ମଣ୍ଡି ଖୋଲିନି, ଖଳାରେ ପଡିରହିଛି ଧାନ

କୋକସରା, ୧୩।୧୧ (ଡି.ଏନ.ଏ.)
ଖରିଫ ଧାନ ଏବେ ଅମଳ କରୁଛନ୍ତି ଚାଷୀ। ସ୍ବଳ୍ପ ଓ ମଧ୍ୟମ କିସମ ଧାନ ଅମଳ ହୋଇସାରିଥିବା ବେଳେ ବଡ ଧାନ ଜମିରେ ପାକଳ ଅବସ୍ଥାରେ ଅଛି। ଏଭଳି ସମୟରେ କଳାହାଣ୍ଡି ପ୍ରଶାସନ ଆସନ୍ତା ୧୫ ତାରିଖରୁ ଧାନ ମଣ୍ଡି ଖୋଲିବାକୁ ଘୋଷଣା କରିଥିବା ବେଳେ ମିଲରଙ୍କ ସହ ଆଲୋଚନା କରୁଛି। ମଣ୍ଡି ଆରମ୍ଭ ପୂର୍ବରୁ ଅମଳ ସାରିଥିବା ଧାନକୁ ଚାଷୀ ଖଳାରେ ରଖି ଖରାରେ ଶୁଖାଇବା ସହ ମଣ୍ଡିରେ ବିକ୍ରି ପାଇଁ ପ୍ରସ୍ତୁତି ଚଳାଇଛନ୍ତି। ଗତ ୨ରୁ ୩ ଦିନ ହେବ ଆକାଶରେ କୋହଲା ପାଗ ଚାଷୀଙ୍କ ଚିନ୍ତାକୁ ଦ୍ୱିଗୁଣିତ କରିଛି। ବର୍ଷା ହେବା ଆଶାଙ୍କରେ ଚାଷୀ ଧାନକୁ ସୁରକ୍ଷିତ ରଖିବା ପାଇଁ ଆଖିରେ ନିଦ ନାହିଁ। କୋକସରା ବ୍ଲକ ଅଣ ଜଳସେଚିତ ଅଞ୍ଚଳ ହୋଇଥିବା ବେଳେ ଚଳିତବର୍ଷ ସ୍ବାଭାବିକ ବର୍ଷା ଯୋଗୁ ଚାଷ ଭଲ ହୋଇଛି। କୋକସରା ବ୍ଲକର ୬ ମଣ୍ଡି ଓ ଉପମଣ୍ଡିରେ ଧାନ କ୍ରୟ କରାଯିବ। ଚଳିତବର୍ଷ ଜଳସେଚିତ ଜମି ଏକର ପ୍ରତି ୧୯ କୁଇଣ୍ଟାଲ ଓ ଅଣ ଜଳସେଚିତ ଜମି ପାଇଁ ୧୨ କୁଇଣ୍ଟାଲ ଧାନ ବିକ୍ରି କରିପାରିବେ ଚାଷୀ। ଯେଉଁ ସମବାୟରୁ ଚାଷୀ ପଞ୍ଜୀକରଣ କରିଥିବେ ୭ ଦିନ ପୂର୍ବରୁ ଧାନ ବିକ୍ରି ପାଇଁ ଚାଷୀଙ୍କୁ ଟୋକାନ ମିଳିବ। କୋକସରା ଅଞ୍ଚଳର କେତେକ ଚାଷୀଙ୍କ ମୋବାଇଲକୁ ଟୋକନ ମିଳିଥିବା ମେସେଜ ଆସିଥିବା ଜଣାପଡିଛି। ଅନ୍ୟପଟେ ବ୍ଲକର ୪୦ ରୁ ୫୦ ପ୍ରତିଶତ ଧାନ ଏବେ ଅମଳ ସରିଛି। ଖଳାରେ ଅମଳ ସରିଥିବା ଧାନ ପଡି ରହିଥିବା ବେଳେ ମଣ୍ଡି ଖୋଲିବା ଅପେକ୍ଷାରେ ଚାଷୀ ରହିଛନ୍ତି। ଚଳିତବର୍ଷ କୋକସରା ବ୍ଲକରେ କୃଷି ବିଭାଗ ସୂଚନା ଅନୁସାରେ ୨୧ ହଜାର ୯୩୭ ହେକ୍ଟର ଜମିରେ ଚାଷ ହୋଇଛି। ସେଥିରୁ ୭ ହଜାର ୧୧୨ ହେକ୍ଟର ଢ଼ିପ ଜମିରେ ସ୍ବଳ୍ପ କିସମ, ୭ ହଜାର ୧ ହେକ୍ଟରରେ ମଧ୍ୟମ କିସମ ଓ ୭ ହଜାର ୮୨୪ ହେକ୍ଟରରେ ବଡ କିସମର ଧାନ ଚାଷ ହୋଇଛି। ଚାଷୀ ସ୍ବଳ୍ପ ଓ ମାଧ୍ୟମ କିସମର ଧାନ ଅମଳ ପରେ ଖଳାରେ ପଡିଛି। କରୋନା ମାଡରେ ଧାର କରଜ କରି ଚାଷ କରିଥିବା ଛୋଟ ଚାଷୀଙ୍କ ଦୁଆରରେ ଏବେ ଅଣ୍ଡର ରେଟରେ ଧାନ କିଣିବା ପାଇଁ ଦଲାଲ ପ୍ରସ୍ତୁତି ଚଳାଇଛନ୍ତି। ଚାଷ ଅମଳ ପାଇଁ ଏବେ ଚାଷୀ ଧାନକଟା ମେଶିନ ସହ ଅନ୍ୟାନ୍ୟ ଆନୁସଙ୍ଗିକ ଖର୍ଚ୍ଚ ପାଇଁ ଟଙ୍କା ଦରକାର ପଡୁଥିବା ବେଳେ କିଛି ଚାଷୀ ଏହି ଖର୍ଚ୍ଚ ତୁଲାଇବା ପାଇଁ କୁଇଣ୍ଟାଲ ପିଛା ୧୨୦୦ ରୁ ୧୩୦୦ ମଧ୍ୟରେ ଧାନ ବିକ୍ରି କରୁଥିବା ଜଣାପଡିଛି। ମଣ୍ଡିରେ ଏଫଏକ୍ୟୁ ସାଧାରଣ ମାନର ଧାନ କୁଇଣ୍ଟାଲ ପ୍ରତି ୧୮୬୮ ଟଙ୍କା ଓ ଗ୍ରେଡ-ଏ ଧାନ ୧୮୮୮ ଟଙ୍କା କୁଇଣ୍ଟାଲ ପ୍ରତି ସରକାରୀ ଧାର୍ଯ୍ୟ ଦର ରହିଛି । ଅଭାବରେ ପଡି ଛୋଟ ଓ ମଧ୍ୟବିତ ଚାଷୀ କମ ଦରରେ ବିକ୍ରି କରିବାକୁ ବାଧ୍ୟ ହେଉଛନ୍ତି । ଚାଷୀଙ୍କ ସ୍ବାର୍ଥକୁ ଦୃଷ୍ଟିରେ ରଖି ଜିଲା ପ୍ରଶାସନ ନିର୍ଦ୍ଧାରିତ ଘୋଷଣା କରିଥିବା ଅବଧିରେ ମଣ୍ଡି ଖୋଲିବାକୁ କୋକସରା ବ୍ଲକ ଅଞ୍ଚଳର ଚାଷୀ ଦାବି କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

