ପେଣ୍ଟିଂ ଆର୍ଟିଷ୍ଟଙ୍କ ଜୀବନ ଦୁର୍ବିଷହ: ଫ୍ଲେକ୍ସ, ଷ୍ଟିକର ଲଗାଇ ଅନୁଦାନ ହଡ଼ପ ଉଦ୍ୟମ

ନୟାଗଡ଼ ଅଫିସ,୧୧ା୨: ସହରର ସୌନ୍ଦର୍ଯ୍ୟକରଣ ଓ ଜନସାଧାରଣଙ୍କୁ ସଚେତନ କରିବା ପାଇଁ ପ୍ରାଚୀରରେ ବିଜ୍ଞାପନ ଲେଖାଯାଉଛି। ଏଥିଲାଗି ସରକାରଙ୍କ ପକ୍ଷରୁ କୋଟି କୋଟି ଟଙ୍କାର ଅନୁଦାନ ଆସୁଛି। ହେଲେ ଏହାର ସୁଫଳ ନୟାଗଡ଼ ଜିଲାର ପେଣ୍ଟିଂ ଆର୍ଟିଷ୍ଟଙ୍କ ପାଖରେ ଅପହଞ୍ଚ ହୋଇ ରହୁଛି। ପେଣ୍ଟିଂ ପାଇଁ ନୟାଗଡ଼ ଜିଲାକୁ ଆସିଥିବା ୯୨ ଲକ୍ଷ ଟଙ୍କା ଅନୁଦାନକୁ ଫ୍ଲେକ୍ସ ଓ ଷ୍ଟିକର ଲଗାଇ ହଡ଼ପ କରାଯିବାକୁ ଉଦ୍ୟମ କରାଯାଇଥିବା ମୁଖ୍ୟମନ୍ତ୍ରୀଙ୍କ ନିକଟରେ ଅଭିଯୋଗ ହୋଇଛି। ଏହାସହ ଶ୍ରମମନ୍ତ୍ରୀ ଓ ଶ୍ରମ କମିଶନରଙ୍କୁ ମଧ୍ୟ ଏ ନେଇ ସ୍ମାରକପତ୍ର ପ୍ରଦାନ କରାଯାଇଛି। ଅନ୍ୟପକ୍ଷେ ଏଥିରେ ସମ୍ପୃକ୍ତ ଠିକାଦାରଙ୍କ ଉପରେ କାର୍ଯ୍ୟାନୁଷ୍ଠାନ ନିମିତ୍ତ ପ୍ରଶାସନିକ ସ୍ତରରେ ପଦକ୍ଷେପ ନାହିଁ। ଫଳରେ ପେଣ୍ଟିଂ ଆର୍ଟିଷ୍ଟଙ୍କ ଜୀବନ ଦିନକୁ ଦିନ ଦୁର୍ବିଷହ ହୋଇପଡୁଛି।
ରଙ୍ଗ ଓ ତୂଳି ଧରି ଜିଲାର କଳାକାରମାନେ ପାରମ୍ପରିକ ପଦ୍ଧତିରେ ବିବାହ, ବ୍ରତୋପନୟନର ଚିତା ଆଙ୍କିବାଠାରୁ ଆରମ୍ଭ କରି ସାଇନ୍‌ବୋର୍ଡ, ବ୍ୟାନର, ସରକାରୀ ସଂସ୍ଥାର ବିଜ୍ଞାପନ କାନ୍ଥରେ ଲେଖି ଗୁଜୁରାଣ ମେଣ୍ଟାଇ ଆସୁଛନ୍ତି। ତେବେ ନୂଆ ଟେକ୍ନୋଲୋଜିର ପ୍ରସାର ଏମାନଙ୍କ ଜୀବନଜିବୀକା ଉପରେ ପ୍ରଭାବ ପକାଇଛି। ପେଣ୍ଟିଂ ସ୍ଥାନରେ ଫ୍ଲେକ୍ସ ଓ ଷ୍ଟିକର ଲଗାଇ ସ୍ବଳ୍ପ ସମୟରେ କାମ କରାଯାଉଛି। ଏହି କାରଣରୁ କିଛି କଳାକାର ସମୟ ସହ ତାଳ ଦେଇ ଚାଲି ନ ପାରି ଜୀବିକା ଛାଡି ଦାଦନ ପଳାଇ ଯାଇଛନ୍ତି। ଆଉ କିଛି କଳାକାର ଯୁଗ ସହ ତାଳ ଦେଇ ସେମାନଙ୍କ କାମକୁ ଆଧୁନିକକରଣ କରିଛନ୍ତି। ରୋଜଗାର କମିଯାଇଥିଲେ ମଧ୍ୟ ସେମାନେ ଭାଙ୍ଗିପଡି ନାହାନ୍ତି। ହେଲେ ଠିକ୍‌ ମଜୁରି ବ୍ୟବସ୍ଥା ଓ ଶ୍ରମ ଆଇନ ଏମାନଙ୍କ ପାଇଁ ଲାଗୁ କରାଯାଇ ନାହିଁ। ଏ ନେଇ କଳାକାର ସନ୍ତୋଷ ପ୍ରଧାନ କୁହନ୍ତି, ପରିମଳ ସ୍ବଚ୍ଛତା ବାର୍ତ୍ତା ପାଇଁ କାନ୍ଥ ଲିଖନ ଉଦ୍ଦେଶ୍ୟରେ କେନ୍ଦ୍ର ସରକାରଙ୍କ ପକ୍ଷରୁ ଦେଢ଼କୋଟି ଟଙ୍କାର ଅନୁଦାନ ମିଳିଛି। କାନ୍ଥ ଲିଖନ ପାଇଁ ୯୨ ଲକ୍ଷ ଟଙ୍କାର ଟେଣ୍ଡର ହୋଇଛି। ହେଲେ ଠିକାଦାର ଓ ଅଫିସରଙ୍କ ମଧୁଚନ୍ଦ୍ରିକାରେ କାନ୍ଥ ଲିଖନ ବଦଳରେ ଫ୍ଲେକ୍ସ ଓ ଷ୍ଟିକର ଲଗାଇ ଅନୁଦାନ ହଡପ ପାଇଁ ଉଦ୍ୟମ ଚାଲିଛି, ଯାହାର ସ୍ଥାୟିତ୍ୱ ନାହିଁ। ପୁଣି