ପଲିଥିନ, ପ୍ଲାଷ୍ଟିକ ବ୍ୟବହାର ଉପରେ ଲାଗୁନି ଅଙ୍କୁଶ

ରସୁଲପୁର,୧୮ା୧(ଡିଏନଏ): ୨ ଅକ୍ଟୋବର, ୨୦୧୯ରୁ ରାଜ୍ୟର ପ୍ରମୁଖ ସହରଗୁଡିକରେ ପ୍ଲାଷ୍ଟିକ ବ୍ୟବହାରକୁ ସରକାର ନିଷିଦ୍ଧ ଘୋଷଣା କରିଛନ୍ତି। ଏଥିସହ ୨ବର୍ଷ ମଧ୍ୟରେ ସମଗ୍ର ରାଜ୍ୟର ଗାଁ ଗଣ୍ଡା ଓ ଗାଁ ସଂଲଗ୍ନ ସହରାଞ୍ଚଳକୁ ପ୍ଲାଷ୍ଟିକମୁକ୍ତ କରିବା ପାଇଁ ଘୋଷଣା କଲେ। ସାମଗ୍ରିକଭାବେ ଏହି ଦାୟିତ୍ୱ ପରିବେଶ ଓ ପ୍ରଦୂଷଣ ନିୟନ୍ତ୍ରଣ ବିଭାଗକୁ ଦିଆଯାଇଛି। ଏହାବାଦ୍‌ ପ୍ଲାଷ୍ଟିକ ବନ୍ଦକୁ ତଦାରଖ କରିବା ପାଇଁ ୨ଟି ବିଭାଗକୁ ସଂଯୋଗ କରାଯାଇଛି। ସହାରାଞ୍ଚଳରେ ପ୍ଲାଷ୍ଟିକ ବ୍ୟବହାରକୁ ନିୟନ୍ତ୍ରଣ କରିବା ଦାୟିତ୍ୱ ଗ୍ରାମ୍ୟ ଉନ୍ନୟନ ବିଭାଗ ଉପରେ ନ୍ୟସ୍ତ ଥିବାବେଳେ ଗ୍ରାମାଞ୍ଚଳରେ ପ୍ଲାଷ୍ଟିକ ନିୟନ୍ତ୍ରଣ ଭାର ପଞ୍ଚାୟତିରାଜ ବିଭାଗକୁ ଦିଆଯାଇଛି। ତେବେ ଏହା ଭିତରେ ୪ମାସ ବିତିବାକୁ ବସିଲାଣି। ହେଲେ ପଲିଥିନ ଓ ହାନିକାରକ ପ୍ଲାଷ୍ଟିକ ବ୍ୟବହାର ଉପରେ ରୋକ ଲଗାଇବା ପାଇଁ ପ୍ରୟାସ କରାଯାଉଥିବା ଭଳି ମନେ ହେଉନାହିଁ। ନିକଟରେ ଯାଜପୁର ଜିଲାର କୁଆଖିଆ ଓ ଧର୍ମଶାଳା ଅଞ୍ଚଳରେ ଶେଷ ହୋଇଥିବା ୨ଟି ମହୋତ୍ସବ ସ୍ଥଳକୁ ଲକ୍ଷ୍ୟ କଲେ ଏହା ସ୍ପଷ୍ଟ ବାରି ହୋଇପଡୁଛି। ଏହି ଦୁଇଟି ସ୍ଥାନରେ ପ୍ରାୟତଃ ଦୁଇ ସପ୍ତାହ ଧରି ଉତ୍ସବ ପାଳନ ହେଲା। ମହୋତ୍ସବ ପଡିଆରେ ମୀନା ବଜାରଠାରୁ ଆରମ୍ଭ କରି ଫାଷ୍ଟଫୁଡ୍‌ ଦୋକାନ, ନାନା ପ୍ରକାର ଦୋଳି, ଚାଟ୍‌, ଗୁପ୍‌ଚୁପ୍‌, ଟି ଷ୍ଟଲ, ରାଜ୍ୟ ବାହାରର ବିଭିନ୍ନ ପ୍ରକାର ଘରକରଣା ସାମଗ୍ରୀ, ଷ୍ଟଲ ଆଦି ଯାବତୀୟ ଦୋକାନ ଖୋଲିଲା। ବିଭିନ୍ନ ସ୍ଥାନରୁ ମହୋତ୍ସବକୁ ଆସିଥିବା ଶ୍ରଦ୍ଧାଳୁମାନେ ଉତ୍ସବ ଓ ନାନା ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିବା ସହ ମନପସନ୍ଦର ସାମଗ୍ରୀ କିଣି ଫେରିଗଲେ। ଅପରପକ୍ଷରେ ବ୍ୟବସାୟୀମାନେ ଭଲ ବ୍ୟବସାୟ କରି ଲାଭବାନ ବି ହେଲେ। ହେଲେ ସାଙ୍ଗରେ ଆଣିଥିବା ବିଷାକ୍ତ ପ୍ଲାଷ୍ଟିକ୍‌କୁ ଛାଡି ଚାଲିଗଲେ। ମହୋତ୍ସବ ପଡିଆରେ ବିକ୍ଷିପ୍ତ ଭାବେ ପଡିଥିବା ପଲିଥିନ ଓ ପ୍ଲାଷ୍ଟିକ ଖଣ୍ଡଗୁଡିକ ବନ୍ଦ କରିବାରେ ବିଭାଗ ବିଫଳ ହୋଇଛି। ଏହିସବୁ ମହୋତ୍ସବ ଗ୍ରାମାଞ୍ଚଳ ବଜାରରେ ହେଉଥିବାରୁ ଏହାକୁ ରୋକିବା ପାଇଁ ପଞ୍ଚାୟତିରାଜ ବିଭାଗ ଦାୟିତ୍ୱରେ ଥିବାବେଳେ ବିଭାଗ ପକ୍ଷରୁ ଏନେଇ ସଚେତନତା ବାର୍ତ୍ତାଟିଏ ବି ଦିଆଯାଇ ନ ଥିଲା। ଏହାଛଡା ପଞ୍ଚାୟତିରାଜ ବିଭାଗର ବିଭିନ୍ନ ଅଧିକାରୀ ମହୋତ୍ସବ ସ୍ଥଳକୁ ଏକାଧିକ ଥର ଅତିଥି ହୋଇ ଆସିଛନ୍ତି। ମାତ୍ର ଏ ଦିଗରେ ପଦଟିଏ ବି ଭାଷଣ ମାଧ୍ୟମରେ କହି ନାହାନ୍ତି। ଯଦିଓ ମହୋତ୍ସବ କମିଟି ପକ୍ଷରୁ ପଡିଆରେ ବିକ୍ଷିପ୍ତ ହୋଇପଡିଥିବା ବ୍ୟବହୃତ ପଲିଥିନ ଓ ପ୍ଲାଷ୍ଟକଗୁଡିକୁ ସଫା କରାସରିଛି, କିନ୍ତୁ ସେଗୁଡିକୁ ଠିକ୍‌ଭାବେ ପରିଚଳନା କରାଯାଇ ନାହିଁ। ଖୋଲାରେ ସେଗୁଡିକୁ ପୋଡି ଦିଆଯାଇ ଥିବାରୁ ସେଥିରୁ ନିର୍ଗତ ଦୁର୍ଗନ୍ଧରେ ପରିବେଶ ଦୂଷିତ ହୋଇଛି। ଅସ୍ବାସ୍ଥ୍ୟକର ପରିବେଶ ସ୍ଥାନୀୟ ଅଞ୍ଚଳର ଜନସାଧାରଣଙ୍କୁ ପ୍ରଭାବିତ କରୁଛି। ଏହିଭଳି ଆଚରଣ ମୁଖ୍ୟମନ୍ତ୍ରୀଙ୍କ ପରିବେଶ ସୁରକ୍ଷା ଯୋଜନା ସଫଳ ହେବା ଦିଗରେ ବାଧକ ସାଜୁଛି ବୋଲି କୁହାଯାଉଛି। ସମଗ୍ର ରାଜ୍ୟକୁ ଆସନ୍ତା ୨ବର୍ଷରେ ପ୍ଲାଷ୍ଟିକମୁକ୍ତ କରିବା ସହ ପ୍ରତ୍ୟେକ ପରିବାର ନିଜ ବାଡିରେ ବୃକ୍ଷରୋପଣ କରିବାକୁ ଅନୁରୋଧ କରାଯାଇଛି। ତେବେ ଏହିସବୁ ପ୍ରୟାସ ଓ ଘୋଷଣା କେବଳ କାଗଜକଲମରେ ସୀମିତ ଥିବା ଭଳି ମନେହେଉଛି। ପ୍ଲାଷ୍ଟିକ ଓ ପଲିଥିନ ବ୍ୟବହାର ଉପରେ ରୋକ ଲାଗିବା ପାଇଁ କେହି ଯତ୍ନବାନ ନ ଥିବାବେଳେ ଏ ଦିଗରେ ସାମଗ୍ରିକ ପ୍ରୟାସ କରା ନ ଗଲେ ଅବା ପ୍ଲାଷ୍ଟିକ ଓ ପଲିଥିନର ବିକଳ୍ପ ସାମଗ୍ରୀ ପ୍ରଚଳନ ଉପରେ ଗୁରୁତ୍ୱ ଦିଆ ନ ଗଲେ ପ୍ଲାଷ୍ଟିକ ବନ୍ଦ କେମିତି ହେବ ବୋଲି ବୁଦ୍ଧିଜୀବୀଙ୍କ ମହଲରେ ମତ ପ୍ରକାଶ ପାଇଛି। ଏ ଦିଗରେ ରସୁଲପୁର ବିଡିଓ ଉମାକାନ୍ତ ପରିଡାଙ୍କୁ ପଚାରିବାରୁ, ଏହା ନିଶ୍ଚିତ ହେବା କଥା ବୋଲି ସ୍ବୀକାର କରିଛନ୍ତି। ତେବେ ଆଗାମୀ ଦିନରେ ଏ ଦିଗରେ ନିଶ୍ଚିନ୍ତ ଗୁରୁତ୍ୱ ଦେବେ ବୋଲି ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

କଠିନ ବର୍ଜ୍ୟବସ୍ତୁ ପରିଚାଳନା

ମହାନଗର ରାଉରକେଲା ସ୍ମାର୍ଟ ସିଟି ମାନ୍ୟତା ପାଇବା ପରେ ବିଭିନ୍ନ ଦୃଷ୍ଟିରୁ ଏହାର ଗୁରୁତ୍ୱ ବଢିଛି। ନାନା ଯୋଜନା ମାଧ୍ୟମରେ ସହରକୁ ନୂଆ ରୂପ ଦେବାକୁ...

ନାବାଳିକାଙ୍କୁ ବଳାତ୍କାର ଅଭିଯୋଗ: ଶେଷରେ ଆଖିବୁଜିଲେ ପୀଡ଼ିତା

କୋରୁକୋଣ୍ଡା,୮୪(ଡି.ଏନ୍‌. ଏ.): ବଳାତ୍କାରର ଶୀକାର ହୋଇଛନ୍ତି ଜଣେ ନାବାଳିକା। ଏଭଳି ଲଜ୍ଜାଜନକ ଘଟଣା ଘଟିଛି ମାଲକାନଗିରି ଜିଲାରେ। ଗତ କିଛିଦିନ ତଳେ ଏହି ଜିଲାରେ ଏକ...

୧୦ରେ ଓଡିଶା ଛୁଇଁବ ମୌସୁମୀ: ଉପକୂଳ, ଦକ୍ଷିଣ ଓଡିଶାରେ ଅତି ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୬ା୬(ବ୍ୟୁରୋ)-ବାତ୍ୟା ‘ଅମ୍ଫନ’ର କ୍ଷତ ଭରି ନ ଥିବା ବେଳେ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଆଉ ଏକ ବାତ୍ୟା ମୁଣ୍ଡ ଟେକିଲାଣି। କେନ୍ଦ୍ରୀୟ ବଙ୍ଗୋପସଗାର ମିଆଁମାର ଉପକୂଳରେ...

