ପ୍ରକୃତ ରୂପକୁ ଫେରୁଛି ପ୍ରକୃତି

ନୂଆଦିଲ୍ଲୀ: କୋଭିଡ୍‌-୧୯କୁ ନେଇ ସୃଷ୍ଟି ହୋଇଛି ହାହାକାର ପରିସ୍ଥିତି। ଏହାକୁ ନେଇ ଅବ୍ୟବସ୍ଥିତ ହୋଇପଡ଼ିଛି ସାରା ବିଶ୍ୱ। ସଂକ୍ରମଣ ରୋକିବାକୁ ଭାରତ ଏବେ ୨୧ଦିନିଆ ଲକ୍‌ଡାଉନ୍‌ରେ। ଇତିହାସରେ ପ୍ରଥମ ଥର ପାଇଁ ଏପରି କଟକଣା ଲାଗୁ କରାଯାଇଛି। ଫଳରେ ଏବେ ଅଟକି ଯାଇଛି ସାରା ଦେଶ। ହେଲେ କରୋନା ପ୍ରକୃତି ପାଇଁ ବରଦାନ ସାଜିଛି । ମନୁଷ୍ୟର ଅତ୍ୟଧିକ ହସ୍ତକ୍ଷେପ ପରେ ବିପର୍ଯ୍ୟସ୍ତ ହୋଇପଡ଼ିଥିବା ପ୍ରକୃତି ନିଜକୁ ପୁଣି ଥରେ ସଜାଡ଼ିବା ଆରମ୍ଭ କରିଛି। ବାୟୁରେ କମିଗଲାଣି ପ୍ରଦୂଷଣ। ପ୍ରଦୂଷିତ ନଦୀ ଜଳରେ ଫେରିଲାଣି ସ୍ବଚ୍ଛତା। କରୋନା ପ୍ରଭାବରେ ହୋଇଥିବା ବନ୍ଦ ମଣିଷଙ୍କ ପାଇଁ ବିଷମ ପରିସ୍ଥିତି ସୃଷ୍ଟି କରିଥିବାବେଳେ ପ୍ରକୃତି କିନ୍ତୁ ନିଜ ରୂପକୁ ଫେରିବା ଆରମ୍ଭ କରିଛି।
ମାର୍ଚ୍ଚ ୨୪ରୁ ଦେଶରେ ଲାଗୁ ହୋଇଛି ଲକ୍‌ଡାଉନ। ଦେଶର ୧୩୦କୋଟି ଜନସାଧାରଣଙ୍କ ଜୀବନ ଘରର ଚାରିକାନ୍ଥ ଭିତରେ ସୀମିତ ହୋଇଯାଇଛି। କଳକାରଖାନା, ଦୋକାନବଜାର ସବୁ କିଛି ବନ୍ଦ ଅଛି। ଏହାର ପ୍ରଭାବରେ ଭାରତର ବୃହତ୍ତମ ନଦୀ ଗଙ୍ଗା ସ୍ବଚ୍ଛ ହେଉଛି। ବାରଣାସୀରେ ଅବିରାମ ଗତିରେ ପ୍ରବାହିତ ଗଙ୍ଗାର ନର୍ମଳ ଧାରା ପାଲଟିଛି ଏହାର ମୂକସାକ୍ଷୀ। ଯେଉଁ ନଦୀଗୁଡ଼ିକୁ ପ୍ରଦୂଷଣମୁକ୍ତ କରିବା ଲାଗି ସରକାର କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ତାହାକୁ ସଫଳ କରୁଛି ଲକ୍‌ଡାଉନ୍‌।
କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି)ର ତଥ୍ୟ ଅନୁଯାୟୀ, ଗଙ୍ଗାନଦୀ କୂଳରେ ଗଢ଼ି ଉଠିଥିବା କମ୍ପାନୀର ବର୍ଜ୍ୟଜଳ ଏହାର ପାଣିକୁ ପ୍ରଦୂଷିତ କରୁଛି। ନଦୀର ପ୍ରଦୂଷଣ ମାତ୍ରା ଏତେ ବଢ଼ିଯାଇଥିଲା ଯେ, ତାହା ବ୍ୟବହାର ଅନୁପଯୋଗୀ ବୋଲି ବିଚାର କରାଯାଉଥିଲା। ହେଲେ ନିକଟରେ କରାଯାଇଥିବା ପରୀକ୍ଷଣରୁ ଗଙ୍ଗାନଦୀରେ ଚିହ୍ନଟ କରାଯାଇଥିବା ୩୬ସ୍ଥାନ ମଧ୍ୟରୁ ୨୭ଟିରେ ପାଣିର ଗୁଣବତ୍ତା ପୂର୍ବାପେକ୍ଷା ଯଥେଷ୍ଟ ପରିମାଣରରେ ବୃଦ୍ଧି ପାଇଛି। ଏସବୁ ସ୍ଥାନରେ ଜଳଚଳଜୀବଙ୍କ ଉପସ୍ଥିତ ମଧ୍ୟ ଦେଖିବାକୁ ମିଳିଛି, ଯାହା ମତ୍ସ୍ୟଚାଷ ପାଇଁ ଅନୁକୂଳ ସାବ୍ୟସ୍ତ ହେବ। ସାଧାରଣତଃ ଏପ୍ରିଲ ମାସରେ ଗଙ୍ଗାନଦୀର ଜଳସ୍ତର ହ୍ରାସ ପାଇଥାଏ। ଏହାର ସ୍ରୋତ ଅକ୍ଷେପାକୃତ କମିଯାଇଥାଏ। ହେଲେ ଲକ୍‌ଡାଉନ୍‌ ଯୋଗୁ ଏହାର ଜଳସ୍ତର ବୃଦ୍ଧି ପାଉଥିବା ଜଣାପଡ଼ିଛି। କେବଳ ଗଙ୍ଗାନୁହେଁ ଅନ୍ୟତମ ବୃହତମ ନଦୀ ଯମୁନାରେ ମଧ୍ୟ ସମାନ କଥା ଦେଖିବାକୁ ମିଳିଛି। ପୂର୍ବରୁ ମାତ୍ରାଧିକ ପ୍ରଦୂଷଣ ଯୋଗୁ ନଦୀ ଜଳରେ ଧଳାଫେଣ ସୃଷ୍ଟି ହେଉଥିଲା। ଏହା ପିଇବା ତ ଦୂରର କଥା ସ୍ନାନ କରିବାକୁ ମଧ୍ୟ ଅନୁପଯୋଗୀ ବୋଲି ବିଚାର କରାଯାଉଥିଲା। କରୋନା ପାଇଁ ହୋଇଥିଲା ଲକ୍‌ଡାଉନ ପରେ ଏଥିରେ ସୁଧାର ଆସିଥିବା ସିପିସିବି ପକ୍ଷରୁ କୁହାଯାଇଛି।
କେବଳ ଏତିକି ନୁହେଁ, ଦିଲ୍ଲୀ-ଏନ୍‌ସିଆରବାସୀଙ୍କ ପାଇଁ ଶୁଦ୍ଧବାୟୁ ସ୍ବପ୍ନ ପାଲଟିଥିଲା। ହେଲେ ଏବେ ବାୟୁରେ ଶୁଦ୍ଧତା ବଢ଼ିଛି। ଏଠାକାର ବାୟୁର ଗୁଣବତ୍ତା ଅନ୍ତର୍ଜାତୀୟ ଇଣ୍ଡେକ୍ସ ଭିତରକୁ ଆସିଛି, ଯାହା ଆଗାମୀ ଭବିଷ୍ୟତ ପାଇଁ ଶୁଭସଙ୍କେତ। ସେହିପରି ପଞ୍ଜାବର ଜଳନ୍ଧର ଆକାଶରେ ସ୍ବଚ୍ଛତା ଆସିଛି। ଜଳନ୍ଧରରୁ ବରଫାବୃତ୍ତ ହିମାଳୟ ପର୍ବତର ଅପରୂପ ସୌନ୍ଦର୍ଯ୍ୟ ଦେଖିବାକୁ ମିଳିଛି। ଏହାକୁ ସୋସିଆଲ ମିଡିଆ ୟୁଜରମାନେ ବହୁସଂଖ୍ୟାରେ ପସନ୍ଦ କରୁଛନ୍ତି।


