ବ୍ରହ୍ମପୁର ଅଫିସ,୩୦ା୧-ସ୍ଥାନୀୟ ଖଲ୍ଲିକୋଟ କଲେଜ ଖେଳ ପଡିଆରେ ଚାଲିଥିବା ୭ମ ମହାନଗର ମହୋତ୍ସବର ବୁଧବାର ଥିଲା ତୃତୀୟ ସନ୍ଧ୍ୟା ା
ଏହାକୁ ଭିଜିଲାନ୍ସ ଅତିରିକ୍ତ ଏସ୍ପି ଶାନ୍ତନୁ କୁମାର ପାଢୀ ମୁଖ୍ୟ ଅତିଥି ଭାବେ ଯୋଗଦେଇ ଉଦ୍ଘାଟନ କରିଥିଲେ ା ମହୋତ୍ସବ ସଭାପତି ନାରାୟଣ ମହାଙ୍କୁଡ଼ଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ପୂର୍ବତନ ବିଧାୟକ ଡ଼. ରମେଶ ଚନ୍ଦ୍ର ଚ୍ୟାଉପଟ୍ଟନାୟକ, ପୂର୍ବତନ ବିଡିଏ ଅଧ୍ୟକ୍ଷ ସୁବାସ ମହାରଣା, ବରିଷ୍ଠ ଆଇନଜୀବୀ ସୁଧାଂଶୁ ପଣ୍ଡା, ଜିଲା କଂଗ୍ରେସ କାର୍ଯ୍ୟକାରୀ ସଭାପତି ପୀତବାସ ପଣ୍ଡା,ବିଜେଡି ସଭାନେତ୍ରୀ ସଂଘମିତ୍ରା ଦଳେଇ, ମଧୁମେୟ ବିଶେଷଜ୍ଞ ଡ଼ାକ୍ତର ସୁନୀଲ କୋଟା, ମହୋତ୍ସବ ଉପଦେଷ୍ଟା ମନୋଜ କାନ୍ତ ଦାସ, ସୁରଜିତ କୁମାର ପଣ୍ଡା,ଗୌରାଙ୍ଗ ଚୌଧୁରୀ,ଶାନ୍ତନୁ କୁମାର ରଣା, ସନତ ପଣ୍ଡା, ଯୁଗ୍ମ ସମ୍ପାଦିକା ରଶ୍ମିତା ପାଣିଗ୍ରାହୀ ଓ ଶିକ୍ଷାବିତ ପ୍ରଶାନ୍ତ ଦାସ ପ୍ରମୁଖ ମଞ୍ଚାସୀନ ଥିଲେ ା ସମ୍ପାଦକ ଗୋପାଳ ପଟ୍ଟନାୟକ ସଂଯୋଜନା କରିଥିଲେ ା ଏହି ଅବସରରେ ଜିବିବିଏସ୍ଏ ସଭାପତି ଆନନ୍ଦ ମହାଙ୍କୁଡ଼, ସମ୍ପାଦକ ଦୁର୍ଗା ଚନ୍ଦ୍ର ଶତପଥୀ, ପରିଚାଳନା ସମ୍ପାଦକ ଏସ୍. ଧର୍ମା ଆଚାରି, ଜୁନିୟର ମିଷ୍ଟର ଇଣ୍ଡିଆ ବିଜେତା କିଶୋର ଚନ୍ଦ୍ର ବିଷୋୟୀ, ସିନିୟର ମିଷ୍ଟର ଇଣ୍ଡିଆ ବିଜେତା ଉଦୟ ମଲ୍ଲିକ, ଇଣ୍ଟର ନ୍ୟାସନାଲ ଡାଇମଣ୍ଡ କପ୍ ବିଜେତା ଆତିଶ ମାଲୋଙ୍କୁ ସମ୍ମାନିତ କରାଯାଇଥିଲା ା କୋଷାଧ୍ୟକ୍ଷ ପ୍ରଣୟ ପଣ୍ଡା ଧନ୍ୟବାଦ ଅର୍ପଣ କରିଥିଲେ ା ସଧ୍ୟାରେ ବ୍ରହ୍ମପୁର ନୁପୁର ଅନୁଷ୍ଠାନ ଦ୍ୱାରା ଓଡିଶୀ ନୃତ୍ୟ, ବ୍ରହ୍ମପୁର କଳାଞ୍ଜଳି ଆର୍ଟିଷ୍ଟ ତରଫରୁ ଆଧୁନିକ ନୃତ୍ୟ, ତ୍ରିପୁରା ସ୍କୃତି କଳାକେନ୍ଦ୍ର ଦ୍ୱାରା ପୁରାତନ ଗୀତ ଉପରେ ଆଧାରିତ ନୃତ୍ୟ, ଏସ୍ଏଭି ସ୍କୁଲ ପକ୍ଷରୁ ସାଂସ୍କୃତିକ ନୃତ୍ୟ, ବ୍ରହ୍ମପୁର ସୋସିଆଲ ଫିଟନେସ ଗ୍ରୁପ ତରଫରୁ ମହିଳାମାନଙ୍କ ଦ୍ୱାରା ହେଲଥ ଆଣ୍ଡ ଫିଟନେସ୍ ସୋ ପରିବେଷିତ ହୋଇଥିଲା ା
ଗଞ୍ଜାମ ପିତଳ ସ୍ଥିତ ରାମଚନ୍ଦ୍ରପୁର ଓଡ୍ର ସାହିତ୍ୟ ସଂସଦ ପକ୍ଷରୁ ସାହିତ୍ୟ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା। ବ୍ରହ୍ମପୁର କଣ୍ଠ ଶିଳ୍ପୀଙ୍କ ଦ୍ୱାରା ଆୟୋଜିତ ଟ୍ରାକ ମେଲୋଡି ଦର୍ଶକଙ୍କୁ ଝୁମାଇଥିଲା। ବ୍ରହ୍ମପୁର ବଡି ବିଲ୍ଡିଂ ସୋ ପକ୍ଷରୁ ସୁନ୍ଦର ସ୍ବାସ୍ଥ୍ୟ ପ୍ରଦର୍ଶନ କାର୍ଯ୍ୟକ୍ରମ ଦର୍ଶକଙ୍କୁ ମୁଗ୍ଧ କରିଥିଲା ା ଅନ୍ୟପକ୍ଷରେ ମହୋତ୍ସବ ସ୍ଥଳରେ ଆୟୋଜିତ ହସ୍ତତନ୍ତ ଓ ରେଶମନଗର ପୁସ୍ତକମେଳାର ବିଭିନ୍ନ ଷ୍ଟଲରେ ଭିଡ ଜମିଥିଲା ା ମହୋତ୍ସବ କମିଟିର ସମସ୍ତ କର୍ମକର୍ତ୍ତା ସହଯୋଗ କରିଥିଲେ ା
