ଦ୍ଦିଷ୍ଟ ହାତ ଗଣତି ସେବାୟତଙ୍କୁ ସନ୍ତୁଷ୍ଟ କରାଇବା ନେଇ ପୂର୍ବର ନଗରପାଳିକା ବର୍ତ୍ତମାନର ବିଏମସି ନାମରେ ରହିବାରୁ ବହୁ ଅବ୍ୟବସ୍ଥା ହେଉଛି। ବିଏମସି ଏଗୁଡିକୁ ସେବାୟତଙ୍କୁ ସୁହାଇଲା ଭଳି ଜବରଦଖଲ ପରେ ନିର୍ମାଣ କରାଇ ମନ୍ଦିର ସୌନ୍ଦର୍ଯ୍ୟକରଣ ନଷ୍ଟ କରିବା ସହ ବ୍ୟବସାୟିକ ପ୍ରତିଷ୍ଠାନ ଭଳି ନିର୍ମାଣ କରାଉଛି। ୧୯୪୮ରେ ବିହାର-ଓଡ଼ିଶା ମ୍ୟୁନିସିପାଲ ଆକ୍ଟ ୧୯୨୨ ଅନୁଯାୟୀ ନୋଟିଫାଏଡ ଏରିଆ କମିଟି ଓ ୧ ଅକ୍ଟୋବର ୧୯୫୨ ନୋଟିଫାଏଡ ଏରିଆ କାଉନ୍‌ସିଲ ଗଠନ ହେବା ପର୍ଯ୍ୟନ୍ତ ଓ କିଛିଦିନ ପାଇଁ ଅନନ୍ତବାସୁଦେବ ମନ୍ଦିର ଭୁବନେଶ୍ୱର ଏନ୍‌ଏସିର କିଛି କାର୍ଯ୍ୟାଳୟ ରହିଥିଲା। ଗୌତମନଗର ମୌଜାର ୟୁନିଟ୍‌ ୨୮ ଅନ୍ତର୍ଗତ ଖତିଆନ ନଂ. ୨୨୮୦ର ପ୍ଲଟ ନଂ. ୨୨୨୧ ସେହି କାରଣରୁ ବିଏମ୍‌ସି ଭୁବନେଶ୍ୱର ନାମରେ ଗଡି ଆସୁଛି। ମାତ୍ର ସରକାରୀ ବାବୁମାନେ ଏ କାର୍ଯ୍ୟାଳୟ ଛାଡିଗଲା ପରେ ଏହା ଜଣେ ସେବାୟତଙ୍କ ରୋଷଘର ଭାବେ ବ୍ୟବହାରରେ ଲାଗୁଛି। ୬୦ ବର୍ଷରୁ ଊର୍ଦ୍ଧ୍ୱ ହେବ ଏପରି ଜବରଦଖଲ ହଟାଇବାକୁ କେହି ପଦକ୍ଷେପ ନେଉ ନ ଥିବା ଅଭିଯୋଗ ହେଉଛି।


Enter your email to get our daily news in your inbox.

All Right Reserved By Dharitri.Com

ଜିଆଇଏସ୍‌ ମ୍ୟାପିଂରେ କ୍ୱାରାଣ୍ଟାଇନ୍‌ ସେଣ୍ଟର ତଥ୍ୟ

ଭୁବନେଶ୍ୱର,୧୪ା୫(ବ୍ୟୁରୋ): ରାଜ୍ୟରେ ଥିବା କ୍ୱାରାଣ୍ଟାଇନ୍‌ ସେଣ୍ଟର ଓ କୋଭିଡ୍‌ ହସ୍ପିଟାଲ ବାବଦରେ ଜିଆଇଏସ୍‌ (ଜିଓଗ୍ରାଫିକ୍‌ ଇନଫରମେଶନ ସିଷ୍ଟମ) ମ୍ୟାପିଂ କରାଯାଇଛି। ଅକ୍ଷାଂଶ ଓ ଦ୍ରାଘିମାକୁ ଆଧାର...

ଓଲିଉଡ୍‌ ଅଭିନେତ୍ରୀ ଦୀପା ସାହୁ ଗୁରୁତର, କ୍ୟାପିଟାଲ ହସ୍ପିଟାଲରେ ଭର୍ତ୍ତି

ଭୁବନେଶ୍ୱର,୨୦।୬(ବ୍ୟୁରୋ): ଓଡ଼ିଆ ଆଲବମ୍‌ କୁଇନ୍‌ ତଥା ଓଲିଉଡ୍‌ ଅଭିନେତ୍ରୀ ଦୀପା ସାହୁ ଅସୁସ୍ଥ। ତାଙ୍କୁ ଶନିବାର କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ତାଙ୍କ ଅବସ୍ଥା...