Enter your email to get our daily news in your inbox.

All Right Reserved By Dharitri.Com

ଚଳନ୍ତା ଟ୍ରେନ୍‌ରେ ୪ ମାସର ଶିଶୁ ପାଇଁ କ୍ଷୀର ପହଞ୍ଚାଇଲେ ଆର୍‌ପିଏଫ୍‌ ଯବାନ

ନୂଆଦିଲ୍ଲୀ,୫।୬: ଚଳନ୍ତା ଟ୍ରେନ୍‌ରେ ୪ ମାସର ଶିଶୁ ପାଇଁ କ୍ଷୀର ଆଣି ଦେଇଥିବା ଜଣେ ଆର୍‌ପିଏଫ୍‌ ଯବାନଙ୍କର ସବୁଠି ପ୍ରଶଂସା କରାଯାଉଛି। ସୋସିଆଲ ମିଡିଆରେ ତାଙ୍କର...

ବେରୋଜଗାର, ମଦ ଉପରେ ହେବ ବିତର୍କ

ନୂଆଦିଲ୍ଲୀ,୧୯।୧୨: ପଞ୍ଜାବ କଂଗ୍ରେସ ମୁଖ୍ୟ ନବଜୋତ ସିଂ ସିଦ୍ଧୁ ମଦ, ଖଣି ଓ ରାଜ୍ୟରେ ନିଯୁକ୍ତି ଉପରେ ବିତର୍କ ଲାଗି ଦେଇଥିବା ଚ୍ୟାଲେଞ୍ଜକୁ ଗ୍ରହଣ କରିଛନ୍ତି...

