ନୂଆଦିଲ୍ଲୀ,୧୯।୬: ରାଜଧାନୀ ଦିଲ୍ଲୀରେ କରୋନା ସଂକ୍ରମିତଙ୍କ ସଖ୍ୟା ବୃଦ୍ଧି ପାଇବାରେ ଲାଗିଛି। ଏଠାରେ ବେସରକାରୀ ଡାକ୍ତରଖାନାରେ କରୋନା ଚିକିତ୍ସା ମହଙ୍ଗା ଥିବାରୁ ଲୋକେ ଅସନ୍ତୋଷ ପ୍ରକାଶ କରୁଛନ୍ତି। ଏହାକୁ ଦୃଷ୍ଟିରେ ରଖି ଶୁକ୍ରବାର ଗୃହ ମନ୍ତ୍ରଣାଳୟ ରାଜ୍ୟରେ ଡା. ଭି.କେ ପଲ୍ କମିଟିର ସୁପାରିଶକୁ ଲାଗୁ କରିଛନ୍ତି। ଫଳରେ ଏବେ ବେସରକାରୀ ଡାକ୍ତରଖାନାଗୁଡିକରେ ପ୍ରତିଦିନ ଆଇସୋଲେସନ୍ ବେଡ୍ ଚାର୍ଜ ୮ରୁ ୧୦ ହଜାର ଟଙ୍କା ନିଆଯିବ। ଏହାଛଡା ୧୩ରୁ ୧୫ ହଜାର ଟଙ୍କା ଭିତରେ ଆଇସିୟୁ ବିନା ଭେଣ୍ଟିଲେଟରରେ ଉପଲବ୍ଧ ହେବ। ୧୫ରୁ ୧୮ ହଜାର ଟଙ୍କା ଭିତରେ ଆଇସିୟୁ ଭେଣ୍ଟିଲେଟର ମିଳିବ। ପୂର୍ବରୁ ପ୍ରତିଦିନ ୨୪ରୁ ୨୫ ହଜାର ଟଙ୍କାରେ ଆଇସୋଲେସନ ବେଡ୍, ୩୪ରୁ ୪୩ ହଜାର ଟଙ୍କା ଭିତରେ ଆଇସିୟୁ ବିନା ଭେଣ୍ଟିଲେଟରରେ ଏବଂ ୪୪ରୁ ୫୪ ହଜାର ମଧ୍ୟରେ ଆଇସିୟୁ ଭେଣ୍ଟିଲେଟର ଉପଲବ୍ଧ ଥିଲା।
