ମତ୍ସ୍ୟଜୀବୀଙ୍କୁ ମାଛ ବିକ୍ରି ଚିନ୍ତା

ପୁରୀ ଅଫିସ,୧୩ା୪: ପୁରୀ ଜିଲାର ପେଣ୍ଠକଟା, କୋଣାର୍କ, ଅସ୍ତରଙ୍ଗ, ବ୍ରହ୍ମଗିରି, କୃଷ୍ଣପ୍ରସାଦ, କାକଟପୁର ଅଞ୍ଚଳରେ ହଜାର ହଜାର ମତ୍ସ୍ୟଜୀବୀ ବାସ କରୁଛନ୍ତି। କରୋନା ପାଇଁ ବେଉସା ବନ୍ଦ ହୋଇଯିବାରୁ ମତ୍ସ୍ୟଜୀବୀ ପରିବାର ଦୁର୍ଦ୍ଦିନରେ ଦିନ କାଟୁଛନ୍ତି। ଏବେ ସରକାର ମାଛଚାଷ, ଧରିବା ଓ ବିକିବା ଉପରୁ କଟକଣା ହଟାଇ ଦେଇଛନ୍ତି। କିନ୍ତୁ ଅଭାବୀ ବିକ୍ରିକୁ ନେଇ ସେମାନଙ୍କ ଚିନ୍ତା ବଢ଼ିଛି। ମାଛ ଧରିଲେ ବି ବିକ୍ରି କରିବେ କେମିତି? ବରଫ କଳ ବନ୍ଦ ରହିଥିବାରୁ ମାଛ, କଙ୍କଡ଼ାକୁ କିପରି ସଂରକ୍ଷଣ କରିବେ ବୋଲି ମତ୍ସ୍ୟଜୀବୀ ଓ ମତ୍ସ୍ୟଜୀବୀ ସଂଘ କର୍ମକର୍ତ୍ତା ପ୍ରଶ୍ନ ଉଠାଇଛନ୍ତି।

ମାଛ ଉପରୁ କଟକଣା ଉଠାଇବା କେନ୍ଦ୍ର ସରକାରଙ୍କ ଏକ ସ୍ବାଗତଯୋଗ୍ୟ ନିଷ୍ପତ୍ତି। କିନ୍ତୁ ଏହା ମତ୍ସ୍ୟଜୀବୀଙ୍କ ଜୀବନ ଜୀବିକାକୁ ସ୍ବାଭାବିକ ସ୍ଥିତିକୁ ଫେରାଇ ଆଣିପାରିବ ନାହିଁ। ମାଛ ଧରିବା ଓ ବିକ୍ରି କରିବା ଲାଗି ଆନୁଷଙ୍ଗିକ ସୁବିଧା କରା ନ ଗଲେ ମତ୍ସ୍ୟଜୀବୀ ଉପକୃତ ହେବେ ନାହିଁ। ଏଣୁ ଲକ୍‌ ଡାଉନ ସମୟରେ ମତ୍ସ୍ୟଜୀବୀ ପରିବାରଗୁଡ଼ିକୁ ୩ ମାସ ପାଇଁ ଆର୍ଥିକ ସହାୟତା ଯୋଗାଇ ଦିଆଯାଉ।
– ପ୍ରସନ୍ନ କୁମାର ବେହେରା, ସଭାପତି,
ରାଜ୍ୟ ପାରମ୍ପରିକ ମତ୍ସ୍ୟଜୀବୀ ସଂଘ
କଟକଣା ଉଠାଇ ଦିଆଯିବା ମତ୍ସ୍ୟଚାଷୀ, ମତ୍ସ୍ୟଜୀବୀ ଓ ମତ୍ସ୍ୟ ବ୍ୟବସାୟୀଙ୍କ ପାଇଁ ନିଶ୍ଚିତ ଏକ ଖୁସି ଖବର। ହେଲେ ଏହାଦ୍ୱାରା ମତ୍ସ୍ୟଜୀବୀମାନେ ଉପକୃତ ହୋଇପାରିବେ ନାହିଁ। ବରଫ ମିଳୁ ନ ଥିବାରୁ ଆମଠୁ କେହି ମାଛ ନେବେ ନାହିଁ। ଆମେ ମାଛ ଧରି କ’ଣ କରିବୁ। ଏହାଦ୍ୱାରା ଅଭାବୀ ବିକ୍ରି ହେବ। ମାଛ ନେବା ପାଇଁ ଆସୁଥିବା ଗାଡ଼ିିଗୁଡ଼ିକୁ ବି ଛଡ଼ାଯିବା ଦରକାର।
– ପ୍ରଶାନ୍ତ ଭୋଳ, ମତ୍ସ୍ୟଜୀବୀ
ପ୍ରତିଦିନ ମାଛ ଧରି ପୁରୀର ବିଭିନ୍ନ ହୋଟେଲକୁ ଦେଇଥାଉ। କିନ୍ତୁ ବର୍ତ୍ତମାନ ସବୁ ହୋଟେଲ ବନ୍ଦ। ପର୍ଯ୍ୟଟକ ବି ନାହାନ୍ତି। ଆମେ ମାଛ, କଙ୍କଡ଼ା ଧରି କାହାକୁ ଦେବୁ। ଗାଡ଼ିିମୋଟର ଚଳାଚଳ କରୁନାହିଁ। ୨୦ ଦିନ ହେଲା ଘରେ ବସିଛୁ। ଚଳିବାରେ ଅସୁବିଧା ହେଉଛି। ସରକାର ମତ୍ସ୍ୟଜୀବୀଙ୍କ ପାଇଁ ସ୍ବତନ୍ତ୍ର ସୁବିଧା କରିବା ଦରକାର।
– ଜି. ରାମଚନ୍ଦ୍ର, ମତ୍ସ୍ୟଜୀବୀ, ପେଣ୍ଠକଟା
ଓଡ଼ିଶା ଲୋକ ସମୁଦ୍ର ମାଛ ଖାଇବାକୁ ବିଶେଷ ପସନ୍ଦ କରନ୍ତି ନାହିଁ। ଏହି ମାଛ ପଶ୍ଚିମବଙ୍ଗ, ଦିଲ୍ଲୀ, ମୁମ୍ବାଇ ଆଦି ଅଞ୍ଚଳକୁ ପଠାଯାଏ। ତେଣୁ ବିକ୍ରି ପାଇଁ ଆନୁଷଙ୍ଗିକ ବ୍ୟବସ୍ଥା ଏବଂ ପରିବହନ ସୁବିଧା ହେବା ଦରକାର। ନଚେତ ମାଛର ଉଚିତ ମୂଲ୍ୟ ମିଳିବ ନାହିଁ। ଗରିବ ମତ୍ସ୍ୟଜୀବୀମାନେ କ୍ଷତି ସହିବେ।
-ବାବୁଲା ପ୍ରସାଦ, ମତ୍ସ୍ୟଜୀବୀ ନେତା, ପେଣ୍ଠକଟା
ସରକାର ମାଛ ମାରିବାକୁ ଅନୁମତି ଦେଇଛନ୍ତି। କିନ୍ତୁ ବିକ୍ରି କେମିତି ହେବ ସେ କଥା ଚିନ୍ତା କରିନାହାନ୍ତି। ପୁରୀ ସମୁଦ୍ରରୁ ଧରାଯାଉଥିବା ଅଧିକାଂଶ ମାଛ ଟ୍ରେନରେ ବିଭିନ୍ନ ସ୍ଥାନକୁ ଯାଇଥାଏ। ଏବେ ଟ୍ରେନ ଚଳାଚଳ ବନ୍ଦ ରହିଛି। ତେଣୁ ବ୍ୟବସାୟୀ ମାଛ ନେବାକୁ ଆସିବେ ନାହିଁ। ଆମେ ଡିଜେଲ ଆଦି ଖର୍ଚ୍ଚ କରି ଯେତିକି ମାଛ ଆଣିବୁ ତାହାର ଉଚିତ ମୂଲ୍ୟ ମିଳିବ ନାହିଁ। ତେଣୁ ବିକ୍ରି ପାଇଁ ସରକାର ବ୍ୟବସ୍ଥା କରିବା ଆବଶ୍ୟକ।
– ଜି. ଚିଟୁବାବୁ, ମତ୍ସ୍ୟଜୀବୀ, ପେଣ୍ଠକଟା


Enter your email to get our daily news in your inbox.

All Right Reserved By Dharitri.Com

ପୁରୁଷୋତ୍ତମପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଡାକ୍ତର କରୋନା ପଜିଟିଭ ଚିହ୍ନଟ

ପୁରୁଷୋତ୍ତମପୁର,୨।୭(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଜଣେ ଡାକ୍ତର କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ତାଙ୍କର ସ୍ବାବ ପରୀକ୍ଷା ରିପୋର୍ଟ ପଜିଟିଭ ଆସିବା...

ଗାନ୍ଧୀ ଜୟନ୍ତୀ: ପ୍ଲାଷ୍ଟିକ୍‌ ବର୍ଜନ ନେଇ ଶୋଭାଯାତ୍ରା

ବନ୍ତ,୨।୧୦(ସ୍ବ.ପ୍ର.): ଭଦ୍ରକ ଜିଲା ବନ୍ତ ବ୍ଲକ କାଦବରାଙ୍ଗ ନୋଡାଲ ଉଚ୍ଚ ବିଦ୍ୟାଳୟରେ ବୁଧବାର ଗାନ୍ଧୀ ଜୟନ୍ତୀ ପାଳିତ ହୋଇଯାଇଛି। ଏହି ଅବସରରେ ଛାତ୍ରୀଛାତ୍ରମାନେ ପ୍ଲାଷ୍ଟିକ ବର୍ଜନ...

