ଓ୍ବାଶିଂଟନ,୭।୪(ଏପି)- ଫୁଟବଲ ହଲ୍ ଅଫ୍ ଫେମ୍ର ବବି ମିଚେଲ ୮୪ ବର୍ଷ ବୟସରେ ମୃତ୍ୟୁବରଣ କରିଛନ୍ତି। ୧୯୮୩ରେ ସେ ପ୍ରୋ ଫୁଟବଲ ହଲ୍ ଅଫ୍ ଫେମ୍ରେ ସାମିଲ ହୋଇଥିଲେ। ଫୁଟବଲ ଜଣେ ମହାନ ଖେଳାଳିଙ୍କୁ ହରାଇଲା ବୋଲି ହଲ୍ ଅଫ୍ ଫେମ୍ ଅଧ୍ୟକ୍ଷ ତଥା ମୁଖ୍ୟ କାର୍ଯ୍ୟନିର୍ବାହୀ ଡେଭିଡ ବେକର କହିଛନ୍ତି। ସେ ଓ୍ବାଶିଂଟନ ରେଡକିନ୍ସର ପ୍ରଥମ ବ୍ୟାକ୍ ଖେଳାଳିଥିଲେ। ରେଡକିନ୍ସକୁ ବାଦ୍ ଦେଲେ ସେ କ୍ଲେଭେଲାଣ୍ଟ ବ୍ରାଉନ୍ସ ତରଫରୁ ମଧ୍ୟ ଖେଳି ଜାରି ରଖିଥିଲେ। ସେ ଜଣେ ଅବିଶ୍ୱସନୀୟ ପ୍ରତିଭାସମ୍ପନ୍ନ ଖେଳାଳି ଥିଲେ ବୋଲି ବେକର କହିଛନ୍ତି। ମିଚେଲ କ୍ଲେଭଲାଣ୍ଡ ବ୍ରାଉନ୍ସ ତରଫରୁ ୧୯୫୮ରୁ ୧୯୬୧ ପର୍ଯ୍ୟନ୍ତ ଖେଳିଥିଲେ। ଏହାପରେ ସେ ୧୯୬୨ରେ ରେଡକିନ୍ସରେ ଯୋଗ ଦେଇଥିଲେ। ଏହାପରେ ସେ ରେଡକିନ୍ସ ସହ ୩୦ରୁ ଊର୍ଦ୍ଧ୍ୱ ବର୍ଷ ଧରି ସାମିଲ ରହିଥିଲେ। ଅବସର ନେବା ପରେ ମିଚେଲ ସମାଜ ମଙ୍ଗଳ କାର୍ଯ୍ୟରେ ନିଜକୁ ଉତ୍ସର୍ଗ କରିଥିଲେ। ହାଇସ୍କୁଲ୍ରେ ପଢିବା ବେଳେ ସେ ବେସ୍ ବେଲ ଖେଳିବା ଉପରେ ମନୋନିବେଶ କରିଥିଲେ।
