ବିପଜ୍ଜନକ କାର୍ଯ୍ୟରେ ନାହିଁ ଲଗାମ: ବିଦ୍ୟୁତ୍‌ କରେଣ୍ଟ ଦେଇ ମାଛଧରା, କମ୍‌ ଖର୍ଚ୍ଚରେ ମିଳୁଛି ବେଶି ଲାଭ

ନୟାଗଡ଼ ଅଫିସ/ଓଡଗାଁ,୭।୬(ସ୍ବ.ପ୍ର.): ମାଛ ମାରିବାକୁ ନୂଆ କୌଶଳ ଆପଣେଇଛନ୍ତି କେତେଜଣ ଯୁବକ। ଜାଲ ବଦଳରେ ବିଦ୍ୟୁତ୍‌ କରେଣ୍ଟ ଦେଇ ବିନା ପରିଶ୍ରମ ଓ କମ୍‌ ଖର୍ଚ୍ଚରେ ମାଛ ମାରୁଛନ୍ତି। ଏଭଳି ଦୃଶ୍ୟ ନୟାଗଡ ଜିଲା ଓଡଗାଁ ବ୍ଲକ ଶରଧାପୁର ପଞ୍ଚାୟତ ଆମ୍ବରାପୁର କୁସୁମୀ ନଦୀରେ ଦେଖିବାକୁ ମିଳିଛି। ବେଆଇନ ଭାବେ ହୁକ ପକାଇ ସମ୍ପୃକ୍ତ ଯୁବକମାନେ ଏହି ବିପଜ୍ଜନକ କାର୍ଯ୍ୟ କରୁଥିଲେ ମଧ୍ୟ ଏଥିରେ ଲଗାମ ଲାଗିପାରୁ ନାହିଁ।

ପ୍ରାପ୍ତ ସୂଚନା ଅନୁସାରେ ୧୦ରୁ ୧୨ ଫୁଟର ଏକ ଶୁଖିଲା ବାଉଁଶ ଅଗରେ ଏକ ଲୁହାରଡ୍‌ ବନ୍ଧାଯାଉଛି। ୧୧ କେଭି ଓ ଏଲ୍‌ଟି ଲାଇନ୍‌ରେ ହୁକ ପକାଇ ଏହି ଲୁହା ରଡ୍‌ରେ ଏକ ଫେଜର ବିଦ୍ୟୁତ୍‌ ସଂଯୋଗ କରାଯାଉଛି। ଜଣେ ବ୍ୟକ୍ତି ପାଣି ଭିତରେ ୫ରୁ ୬ଫୁଟ ବ୍ୟବଧାନରେ ଠିିଆ ହୋଇ ବାଉଁଶ ଯୋଗେ ଲୁହାରଡ୍‌କୁ ପାଣି ଭିତରେ ପକାଉଛି। କିଛି ସମୟ ପରେ ମାଛ ଚେତାଶୂନ୍ୟ ହୋଇ ପାଣିରେ ଭାସୁଛନ୍ତି। ସେହି ସମୟରେ ବାଉଁଶ ଟେକିନେବା ପରେ ୫ରୁ ୬ଫୁଟ ଦୂରରେ ଥିବା ଅନ୍ୟ ସହଯୋଗୀମାନେ ମାଛ ଗୋଟାଉଛନ୍ତି। କିଛି ସମୟ ବ୍ୟବଧାନରେ ପୁଣି ସମାନ ତରିକାରେ ମାଛ ମରାଯାଉଛି। ଖବର ପାଇ ଓଡଗଁା ବିଦ୍ୟୁତ୍‌ ବିଭାଗ ଜେଇ ଓ ଓଡଗାଁ ପୋଲିସ ଆମ୍ବରାପୁର ନଦୀ ଅଞ୍ଚଳରେ ଚଢ଼ାଉ କରିଥିଲେ। ତେବେ ଏମାନେ ପହଞ୍ଚିବା ବେଳକୁ ମାଛଧରାଳିମାନେ ଫେରାର ହୋଇଯାଇଥିଲେ।

