ବିପଦରେ ଜୈବ ବିବିଧତା: ୮୫ ପ୍ରତିଶତ ଜମିର ମାଟି ଅମ୍ଳଯୁକ୍ତ,ଫସଲ ଉତ୍ପାଦନରେ ବାଧକ

ନୟାଗଡ଼ ଅଫିସ,୧୬ା୩: ଅତ୍ୟଧିକ ରାସାୟନିକ ସାର ଓ କୀଟନାଶକ ପ୍ରୟୋଗ ଦ୍ୱାରା ଜୈବ ବିବିଧତା ବିପଦରେ ରହିଛି। ଏହି କାରଣରୁ ନୟାଗଡ଼ ଜିଲାର ୮୫ ପ୍ରତିଶତ ଜମିର ମାଟି ଅମ୍ଳଯୁକ୍ତ ହୋଇସାରିଲାଣି। ଏହି ଅମ୍ଳଯୁକ୍ତ ମାଟି ଫସଲ ଉତ୍ପାଦନରେ ବାଧକ ସାଜିଛି। ଏପରିସ୍ଥଳେ ସରକାର ୨୦୧୭-୧୮ ଆର୍ଥିକବର୍ଷରୁ ପରମ୍ପରାଗତ କୃଷି ବିକାଶ ଯୋଜନା କାର୍ଯ୍ୟକାରୀ କରୁଛନ୍ତି। ହେଲେ ଏହି ଯୋଜନା ଜିଲାର କେବଳ ଓଡ଼ଗାଁ ଓ ରଣପୁର ବ୍ଲକରେ ସୀମିତ ହୋଇ ରହିଯାଇଛି।
ମାଟି ଜୀବନ୍ତ ଓ ଏଥିରେ ରାସାୟନିକ ପରିବର୍ତ୍ତନ ଲାଗିରହିଥାଏ। ହେଲେ ଆମର ଦୂରଦୃଷ୍ଟି ଅଭାବ ଯୋଗୁ ମାଟି ଅମ୍ଳଯୁକ୍ତ ହେବାରେ ଲାଗିଛି। ଏଣୁ ଜୀବଜଗତର ବିଭିନ୍ନ ଆବଶ୍ୟକତାକୁ ମେଣ୍ଟାଉଥିବା ମାଟିର ଜୈବ ବିବିଧତା ବିପଦକୁ ଠେଲି ହୋଇଯାଉଛି। ଏହାକୁ ଅଣଦେଖା କରାଯାଉଥିବାରୁ ମାଟିରେ ଫସଲ ଉପତ୍ାଦନ କମି ଚାଲିଛି। ଏହା ପରିବେଶ ଉପରେ ମଧ୍ୟ କୁପ୍ରଭାବ ପକାଉଛି। ଡେରିରେ ହେଲେ ବି ଭାରତ ସରକାର ପରମ୍ପରାଗତ କୃଷି ବିକାଶ ଯୋଜନା ଆରମ୍ଭ କରିଛନ୍ତି। ଏହି ଯୋଜନାରେ ଜୈବିକ ପ୍ରଣାଳୀରେ ଖାଦ୍ୟଶସ୍ୟ ଉତ୍ପାଦନ ପାଇଁ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଛି। କୃଷି ବିଭାଗର ସୂଚନା ଅନୁସାରେ ୨୦୧୭-୧୮ ଆର୍ଥିକ ବର୍ଷରେ ଜିଲାର ରଣପୁର ବ୍ଲକରେ ୧୫୦୦ ଏକର ଜମିରେ ୯୦୭ ଚାଷୀ ଜୈବିକ ପ୍ରଣାଳୀରେ ଖାଦ୍ୟଶସ୍ୟ ଉପତ୍ାଦନ କରିଛନ୍ତି। ଓଡଗଁା ବ୍ଲକରେ ୫୦୦ ଏକରରେ ୩୦୦ ଚାଷୀ ଜୈବିକ ପଦ୍ଧତିରେ ଚାଷ କରିଥିବା ଜଣାପଡିଛି। ସେହିପରି ୨୦୧୮-୧୯ରେ ରଣପୁରରେ ୭୭୦ ଏକରରେ ୪୪୦ ଚାଷୀ, ଓଡ଼ଗାଁରେ ୩୦୦ ଏକରରେ ୧୭୩ ଚାଷୀ ଏବଂ ୨୦୧୯-୨୦ରେ ରଣପୁରରେ ଏକ ହଜାର ଏକରରେ ୬୨୩ ଚାଷୀ ଜୈବିକ ପଦ୍ଧତିରେ ଚାଷ କରିଛନ୍ତି। ହେଲେ ସଚେତନତା ଅଭାବରୁ ଏହା ଚାଷୀଙ୍କ ପାଖରେ ଅପହଞ୍ଚ ହୋଇରହିଥିବା