ମୁମ୍ବାଇ: ଦେଶର ପ୍ରମୁଖ ପର୍ବ ମଧ୍ୟରେ ଆଲୋକର ପର୍ବ ଦୀପାବଳି ଅନ୍ୟତମ। ଅଧର୍ମ ଉପରେ ଧର୍ମର ଜୟ ଓ ଅସତ୍ୟ ଉପରେ ସତ୍ୟର ଜୟକୁ ଦୀପାବଳି ଭାବେ ପାଳନ କରାଯାଏ। ଏଥିପାଇଁ ଗଁ।ରୁ ସହର ସବୁ ଉତ୍ସବମୁଖର ହୋଇଉଠେ। ଘରେ ଘରେ ଏବେଠାରୁ ସେଲିବ୍ରେଶନ୍ ପ୍ରସ୍ତୁତି ଆରମ୍ଭ ହୋଇଗଲାଣି। ତେବେ ପ୍ରତି ବର୍ଷ ବଲିଉଡ୍ରେ ବହୁ ଆଡମ୍ବରରେ ଦୀପାବଳି ପାଳନ କରାଯାଇଥାଏ। ତେଣୁ ଚଳିତ ଥର ମଧ୍ୟ କିଛି ଏଭଳି ଦେଖିବାକୁ ମିଳିବ। ଦୀପାବଳି ଅବସରରେ ବଲିଉଡ୍ ସେଲିବ୍ରିଟି ଅମିତାଭ ବଚ୍ଚନ, ଅନିଲ କପୁର, ସଲମାନ ଖାନ୍ ଓ ଶିଳ୍ପା ସେଟ୍ଟୀଙ୍କ ଘରେ ବହୁ ଆଡମ୍ବରରେ ଏହି ଉତ୍ସବ ପାଳନ କରାଯିବ।
ଅମିତାଭ ବଚ୍ଚନ: ହୋଲି ହେଉ କି ଦୀପାବଳି ବିଗ୍ ବିଙ୍କ ଘରେ ବହୁ ଧୁମ୍ଧାମ୍ରେ ପାଳନ କରାଯାଏ। କିଛିଦିନ ତଳେ ଅମିତାଭ ରେଗୁଲାର ଚେକ୍ଅପ୍ ପରେ ହସ୍ପିଟାଲରୁ ଫେରିଛନ୍ତି। ହେଲେ ଚଳିତ ଥର ଗ୍ରାଣ୍ଡଓ୍ବେରେ ସେ ଦୀପାବଳି ସେଲିବ୍ରେଶନ କରିବେ ବୋଲି ଶୁଣିବାକୁ ମିଳିଛି। ସେ ତାଙ୍କ ଘରେ ଏକ ବଡ଼ ପାର୍ଟିର ଆୟୋଜନ କରୁଥିବା ବେଳେ ଏଥିରେ ବଡ଼ ବଡ଼ ଷ୍ଟାର ସାମିଲ ହେବେ।
ସଲମାନ ଖାନ୍: ବଲିଉଡ୍ର ଦବଙ୍ଗ ଖାନ୍ ଇଦ୍ରୁ ଆରମ୍ଭ କରି ଦୀପାବଳି ପର୍ଯ୍ୟନ୍ତ ସମସ୍ତ ପର୍ବକୁ ବହୁ ଆଡ଼ମ୍ବର ସହକାରେ ପାଳନ କରିଥାନ୍ତି। ତେବେ ଚଳିତ ଥର ତାଙ୍କ ଭଉଣୀ ଅର୍ପିତା ଖାନ୍ଙ୍କ ଘରେ ଦୀପାବଳି ସେଲିବ୍ରେସନ ରଖାଯାଇଛି। ଏହି ଅବସରରେ ସଲମାନଙ୍କ ସହ ବଲିଉଡ୍ର କେତେକ ସେଲିବ୍ରିଟି ମଧ୍ୟ ସାମିଲ ହେବେ।
ଅନିଲ କପୁର: ବଲିଉଡ୍ ସୁପରଷ୍ଟାର ଅନିଲ କପୁର ଓ ପରିବାର ତାଙ୍କ ଘରେ ବଡ଼ ସେଲିବ୍ରେଶନର ଆୟୋଜନ କରିଛନ୍ତି। ଏହି ଅବସରରେ ସଞ୍ଜୟ କପୁର ଓ ବୋନି କପୁରଙ୍କ ପରିବାର ସହ ଅନ୍ୟ ସେଲିବ୍ରିଟି ମଧ୍ୟ ଯୋଗ ଦେବେ।
ଶିଳ୍ପା ସେଟ୍ଟୀ: ବଲିଉଡ୍ରେ ଫିଟନେସ୍ ପାଇଁ ଜଣାଶୁଣା ଅଭିନେତ୍ରୀ ଶିଳ୍ପା ସେଟ୍ଟୀ ଚଳିତ ଥର ତାଙ୍କ ଘରେ ଗ୍ରାଣ୍ଡଓ୍ବେରେ ଦୀପାବଳି ମନାଇବେ। ପ୍ରଥମେ ଲକ୍ଷ୍ମୀପୂଜା ପରେ ଘରେ ପାର୍ଟିର ଆୟୋଜନ ହେବ ବୋଲି ଜଣାପଡ଼ିଛି।