ହାଇଦରଙ୍କୁ ଦିଆଗଲା କବର

କେନ୍ଦ୍ରାପଡ଼ା ଅଫିସ, ୨୫ା୭: ପୋଲିସ ଏନ୍‌କାଉଣ୍ଟରରେ ଶନିବାର ମୃତ୍ୟୁ ଘଟିଥିବା ଗ୍ୟାଙ୍ଗଷ୍ଟର ସେକ୍‌ ହାଇଦରଙ୍କୁ କେନ୍ଦ୍ରାପଡ଼ା ସହରର ରଣପଡ଼ା କବରସ୍ଥାନରେ ରବିବାର ରାତିରେ କବର ଦିଆଯାଇଛି।...

CORONAVIRUS UPDATE: ରାଜ୍ୟରେ ପୁଣି ୧୭୪ କରୋନା ପଜିଟିଭ୍‌ ଚିହ୍ନଟ: ମୋଟ ଆକ୍ରାନ୍ତଙ୍କ ସଂଖ୍ୟା ୪,୫୧୨କୁ ବୃଦ୍ଧି

ଭୁବନେଶ୍ୱର,୧୮।୬(ବ୍ୟୁରୋ) ରାଜ୍ୟରେ ଗୁରୁବାର ପୁଣି ୧୭୪ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୪୫୦୦କୁ ଟପିଛି। ନୂଆ ଚିହ୍ନଟ ହୋଇଥିବା...

ବର୍ଷା ବଢ଼ାଇଲା ଦୁର୍ଦ୍ଦଶା: ଡାକ୍ତରଖାନାରେ ପଶିଲା ଡ୍ରେନ ପାଣି

ପାଲଲହଡା,୧୪।୮(ଡି.ଏନ.ଏ.)-ଅନୁଗୋଳ ଜିଲା ପାଲଲହଡା ଉପଖଣ୍ଡ ଚିକିତ୍ସାଳୟରେ ମଙ୍ଗଳବାର ଡ୍ରେନ ପାଣି ପଶିଯିବାରୁ ରୋଗୀ ଓ ସେମାନଙ୍କ ସମ୍ପର୍କୀୟମାନେ ହନ୍ତସନ୍ତ ହୋଇଛନ୍ତି। ସୋମବାରଠାରୁ ଲାଗି ରହିଥିବା ବର୍ଷା...

ଯୁବତୀଙ୍କୁ ଟ୍ରେନ୍‌ରୁ ମୃତ୍ୟୁମୁଖରୁ ବଞ୍ଚାଇବା ଘଟଣା: କଣ୍ଟିଲୋର ସୁବ୍ରତଙ୍କୁ ବିଭିନ୍ନ ମହଲରୁ ଶୁଭେଚ୍ଛା

ଖଣ୍ଡପଡା,୧୮।୨(ସ୍ବ.ପ୍ର.)- ନୟାଗଡ ଜିଲା ଖଣ୍ଡପଡା ବ୍ଲକ ଅନ୍ତର୍ଗତ କଣ୍ଟିଲୋ ହାଟମୁଣ୍ଡପାଟଣା ଗ୍ରାମର ସୁବ୍ରତ କୁମାର ମହାରଣା(ସିଲୁ) ତଥା ରେଲୱେ ପ୍ରୋଟେକ୍ସନ ଫୋର୍ସ(ଆରପିଏଫ) ଭୁବନେଶ୍ୱରର କନଷ୍ଟେବଳ ଶନିବାର...

ଖୁବ୍‌ଶୀଘ୍ର ଭୁବନେଶ୍ୱରରେ ଦ୍ୱିତୀୟ ବିମାନବନ୍ଦର : ଖୋର୍ଦ୍ଧାରୁ ଭୁବନେଶ୍ୱର ମଧ୍ୟରେ ଜମି ଚିହ୍ନଟ

ଭୁବନେଶ୍ୱର,୨୧।୬(ବ୍ୟୁରୋ : ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରର ଚାହିଦା ଦିନକୁ ଦିନ ବୃଦ୍ଧି ପାଉଛି। ଭୁବନେଶ୍ୱରରୁ ଏବେ ଦୈନିକ ୭୦ରୁ ୮୦ ବିମାନ ଚଳାଚଳ...

ମୋ’ ବସ୍‌ ଓ ଘରୋଇ ବସ୍‌ କର୍ମଚାରୀଙ୍କ ମଧ୍ୟରେ ବିବାଦ: ୩ ଘଣ୍ଟା ବନ୍ଦ ରହିଲା ବସ୍‌ ଚଳାଚଳ

ଭୁବନେଶ୍ୱର,୨୭।୧୨(ବ୍ୟୁରୋ): ମାଷ୍ଟରକ୍ୟାଣ୍ଟିନ ବସ୍‌ଷ୍ଟାଣ୍ଡରେ ଗୁରୁବାର ମୋ’ ବସ୍‌ କର୍ମଚାରୀ ଓ ଘରୋଇ ବସ୍‌ କର୍ମଚାରୀଙ୍କ ମଧ୍ୟରେ ବିବାଦ ଘଟି ଉତ୍ତେଜନା ସୃଷ୍ଟି ହୋଇଥିଲା। ଫଳରେ ପ୍ରାୟ...

ବିଧାନସଭା ପରିସରରେ ବିଜୁ ଜୟନ୍ତୀ ପାଳିତ

ଭୁବନେଶ୍ୱର,୫।୩(ବ୍ୟୁରୋ)- ଓଡ଼ିଶା ବିଧାନସଭା ଆନୁକୂଲ୍ୟରେ ଗୁରୁବାର ବିଜୁ ପଟ୍ଟନାୟକଙ୍କ ଜୟନ୍ତୀ ପାଳିତ ହୋଇଯାଇଛି। ଏହି ଉପଲକ୍ଷେ ବିଧାନସଭା ପରିସରରେ ଏକ ଶ୍ରଦ୍ଧାଞ୍ଜଳି ତଥା ପ୍ରାର୍ଥନା ସଭାଅନୁଷ୍ଠିତ...

CORONAVIRUS UPDATE: ରାଜ୍ୟରେ ଆଉ ଜଣେ କରୋନା ଆକ୍ରାନ୍ତ ମୃତ

ଭୁବନେଶ୍ୱର,୨୧।୫: ରାଜ୍ୟରେ ଗୁରୁବାର ସକାଳେ ଆଉ ଜଣେ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି। ମୃତକ ଜଣକ ୮୫ ବର୍ଷୀୟ ହୋଇଥିବା ବେଳେ ସେ ସୁରଟ ଫେରନ୍ତା...

Advertisement


Archives

Model This Week