କୁହାଯାଉଛି। ଗଣିଆର ଚାଷୀ ରାମଚନ୍ଦ୍ର ପ୍ରଧାନ କୁହନ୍ତି, ରାସାୟନିକ ସାର ଓ କୀଟନାଶକ ନ ଦେଲେ ଫସଲ ଫଳୁନି। ଫସଲ ନ ହେଲେ ଆମ ରୋଜଗାର କମିଯିବ। କ୍ଷତିରେ ପଡିବୁ। ଜୈବିକ ପଦ୍ଧତିରେ ଚାଷ କଲେ ଲାଭ ଓ କ୍ଷତି ସମ୍ପର୍କରେ ଆମକୁ କେହି ବୁଝାଉ ନାହାନ୍ତି। ଏ ଦିଗରେ ସଚେତନତା କରାଯିବା ଆବଶ୍ୟକତା ରହିଛି। ଓଡ଼ଗାଁର ଚାଷୀ ଦାମ ସାହୁ କୁହନ୍ତି, ଓଡ଼ଗାଁ ବ୍ଲକର କେଉଁ ଅଞ୍ଚଳରେ ଜୈବିକ ପଦ୍ଧତିରେ ଚାଷ ହେଉଛି ତାହା କୃଷି ବିଭାଗ ଜାଣିଥିବ। ଆମେ ଜୈବିକ ପଦ୍ଧତିରେ ଚାଷ କରିବାକୁ ଆଗ୍ରହୀ ଥିଲେ ମଧ୍ୟ ଅମଳ ଅଧିକ ନ ହେବାରୁ ରାସାୟନିକ ଓ କୀଟନାଶକ ବ୍ୟବହାର କରିବାକୁ ବାଧ୍ୟ ହେଉଛୁ। ବୈଜ୍ଞାନିକ ପ୍ରମୋଦ ପୃଷ୍ଟିଙ୍କ ସୂଚନା ଅନୁସାରେ ଏସିଡିଟି ବଢ଼ିଲେ ମାଟି ଅମ୍ଳ ହୋଇଯାଏ। ଅମ୍ଳ ମାଟିରେ ଯବକ୍ଷାରଜାନ, ଫସ୍‌ଫରସ, ପଟାସ, କ୍ୟାଲସିୟମ ଥିଲେ ଗଛ ଖାଦ୍ୟ ରୂପେ ଗ୍ରହଣ କରିପାରେ ନାହିଁ। ପୁଣି ଅମ୍ଳମାଟିରେ ଜୈବିକ ଅଙ୍ଗାର ଓ ଅଣୁଜୀବଙ୍କ ସଂଖ୍ୟା କମ ରହିଥାଏ। ଆଲମୁନିୟମ ଓ ଲୌହ ଅଧିକ ଥିବାରୁ ଫସଲ ପାଇଁ କ୍ଷତିକାରକ ହୋଇଥାଏ। ଅମ୍ଳ ମାଟିରେ ଚୂନ ସହ ଗୋବର ମିଶା ଖତ ପକାଇବା ଦରକାର। ସେହିପରି କାଗଜ ମଣ୍ଡ ମଧ୍ୟ ଦେବା ଦରକାର। ହେଲେ ଏହା ପର୍ଯ୍ୟାପ୍ତ ପରିମାଣର ମିଳୁ ନାହିଁ। ଗାଈ ସଂଖ୍ୟା କମିବା କାରଣରୁ ଗୋବର ଖତ ମିଳୁ ନାହିଁ। ଏଣୁ ଜୈବିକ କୃଷି ଲୋକପ୍ରିୟତା ହୋଇପାରୁ ନାହିଁ। ନୟାଗଡ଼ର ଅବସରପ୍ରାପ୍ତ ଜିଲା ମୁଖ୍ୟ କୃଷି ଅଧିକାରୀ ଶିଶିର କୁମାର ପଣ୍ଡା କୁହନ୍ତି, ରାସାୟନିକ ସାର ପ୍ରୟୋଗ ଦ୍ୱାରା ମାଟି ଅମ୍ଳ ହେବା ସ୍ବାଭାବିକ। ତେବେ ଜୈବିକ ସାର ପ୍ରସ୍ତୁତ କରି ମାଟିରେ ପ୍ରୟୋଗ କଲେ ଅମ୍ଳ କମିବା ସହ ଉର୍ବରତା ବଢ଼ିବ। ଏହା ଦ୍ୱାରା ଖର୍ଚ୍ଚ କମିବ। ଅମଳ ଅଧିକ ନ ହେଲେ ବି ପରିବେଶ ସନ୍ତୁଳନ ରହିବା ସହ ରୋଗରୁ ମୁକ୍ତି ମିଳିବ। ସରକାର ଜୈବିକ କୃଷିକୁ ଏବେ ପ୍ରାଧାନ୍ୟ ଦେଉଛନ୍ତି। ଚାଷୀ ଏହାକୁ ଗ୍ରହଣ କରିବା ଉଚିତ।


