କ୍ରିକେଟରୁ ଅବସର ନେବା ପରେ ଯୁବରାଜ ସିଂ ମାୟାନଗରୀ ମୁମ୍ବାଇରେ ଏକ ପାର୍ଟିର ଆୟୋଜନ କରିଥିଲେ। କ୍ରିକେଟ ଜଗତଠାରୁ ଆରମ୍ଭ କରି ବଲିଉଡ କଳାକାର ଏହି ପାର୍ଟିରେ ଯୋଗ ଦେଇଥିଲେ। ଯୁବରାଜଙ୍କ ପୂର୍ବତନ ପ୍ରେମିକା ତଥା ଅଭିନେତ୍ରୀ କିମ୍ ଶର୍ମା ମଧ୍ୟ ଏହି ପାର୍ଟିକୁ ଆସିଥିଲେ। ଯାହା ଉପରେ ସମସ୍ତଙ୍କ ନଜର ରହିଥିଲା। ଯୁବରାଜ ସ୍ତ୍ରୀ ହେଜେଲ ଏବଂ କିମ୍ଙ୍କ ସହ ଫଟୋ ଉଠାଇଥିଲେ। ଏହି ଫଟୋକୁ ନିଜ ଇନଷ୍ଟାଗ୍ରାମରେ ଶେୟାର କରିଛନ୍ତି କିମ୍। ଏହାସହ କ୍ରିକେଟରେ ସଫଳ ଯୋଗଦାନ ପାଇଁ ଯୁବରାଜଙ୍କୁ ଶୁଭେଚ୍ଛା ଜଣାଇଥିଲେ ସେ। ସୂଚନାଯୋଗ୍ୟ, କ୍ରିକେଟ କ୍ୟାରିୟର ଆରମ୍ଭ ହେବାପରେ ଯୁବରାଜ କିମ୍ଙ୍କ ପ୍ରେମରେ ପଡିଥିଲେ। ଉଭୟ ଲିଭ୍-ଇନ୍ ରିଲେଶନ୍ସିପ୍ରେ କିଛିଦିନ ରହିବା ପରେ ଅଲଗା ହୋଇଯାଇଥିଲେ।
