ବ୍ୟାସନଗର ସ୍ବଂୟଶାସିତ ମହାବିଦ୍ୟାଳୟ ଦୁର୍ନୀତିର ସ୍ବତନ୍ତ୍ର ଅଡିଟ୍‌

ଯାଜପୁର ରୋଡ,୧୧-୯(ନି.ପ୍ର.)- ବ୍ୟାସନଗର ସ୍ବଂୟଶାସିତ ମହାବିଦ୍ୟାଳୟର ଯୁଜିସି ଅନୁଦାନ(ବିଶ୍ୱବିଦ୍ୟାଳୟ ଆୟୋଗ ପାଣ୍ଠି) ଠିକ୍‌ ବିନିଯୋଗ ନ କରାଯାଇ ବ୍ୟାପକ ଦୁର୍ନୀତି ଓ ନିଯୁକ୍ତ କ୍ଷେତ୍ରରେ ଅନିମିୟତା ଘଟଣାର ସ୍ବତନ୍ତ୍ର ଅଡିଟ କରିବା ପାଇଁ ଉଚ୍ଚ ଶିକ୍ଷା ବିଭାଗ ସଚିବ ନିର୍ଦ୍ଦେଶ ଦେଇଛନ୍ତି। ସୋମବାରଠାରୁ ମହାବିଦ୍ୟାଳୟରେ ଏହି ସ୍ବତନ୍ତ୍ର ଅଡିଟ ଚାଲିଛି। ଜଣେ ଅଧ୍ୟାପକଙ୍କୁ ଅନିମିୟତ ଭାବେ ନିଯୁକ୍ତି ଦିଆଯାଇଥିବା ନେଇ ତରୁଣ କୁମାର ଦାସ ନାମକ ଜଣେ ବରିଷ୍ଠ ନାଗରିକ ଅଭିଯୋଗ କରିଛନ୍ତି। ଏହି ଅଭିଯୋଗକୁ ମଧ୍ୟ ତଦନ୍ତ ପରିସରକୁ ନିଆଯାଇଛି। ଉକ୍ତ ଅଧ୍ୟାପକ ଜଣକ ୟୁଜିସି ଅନୁଦାନ ଅନିମିୟତତା କରିଥିବା ମଧ୍ୟ ଅଭିଯୋଗ ହୋଇଛି। ଉଚ୍ଚଶିକ୍ଷା ବିଭାଗ ଏଚଇ-ଏୟୁଡି-୦୦୦୬/୨୦୧୯,୧୭୪୨୪ତା୨୭/୮/୧୯ରିଖରେ ଜୈନିକ ଅଧ୍ୟାପକଙ୍କ ନିଯୁକ୍ତି ସମ୍ପର୍କରେ ଅଡିଟ୍‌ କରାଯିବା ପାଇଁ ମଧ୍ୟ ନିର୍ଦ୍ଦେଶ ଦିଆଯାଇଥିଲା। ପୂର୍ବତନ ପରିଚାଳନା କମିଟି ଏହି ଅଧ୍ୟାପକଙ୍କ ନିଯୁକ୍ତି ସମ୍ପର୍କରେ ଉଚ୍ଚ ଶିକ୍ଷା ବିଭାଗକୁ ଅବଗତ କରିଥିଲେ ମଧ୍ୟ କୈାଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିଲା। ଅନିମିୟତା ଭାବେ ନିଯୁକ୍ତି ପାଇଥିବା ଅଧ୍ୟାପକଙ୍କ କାଗଜ ପତ୍ରକୁ ମଧ୍ୟ ସ୍ବତନ୍ତ୍ର ଅଡିଟ୍‌ କରାଯିବ। ଏହି ଅଡିଟ କରିବାପାଇଁ ଏକ ସ୍ବତନ୍ତ୍ର ଟିମ୍‌ କଲେଜରେ ପହଞ୍ଚତ୍ କାଗଜପତ୍ର ଯାଞ୍ଚ କରୁଛନ୍ତି। ଯୁଜିସି ଅର୍ଥର ବିନିଯୋଗକୁ ନେଇ ତଦନ୍ତ କରାଯାଉଛି। ୟୁଜିସି ଅନୁଦାନ ଠିକ ଭାବରେ ଖର୍ଚ୍ଚ କରାଯାଇ ନ ଥିବାରୁ ୪ବର୍ଷହେଲା ବିନିଯୋଗପତ୍ର ବିଶ୍ୱବିଦ୍ୟାଳୟ ଆୟୋଗ ପାଣ୍ଠିକୁ ଦିଆଯାଇ ପାରିନାହିଁ। ଫଳରେ ଯୁଜିସି ଗ୍ରାଣ୍ଟ ବନ୍ଦ ରହିଛି। ଏହାଦ୍ୱାରା କଲେଜର ବିକାଶ ମଧ୍ୟ ବାଧକ ସାଜିଛି। ୨୦୧୧ରୁ ୨୦୧୯ମସିହା ପର୍ଯ୍ୟନ୍ତ ୮ବର୍ଷର ବିଶ୍ୱବିଦ୍ୟାଳୟ ଆୟୋଗ ଅନୁଦାନକୁ ସ୍ବତନ୍ତ୍ରଭାବେ ଅଡିଟ କରାଯିବ। ଅନ୍ୟପକ୍ଷରେ ମହାବିଦ୍ୟାଳୟର ଅନିମିୟତାକୁ ମଧ୍ୟ ସ୍ବତନ୍ତ୍ର ଭାବେ ଖୋଲତାଡ଼ କରାଯିବ। ଏ ସମ୍ପର୍କରେ ଅଭିଯୋଗ କରିଥିବା ଉମାପଦାର ଗ୍ରାମର ତରୁଣ କୁମାର ଦାସଙ୍କୁ ପଚାରିବାରେ ସେ କହିଛନ୍ତି ଯେ, ଜୈନିକ ଅଧ୍ୟାପକଙ୍କ ନିଯୁକ୍ତି ବେନିୟମ ଭାବରେ କରାଯାଇଛି । ୮ମାସ ଧରି ଚାକିରିରୁ ଛଟେଇ ହେଲାପରେ କିପରି ତାଙ୍କୁ ନିଯୁକ୍ତି ଦିଆଗଲା ସେନେଇ ଦାସ ପ୍ରଶ୍ନ କରିଛନ୍ତି। ଏସମ୍ପକେରେ ମହାବିଦ୍ୟାଳୟର ଅଧ୍ୟକ୍ଷ ଆବୁ ତାହିର୍‌ଙ୍କୁ ପଚାରିବାରୁ ଉଚ୍ଚ ଶିକ୍ଷା ବିଭାର ଫାଇନାନ୍ସ ଏଫଏ କମ-ସ୍ପେଶାଲ ସେକ୍ରେଟାରି ସୁରେଶ ପ୍ରସାଦ ତ୍ରୀପାଠୀ, ଓଏଫ୍‌ଏସ୍‌ଙ୍କଠାରୁ ସ୍ପେଶାଲ ଅଡିଟରେ ସାହାଯ୍ୟ କରିବା ପାଇଁ ନିର୍ଦ୍ଦେଶ ଆସିଛି। ସେହି ଅନୁସାରେ ମହାବିଦ୍ୟାଳୟ ପକ୍ଷରୁ ସମସ୍ତ ନଥିପତ୍ର ରେଜିଷ୍ଟାର ଯୋଗାଇ ଦିଆଯାଉଛି ବୋଲି ତାହିର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୂର୍ବତନ ପ୍ରଧାନ ଶିକ୍ଷକଙ୍କୁ ଝୁରୁଛି ଗାଁ ମାଟି: ଶିକ୍ଷକତା ପରେ କାହଁକି ନେଲେ ଏଭଳି ଚରମ ନିଷ୍ପତ୍ତି