କରେଣ୍ଟ ଲଗାଇ ମାଛ ମାରିବାକୁ ନଦୀ କୂଳିଆ ଅଞ୍ଚଳର କେତେଜଣ ଲୋକ ପେଷା ଭାବେ ଆପଣେଇ ନେଇଛନ୍ତି। ଏଭଳି ବିପଜ୍ଜନକ କାର୍ଯ୍ୟ ଜିଲାର ବିଭିନ୍ନ ନଦୀରେ ଚାଲିଥିଲେ ମଧ୍ୟ ପ୍ରଶାସନ ପାଖରେ ଖବର ନାହିଁ। ଏ ନେଇ ଜଣେ ମାଛ ଧରାଳୀ ନିଜ ନଁା ଗୋପନ ରଖି କହିଛନ୍ତି, ନୟାଗଡ ପଣ୍ଡୁସରର କିଛି ଲୋକ ନଦୀରୁ ବିଦ୍ୟୁତ୍‌ କରେଣ୍ଟରେ ମାଛ ଧରୁଥିବା ଦେଖିବାକୁ ମିଳିଥିଲା। ସେହିପରି ଗୋଡିପଡା ଭାଲିଆଡିହି ଓ ପଞ୍ଚୁମୁର କେତେକ ଲୋକ ମଧ୍ୟ ମାଛ ଧରୁଥିଲେ। ବିଦ୍ୟୁତ୍‌ କରେଣ୍ଟ ଲଗାଇ କୁଇଣ୍ଟାଲ କୁଇଣ୍ଟାଲ ମାଛ ଧରାଯାଇ ପାରୁଛି। ଗାତ ଭିତରେ ଥିବା ମାଛ ଧରାଯାଉଛି। ପାଣିରେ ବିଦ୍ୟୁତ୍‌ କରେଣ୍ଟ ଲଗାଇଲେ ଗାତ ବାହାରକୁ ମାଛ ଚାଲି ଆସୁଛନ୍ତି। ପରେ ମାଛ ଗୋଟା ଯାଇଥାଏ। ତେବେ କରେଣ୍ଟ ସାହାଯ୍ୟରେ ମାଛ ମରାରେ ବିପଦ ନାହିଁ। ଯେଉଁ ଲୋକମାନେ ମାଛ ଧରୁଛନ୍ତି ସେମାନେ ଏ ନେଇ ତାଲିମ ପାଇଛନ୍ତି। ଶୁଖିଲା ବାଉଁଶରେ ଲୁହା ରଡ୍‌ ପକାଇବା ସ୍ଥାନଠାରୁ ୫ରୁ ୬ ଫୁଟ ଦୂରରେ ରହିଲେ କରେଣ୍ଟ ମାରିବ ନାହିଁ। ଯେଉଁ କରେଣ୍ଟ ମାରିବ ତାହା କେବଳ ଜଳଚର ଜୀବଙ୍କୁ କିଛି ସମୟ ପାଇଁ ବେହୋସ କରିଦିଏ। ଅନ୍ୟଜଣେ ମାଛଧରାଳି କହିଥିଲେ ଆମେ ମାଛ ଧରିବା ପାଇଁ କେତେକ ଲୋକଙ୍କୁ ଦେଶୀମାଛ ଭେଟି ଦେଉଛୁ। କେତେଜଣ ସରକାରୀ ବାବୁ ମଧ୍ୟ ନେଉଛନ୍ତି। ଏଣୁ ଚଢ଼ାଉ ପୂର୍ବରୁ ଆମକୁ ସୂଚନା ମିଳିଯାଏ। ସ୍ଥାନୀୟ ଲୋକେ ବିରୋଧ କରନ୍ତି ନାହିଁ। ଯଦି କେଉଁଠି ବିରୋଧ ହୁଏ ତେବେ ଆମେ କିଛି ମାଛ ଦେଇ ସେମାନଙ୍କୁ ଚୁପ୍‌ କରିଦେଉ। ଆମକୁ ବିନା ମୂଲ୍ୟରେ ଦେଶୀମାଛ ମିଳେ। ପୁଣି ଦେଶୀମାଛର ଚାହିଦା ଥିବାରୁ ଭଲ ଲାଭ ମିଳେ। ଏଣୁ ଅନେକେ ଏହାକୁ ରୋଜଗାରର ମାଧ୍ୟମ କରିସାରିଥିବା ସେ କହିଥିଲେ।


Enter your email to get our daily news in your inbox.

All Right Reserved By Dharitri.Com

ବିଶ୍ୱର ସବୁଠୁ କ୍ଷୁଦ୍ର ରଥ :ନ୍ୟାଶନାଲ ବୁକ ଅଫ ରେକର୍ଡରେ ସ୍ଥାନିତ ,ଗିନିଜ ବୁକ ଅଫ ରେକର୍ଡ ଦେବ ସ୍ବତନ୍ତ୍ର ମାନ୍ୟତା

ବ୍ରହ୍ମପୁର ଅଫିସ,୪ା୭-ପୁଣି ଏକ ନୂତନ ରେକର୍ଡ ସୃଷ୍ଟି କରିଛନ୍ତି ବ୍ରହ୍ମପୁରର ଶିଳ୍ପୀ ସତ୍ୟ ମହାରଣା । ଶ୍ରୀଗୁଣ୍ଡିଚା ଯାତ୍ରା ଅବସରରେ କାଠରେ ସେ ବିଶ୍ୱର ସବୁଠୁ...

