Posted inଖେଳ

ବିଶ୍ୱକପ୍‌ରୁ ଭାରତୀୟ ଦଳ ୭ କୋଟି ୩୯ ଲକ୍ଷ ଟଙ୍କା ପାଇଲା

ନୂଆଦିଲ୍ଲୀ, ୧୬।୭- କ୍ରିକେଟ୍‌ ବିଶ୍ୱକପ୍‌ର ଦ୍ୱାଦଶ ସଂସ୍କରଣ ରୋମାଞ୍ଚକ ଭାବେ ଶେଷ ହୋଇଛି। ଫାଇନାଲରେ ଉଭୟ ମ୍ୟାଚ୍‌ ଓ ସୁପର୍‌ ଓଭର ଟାଇ ରହିବା ଫଳରେ ଅଧିକ ବାଉଣ୍ଡରି ମାରିଥିବାରୁ ନ୍ୟୁଜିଲାଣ୍ଡକୁ ହରାଇ ଇଂଲଣ୍ଡ ବିଶ୍ୱକପ୍‌ ଚାମ୍ପିୟନ ହୋଇଛି। ପ୍ରଥମଥର ଲାଗି ବିଶ୍ୱକପ୍‌ ଜିତିଥିବା ଇଂଲଣ୍ଡ ଚାମ୍ପିୟନ ପୁରସ୍କାର ରାଶି ବାବଦକୁ ଅନ୍ତର୍ଜାତୀୟ କ୍ରିକେଟ୍‌ ପରିଷଦ (ଆଇସିସି) ନିକଟରୁ ୪ ନିୟୁତ ଡଲାର (ଭାରତୀୟ ମୁଦ୍ରାରେ ପାଖାପାଖି ୨୭ କୋଟି ୪୦ ଲକ୍ଷ ଟଙ୍କା)ପାଇଥିବାବେଳେ ରନର୍ସଅପ୍‌ ନ୍ୟୁଜିଲାଣ୍ଡ (୨ ନିୟୁତ ଡଲାର ବା ଭାରତୀୟ ମୁଦ୍ରାରେ ପାଖାପାଖି ୧୩ କୋଟି ୭୦ ଲକ୍ଷ ଟଙ୍କା)କୁ ଏହାର ଅଧା ଅର୍ଥରାଶି ମିଳିଥିଲା।
$ତବେ ସେମିଫାଇନାଲରୁ ପରାସ୍ତ ହୋଇ ବିଦାୟ ନେଇଥିଲେ ମଧ୍ୟ ବିରାଟ ବାହିନୀ ବିଶ୍ୱକପ୍‌ରୁ କେତେ ଅର୍ଥରାଶି ଆଇସିସି ନିକଟରୁ ପାଇଛି, ତାହା ଜାଣିବା ପାଇଁ କ୍ରିକେଟ୍‌ ପ୍ରଶଂସକଙ୍କ ମନରେ ଆଗ୍ରହ ପ୍ରକାଶ ପାଇଛି। ଆଇସିସି ପୁରସ୍କାର ରାଶି ତାଲିକା ଉପରେ ନଜର ପକାଇଥିଲେ ଗ୍ରୁପ୍‌ ପର୍ଯ୍ୟାୟର ପ୍ରତି ମ୍ୟାଚ୍‌ର ବିଜୟୀ ଦଳକୁ ୪୦ ହଜାର ଡଲାର (ଭାରତୀୟ ମୁଦ୍ରାରେ ପାଖାପାଖି ୨୭ ଲକ୍ଷ ୪୦ ହଜାର ଟଙ୍କା) ପ୍ରଦାନ କରାଯାଇଥାଏ। ସେହି ଦୃଷ୍ଟିରୁ ଭାରତ ଗ୍ରୁପ୍‌ ପର୍ଯ୍ୟାୟର ପ୍ରଦର୍ଶନକୁ ଦେଖିଲେ ୭ ମ୍ୟାଚ୍‌ ଜିତି ପାଖାପାଖି ଏକ କୋଟି ୯୧ ଲକ୍ଷ ଟଙ୍କା ଲାଭ କରିଛି। ଏହାପରେ ସେମିଫାଇନାଲରେ ନ୍ୟୁଜିଲାଣ୍ଡ ନିକଟରୁ ଭାରତ ପରାସ୍ତ ହୋଇଥିଲେ ମଧ୍ୟ ୮ ନିୟୁତ ଡଲାର ପାଇଥିଲା। ସେମିଫାଇନାଲରେ ପ୍ରବେଶ କରିଥିବା ପ୍ରତି ଦଳକୁ ଆଇସିସି ଏହି ପୁରସ୍କାର ରାଶି ପ୍ରଦାନ କରିଥାଏ। ସେହିଦୃଷ୍ଟିରୁ ବିରାଟ କୋହଲିଙ୍କ ଦଳକୁ ଭାରତୀୟ ମୁଦ୍ରାରେ ପାଖାପାଖି ୫ କୋଟି ୪୮ ଲକ୍ଷ ଟଙ୍କା ମିଳିଥିଲା। ଫଳରେ ଗ୍ରୁପ୍‌ ପର୍ଯ୍ୟାୟ ଓ ସେମିଫାଇନାଲ ଅର୍ଥରାଶିକୁ ମିଶାଇଲେ ଭାରତୀୟ ଦଳ ମୋଟ୍‌ ଉପରେ ପାଖାପାଖି ୭ କୋଟି ୩୯ ଲକ୍ଷ ଟଙ୍କା ବିଶ୍ୱକପ୍‌ରୁ ପାଇଛି।
ମେନ୍‌ ଇନ୍‌ ବ୍ଲୁ ୨୦୧୧ ବିଶ୍ୱକପ୍‌ରେ ଚାମ୍ପିୟନ ହୋଇ ମୋଟ୍‌ ଉପରେ ୧୭ କୋଟି ୨୨ ଲକ୍ଷ ୫୦ ହଜାର ଟଙ୍କା ପାଇଥିଲା। ସେହିଭଳି ୨୦୧୫ ବିଶ୍ୱକପ୍‌ରେ ସେମିଫାଇନାଲରେ ବିଦାୟ ହୋଇ ୫ କୋଟି ୭୪ ଲକ୍ଷ ୨୦ ହଜାର ଟଙ୍କାରେ ସନ୍ତୁଷ୍ଟ ରହିଥିଲା। ୨୦୧୫ରେ ଭାରତ ଗ୍ରୁପ୍‌ ପର୍ଯ୍ୟାୟରେ ୬ ମ୍ୟାଚ୍‌ ଜିତିଥିବାବେଳେ ପ୍ରତି ମ୍ୟାଚ୍‌ ପିଛା ସେତେବେଳେ ଆଇସିସି ୪୫ ହଜାର ଆମେରିକୀୟ ଡଲାର ପ୍ରଦାନ କରୁଥିଲା। ସେହିଭଳି ସେମିଫାଇନାଲରେ ପ୍ରବେଶ କରିଥିବା ଦଳକୁ ୬ ଲକ୍ଷ ଆମେରିକୀୟ ଡଲାର ମିଳୁଥିଲା।

