‘ନୃତ୍ୟକଳାରେ ଲୁଚିଛି ଆମ ପରିଚୟ’: ଶାସ୍ତ୍ରୀୟ ଗବେଷଣା କେନ୍ଦ୍ର ପ୍ରତିଷ୍ଠା ଲକ୍ଷ୍ୟରେ ଶୁଭେନ୍ଦୁ

ଭଦ୍ରକ ଅଫିସ, ୨୧।୮- ଭଦ୍ରକ ଜିଲାରେ ଲୋକକଳା ଓ ସଂସ୍କୃତି ଅନନ୍ୟ। ଏ ମାଟିରେ ଶାସ୍ତ୍ରୀୟ ଓଡ଼ିଶୀ ନୃତ୍ୟ ସମେତ ମୋଗଲ ତାମସା, ଚଢେୟା ଚଢେୟାଣୀ ଲୋକ ନାଟକ, ପତର ସଉରା ଭଳି ବିଭିନ୍ନ ଲୋକକଳା ବିକଶିତ ହୋଇଛି। ଏହି ଲୋକକଳାର ବିକାଶ କରି ଏହାକୁ ଅନ୍ତର୍ଜାତୀୟ ସ୍ତରରେ ପରିଚିତ କରିବା ସହ ଶାସ୍ତ୍ରୀୟ ଓ ଲୋକକଳା ଗବେଷଣା କେନ୍ଦ୍ର ପ୍ରତିଷ୍ଠା ତାଙ୍କ ଜୀବନର ଅନ୍ୟତମ ଲକ୍ଷ୍ୟ ବୋଲି ଭଦ୍ରକର ଯୁବ ଶାସ୍ତ୍ରୀୟ ନୃତ୍ୟଶିଳ୍ପୀ ଶୁଭେନ୍ଦୁ ଲେଙ୍କା(୨୪) କହିଛନ୍ତି।
ଶୁଭେନ୍ଦୁଙ୍କ ଘର କଟସାହି ଶହୀଦନଗର ଅଞ୍ଚଳରେ। ପିଲାଟି ବେଳୁ ନୃତ୍ୟ ପ୍ରତି ତାଙ୍କର ରୁଚି ରହିଥିଲା। ପ୍ରଥମେ ସେ ଆଧୁନିକ ନୃତ୍ୟ ଶିଖିଥିଲେ। ପରେ ଶାସ୍ତ୍ରୀୟ ନୃତ୍ୟ ଓ ଲୋକ ନୃତ୍ୟ ପ୍ରତି ତାଙ୍କର ରୁଚି ବଢିଥିଲା। ଓଡ଼ିଶୀ ନୃତ୍ୟଗୁରୁ ବିଚିତ୍ରାନନ୍ଦ ସ୍ବାଇଁ, ଗୁରୁ ଶାଶ୍ୱତ ଜୋଷି, ଗୁରୁ ରବିଶଙ୍କର ଠାକୁରଙ୍କ ଠାରୁ ସେ ନୃତ୍ୟ ଶିକ୍ଷା କରି ସେବେଠାରୁ କଳାର ପ୍ରଚାର ପ୍ରସାର ଲାଗି କାର୍ଯ୍ୟ କରୁଛନ୍ତି। ସେ ରାଜ୍ୟ ଓ ରାଜ୍ୟ ବାହାରେ ବିଭିନ୍ନ ନୃତ୍ୟ ପ୍ରଦର୍ଶନ କରି ଲୋକପ୍ରିୟତା ହାସଲ କରପାରିଛନ୍ତି। ମା’ ମଞ୍ଜୁଲତା ଓ ବାପା ଜଗବନ୍ଧୁ ଲେଙ୍କାଙ୍କ ପ୍ରୋତ୍ସାହନ ପାଇ ସେ ଆଗକୁ ବଢି ଚାଲିଛନ୍ତି। ଧରିତ୍ରୀ ସହ ସାକ୍ଷାତ ଆଲୋଚନା ବେଳେ ସେ କହିଥିଲେ, ଓଡିଶୀ ନୃତ୍ୟ ବ୍ୟତୀତ ମୋଗଲ ତାମସା, ଚଢେୟା ଚଢେୟାଣୀ ଲୋକନାଟକ, ପତର ସଉରା, ଦେବଦାସୀ ନୃତ୍ୟ, ମାହାରୀ ଆଦି ନୃତ୍ୟରେ ସେ ଅଭିନୟ କରି ନିଜ ପ୍ରତିଭା ପ୍ରଦର୍ଶନ କରିଛନ୍ତି। ଯେ କୌଣସି କାର୍ଯ୍ୟକ୍ରମ ଆୟୋଜନ ହେଲେ ନୃତ୍ୟ ଓ ସଙ୍ଗୀତରୁ ଏହାକୁ ଆରମ୍ଭ କରିବା ପରମ୍ପର ରହିଛି। କେବଳ ସେତିକି