ଭୋପାଳ,୧୯।୬: ଦେଶର ୮ଟି ରାଜ୍ୟର ୧୯ଟି ଆସନ ଲାଗି ଶୁକ୍ରବାର ମତଦାନ ଜାରି ରହିଛି। ମଧ୍ୟପ୍ରଦେଶରେ ମଧ୍ୟ ୩ଟି ଆସନ ପାଇଁ ମତଦାନ ହେଉଛି। ଇତିମଧ୍ୟରେ ମଧ୍ୟପ୍ରଦେଶରୁ ଏକ ନିଆରା ଦୃଶ୍ୟ ନଜରକୁ ଆସିଛି। କଂଗ୍ରେସର ଜଣେ ବିଧାୟକ କରୋନା ଭାଇରସ୍ ସଂକ୍ରମଣରେ ଆକ୍ରାନ୍ତ ହୋଇଥିବା ବେଳେ ସେ ମତଦାନ ପାଇଁ ପିପିଇ କିଟ୍ ପିନ୍ଧି ମତଦାନ କେନ୍ଦ୍ରକୁ ପହଞ୍ଚିଥିବା ଦେଖିବାକୁ ମିଳିଛି। ଯାହା ଏବେ ଚର୍ଚ୍ଚାର ବିଷୟ ପାଲଟିଛି। ସୂଚନାଯୋଗ୍ୟ, କଂଗ୍ରେସ ବିଧାୟକ କୁନାଲ ଚୌଧୁରୀ ପିପିଇ କିଟ୍ ପିନ୍ଧି ଦ୍ୱିପ୍ରହର ୧ଟାରେ ମତଦାନ କରିବାକୁ ବିଧାନସଭା ଭବନରେ ପହଞ୍ଚିଥିଲେ। ସେଠାରେ ସେ ମତଦାନ କରିସାରି ଫେରିିବା ପରେ ସୁରକ୍ଷା ଦୃଷ୍ଟିରୁ ମତଦାନ କେନ୍ଦ୍ର ପରିସରକୁ ପୁରା ସାନିଟାଇଜ୍ କରାଯାଇଥିଲା। ସୂଚନା ମୁତାବକ କିଛି ଦିନ ପୂର୍ବରୁ ବିଧାୟକ କୁନାଲଙ୍କ ରିପୋର୍ଟରେ କରୋନା ପଜିଟିଭ୍ ବାହାରିଥିଲା।