Enter your email to get our daily news in your inbox.

All Right Reserved By Dharitri.Com

ନ୍ୟୁୟର୍କରେ ଥିବା ଓଡ଼ିଆ ଡାକ୍ତରଙ୍କ ବଦାନ୍ୟତା: ଗଞ୍ଜାମକୁ ଦେଲେ ୧୫ ଲକ୍ଷ ଟଙ୍କାର ଭ୍ୟାନ୍‌

ଛତ୍ରପୁର, ୧୩।୭(ଡି.ଏନ୍‌.ଏ.): ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତ ଏବଂ ମୃତକଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ତେବେ ସବୁଠାରୁ ଅଧିକ ଚିନ୍ତାର କାରଣ ପାଲଟିଛି...

ଶ୍ରୀମନ୍ଦିର ସୁରକ୍ଷା ଜୋନ: ଭଙ୍ଗାଗଲା ରମାମଣି ଲଜ୍‌

ପୁରୀ ଅଫିସ,୧୨ା୧: ଶ୍ରୀମନ୍ଦିର ସୁରକ୍ଷା ଜୋନରେ ଜୋର୍‌ ଧରିଛି ଉଚ୍ଛେଦ ଅଭିଯାନ। ପ୍ରଶାସନ ପକ୍ଷରୁ ଶୁକ୍ରବାର ଉତ୍ତର ଏବଂ ପଶ୍ଚିମ ଦ୍ୱାର ନିକଟରେ ୬ଟି ଘରୋଇ...

ପଞ୍ଚାୟତ ଭବନର ଭିତ୍ତିପ୍ରସ୍ତର ସ୍ଥାପନ କଲେ ମନ୍ତ୍ରୀ

ବରଗଡ଼ ଅଫିସ,୮।୮: ବରଗଡ଼ ପଞ୍ଚାୟତ ସମିତି ପରିସରରେ ଗୁରୁବାର ପଞ୍ଚାୟତ ଭବନର ଭିତ୍ତିପ୍ରସ୍ତର ସ୍ଥାପନ ସମାରୋହ ଅନୁଷ୍ଠିତ ହୋଇଯାଇଛି। ବ୍ଲକ ଅଧ୍ୟକ୍ଷା ମଞ୍ଜୁ ପଣ୍ଡାଙ୍କ ଅଧ୍ୟକ୍ଷତାରେ...