୧ରୁ ବିଧାନସଭା ମୌସୁମୀ ଅଧିବେଶନ

ଭୁବନେଶ୍ୱର,୧୭।୮(ବ୍ୟୁରୋ): ସେପ୍ଟେମ୍ବର ପହିଲାରୁ ଓଡ଼ିଶା ବିଧାନସଭାର ମୌସୁମୀ ଅଧିବେଶନ ଆରମ୍ଭ ହେବ। ଏହା ସେପ୍ଟେମ୍ବର ୯ ତାରିଖ ଯାଏ ଚାଲିବ। ଏହି ଅଧିବେଶନରେ ମୋଟ ୮ଟି କାର୍ଯ୍ୟଦିବସ...

ଯୋଗାଣ କର୍ମଚାରୀଙ୍କୁ ଅଫିସରୁ ବାହାର କରି ଧାରଣା ଦେଲା ଓକିଲ ସଂଘ

ବରଗଡ଼ ଅଫିସ,୨୩।୬: ବରଗଡ଼ ଜିଲାରେ ରବି ଧାନ ବିକ୍ରି ସମସ୍ୟା ଅସମାହିତ ହୋଇ ରହି ଯାଇଛି । ମଣ୍ଡିକୁ ବିକ୍ରି ପାଇଁ ଚାଷୀମାନେ ଧାନ ଆଣୁଥିଲେ...

ବସ୍‌ ଧକ୍କାରେ ଯୁବକଙ୍କ ମୃତ୍ୟୁ

କଟକସଦର,୨୬।୯(ଡି.ଏନ୍‌.ଏ.): କଟକ-ପାରାଦୀପ ରାସ୍ତାର କନ୍ଦରପୁର ଛକରେ ଗୁରୁବାର ମଧ୍ୟାହ୍ନରେ ଏକ ବସ୍‌ ଧକ୍କାରେ ଜଣେ ଯୁବକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ମୃତକ ଜଣକ ହେଲେ ଜଗତସିଂହପୁର...

ଗୃହରକ୍ଷୀଙ୍କ ବର୍ଦ୍ଧିତ ଦରମା ଲାଗୁ ଦାବି

ବଲାଙ୍ଗୀର ଅଫିସ,୧୮ା୧୦: ଜିଲା କେଶରୀୟା ହିନ୍ଦୁ ବାହିନୀ ପକ୍ଷରୁ ରାଜ୍ୟ ସଭାପତି ସନ୍ତୋଷ ଭୋଳଙ୍କ ନେତୃତ୍ୱରେ ନ୍ୟାୟାଳୟଙ୍କ ନିର୍ଦ୍ଦେଶ କ୍ରମେ ହୋଇଥିବା ଗୃହରକ୍ଷୀମାନଙ୍କ ବର୍ଦ୍ଧିତ ଦରମା...

ପୃଥକ ସ୍ଥାନରୁ ନାଗସାପ ଉଦ୍ଧାର

ବୁଗୁଡ଼ା,୯ା୯(ଡି.ଏନ.ଏ.)-ବୁଗୁଡ଼ା ବ୍ଲକ ଅନ୍ତର୍ଗତ ମହୁଲପଲ୍ଲୀ ଏବଂ ଭାମଶିଆଳି ଗ୍ରାମରୁ ସୋମବାର ବି.କରଡ଼ାବାଡ଼ିର ସ୍ନେକ୍‌ ହେଲପ୍‌ ଲାଇନ କର୍ମୀ ୨ଟି ନାଗସାପ ଉଦ୍ଧାର କରିଛନ୍ତି। ଭାମଶିଆଳି ଗ୍ରାମର...

ଖରାଛୁଟିକୁ ନେଇ ବଢୁଛି ଅସନ୍ତୋଷ

ଖୋର୍ଦ୍ଧା ଅଫିସ,୨୨ା୪: ଚଳିତବର୍ଷ ଜୁନ ୧ରୁ ୧୬ ପର୍ଯ୍ୟନ୍ତ ଉଚ୍ଚ ଶିକ୍ଷାନୁଷ୍ଠାନରେ ଖରାଛୁଟି ଘୋଷଣା ହୋଇଥିବା ବେଳେ ଜୁନ ୬ରୁ ୧୬ ତାରିଖ ପର୍ଯ୍ୟନ୍ତ ବିଦ୍ୟାଳୟରେ...

ବ୍ରାହ୍ମଣୀ କୂଳରେ ମେଗା ଜଳଯୋଗାଣ ପ୍ରକଳ୍ପ

ଭୁବନ, ୮।୧୧(ଡି.ଏନ୍‌.ଏ.) ଢେଙ୍କାନାଳ ଜିଲା ଭୁବନ ବ୍ଲକ ମାର୍ଥାପୁର ପଞ୍ଚାୟତ ଓଢ଼ଣା ମାଳପୁରା ଗ୍ରାମ ନିକଟରେ ବ୍ରାହ୍ମଣୀ ନଦୀ କୂଳରେ ହେବ ମେଗା ପାନୀୟ ଜଳଯୋଗାଣ ପ୍ରକଳ୍ପ।...

Advertisement
Archives

Model This Week