ନୁହେଁ ଆମ ଲୋକକଳାରେ ଆମ ସଂସ୍କୃତିର ପ୍ରାଣସ୍ପନ୍ଦନ ଲୁଚିରହିଛି, ଯାହା ସାମାଜିକ ଜୀବନକୁ ସରସ ସୁନ୍ଦର କରିଆସିଛି। ଏଣୁ କଳାକୁ ସେ ଆପଣାଇ ଏ ଦିଗରେ ସାଧନା ଜାରି ରଖିଛନ୍ତି। ସେ ନିଜେ କୋରିଓଗ୍ରାଫର୍‌ ହୋଇ ପ୍ରାୟ ୨ ଶହରୁ ଊର୍ଦ୍ଧ୍ୱ ପିଲାଙ୍କୁ ଶାସ୍ତ୍ରୀୟ ନୃତ୍ୟ ଶିକ୍ଷାଦାନ କରିଛନ୍ତି। ଏଥିସହ ନିଜେ ୨ ଘଣ୍ଟା ଅଭ୍ୟାସ କରିଛନ୍ତି । ସେ ସିଭିଲରେ ଡିପ୍ଲୋମା ହାସଲ ପରେ ଓଡିଶୀ ନୃତ୍ୟଶିଳ୍ପୀ ପାଇଁ ବିଶାରଦ ଅଧ୍ୟୟନ କରୁଛନ୍ତି। ଏହାମଧ୍ୟରେ ସେ ବିଭିନ୍ନ ପ୍ରତିଯୋଗିତାରେ ଭାଗ ନେଇ ଅନେକ ପୁରସ୍କାର ସାଉଣ୍ଟିଛନ୍ତି। ଏଥିରେ ରାଜ୍ୟସ୍ତରୀୟ ଲୋକନୃତ୍ୟ ସମ୍ମାନ, ରାଜ୍ୟସ୍ତରୀୟ ନୃତ୍ୟପ୍ରବୀଣ ସମ୍ମାନ, ରାଜ୍ୟ ସଂସ୍କୃତି ସମ୍ମାନ, ଗୁରୁ ନାଟ୍ୟଚାର୍ଯ୍ୟ ସମ୍ମାନ, ରାଜ୍ୟ ପ୍ରତିଭା ସମ୍ମାନ, ନୃତ୍ୟ ଭାରତୀ, କଳାଭାରତୀ, ଗୁରୁକୀର୍ତ୍ତି ସମ୍ମାନ, ରାଜ୍ୟ ନାଟକ ମହୋତ୍ସବ ସମ୍ମାନ, ଜାତୀୟସ୍ତରୀୟ ଜାତୀୟ ଯୁବପ୍ରତିଭା ସମ୍ମାନ, ଜାତୀୟ ହସ୍ତତନ୍ତ ସମ୍ମାନ, ଜାତୀୟ ଜୀବନସାଧକ ସମ୍ମାନ, ଜାତୀୟ ଯୁବ ମହୋତ୍ସବ, ଜାତୀୟ ସଂସ୍କୃତି ସମ୍ମାନ, କଳାଶ୍ରୀ ସମ୍ମାନ ରହିଛି। ଏହି ଯାତ୍ରା ଆରମ୍ଭ ପଥରେ ସେ ପ୍ରଥମେ ଅସୁରାଳି ଠାରେ ହୋଇଥିବା ବ୍ଲକସ୍ତରୀୟ ପ୍ରତିଭା ଅନ୍ବେଷଣ କାର୍ଯ୍ୟକ୍ରମରେ ନିଜର ପରାକାଷ୍ଠା ପ୍ରଦର୍ଶନ କରି ପ୍ରଶଂସା ପାଇବା ପରେ ଆଉ ପଛକୁ ଫେରି ଚାହିଁ ନାହାନ୍ତି।
ଶୁଭେନ୍ଦୁ କହନ୍ତି, ନିଜ ମାଟି, ନିଜ ଭାଷା ଓ ନିଜ ନୃତ୍ୟକୁ ଆମେ ଭୁଲିବା ଉଚିତ ନୁହେଁ। ଯୁବପିଢି ଏହାକୁ ଦୃଷ୍ଟିରେ ରଖି କାର୍ଯ୍ୟକଲେ କଳା ଓ ସଂସ୍କୃତିର ବିକାଶ ହୋଇପାରିବ। ବର୍ତ୍ତମାନର ଯୁବପିଢିରେ ପ୍ରତିଭାଙ୍କର ଅଭାବ ନାହିଁ । ସେମାନେ କଳାସଂସ୍କୃତିର ବିକାଶ ଲାଗି ଉଦ୍ୟମ କଲେ ଏ ମାଟି ନିଜର ସ୍ବତନ୍ତ୍ର ପରିଚୟ ହାସଲ କରିପାରିବ।