ସାମାଜିକ ଦୂରତ୍ୱ ପାଇଁ ଗାଇଡ୍‌ଲାଇନ୍‌: ୧୪୪ ଧାରା ପରିବର୍ତ୍ତେ କରାଯିବ ସଚେତନ, ବିବାହ ଉତ୍ସବରେ ୫୦ ମଧ୍ୟରେ ଅତିଥି ସୀମିତ ପାଇଁ ପରାମର୍ଶ

ଭୁବନେଶ୍ୱର,୧୭।୩(ବ୍ୟୁରୋ): କରୋନା ମୁକାବିଲା ପାଇଁ ସାମାଜିକ ଦୂରତ୍ୱ ନେଇ ମଙ୍ଗଳବାର ସରକାର କମିଟି ଗଠନ କରିଛନ୍ତି। ଗାଇଡ୍‌ଲାଇନ୍‌ କମିଟି ମୁଖ୍ୟ ଏପିସି ପ୍ରଦୀପ୍ତ ମହାପାତ୍ରଙ୍କ ଅଧ୍ୟକ୍ଷତାରେ...

୧୫ ଯାଏ ହାଲୁକା ବର୍ଷା

ଭୁବନେଶ୍ୱର,୧୧।୭(ବ୍ୟୁରୋ): ରାଜ୍ୟରେ ମୌସୁମୀ ବାୟୁ ଦୁର୍ବଳ ରହିଛି। କେତେକ ସ୍ଥାନରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ହେଉଥିବା ବେଳେ ଅନ୍ୟ କେତେକ ସ୍ଥାନରେ ଆଦୌ ବର୍ଷା...

ସିଏଏ ଏକ ଐତିହାସିକ ପଦକ୍ଷେପ, କଂଗ୍ରେସ ଲୋକମାନଙ୍କ ମଧ୍ୟରେ ଅରାଜକତାର ବାତାବରଣ ସୃଷ୍ଟି କରିବାକୁ ଚେଷ୍ଟା କରୁଛି: ଧର୍ମେନ୍ଦ୍ର

ଭୁବନେଶ୍ୱର,୨୬।୧୨(ବ୍ୟୁରୋ): ଗତ ଶୀତ ଅଧିବେଶନରେ ଉଭୟ ଲୋକ ସଭା ଏବଂ ରାଜ୍ୟ ସଭାରେ କେନ୍ଦ୍ର ସରକାର ଏକ ଐତିହାସିକ ପଦକ୍ଷେପ ନେଇଛନ୍ତି। ୧୯୪୭ରେ ଦେଶ ବିଭାଜନ...

ଭିଡ଼, ଜରିମାନାକୁ ଦୂରେଇବ ଫାଷ୍ଟାଗ୍‌ ବ୍ୟବସ୍ଥା

ଭୁବନେଶ୍ୱର,,୧୭ା୧୨(ବ୍ୟୁରୋ): ସାରା ଦେଶର ଜାତୀୟ ରାଜପଥଗୁଡ଼ିକରେ ଥିବା ଟୋଲ୍‌ଗେଟରେ ରବିବାରଠାରୁ ଫାଷ୍ଟାଗ୍‌ ବ୍ୟବସ୍ଥା ଲାଗୁ ହୋଇଛି। ଓଡ଼ିଶା ଦେଇ ଯାଇଥିବା ଜାତୀୟ ରାଜପଥରେ ୧୧ଟି ଟୋଲ୍‌...

ଗୋପବନ୍ଧୁଙ୍କ ପ୍ରତିମୂର୍ତ୍ତି ସ୍ଥାନାନ୍ତର ପ୍ରସଙ୍ଗ:ବିବାଦୀୟ ହେବାକୁ ଚାହୁଁନି ପ୍ରଶାସନ

ପୁରୀ ଅଫିସ, ୨୩ା୮:ମେଘନାଦ ପାଚେରିକୁ ଲାଗି ରହିଥିବା ସରକାରୀ ଓ ବେସରକାରୀ ନିର୍ମାଣ ଉଚ୍ଛେଦ କାର୍ଯ୍ୟ ଶେଷ ହୋଇଛି। କେବଳ କେତେକ ମନ୍ଦିର ଓ ମଠକୁ...

୫୯ନଂ କରୋନା ଆକ୍ରାନ୍ତ ବମିଖାଲର ୭୫ବର୍ଷୀୟ ବୃଦ୍ଧ

ଭୁବନେଶ୍ୱର,୧୪।୪(ବ୍ୟୁରୋ): ରାଜଧାନୀରେ  ଆଉ ୪ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ବମିଖାଲର ୩ଜଣ ହୋଇଥିବା ବେଳେ ଜଣେ ଝାରପଡ଼ା ଅଞ୍ଚଳର । ତେବେ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *