ଭେନିସ୍,୧୮।୩: ଚାଇନା ପରେ କରୋନାର ନୂଆ ଠିକଣା ପାଲଟିଛି ଇଟାଲୀ। ସୁରକ୍ଷା ଦୃଷ୍ଟିରୁ ସାଢ଼େ ୬ କୋଟି ଲୋକଙ୍କୁ ଘରୁ ନ ବାହାରିବାକୁ ସରକାରଙ୍କ ପକ୍ଷରୁ ପରାମର୍ଶ ଦିଆଯାଇଛି। ଏହାର ପ୍ରଭାବ ଯୋଗୁ ଏବେ ଭେନିସ୍ କେନାଲରେ ଆଉ ପୂର୍ବପରି ଗହଳି ଦେଖିବାକୁ ମିଳୁନି। ଏହାର ପାଣି ସ୍ବଚ୍ଛ ହୋଇଯାଇଛି। ପାଣିରେ ଏବେ ଡଲଫିନ୍ ଖେଳୁଥିବାର ଦୃଶ୍ୟ ଲୋକେ ନିଜ ଘର ବାଲକୋନିରେ ବସି ଦେଖୁଛନ୍ତି। ଡଲଫିନ୍ ଦଳ ସମୁଦ୍ରରୁ କେନାଲ ମୁହାଁ ହୋଇଛନ୍ତି। ପୂର୍ବରୁ କେନାଲରେ ବୋଟ ଚଳାଚଳ କରୁଥିବାରୁ ଡଲଫିନ୍ ଦଳ ଆସିବାକୁ ଭୟ କରୁଥିଲେ। ତେବେ କରୋନା ଯୋଗୁ ଲାଗି ଥିବା କଟକଣା ସେମାନଙ୍କ ପାଇଁ ନୂଆ ସୁଯୋଗ ସୃଷ୍ଟି କରିଥିବା କୁହାଯାଉଛି। ଭେନିସ୍ କେନାଲରେ ଡଲଫିନ୍ ଖେଳୁଥିବାର ୫୫ ସେକେଣ୍ଡର ଏକ ଭିଡ଼ିଓ ଜଣେ ବ୍ୟକ୍ତି ଟୁଇଟରରେ ଶେୟାର କରିଛନ୍ତି। ଗତ ୬୦ ବର୍ଷ ମଧ୍ୟରେ ଏଭଳି ଦୃଶ୍ୟ ଭେନିସ କେନାଲରେ ଦେଖିବାକୁ ମିଳି ନ ଥିଲା ବୋଲି ସେ ଟୁଇଟ୍ କରିଛନ୍ତି। କେନାଲ ପାଣି ସ୍ବଚ୍ଛ ହୋଇଯାଇଥିବାରୁ ଡଲଫିନ୍ ଏଠାକୁ ଆସିଥିବା କୁହାଯାଉଛି।