Enter your email to get our daily news in your inbox.

All Right Reserved By Dharitri.Com

ସ୍ତ୍ରୀ ସମ୍ମୁଖରେ ସ୍ବାମୀଙ୍କ ଗଣ୍ଡି-ମୁଣ୍ଡ ଅଲଗା କରିଦେଲେ ଦୁର୍ବୃତ୍ତ

ପଡିଆ, ୧୯ା୧୨(ଡି.ଏନ.ଏ.)-ମାଲକାନଗିରି ଜିଲା ପଡିଆ ଥାନା ପଡିଆ ପଞ୍ଚାୟତ କମାରଗୁଡା ନିକଟସ୍ଥ ନନ୍ଦାଗୁଡା ଗ୍ରାମରେ ଶୁକ୍ରବାର ରାତିରେ ଏକ ଅଭାବନୀୟ ଘଟଣା ଘଟିଛି। କେତେକ ଦୁର୍ବୃତ୍ତ...

ସ୍ମିତାରାଣୀଙ୍କ ସନ୍ଦେହଜନକ ମୃତ୍ୟୁ ମାମଲା: ଆଜି ଜିଲାପାଳଙ୍କ କାର୍ଯ୍ୟାଳୟ ଘେରିବ ଭାଜପା

ରସୁଲପୁର,୫ା୧୧(ଡିଏନଏ): ଯାଜପୁର ଜିଲା ଧର୍ମଶାଳା ବ୍ଲକ ହରିଦାସପୁର ପଞ୍ଚାୟତ ନିର୍ବାହୀ ଅଧିକାରିଣୀ (ପିଇଓ) ସ୍ମିତାରାଣୀଙ୍କ ସନ୍ଦେହଜନକ ମୃତ୍ୟୁ ଘଟଣା ଜଟିଳ ହେବାରେ ଲଗିଛି। ଦିନକୁ ଦିନ...

ଛାତ୍ରୀଙ୍କୁ ଅସଦାଚରଣ, ଶିକ୍ଷକ ଅଟକ

ବଇଣ୍ଡା, ୨୭ା୩(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ବ୍ଲକ ଠାକୁରଗଡ ଥାନା ଅଞ୍ଚଳର ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ଜଣେ ଶିକ୍ଷକ ଅସଦାଚରଣ କରିଥିବା ଅଭିଯୋଗ ହୋଇଛି...

