କଲମ୍ବୋ,୨।୮- ଶ୍ରୀଲଙ୍କା ବ୍ୟାଟ୍ସମ୍ୟାନ କୁଶାଲ ମେଣ୍ଡିସ ଆର. ପ୍ରେମଦାସ ଷ୍ଟାଡିୟମ୍ରେ ଏକ ଦୁର୍ଘଟଣାର ଶିକାର ହୋଇଛନ୍ତି। ଏଠାରେ ଅନୁଷ୍ଠିତ ବାଂଲାଦେଶ ବିପକ୍ଷ ୩ୟ ମ୍ୟାଚ୍ ଜିତିବା ସହ ଦିନିକିଆ ସିରିଜ୍କୁ ୩-୦ରେ କ୍ଲିନ ସୁଇପ କରିବା ପରେ ବିଜେତା ଶ୍ରୀଲଙ୍କା ଦଳକୁ ଏକ ବାଇକ୍ ଦିଆଯାଇଥିଲା। ମେଣ୍ଡିସ ଉଲ୍ଲସିତ ହୋଇ ପଡ଼ିଆରେ ଉକ୍ତ ବାଇକ୍ ଚଲାଇଥିଲେ। ମାତ୍ର ସେ ଟର୍ନ ନେବାକୁ ଉଦ୍ୟମ କରୁଥିବାବେଳେ ନିୟନ୍ତ୍ରଣ ହରାଇଥିଲେ। ଫଳରେ ବାଇକ୍ ସ୍କିଡ୍ କରିଯାଇଥିଲା। ଏଥିରେ ତାଙ୍କର ସାଥୀ ଖେଳାଳି ମଧ୍ୟ ଆହତ ହୋଇଛନ୍ତି। ଏ ଘଟଣାର ଭିଡିଓ ଟୁଇଟରରେ ଶେୟାର କରାଯାଇଛି। ଷ୍ଟାଡିୟମରେ ଥିବା ଉପସ୍ଥିତ ସୁରକ୍ଷାକର୍ମୀ ଓ ଗ୍ରାଉଣ୍ଡସମ୍ୟାନ ସେମାନଙ୍କୁ ଉଠାଇଥିଲେ।
