ଓ୍ବାଶିଂଟନ,୧୬।୪: ଭାରତରେ ଏବେ ୬ ଲକ୍ଷ ଡାକ୍ତର ଓ ୨୦ ଲକ୍ଷ ନର୍ସ କମ୍ ଥିବା ଏକ ରିପୋର୍ଟରେ ଦର୍ଶାଯାଇଛି। ଗବେଷକଙ୍କ କହିବା କଥା ହେଲା ଆଣ୍ଟିବାୟୋଟିକ୍ସ ଦେବାପାଇଁ ଭାରତରେ ପ୍ରଶିକ୍ଷିତ ଡାକ୍ତରଙ୍କ ସଂଖ୍ୟା କମ୍ ରହିଛି। ଯେଉଁଥିପାଇଁ ରୋଗୀଙ୍କୁ ଜୀବନ ରକ୍ଷାକାରୀ ଔଷଧ ମିଳିପାରୁ ନାହିଁ। ଆମେରିକାର ସେଣ୍ଟର ଫର୍ ଡିଜିଜ୍ ଡାଇନାମିକ୍ସ, ଇକୋନୋମିକ୍ସ ଆଣ୍ଡ ପଲିସି (ସିଡିଡିଇପି)ର ରିପୋର୍ଟ ଅନୁଯାୟୀ, ଭାରତରେ ରୋଗୀଙ୍କୁ ୬୫ ପ୍ରତିଶତ ଖର୍ଚ୍ଚ ନିଜେ ବହନ କରିବାକୁ ପଡୁଛି। ଏଥିପାଇଁ ପ୍ରତିବର୍ଷ ୫.୭ କୋଟି ଲୋକ ଗରିବ ହୋଇ ଯାଉଛନ୍ତି। ଆଉ ବିଶ୍ୱରେ ପ୍ରତିବର୍ଷ ଏମିତି ୫୭ ଲକ୍ଷ ଲୋକଙ୍କ ମୃତ୍ୟୁ ହେଉଛି। ଯେଉଁମାନଙ୍କୁ ଆଣ୍ଟିବାୟୋଟିକ୍ସ ଔଷଧ ମାଧ୍ୟମରେ ବଞ୍ଚାଯାଇ ପାରନ୍ତା। ଏହି ମୃତ୍ୟୁ ଗରିବ ଓ ମଧ୍ୟବିତ୍ତ ପରିବାରରେ ଅଧିକ ହେଉଥିବା ଉକ୍ତ ରରିପୋର୍ଟରେ ଦର୍ଶାଯାଇଛି।
