ବିଦ୍ୟାର୍ଥୀଙ୍କ ଉପରେ ବସ୍ତାନି ବୋଝ
8:26 amJuly 16, 2023 / 08

କୋରାପୁଟ,୧୬।୭(ଅମିତାଭ ବେହେରା)ବିଦ୍ୟାର୍ଥୀଙ୍କ କାନ୍ଧରେ ବସ୍ତାନି ବୋଝକୁ ଲାଘବ କରିବା ପାଇଁ କୋରାପୁଟସ୍ଥିତ କେନ୍ଦ୍ରୀୟ ବିଦ୍ୟାଳୟ ପକ୍ଷରୁ ଛାତ୍ରୀଛାତ୍ରଙ୍କୁ ସଚେତନ କରାଯାଇଛି। ଶନିବାର ଏନେଇ ବିଦ୍ୟାଳୟ ପରିସରରେ ଏକ ସଚେତନତା ବୈଠକ ଅନୁଷ୍ଠିତ ହୋଇଛି। ଆଗାମୀ ଦିନରେ ବିଦ୍ୟାଳୟରେ ପତଳା ସ୍କୁଲ ବ୍ୟାଗ ସମ୍ପର୍କରେ ସର୍ଭେ କରାଯିବ। କେଉଁ ଶ୍ରେଣୀର ଛାତ୍ରୀଛାତ୍ର କେତେ ଓଜନର ବ୍ୟାଗ ନେଇ ସ୍କୁଲ ଆସୁଛନ୍ତି ଯାଞ୍ଚ କରାଯିବ ବୋଲି କେନ୍ଦ୍ରୀୟ ବିଦ୍ୟାଳୟ କର୍ତ୍ତୃପକ୍ଷ କହିଛନ୍ତି। ସରକାର କେଉଁ ଶ୍ରେଣୀର ପିଲାମାନେ କେତେ ଓଜନର ବ୍ୟାଗ ନେଇ ସ୍କୁଲ ଯିବେ ସେ ସମ୍ପର୍କରେ ନିୟମ ରହିଥିବାବେଳେ ଏହା ବିଦ୍ୟାଳୟଗୁଡିକରେ ସଠିକ କାର୍ଯ୍ୟକାରୀ ହେଉନାହଁି ା ନିୟମ ସତ୍ୱେ ପିଲାଙ୍କ ବ୍ୟାଗ ବୋଝ କମୁନାହଁି। ଯାହାଦ୍ୱାରା ପିଲାଙ୍କ ଉପରେ ଅଧିକ ଶାରୀରିକ ବୋଝ ପଡୁଛି। ଏ ଦିଗରେ ଅଭିଭାବକମାନଙ୍କୁ ସଚେତନ କରିବା ଉଦ୍ଦେଶ୍ୟରେ କେନ୍ଦ୍ରୀୟ ବିଦ୍ୟାଳୟରେ ଏକ ସଚେତନ ଶିବିର କରାଯାଇଥିଲା। କେନ୍ଦ୍ରୀୟ ବିଦ୍ୟାଳୟ ଅଧ୍ୟକ୍ଷ ଅରବିନ୍ଦ ବିଶ୍ୱାଳ ଏଥିରେ ସଭାପତିତ୍ୱ କରିଥିଲେ। ଆଲୋଚନା ବେଳେ ଉପସ୍ଥିତ ଅନେକ ଶିକ୍ଷକ ପିଲାଙ୍କ ବ୍ୟାଗର ଓଜନ ବଢିବା ପଛରେ ବଜାରରେ ମିଳୁଥିବା ବିଭିନ୍ନ ଫ୍ୟାନ୍‌ସି ଉପକରଣ ଦାୟୀ ବୋଲି କହିଥିଲେ। ଅଭିଭାବକମାନେ ପିଲାଙ୍କ ବ୍ୟାଗରେ ଖାଦ୍ୟର ପରିମାଣ ତୁଳନାରେ ବଡ ଟିଫିନ ବାକ୍ସ ଦେବା, ଓଜନିଆ ପାଣି ବ୍ୟାଗ ଦେଉଥିବାରୁ ବ୍ୟାଗଟି ଅଧିକ ଓଜନ ହୋଇ ପିଲାଙ୍କ ସ୍ବାସ୍ଥ୍ୟ ଉପରେ ପ୍ରଭାବ ପକାଏ। ଏହାଦ୍ୱାରା ପିଲାଙ୍କ ମେରୁଦଣ୍ଡ ଉପରେ ଅଧିକ ଚାପ ପଡେ। ସେମାନଙ୍କ ମାନସିକ ଓ ଶାରୀରିକ ବିକାଶରେ ବାଧା ଉପୁଜିଥାଏ ବୋଲି ଆଲୋଚନା ବେଳେ ମତ ପ୍ରକାଶ ପାଇଥିଲା। ଆବଶ୍ୟକ ନ ଥିବା ଜିନିଷକୁ ବ୍ୟାଗରେ ନ ରଖିବା, ବେଶୀ ଓଜନର ପାଣି ବୋତଲ ନ ରଖିବା, ମୋଟା ବହିକୁ ସେମିଷ୍ଟର ହିସାବରେ ଭାଗ କରିଦେବା ଲାଗି ଅଭିଭାବକମାନଙ୍କୁ ଅବଗତ କରାଯାଇଥିଲା। କାର୍ଯ୍ୟକ୍ରମରେ ତାଲିମଦାତା ଭାବେ ଶିକ୍ଷକ ତରୁଣ ଦାସ ଉପସ୍ଥିତ ଥିଲେ।