(ବି.ଦ୍ର: ୨୦୧୯ ଜୁଲାଇ ୧୫ରେ ୧ ଡଲାର= ୬୮ ଟଙ୍କା ୫୨ ପଇସା। ସେହିଦୃଷ୍ଟିରୁ ୨୦୧୯ ଆଇସିସି ପୁରସ୍କାର ରାଶିକୁ ହିସାବ କରାଯାଇଛି।)


Enter your email to get our daily news in your inbox.

All Right Reserved By Dharitri.Com

Posted inଖେଳ View All

୧୦ ଓଭରରେ ୧୦ ମେଡେନ୍‌ ୨ ଉଇକେଟ୍‌ ନେଇ ଚହଳ ସୃଷ୍ଟି କଲେ ଏହି ବୋଲର୍‌

ଲଣ୍ଡନ,୬।୯: ଦିନିକିଆ କ୍ରିକେଟରେ ଏପରି କିଛି ଘଟଣା ଘଟିଛି, ଯାହା ଶୁଣି ଯେ କେହି ଆଶ୍ଚର୍ଯ୍ୟ ହୋଇଯିବେ। ଜଣେ ବୋଲର ୧୦ ଓଭରରେ ଗୋଟିଏ ବି...

ବିଶ୍ୱ ରେସଲିଂ ଚାମ୍ପିୟନଶିପ୍‌ରେ ରବୀନ୍ଦରଙ୍କୁ ରୌପ୍ୟ

ବୁଦାପେଷ୍ଟ, ୩୧।୧୦ (ପି.ଟି.)- ଭାରତୀୟ କୁସ୍ତିଯୋଦ୍ଧା ରବୀନ୍ଦର ଏଠାରେ ଅନୁଷ୍ଠିତ ୨୩ ବର୍ଷରୁ କମ୍‌ ବିଶ୍ୱ ରେସଲିଂ ଚାମ୍ପିୟନଶିପ୍‌ରେ ରୌପ୍ୟ ପଦକ ହାସଲ କରିଛନ୍ତି। ପୁରୁଷ...

ବୋଲ୍ଟଙ୍କ ହେଲ୍‌ମେଟ୍‌ରେ ଅଟକିଲା ବଲ , କ୍ୟାଚ୍‌ ପାଇଁ ଗୋଡ଼ାଇଲେ ଫିଲ୍ଡର

ଗାଲେ,୧୭।୮- ଏଠାରେ ନ୍ୟୁଜିଲାଣ୍ଡ ଓ ଶ୍ରୀଲଙ୍କା ମଧ୍ୟରେ ଚାଲିଥିବା ପ୍ରଥମ ଟେଷ୍ଟ ମ୍ୟାଚ୍‌ରେ ଏକ କୌତୂହଳପୂର୍ଣ୍ଣ ଘଟଣା ଘଟିଛି। ଦ୍ୱିତୀୟ ଇନିଂସରେ ନ୍ୟୁଜିଲାଣ୍ଡ ଦଳ ବ୍ୟାଟିଂ...

ସ୍ବଦେଶୀ ଖେଳ ଯୋଡ଼ିଲା ନୂଆ ଅଧ୍ୟାୟ

ପୁଣେ, ୩୧ା୮: ମହାଲୁଙ୍ଗେସ୍ଥିତ ଶ୍ରୀ ଶିବ ଛତ୍ରପତି ସ୍ପୋଟର୍‌ସ କମ୍ପ୍ଲେକ୍ସରେ ଚାଲିଥିବା ଅଲ୍‌ଟିମେଟ ଖୋ ଖୋ ଲିଗ୍‌ ଭାରତୀୟ କ୍ରୀଡ଼ା ଇତିହାସରେ ନୂଆ ଫର୍ଦ୍ଦ ଯୋଡ଼ିଛି।...

ଗୋଲକିପରଙ୍କୁ ମାରି ରେଫରି ବାସନ୍ଦ

ମିଲନ,୧୨।୨- ଚଳିତ ମାସରେ ଏକ ଲିଗ୍‌ ମ୍ୟାଚ୍‌ ବେଳେ ଜଣେ ଇଟାଲିଆନ ରେଫରି ଗୋଲକିପରଙ୍କୁ ମୁଣ୍ଡିଆ ମାରିଥିଲେ। ଏଥିନେଇ ରେଫରିଙ୍କୁ ଏକ ବର୍ଷ ପାଇଁ ବାସନ୍ଦ...

ଟି୨୦, ଦିନିକିଆ ପରେ ଏବେ ଟେଷ୍ଟରେ ସୁଯୋଗ

ଲଣ୍ଡନ,୨୬।୭: ଯୁବ ଓପନର ପୃଥ୍ବୀ ଶ ଓ ମିଡିଲ ଅର୍ଡର ବ୍ୟାଟ୍ସମ୍ୟାନ ସୂର୍ଯ୍ୟକୁମାର ଯାଦବ ଭାରତୀୟ ଟେଷ୍ଟ ଦଳରେ ସାମିଲ ହୋଇଛନ୍ତି। ଅଗଷ୍ଟ ୪ରୁ ଆରମ୍ଭ...

ଟୋକିଓ ପାରା ଅଲିମ୍ପିକ୍ସରେ ପ୍ରମୋଦ ପଦକ ଜିତିବେ: କୋଚ୍‌ ଶିବପ୍ରସାଦ

ଭୁବନେଶ୍ୱର, ୩୦।୮- ପ୍ରଥମ ପାରା ଆଥଲେଟ ହିସାବରେ ପ୍ରମୋଦ ବିଜୁ ପଟ୍ଟନାୟକ ପୁରସ୍କାର ହାସଲ କରୁଥିବାରୁ ଆମ ପାଇଁ ଗର୍ବ ବିଷୟ ବୋଲି ତାଙ୍କ କୋଚ୍‌...

ପ୍ରଥମ ଦୁଇଟି ଟି୨୦ ପାଇଁ ନାରିନ, ପୋଲାର୍ଡ ଓ୍ବେଷ୍ଟଇଣ୍ଡିଜ ଦଳରେ ସାମିଲ

ସେଣ୍ଟ ଜୋନ୍ସ (ଆଣ୍ଟିଗୁଆ), ୨୩।୭ (ପି.ଟି.)- ଭାରତ ବିପକ୍ଷ ଟି୨୦ ସିରିଜର ପ୍ରଥମ ଦୁଇଟି ମ୍ୟାଚ୍‌ ପାଇଁ ଘରୋଇ ଓ୍ବେଷ୍ଟଇଣ୍ଡିଜ ଦଳ ମଙ୍ଗଳବାର ଘୋଷଣା କରାଯାଇଛି।...

Advertisement
Archives

Model This Week