ରାସ୍ତା ନିର୍ମାଣରେ ବିଳମ୍ବ: ଟାୟାର୍‌ ଜାଳି ରାସ୍ତାରୋକୋ

ମହାକାଳପଡ଼ା,୪।୯(ଡି.ଏନ.ଏ.): ମହାକାଳପଡା ବ୍ଲକ ଅଧୀନ ବିଜୟ ନଗର-ଓରତ ମୁଖ୍ୟ ପୂର୍ତ୍ତ ରାସ୍ତା ନିର୍ମାଣ ବିଳମ୍ବ ପ୍ରତିବାଦରେ ସ୍ଥାନୀୟ ଓଳିଆ ଗ୍ରାମରେ ଲୋକମାନେ ଟାୟାର ଜାଳି ରାସ୍ତା...

ଖଣ୍ଡପଡ଼ା ସବ୍‌ଜେଲରୁ ଫେରାର କଏଦୀ ଗିରଫ

ଖଣ୍ଡପଡା,୧୪।୬(ସ୍ବ.ପ୍ର.): ନୟାଗଡ ଜିଲା ଖଣ୍ଡପଡା ସବ୍‌ଜେଲରୁ ପାଚେରି ଡେଇଁ ଫେରାର ଥିବା ଜଣେ କଏଦୀଙ୍କୁ ଫତେଗଡ଼ ଓ ଖଣ୍ଡପଡ଼ା ଥାନା ପୋଲିସ ଗିରଫ କରିଛି ।...

ସ୍ବାସ୍ଥ୍ୟକେନ୍ଦ୍ରର ସ୍ଥିତି ପରଖିଲେ କେନ୍ଦ୍ରୀୟ ଟିମ୍‌

ଭଣ୍ଡାରିପୋଖରୀ, ୩ା୫(ଡି.ଏନ.ଏ.)-କରୋନା ମୁକାବିଲା ଲାଗି ଭଣ୍ଡାରିପୋଖରୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ନିଆଯାଇଥିବା ବ୍ୟବସ୍ଥାକୁ ଏମ୍‌ସର କେନ୍ଦ୍ରୀୟ ଟିମ୍‌ ତଦାରଖ କରି ଫେରିଛନ୍ତି। ଭୁବନେଶ୍ୱରସ୍ଥିତ ଏମ୍‌ସର ଡାକ୍ତର ଦିନେଶ...

ନିର୍ମାଣ ଶ୍ରମିକଙ୍କୁ ସହାୟତା ରାଶି ବଣ୍ଟନ

ବୌଦ୍ଧ, ୯ା୪(ସ୍ବ.ପ୍ର) ରାଜ୍ୟ ସରକାର ଲକଡାଉନ ସମୟରେ ଗରିବ ଖଟିଖିଆଙ୍କ ପାଇଁ ସହାୟତା ଘୋଷାଣା କରିଛନ୍ତି। ଏହିକ୍ରମରେ ବୌଦ୍ଧ ଜିଲାରେ ନିର୍ମାଣ ଶ୍ରମିକଙ୍କୁ ଏହି ସହାୟତା...

ଉଦୟଗିରି ପାଦଦେଶରେ ୯୪ତମ ଐତିହ୍ୟ ପଦଯାତ୍ରା ବିଦେଶୀ ପର୍ଯ୍ୟଟକଙ୍କ ମନଜିଣିଲା ଗୁମ୍ଫା କାହାଣୀ

ଭୁବନେଶ୍ୱର, ୧ା୧୨ (ବ୍ୟୁରୋ) ଐତିହ୍ୟ କ୍ଷେତ୍ରରେ ପଦଯାତ୍ରା ସହ କାହାଣୀର ଫ୍ୟୁଜନ୍‌। ଐତିହ୍ୟ କିର୍ତ୍ତିରାଜିର ସଂରକ୍ଷଣ ସହ ତାର ପୁରୁଣା ଇତିହାସକୁ ଲୋକଲୋଚନକୁ ଆଣିବାର ଏହି...

Play 250+ Trending Games
Archives

Model This Week

Why Dharitri