ବରୀ, ୧୬।୧୧ (ମହେନ୍ଦ୍ର ସ୍ୱାଇଁ): ବରୀ ଶିକ୍ଷାମଣ୍ଡଳ ଅନ୍ତର୍ଗତ ଅରଙ୍ଗାବାଦ ପ୍ରକଳ୍ପ ପ୍ରାଥମିକ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରଧାନଙ୍କ ମୃତ୍ୟୁ ଘଟିଛି। ପାରିବାରିକ କଳହକୁ…

ବ୍ରାହ୍ମଣୀରେ ବୁଡ଼ିଗଲେ ମଇଁଷି ଚରାଳି

ବରୀ,୧୫ା୧୧(ମହେନ୍ଦ୍ର ସ୍ବାଇଁ): ଯାଜପୁର ଜିଲା ବରୀରେ ଜଣେ ମଇଁଷି ଚରାଳି ଶନିବାର ବ୍ରାହ୍ମଣୀ ନଦୀରେ ମଇଁଷି ପାର କରୁଥିବାବେଳେ ବୁଡ଼ିଯାଇଥିଲେ। ଘଟଣାସ୍ଥଳରେ ସ୍ଥାନୀୟ ଲୋକମାନେ ଯୁବକ ଜଣଙ୍କ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?