ନୀଳଗିରି ଡାକ୍ତରଖାନାରେ ରୋଗୀଙ୍କୁ ମିଳିଲା ରନ୍ଧାଖାଦ୍ୟ

ସଜନାଗଡ଼, ୬।୧୨(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ଡାକ୍ତରଖାନାରେ ଦୀର୍ଘଦିନ ଧରି ଶୁଖିଲା ଖାଦ୍ୟ ଦିଆଯାଉଥିଲା। ନୀଳଗିରି ବିଧାୟକ ଇଂ. ସୁକାନ୍ତ କୁମାର ନାୟକଙ୍କ ଉପସ୍ଥିତିରେ ଶୁକ୍ରବାରଠାରୁ ଡାକ୍ତରଖାନା...

କଳମ୍ବ ପଞ୍ଚାୟତରେ ୭ ଜଣ କରୋନା ପଜିଟିଭ: ୮ ଦିନ ଶଟଡାଉନ ଘୋଷଣା କଲେ ସରପଞ୍ଚ

ବୁଗୁଡ଼ା,୮।୭(ଡି.ଏନ୍‌.ଏ.): ଗଞ୍ଜାମ ଜିଲା ବୁଗୁଡ଼ା ବ୍ଲକ କଳମ୍ବ ପଞ୍ଚାୟତ ଅନ୍ତର୍ଗତ କଳମ୍ବ ଛକରେ ଜଣେ ଏବଂ ଡେଙ୍ଗାପଦରରେ ୬ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି।...

ବଳାତ୍କାର ମାମଲା: ଅଭିଯୁକ୍ତଙ୍କୁ ୫ ବର୍ଷ ଜେଲ

ବ୍ରହ୍ମପୁର ଅଫିସ,୨୫ା୧୨- ଗଞ୍ଜାମ ଜିଲା ସ୍ବତନ୍ତ୍ର ପୋକ୍‌ସୋ ଜଜ ତଥା ଅତିରିକ୍ତ ଦୌରା ଜଜ (ଏଡିଜେ)-୨ ଜଗଦୀଶ ପ୍ରସାଦ ମହାନ୍ତି ମଙ୍ଗଳବାର ଏକ ବଳାତ୍କାର ମାମଲାର...

ପୁରୀ: ହୋଟେଲ ଶିଳ୍ପରେ ତାଲା

ପୁରୀ ଅଫିସ,୨୩।୩: କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ଜିଲା ପ୍ରଶାସନ ବିଭିନ୍ନ ପ୍ରକାର ପଦକ୍ଷେପ ନେଇଛି। ନୂଆ ନୂଆ କଟକଣା ବି ଲଗାଉଛି। ପ୍ରଶାସନିକ...

୧୭ ଜୀବନ ନେଲାଣି କରୋନା

ଭୁବନେଶ୍ୱର, ୨୪।୬(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନାଜନିତ ମୃତ୍ୟୁ ସଂଖ୍ୟା ବଢ଼ିଚାଲିଛି। ମାର୍ଚ୍ଚ ୧୫ରେ ପ୍ରଥମ ପଜିଟିଭ୍‌ ଚିହ୍ନଟ ହେବା ପରେ ରାଜ୍ୟ ସରକାର ଆକ୍ରାନ୍ତଙ୍କ...

ଏନ୍‌ଏଲ୍‌ସି ଇଣ୍ଡିଆ ପାଓ୍ବାରପ୍ଲାଣ୍ଟ ଜନଶୁଣାଣିକୁ ହିରିମା ପଞ୍ଚାୟତବାସୀଙ୍କ ବିରୋଧ

ଝାରସୁଗୁଡ଼ା ଅଫିସ/ଲଖନପୁର,୨୨।୧୦(ଡି.ଏନ୍‌.ଏ.): ଝାରସୁଗୁଡ଼ା ଜିଲା ହିରିମା ପଞ୍ଚାୟତରେ ନେଭେଲ୍‌ ଲିଗ୍‌ନାଇଟ୍‌ କର୍ପୋରେଶନ୍‌ ଇଣ୍ଡିଆ ଲିମିଟେଡ୍‌(ଏନ୍‌ଏଲ୍‌ସିଆଇଏଲ୍‌)ନାମକ ଏକ ତାପଜ ବିଦ୍ୟୁତ୍‌ କେନ୍ଦ୍ର ନିର୍ମାଣ କରିବାପାଇଁ କମ୍ପାନୀ ପ୍ରସ୍ତାବ...

Play 250+ Trending Games
Archives

Model This Week

Why Dharitri