ପରିବେଶ ଉପରେ ଏହା ଖରାପ ପ୍ରଭାବ ପକାଇବ। ଏହି ଅନିୟମିତତାର ତଦନ୍ତ କରାଯିବା ଦରକାର ବୋଲି ସେ କହିଛନ୍ତି। ଏ ସମ୍ପର୍କରେ ଅତିରିକ୍ତ ଜିଲାପାଳ ବିଧାନ ଚନ୍ଦ୍ର ରାୟଙ୍କୁ ପଚାରିବାରୁ ସେ କହିଥିଲେ, କଳାକାର ସଂଘର ସୁବିଧା, ଅସୁବିଧା ସମ୍ପର୍କରେ ଜିଲାପାଳଙ୍କ ସହ ଆଲୋଚନା କରାଯିବ। ସ୍ମାରକପତ୍ର ମଧ୍ୟ ଦିଆଯିବ। ଏହାଛଡା ଟେଣ୍ଡର ଜାଲିଆତି ଅଭିଯୋଗର ତଦନ୍ତ କରାଯାଇ ପଦକ୍ଷେପ ନିଆଯିବ।
ଜୀବନଜୀବିକା ପାଇଁ ବିକ୍ଷୋଭ
ଜୀବନଜୀବିକାକୁ ବଞ୍ଚାଇ ରଖିବା ଓ ସୁରକ୍ଷା ଉଦ୍ଦେଶ୍ୟରେ ଜିଲାର କଳାକାରମାନେ ସୋମବାର ବିକ୍ଷୋଭ ପ୍ରଦର୍ଶନ କରିଥିଲେ। ଏ ଅବସରରେ ସେମାନେ ସିନ୍ଦୂରିଆଠାରୁ ଶୋଭାଯାତ୍ରାରେ ବାହାରି ନୟାଗଡ ସହର ପରିକ୍ରମା କରିଥିଲେ। ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ ସଭା କରି ସେମାନଙ୍କ ଅଭାବ, ଅସୁବିଧା ଓ ସେମାନଙ୍କ କାମରେ ହୋଇଥିବା କୋଟି କୋଟି ଟଙ୍କାର ଅନିୟମିତତା ଉପରେ ଟିପ୍ପଣୀ ଦେଇଥିଲେ। ପରେ ଜିଲାପାଳଙ୍କ ଉଦ୍ଦେଶ୍ୟରେ ଅତିରିକ୍ତ ଜିଲାପାଳଙ୍କୁ ସ୍ମାରକପତ୍ର ପ୍ରଦାନ କରିଥିଲେ। ରଙ୍ଗତୂଳୀ କଳାକାରଙ୍କୁ ଶ୍ରମିକ ସୂଚିରେ ସାମିଲ କରି ପରିଚୟପତ୍ର ପ୍ରଦାନ, ସାମାଜିକ ସୁରକ୍ଷା, ବର୍ଷସାରା କାମ ସହ ସମ୍ମାନଜନକ ଓ ଉପଯୁକ୍ତ ମଜୁରି ବ୍ୟବସ୍ଥା, ସରକାରଙ୍କ ବିଭିନ୍ନ କାର୍ଯ୍ୟାଳୟ ପକ୍ଷରୁ ହେଉଥିବା ବିଜ୍ଞାପନକୁ ଲାଭଖୋର ଠିକାଦାର ବଦଳରେ ପ୍ରକୃତ ପେଣ୍ଟର କିମ୍ବା ସେମାନଙ୍କ ଟିମ୍‌କୁ ଦେବାକୁ ସ୍ମାରକପତ୍ରରେ ଦର୍ଶାଯାଇଛି। ସେହଭଳି ଅନିୟମିତତାରେ ସମ୍ପୃକ୍ତ ଥିବା ଠିକାଦାରଙ୍କର ଲାଇସେନ୍ସ ରଦ୍ଦ କରି ଆଇନ ଅନୁଯାୟୀ ଦଣ୍ଡ ବ୍ୟବସ୍ଥା, ୱାଲ ପେଣ୍ଟିଂ ପାଇଁ ଆସୁଥିବା ଅନୁଦାନ କେବଳ ସେହି ଉଦ୍ଦେଶ୍ୟରେ ଖର୍ଚ୍ଚ କରିବା, ଆରଡବ୍ଲ୍ୟୁଏସ୍‌ଏସ୍‌ ପକ୍ଷରୁ ହେଉଥିବା ସ୍ବଚ୍ଛ ଭାରତର ବିଜ୍ଞାପନକୁ ଷ୍ଟିକର ବଦଳରେ ୱାଲ ପେଣ୍ଟିଂ କରିବା ପାଇଁ ଲିଖିତ ପ୍ରତିଶ୍ରୁତି ଦେବାକୁ ଅନୁରୋଧ କରାଯାଇଛି । ପ୍ରକାଶଥାଉକି କଳାକାରମାନେ ନିଜର ହକ୍‌ ପାଇଁ ଅଲ୍‌ ଓଡିଶା ପେଣ୍ଟିଂ ଆର୍ଟିଷ୍ଟ ଆଣ୍ଡ ଆଡ୍‌ଭାଟାଇଜ୍‌ମେଣ୍ଟ ୱାର୍କର୍ସ ଆସୋସିଏଶନ ଗଠନ କରିଛନ୍ତି। ହକ୍‌ ପାଇଁ ରାଜ୍ୟର ୩୦ ଜିଲାରେ ସେମାନେ ଲଢ଼େଇ ଆରମ୍ଭ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଋଷିକୂଲ୍ୟାରେ ସତର୍କ ସୂଚନାଠାରୁ ଊର୍ଦ୍ଧ୍ୱରେ ପ୍ରବାହିତ ହେଉଛି ଜଳ