ହୋମ୍‌ କ୍ୱାରାଣ୍ଟାଇନ୍‌ରେ ଥିବା ଯୁବକଙ୍କ ଜୀବନଗଲା: ଶ୍ମଶାନରୁ ମୃତଦେହ ଜବତ

ପାଟପୁର,୪ା୬- ସାନଖେମୁଣ୍ଡି ବ୍ଲକ ପାଟପୁର ଥାନା ପାଟପୁର ଲଛବିଲ ସାହିରେ ହୋମ୍‌ କ୍ୱାରାଣ୍ଟାଇନ୍‌ରେ ଥିବା ଜଣେ ଯୁବକଙ୍କ ବୁଧବାର ବିଦ୍ୟୁତ ଆଘାତରେ ମୃତ୍ୟୁ ହୋଇଛି। ସେ...

ଆମ୍ବ ବଗିଚାରେ ଚାଲିଥିଲା ଜୁଆଆଡ୍ଡା: ୮ ଗିରଫ, ଟଙ୍କା ମୋବାଇଲ ଜବତ

ବ୍ରହ୍ମପୁର ଅଫିସ,୨୯।୪: ସଦର ଥାନା ଅନ୍ତର୍ଗତ ଆମ୍ବଗଡ଼ ନିକଟରେ ଥିବା ଏକ ଆମ୍ବ ବଗିଚାରେ ଜୁଆଆଡ୍ଡା ଚାଲିଥିବା ପୋଲିସ ଖବର ପାଇଥିଲା। ଗୁରୁବାର ମଧ୍ୟାହ୍ନରେ ସଦର...

୫-ଟି ସଚିବଙ୍କ ହିଞ୍ଜଳି ଗସ୍ତ: ବିଭିନ୍ନ ବିଦ୍ୟାଳୟ ପରିଦର୍ଶନ, ଶିକ୍ଷା ବ୍ୟବସ୍ଥା ସୁଧାର ଉପରେ ଗୁରୁତ୍ୱ

ଶେରଗଡ଼, ୩୧।୧(ଡି.ଏନ୍‌.ଏ.): ରାଜ୍ୟର ୫-ଟି ସଚିବ ଭି.କାର୍ତ୍ତିକେୟ ପାଣ୍ଡିଆନ ଶୁକ୍ରବାର ଗଞ୍ଜାମ ଜିଲା ହିଞ୍ଜଳି ବ୍ଲକ ଗସ୍ତରେ ଆସି ବିଭିନ୍ନ ବିଦ୍ୟାଳୟ ଏବଂ ପ୍ରକଳ୍ପ ବୁଲି...

ପ୍ରାଣନାଥ ସ୍ବୟଂଶାସିତ ମହାବିଦ୍ୟାଳୟ: ଅବସର ନେଲେ ୭ ଦିନର ଅଧ୍ୟକ୍ଷା

ଖୋର୍ଦ୍ଧା ଅଫିସ,୨ା୧: ପ୍ରାଣନାଥ ସ୍ବୟଂଶାସିତ ମହାବିଦ୍ୟାଳୟରେ ୭ଦିନ ଲାଗି ଅଧ୍ୟକ୍ଷା ଭାବେ ଯୋଗଦେଇଥିବା ଡ.ବିଶ୍ୱମୋହିନୀ ମଙ୍ଗରାଜ ଡିସେମ୍ବର ୩୧ରେ ଅବସର ଗ୍ରହଣ କରିଛନ୍ତି। ହାଇକୋର୍ଟଙ୍କ ନିର୍ଦ୍ଦେଶକ୍ରମେ...

୨୦ ଜିଲାରେ ହୋଇପାରେ ମରୁଡ଼ି

ଭୁବନେଶ୍ୱର,୬।୮(ବ୍ୟୁରୋ): ଓଡ଼ିଶାକୁ ଜୁନ୍‌ ୧ରେ ଦକ୍ଷିଣ ପଶ୍ଚିମ ମୌସୁମୀ ପ୍ରବେଶ କରିଥିଲା। ଠିକ୍‌ ସମୟରେ ମୌସୁମୀ ଆସିଥିଲେ ମଧ୍ୟ କିଛି ସ୍ଥାନରେ ବର୍ଷା ଅଭାବ ରହିଛି।...

Advertisement
Archives

Model This Week