ଗୋପାଳପୁର,୩୧ା୩- ଚୋରା ଦେଶୀ ମଦ ବିକ୍ରି ଓ ବିଦେଶୀ ମଦ ଚାଲାଣ କରୁଥିବାବେଳେ ଦୁଇଟି ସ୍ଥାନରୁ ଗୋଳନ୍ଥରା ପୋଲିସ ମଙ୍ଗଳବାର ୩ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ସେମାନେ ହେଲେ ସୋରଳ ଗ୍ରାମର ନରସିଂହ ଜାନି, ଗୋଷାଣୀନୂଆଗଁା ଅଞ୍ଚଳର ସନ୍ତୋଷ ପାତ୍ର ଓ ପଞ୍ଚମା ଗ୍ରାମର ମନୋଜ ପ୍ରଧାନ। ସୋରଳ ଗ୍ରାମ ରାସ୍ତା କଡ଼ରେ ନରସିଂହ ଦେଶୀମଦ ବିକ୍ରି କରୁଥିବାବେଳେ ସୋମବାର ପୋଲିସ ଚଢ଼ାଉ କରି ୮୨ଟି ମଦ ପାଉଚ ଜବତ କରିବା ସହ ତାଙ୍କୁ ଗିରଫ କରିଥିଲା। ସନ୍ତୋଷ ଓ ମନୋଜ ସ୍କୁଟିରେ ବିଦେଶୀ ମଦ ଧରି ଯାଉଥିବାବେଳେ ଗୋଳନ୍ଥରା ଥାନାଧିକାରୀ ବାବୁଲି ନାୟକ ଚଢ଼ାଉ କରି ଉଭୟଙ୍କୁ ଗିରଫ କରି ୨୭ ଲିଟର ବିଦେଶୀ ମଦ ସହ ସ୍କୁଟି ଜବତ କରିଥିଲେ। ନଂ.୯୫, ୯୬/୨୦ରେ ମାମଲା ରୁଜୁ କରି ୩ଜଣଙ୍କୁ କୋର୍ଟ ଚାଲାଣ କରାଯାଇଛି।