ପୁରୁଷୋତ୍ତମପୁର,୭।୯(ଡି.ଏନ୍‌.ଏ.) : ଗଞ୍ଜାମ ଜିଲା ପୁରୁଷୋତ୍ତମପୁର ଅଞ୍ଚଳରେ ଦୀର୍ଘ ୪ଦିନ ହେଲା ବର୍ଷା ଲାଗିରହିଛି । ଏହାର ପ୍ରଭାବରେ ସମସ୍ତ ଅଞ୍ଚଳ ଜଳାର୍ଣ୍ଣବ ହୋଇପଡ଼ିଛି। ଏଠାରେ...

ଟ୍ରକ୍‌କୁ ଧକ୍କା ଦେଲା କୁକୁଡ଼ା ବୋଝେଇ ଗାଡି: ଜଣେ ମୃତ

ବଅଁରପାଳ,୩୦।୧୨(ଡି.ଏନ.ଏ): ଅନୁଗୋଳ ଜିଲା ତାଳଚେର ବାଇପାସ ନିକଟରେ ଏକ ଦୁର୍ଘଟଣା ଘଟିଛି। ସୋମବାର ଭୋର ସମୟରେ ୧୪୯ ନମ୍ବର ଜାତୀୟ ରାଜପଥର ଗୋମତରା ନିକଟ ପେଟ୍ରୋଲ...