ମାସ୍କ ପିନ୍ଧି ନ ଥିବାରୁ ଝିଅ ଆଗରେ ମା’ ଉପରେ ଅକଥନିୟ ନିର୍ଯାତନା

ଭୋପାଳ,୧୯।୫: ଝିଅ ଆଗରେ ଜଣେ ମହିଳାଙ୍କୁ ରାସ୍ତା ଉପରେ ଘୋଷାଡ଼ି ଘୋଷାଡ଼ି କିଛି ପୋଲିସ କର୍ମୀ ଗୋଇଠା, ବିଧା ମାରିଥିଲେ। କାରଣ ମହିଳା ଜଣଙ୍କ ପିନ୍ଧି...

ଦରବୃଦ୍ଧି, ବେରୋଜଗାରକୁ ନେଇ ମୋଦି ସରକାରଙ୍କୁ ଟାର୍ଗେଟ କଲେ ପ୍ରିୟଙ୍କା

ନୂଆଦିଲ୍ଲୀ,୧୪।୧: ନାଗରିକତ୍ୱ ସଂଶୋଧନ ଆଇନ(ସିଏଏ) ଓ ଦରବୃଦ୍ଧିକୁ ନେଇ ବାରମ୍ବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାରଙ୍କୁ ଟାର୍ଗେଟ କରୁଛି କଂଗ୍ରେସ। ଏପଟେ ଖାଦ୍ୟ ପଦାର୍ଥ ଓ...

ଦୀର୍ଘ ୪ ଘଣ୍ଟା ପରେ ଏନ୍‌ସିବି କାର୍ଯ୍ୟାଳୟରୁ ବାହାରିଲେ ଅନନ୍ୟା

ମୁମ୍ବାଇ,୨୨ ।୧୦: ଡ୍ରଗ୍ସ ମାମଲାରେ ପଚରା ଉଚରା ପାଇଁ ବଲିଉଡ୍ ଅଭିନେତ୍ରୀ ଅନନ୍ୟା ପାଣ୍ଡେ ଶୁକ୍ରବାର ଏନ୍‌ସିବି କାର୍ଯ୍ୟାଳୟରେ ପହଞ୍ଚିଥିଲେ । ପାଖାପାଖି ୨ଟା ୩୦...

କରୋନା ଭୟ: ସ୍ବତନ୍ତ୍ର ଜେଟ୍‌, ବଙ୍କର ବୁକ୍‌ କରୁଛନ୍ତି ଧନୀ ଶ୍ରେଣୀର ଲୋକେ

ନ୍ୟୁୟର୍କ,୧୩ା୩: କରୋନା ଭାଇରସ୍‌ ମହାମାରୀ ୧୨୦ ଦେଶରେ ଆତଙ୍କ ଖେଳାଇ ଚାଲିଛି। ଏହାର ପ୍ରଭାବ ସମଗ୍ର ବିଶ୍ୱବାସୀଙ୍କ ଉପରେ ପଡ଼ିଛି। ଏହି ସଂକଟଜନକ ସ୍ଥିତିରେ ଆମେରିକା,...

ଗୁଜରାଟରେ କଂଗ୍ରେସକୁ ବଡ଼ ଝଟ୍‌କା: ଆଉ ଜଣେ ବିଧାୟକ ଦେଲେ ଇସ୍ତଫା

ଗାନ୍ଧୀନଗର,୧୬।୩: ରାଜ୍ୟ ସଭା ନିର୍ବାଚନ ପୂର୍ବରୁ କଂଗ୍ରେସକୁ ଏକ ବଡ଼ ଝଟ୍‌କା ଲାଗିଛି। ଗୁଜରାଟ କଂଗ୍ରେସର ଆଉ ଜଣେ ବିଧାୟକ ଇସ୍ତଫା ଦେଇଥିବା ଜଣାପଡ଼ିଛି। ଏହାସହିତ...

ଭବାନୀପାଟଣା ମ୍ୟାରେଜ ପ୍ୟାଲେସରେ ଚଢ଼ାଉ ପରେ ସିଲ୍‌ : ମାଲିକ ଅଟକ

ଭବାନୀପାଟଣା,୨୧।୩(ଡି.ଏନ୍‌.ଏ.): କରୋନା ମୁକାବିଲା ଗାଇଡଲାଇନ ଅନୁସାରେ କଳାହାଣ୍ଡି ଜିଲା ଭବାନୀପାଟଣା ସହର ମ୍ୟାରେଜ ପ୍ୟାଲେସରେ ପୋଲିସ ଚଢ଼ାଉ କରିଛି। ମ୍ୟାରେଜ ପ୍ୟାଲେସ ମାଲିକ ପ୍ରକାଶ ଅଗ୍ରଓ୍ବାଲଙ୍କୁ...

Advertisement
Archives

Model This Week