ଓଏଏସ୍‌ ପରୀକ୍ଷା ଫଳ ପ୍ରକାଶିତ :ଦେବାଶିଷ ପଣ୍ଡା ଟପ୍ପର

କଟକ ଅଫିସ, ୭ା୧- ଓଡ଼ିଶା ଲୋକସେବା ଆୟୋଗ(ଓପିଏସ୍‌ସି) ଦ୍ୱାରା ପରିଚାଳିତ ଓଡ଼ିଶା ପ୍ରଶାସନିକ ସେବା(ଓଏଏସ୍‌)ର ଚୂଡ଼ାନ୍ତ ପରୀକ୍ଷା ଫଳ ସୋମବାର ପ୍ରକାଶ ପାଇଛି। ଏଥିରେ ମୋଟ୍‌...

ଫିକା ପଡିଲା ପହିଲି ରଜ

ଭଦ୍ରକ ଅଫିସ, ୧୪ା୬-ଭଦ୍ରକ ଜିଲାରେ ସପ୍ତାହର ଦୁଇଦିନ ଶଟ୍‌ଡାଉନ ଥିବାରୁ ପହିଲି ରଜ ଫିକା ପଡ଼ିଛି । ଆଉ କିଏ ଘର ଭିତରେ ରଜ ପାଳିଛି...

ଉପଖଣ୍ଡସ୍ତରୀୟ ସଡ଼କ ସୁରକ୍ଷା କମିଟି ବୈଠକ: ଛତ୍ରପୁର ବଜାର ରାସ୍ତାରୁ ହଟିବ ଫାଷ୍ଟଫୁଡ୍‌ ଦୋକାନ

ଛତ୍ରପୁର,୧୨ା୧୨(ଡି.ଏନ.ଏ)-ଛତ୍ରପୁର ଉପଖଣ୍ଡସ୍ତରୀୟ ସଡ଼କ ସୁରକ୍ଷା କମିଟି ବୈଠକ ବୁଧବାର ସ୍ଥାନୀୟ ଉପଜିଲାପାଳଙ୍କ କାର୍ଯ୍ୟାଳୟ ସମ୍ମିଳନୀ ଗୃହରେ ଅନୁଷ୍ଠିତ ହୋଇଯାଇଛି। ଏଥିରେ ଉପଜିଲାପାଳ ପ୍ରିୟରଞ୍ଜନ ପୃଷ୍ଟି ଅଧ୍ୟକ୍ଷତା...

ବାରହା ଶିକାର ପାଇଁ ବିଛା ଯାଇଥିବା ବିଦ୍ୟୁତ ତାରରେ କେନ୍ଦୁପତ୍ର ତୋଳାଳିଙ୍କ ମୃତ୍ୟୁ

ପବିତ୍ରନଗର,୧୨।୫(ଡି.ଏନ୍‌.ଏ.): ଅନୁଗୋଳ ଜିଲା କଣିହାଁ ବ୍ଲକ ସମଲ ଥାନା କୁଲେଇ ଗ୍ରାମ୍ୟ ଜଙ୍ଗଲରେ ମଙ୍ଗଳବାର ସକାଳେ ଜଣେ କେନ୍ଦୁପତ୍ର ତୋଳାଳିଙ୍କ ମୃତ୍ୟୁ ହୋଇଛି। ବାରହା ଶିକାର...

କରୋନା ପାଇଁ ପ୍ରଶାସନିକ କଟକଣା: ନିରାଡ଼ମ୍ବରରେ ପାଳିତ ହେଲା ମା’ ସୁନାମୁହିଁ ଯାତ୍ରା

ଭଣ୍ଡାରିପୋଖରୀ, ୧୩।୪(ଡି.ଏନ.ଏ.)-ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ ନେରଡା ପଞ୍ଚାୟତ ପୁଣ୍ୟତୋୟା ବୈତରଣୀ ନଦୀ କୂଳରେ ଅବସ୍ଥିତ ପ୍ରତ୍ୟେକ୍ଷ ଦେବୀ ମା’ ସୁନାମୁହିଁ (ସୁବର୍ଣ୍ଣମୁଖୀ) ପୀଠ। ଏଠାରେ...

Advertisement
Archives

Model This Week