ଧିମେଇଛି ଆବାସ ଯୋଜନା: ସମ୍ପୂର୍ଣ୍ଣ ହୋଇପାରିନି ଶତାଧିକ ଘର

ବଅଁରପାଳ,୪।୧୧ (ଡି.ଏନ୍‌.ଏ) ଅନୁଗୋଳ ଜିଲା ବଅଁରପାଳ ବ୍ଲକରେ ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହ କାର୍ଯ୍ୟାଦେଶ ପାଇଥିବା ଅନେକ ହିତାଧିକାରୀଙ୍କ ଘର କାମ ସମ୍ପୂର୍ଣ୍ଣ ହୋଇ ନ ପାରି...

ଟ୍ରକ୍‌କୁ ପଛରୁ ଧକ୍କା ଦେଲା ଜାଇଲୋ: ୪ ମୃତ, ୫ ଗୁରୁତର

ବାଲେଶ୍ୱର ଅଫିସ, ୨୩।୩: ପଶ୍ଚିମବଙ୍ଗ ଦାନ୍ତୁନ୍‌ ଥାନା ଅନ୍ତର୍ଗତ ନେକୁରସୁନି ଏନ୍‌ଏଚ୍‌ ୬୦ରେ ସୋମବାର ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏଥିରେ ୪ ଜଣଙ୍କ ମୃତ୍ୟୁ...

କରୋନା ଯୋଦ୍ଧା ସମ୍ମାନିତ

ଚୌଦ୍ୱାର,୨୬ା୫(ଡି.ଏନ୍‌.ଏ.): କରୋନା ଯୋଗୁ ସମଗ୍ର ରାଜ୍ୟରେ ଲକ୍‌ଡାଉନ ଜାରି ରହିଥିବା ବେଳେ କିଛି ଦିନ ସଟ୍‌ଡାଉନ ମଧ୍ୟ ଥିଲା। ଏହି ସମୟରେ କଟକ ଜିଲା ଚୌଦ୍ୱାର...

ବିପିୟୁଟି ଛାତ୍ରସଂଘର ଦାବିପତ୍ର ପ୍ରଦାନ

ବ୍ରହ୍ମପୁର ଅଫିସ,୬ା୬- ବିପିୟୁଟି ଅଧୀନସ୍ଥ ଫାର୍ମାସୀ କଲେଜଗୁଡିକରେ ହେବାକୁ ଥିବା ଫାର୍ମାସୀ ପାଠ୍ୟକ୍ରମର ଶେଷ ସେମିଷ୍ଟର ପରୀକ୍ଷାକୁ ଅନଲାଇନ୍‌ରେ କରିବାକୁ ଦାବି ହୋଇଛି । ଅଲ...

ମାସ୍କ ନ ପିନ୍ଧି ୬୦ଜଣ ଦେଲେ ଜରିମାନା

କୋଣାର୍କ,୪।୫(ଡି.ଏନ.ଏ.): କରୋନା ଲାଗି ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଥିବାବେଳେ ଏହାକୁ ଅବମାନନା କରିଥିବାରୁ ସୋମବାର କୋଣାର୍କର ୬୦ଜଣଙ୍କ ଜରିମାନା ଦେଇଛନ୍ତି। ଗୋପ ତହସିଲଦାର ପୃଥ୍ବୀରାଜ ମଣ୍ଡଳ,...

ଭଣ୍ଡାରିପୋଖରୀର ୩ କ୍ୱାରାଣ୍ଟାଇନ ସେଣ୍ଟରରୁ ୨୦ ଜଣଙ୍କ ସ୍ବାବ ସଂଗ୍ରହ

ଭଣ୍ଡାରିପୋଖରୀ,୨୩।୫ (ଡି.ଏନ୍‌.ଏ): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକର ତିନୋଟି ସଙ୍ଗରୋଧ କେନ୍ଦ୍ରରୁ କରୋନା ଲକ୍ଷଣ ଥିବା ୨୦ ପ୍ରବାସୀଙ୍କ ସ୍ବାବ ସଂଗ୍ରହ କରାଯାଇଛି। ମାଳଦା ପଞ୍ଚାୟତ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *